നിങ്ങളുടെ ഡ്രൈവിംഗ് ലൈസൻസ് നഷ്ടപ്പെടാൻ ഈ കാര്യങ്ങൾ തന്നെ ധാരാളം

Total
0
Shares
© JoZeph Immanuvel‎.

ഒരാൾക്ക് വാഹനങ്ങൾ ഓടിക്കുവാൻ ലൈസൻസ് ആവശ്യമാണ് എന്നുള്ള കാര്യം എല്ലാവര്ക്കും അറിയാവുന്ന ഒന്നാണല്ലോ. മോട്ടോർ വാഹന നിയമങ്ങളിൽ ഇടയ്ക്കിടെ മാറ്റങ്ങൾ സംഭവിക്കാറുണ്ട്. ഇപ്പോൾ നിലവിലുള്ള നിയമപ്രകാരം ചില നിയമലംഘനങ്ങൾക്ക് വെറും പിഴ മാത്രമായിരിക്കില്ല; ഡ്രൈവറുടെ ലൈസൻസ് വരെ നഷ്ടമായേക്കാവുന്ന അവസ്ഥയാണ്. അത്തരത്തിൽ നിങ്ങളുടെ ഡ്രൈവിംഗ് ലൈസൻസ് നഷ്ടപ്പെടാൻ (താൽക്കാലികമാണെങ്കിലും) കാരണമായേക്കാവുന്ന ചില കാര്യങ്ങൾ (നിയമലംഘനങ്ങൾ) അറിഞ്ഞിരിക്കാം.

1. വാഹനങ്ങളിൽ ഉച്ചത്തിൽ പാട്ട് വെക്കുന്നത് : കാർ, ടൂറിസ്റ്റ് ബസ് പോലുള്ള സ്വകാര്യ വാഹനങ്ങളിൽ എല്ലാവരും മ്യൂസിക് സിസ്റ്റം ഉപയോഗിക്കാറുണ്ടല്ലോ. എന്നാൽ കാതടപ്പിക്കുന്ന ശബ്ദത്തിൽ പാട്ടും വെച്ചുകൊണ്ട് വാഹനമോടിക്കുന്നത് ഗുരുതരമായ കുറ്റമാണ്. മുൻപ് വെറും 100 രൂപ പിഴയിൽ ഒതുക്കിത്തീർത്തിരുന്ന ഈ കേസ് ഇപ്പോൾ ഡ്രൈവിംഗ് ലൈസൻസ് വരെ നഷ്ടപ്പെടുത്തിയേക്കാം. ഇതിനു മുന്നോടിയായി ടൂറിസ്റ്റു ബസ്സുകളിൽ ഫിറ്റ് ചെയ്തിരുന്ന വലിയ സ്പീക്കറുകളെല്ലാം മോട്ടോർ വാഹന വകുപ്പ് കണ്ടെത്തി നീക്കം ചെയ്യിച്ചിരുന്നു.

2. സ്‌കൂൾ പരിസരങ്ങളിലെ അമിതവേഗത : നാം സഞ്ചരിക്കുന്ന റോഡുകളിൽ ചിലയിടത്ത് വേഗതാ നിയന്ത്രണം ഉണ്ടായിരിക്കും. അത്തരത്തിൽ ഒരു സ്ഥലമാണ് സ്‌കൂളുകളുടെയും കോളേജുകളുടെയും മുന്നിലൂടെയുള്ള വഴികൾ. വിദ്യാർത്ഥികൾ കൂട്ടത്തോടെ റോഡ് മുറിച്ചു കടക്കുവാൻ സാധ്യതയുള്ളതിനാലാണ് ഇവിടങ്ങളിൽ വേഗതാ നിയന്ത്രണം ഏർപ്പെടുത്തിയിരിക്കുന്നത്. ഇതു സംബന്ധിച്ച സൈൻ ബോർഡ് ആ പ്രദേശത്ത് വഴിവക്കിൽ സ്ഥാപിച്ചിട്ടുണ്ടാകും. കൂടാതെ അനാവശ്യമായി ഹോൺ മുഴക്കുവാനും ഇവിടെ പാടില്ലാത്തതാണ്. ഈ കാര്യങ്ങളൊന്നും കണക്കിലെടുക്കാതെ പായുന്നവർക്ക് പിഴയും അതോടൊപ്പം ലൈസൻസ് റദ്ദാക്കലും ശിക്ഷയായി ലഭിച്ചേക്കാം.

