ഹിമാചൽ മലനിരകൾക്കിടയിലെ റോത്താങ് പാസ്സിലൂടെ ഒരു സാഹസിക യാത്ര…

Total
0
Shares

മണാലിയിലേക്കുള്ള യാത്രയ്ക്കിടയിൽ ജസ്‌പാ എന്ന സ്ഥലത്ത് ഞങ്ങൾ താമസിക്കുകയും പിറ്റേദിവസം വീണ്ടും യാത്ര തുടരുകയും ചെയ്തു. ലേയിൽ നിന്നും മണാലിയിലേക്കുള്ള പാതയിൽ സഞ്ചാരികൾക്ക് സുരക്ഷിതമായി കുറച്ചു കൂടി സൗകര്യങ്ങളോടെ താമസിക്കുവാൻ ഏറ്റവും ബെസ്റ്റ് സ്ഥലം ജസ്‌പാ തന്നെയാണ്. ഞങ്ങൾ യാത്ര ചെയ്തുകൊണ്ടിരുന്ന വഴിയുടെ ഇരുവശങ്ങളിലും കോട്ടേജുകളും ടെന്റുകളുമൊക്കെ കാണുവാൻ സാധിച്ചിരുന്നു.

ചുരത്തിലൂടെ പോകുന്നതിനിടയിൽ താഴെ ഭാഗ് നദി കുത്തിയൊഴുകിക്കൊണ്ടിരുന്നു. അങ്ങനെ ഞങ്ങൾ കാഴ്ചകളെല്ലാം ആസ്വദിച്ചുകൊണ്ട് പോകുന്നതിനിടയിൽ ചുരത്തിൽ നിന്നും താഴേക്ക് ഒരു ലോറി മറിഞ്ഞു കിടക്കുന്ന കാഴ്ച കണ്ടു. ക്രെയിനൊക്കെ കൊണ്ടുവന്ന് അത് വലിച്ചു കയറ്റുവാനുള്ള പ്രയത്നത്തിലായിരുന്നു ആളുകൾ. ലോറിക്കാർക്ക് ആപത്തുകളൊന്നും ഉണ്ടാകരുതേ എന്നു പ്രാർത്ഥിച്ചുകൊണ്ട് ഞങ്ങൾ അവിടെ നിന്നും നീങ്ങി.

നല്ല തെളിഞ്ഞ കാലാവസ്ഥയായിരുന്നതിനാൽ അകലെയുള്ള മലനിരകളെല്ലാം നല്ല വ്യക്തമായി ഞങ്ങൾക്ക് കാണുവാൻ സാധിച്ചിരുന്നു. വഴിയിൽ ചെമ്മരിയാടിൻ കൂട്ടങ്ങളും, കുതിരകളും, പട്ടികളുമൊക്കെ വിഹരിച്ചു നടക്കുന്നുണ്ടായിരുന്നു. മിക്കയിടങ്ങളിലും ഞങ്ങൾ ബ്ലോക്കായി പെട്ടുപോയ അവസ്ഥയായിരുന്നു. വഴിയിൽ വാഹനത്തിരക്ക് വളരെ കുറവായിരുന്നതിനാലും, മോശമില്ലാത്ത റോഡ് ആയിരുന്നതിനാലും ഞങ്ങൾക്ക് സുഗമമായി സഞ്ചരിക്കുവാൻ സാധിക്കുന്നുണ്ടായിരുന്നു.

അങ്ങനെ പോയിപ്പോയി ഞങ്ങൾ ചെറിയൊരു ടൗൺഷിപ്പിൽ എത്തിച്ചേർന്നു. കീലോങ് എന്ന പേരുള്ള പട്ടണം ആയിരുന്നു അത്. ഡൽഹി – മണാലി – ലേ ബസ് കീലോങ്ങിൽ ആണ് ഒരു ദിവസം തങ്ങുന്നത്. സൗകര്യങ്ങളുള്ള ഒരു പട്ടണമായിരുന്നുവെങ്കിലും ജസ്‌പാ തന്നെയായിരുന്നു ഇതിലും മികച്ചത്. അങ്ങനെ ഞങ്ങൾ കീലോങ്ങും കടന്നു യാത്രയായി. പോകുന്ന വഴിയിൽ പലയിടങ്ങളിലും നല്ല കാഴ്ചകൾ കണ്ടു ഞങ്ങൾ വണ്ടി നിർത്തി ആസ്വദിച്ചിരുന്നു.

കുറേദൂരം സഞ്ചരിച്ചു കഴിഞ്ഞപ്പോൾ റോത്താങ് പാസ്സിലേക്കുള്ള ചെക്ക്‌പോസ്റ്റിൽ എത്തിച്ചേർന്നു. സഞ്ചാരികളുടെയും വണ്ടിയുടെയും വിശദവിവരങ്ങളും മറ്റും അവിടെ രേഖപ്പെടുത്തേണ്ടതായുണ്ട്. ഹാരിസ് ഇക്ക ചെക്ക്‌പോസ്റ്റിൽ ചെന്ന് വിവരങ്ങൾ രേഖപ്പെടുത്തിയ ശേഷം ഞങ്ങൾ യാത്ര തുടർന്നു. ചെക്ക്പോസ്റ്റ് കഴിഞ്ഞു മുന്നോട്ടു കുറച്ചുദൂരം ചെന്നപ്പോൾ അതാ റോഡിനു കുറുകെ ഒരു ചെറിയ അരുവി ഒഴുകുന്നു. വലിയ ബുദ്ധിമുട്ടില്ലാതെ ഞങ്ങൾ അതു മറികടന്നു.