3. മൊബൈൽ ഫോൺ ഉപയോഗം : വാഹനമോടിക്കുമ്പോൾ മൊബൈൽ ഫോൺ ഉപയോഗിക്കുവാൻ പാടില്ലെന്നത് എല്ലാവർക്കും അറിയാവുന്ന ഒരു കാര്യമാണ്. ചിലരുടെ വിചാരം മൊബൈൽ ഫോൺ ചെവിയിൽ വെക്കുന്നതു മാത്രമാണ് കുറ്റമെന്നാണ്. എന്നാൽ നിയമത്തിൽ പറയുന്നത് മൊബൈൽ ഫോൺ ഉപയോഗം എന്നാണ്. അതായത് ഹെഡ് ഫോൺ ഉപയോഗിച്ചാലും, ബ്‌ളൂടൂത്ത് വഴി സംസാരിച്ചാലും, കയ്യിൽ പിടിച്ചു വാട്സ് ആപ്പ് നോക്കിയാലും ഒക്കെ കുറ്റം തന്നെയാണ്. ഗൂഗിൾ മാപ്പ്, ജി.പി.എസ്. പോലുള്ള നാവിഗേഷൻ ഉപയോഗങ്ങൾക്ക് മാത്രമേ മൊബൈൽഫോൺ ഉപയോഗിക്കാവൂ. ഇത്തരം നിയമലംഘനത്തിനു പിടിക്കപ്പെട്ടാൽ നല്ല പിഴയും കിട്ടും ചിലപ്പോൾ ലൈസൻസ് റദ്ദാക്കുകയും ചെയ്യും.

4. കാൽനടക്കാരെ അവഗണിക്കൽ : ചിലയിടങ്ങളിൽ കാൽനടയാത്രക്കാർക്ക് റോഡ് മുറിച്ചു കടക്കാനായിട്ടുള്ള സീബ്രാ ക്രോസിംഗുകൾ കണ്ടിട്ടില്ലേ? ഇത്തരത്തിൽ ആളുകൾ റോഡ് ക്രോസ് ചെയ്യുന്നത് കണ്ടാൽ വാഹനങ്ങളിലെ ഡ്രൈവർമാർ അവർ മറികടക്കുന്നതു വരെ കടന്നുപോകുവാൻ പാടില്ല എന്നാണ്. ചിലർ ആളുകൾ സീബ്രാ ലൈനിൽക്കൂടി ക്രോസ്സ് ചെയ്യുന്നതിനിടയിലൂടെ വേഗത്തിൽ വാഹനമോടിച്ചു പോകുന്നതായി കണ്ടിട്ടുണ്ട്. ഇത്തരം കുറ്റങ്ങൾ ചെയ്ത് പിടിക്കപ്പെട്ടാൽ പിഴയോടൊപ്പം നിങ്ങളുടെ ഡ്രൈവിംഗ് ലൈസൻസ് കുറച്ചു മാസത്തേക്ക് സസ്‌പെൻഡ് ചെയ്യുവാനും സാധ്യതയുണ്ട്.

5. ഫുട്പാത്തിലൂടെയുള്ള ഡ്രൈവിംഗ് : തിരക്കേറിയ റോഡുകളിൽ ട്രാഫിക് ബ്ലോക്കുകൾ ഉണ്ടാകുക സ്വാഭാവികമാണ്. ഇങ്ങനെ ബ്ലോക്കിൽപ്പെട്ടു കിടക്കുന്ന സമയത്ത് ചിലർ കാൽനട യാത്രക്കാർക്കായി തയ്യാറാക്കിയിട്ടുള്ള ഫുട്പാത്തിലൂടെ വണ്ടിയോടിച്ച് പരമാവധി മുന്നിലേക്ക് എത്തുവാൻ ശ്രമിക്കാറുണ്ട്. ഇങ്ങനെ ചെയ്യുന്നത് കുറ്റം തന്നെയാണ്. ഫുട്പാത്ത് കാൽനട യാത്രക്കാർക്ക് മാത്രമായിട്ടുള്ളതാണ്. അതിലൂടെ വാഹനമോടിക്കുന്നത് ആളുകളുടെ ജീവനു തന്നെ ആപത്താണ്. ഇങ്ങനെ ചെയ്തു പിടിക്കപ്പെട്ടാൽ പിഴയോടൊപ്പം നിങ്ങളുടെ ലൈസൻസ് റദ്ദു ചെയ്യപ്പെടാനും സാധ്യതയുണ്ട്.

6. ആംബുലൻസുകളുടെ വഴി മുടക്കിയാൽ : ഒരു ജീവൻ രക്ഷിക്കുവാൻ വേണ്ടി പാഞ്ഞു പോകുന്നവയാണ് ആംബുലൻസുകൾ. ഒരു ആംബുലൻസ് വരുന്നതു കണ്ടാൽ മറ്റു വാഹനങ്ങൾ അതിനു സുഗമമായി കടന്നു പോകുവാൻ വഴിയൊരുക്കണം എന്നാണു നിയമം. എന്നാൽ ചിലർ ആംബുലൻസുകൾക്ക് മുന്നിൽ പൈലറ്റ് വാഹനം എന്നപോലെ പറപ്പിച്ചു പോകുന്ന പ്രവണത ധാരാളമായി ഇന്ന് കാണാം. ചിലർ ആംബുലൻസുകൾക്ക് തൊട്ടു പിന്നാലെയും ഇത്തരത്തിൽ പോകാറുണ്ട്. ഇവ രണ്ടും കുറ്റകരമാണ്. ഇപ്പോൾ ആംബുലൻസുകളിൽ ഡാഷ് ക്യാമറകൾ ഘടിപ്പിച്ചിട്ടുള്ളതിനാൽ തടസ്സം നിൽക്കുന്നവരെ എളുപ്പത്തിൽ പിടിക്കുവാനും സാധിക്കും. മനഃപൂർവ്വം ആംബുലൻസുകൾക്ക് തടസ്സമായി മാറിയാൽ നിങ്ങളുടെ ലൈസൻസ് വരെ റദ്ദു ചെയ്യുവാൻ നിയമമുണ്ട് ഇപ്പോൾ.

7. റോഡുകൾ റേസിംഗ് ട്രാക്ക് ആക്കിയാൽ : ചിലർക്ക് ഒരു ഹോബിയുണ്ട്. പൊതുവായ റോഡിലൂടെ വാഹനങ്ങൾ പറപ്പിച്ചു പോകുക. ചിലപ്പോൾ സമാനചിന്താഗതിക്കാരായ മറ്റു വാഹനങ്ങളുമായി മത്സരയോട്ടവും നടത്താറുണ്ട്‌. കൂടുതലും ബൈക്ക് യാത്രികരായ യുവാക്കളാണ് ഇത്തരം പരിപാടികൾക്ക് മുന്നിൽ നിൽക്കുന്നത്. ബസ്സുകൾ തമ്മിൽ മത്സരയോട്ടം നടത്തുന്നതും ഇതേ കുറ്റം തന്നെയാണ്. ഇത്തരം കുറ്റം ചെയ്തു പിടിക്കപ്പെട്ടാൽ പിഴ, ലൈസൻസ് റദ്ദാക്കൽ തുടങ്ങിയ നടപടികൾക്ക് വിധേയമാകേണ്ടി വരികയും ചെയ്യും.

ഇനി വാഹനങ്ങളുമായി നിരത്തിലിറങ്ങുമ്പോൾ മുകളിൽ പറഞ്ഞിരിക്കുന്ന കാര്യങ്ങൾ ചെയ്യാതിരിക്കുവാൻ ശ്രദ്ധിക്കുക. നമ്മൾ നിസ്സാരമായി കണക്കാക്കുന്ന പലതും നിയമത്തിനു മുന്നിൽ കുറ്റകരമാണ് എന്നോർക്കുക. എല്ലാവർക്കും ഹാപ്പി ജേർണി…

Cover Photo – JoZeph Immanuvel‎.

1 comment
  1. Sujithetta bluetoothil samsaarikunadh atra vegan pikdikaan pathilla,drive chyumbol phone upayogikunadhe pikdikaan pathu

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post