മനോഹരമായ കാഴ്ചകൾ കണ്ടുകൊണ്ട് ഞങ്ങൾ പോകുന്നതിനിടെ മെയിൻ വഴിയിൽ എന്തോ പണികൾ നടക്കുന്നതിനാൽ ഞങ്ങളെ മറ്റൊരു വഴിയിലേക്ക് തിരിച്ചു വിടുകയുണ്ടായി. അതാണെങ്കിൽ ഒടുക്കത്തെ ഓഫ്റോഡും. ആ വഴിയിലും ഞങ്ങൾക്ക് വാട്ടർ ക്രോസ്സുകൾ കടക്കേണ്ടി വന്നു. ലോറികൾ വരെ അതുവഴി പോകുന്നതു കണ്ടപ്പോൾ സത്യം പറഞ്ഞാൽ ആ ഡ്രൈവർമാരെ നമിച്ചുപോയി. പലയിടത്തും കല്ലുകളും മണ്ണുമൊക്കെ ഇടിഞ്ഞു വീണതിന്റെ ലക്ഷണങ്ങൾ ഞങ്ങൾക്ക് കാണുവാൻ സാധിച്ചു.

എമിൽ കാർ ഡ്രൈവ് ചെയ്യുവാൻ നന്നായി ബുദ്ധിമുട്ടിയിരുന്നു. ഞങ്ങളുടെ മുന്നിൽ ഒരു മാരുതി ആൾട്ടോ കാർ പോകുന്നതു കണ്ടപ്പോൾ ഞങ്ങൾ വീണ്ടും ഒന്നമ്പരന്നു. ആൾട്ടോയുടെ പ്രകടനങ്ങൾ ഞങ്ങൾ ഇതിനു മുപ്പത്തെ യാത്രകളിലും കണ്ടിരുന്നുവെങ്കിലും ഇതുപോലുള്ള ഹെവി ഓഫ്റോഡിലൂടെ അവ എങ്ങനെ കൊണ്ടുപോകുന്നു എന്നോർത്തപ്പോളാണ് അമ്പരപ്പുണ്ടായത്.

പോകുന്ന വഴിയിൽ ഒരിടത്ത് ചെറിയ ബ്ലോക്ക് ഞങ്ങൾക്ക് അനുഭവപ്പെട്ടു. എതിരെ വന്നിരുന്ന വാഹനങ്ങൾ കടന്നുപോയപ്പോൾ ഞങ്ങളും അവിടം വിട്ടു മുന്നോട്ടു നീങ്ങി. പിന്നീട് ഇരുവശവും മഞ്ഞുമൂടിയ വഴിയിലൂടെയായി ഞങ്ങളുടെ യാത്ര. മറ്റൊരു ഇന്ത്യൻ അന്റാർട്ടിക്കയിലൂടെയായിരുന്നു ഞങ്ങളുടെ സഞ്ചാരം. നല്ല വെയിലുണ്ടായിരുന്നതിനാൽ മഞ്ഞുരുകി വഴിയിൽ നിറയെ വെള്ളം ഒഴുകുന്നുണ്ടായിരുന്നു. എന്നാലും ചിലയിടങ്ങളിൽ റോഡ് വളരെ ഡ്രൈ ആയിട്ടും കിടന്നിരുന്നു.

ചിലയിടങ്ങളിൽ സഞ്ചാരികളെല്ലാം മഞ്ഞിൽ കളിക്കുന്ന കാഴ്ച ഞങ്ങൾക്ക് കാണുവാൻ സാധിച്ചു. റോത്താങ് പാസ്സ് എന്ന വിസ്മയം കാണുവാൻ വന്ന സഞ്ചാരികളെല്ലാം നല്ല ഹാപ്പി ആയിരുന്നുവെന്ന് അവരുടെ പ്രകടനങ്ങളിൽ നിന്നും വ്യക്തമായിരുന്നു. ഞങ്ങൾ അവിടെ വണ്ടി നിർത്തി കുറച്ചു സമയം ചെലവഴിച്ചു. അവിടെ ഒരു ചേട്ടൻ ഓപ്പൺ ആയി ന്യൂഡിൽസ് ഉണ്ടാക്കി വിളിക്കുന്നുണ്ടായിരുന്നു. ഞങ്ങളും വാങ്ങിക്കഴിച്ചു അത്. ആ കാലാവസ്ഥയിൽ നിന്നുകൊണ്ട് ചൂട് ന്യൂഡിൽസ് കഴിക്കുവാൻ എന്താ ഒരു സുഖം…

വർഷത്തിൽ മൂന്നു – നാലു മാസത്തോളം മാത്രം തുറക്കുന്ന ഒരു പാസ്സ് ആണ് റോത്താങ് പാസ്സ്. ജൂൺ, ജൂലൈ മാസങ്ങളിലാണ് ഇവിടം സന്ദർശിക്കുവാൻ ഏറ്റവും അനുയോജ്യം. പ്രകൃതി സ്നേഹിയോ, ഫോട്ടോഗ്രാഫറോ, സാഹസികനോ, റൈഡറോ ആരുമായിക്കോട്ടെ, എല്ലാത്തരക്കാരെയും തൃപ്തിപ്പെടുത്തുവാൻ വേണ്ടതൊരുക്കിയിരിക്കുന്ന ഒരു കിടിലൻ സ്ഥലമാണ് റോത്താങ്പാസ്. റോത്താങ് പാസിൽ നിന്നും മണാലിയിലേക്കുള്ള യാത്രയും വിശേഷങ്ങളും ഇനി അടുത്ത എപ്പിസോഡിൽ കാണാം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post