ബാംഗ്ലൂർ കൊമേഴ്ഷ്യൽ സ്ട്രീറ്റിലെ ഷോപ്പിംഗും പാളിപ്പോയ പാവ് ബജിയും..

Total
0
Shares

ബെംഗളൂരുവിലെ രണ്ടാമത്തെ ദിവസം ഞങ്ങൾ രാവിലെ കറങ്ങുവാനായി ഹോട്ടലിൽ നിന്നും ഇറങ്ങി. ഇത്തവണ ഞങ്ങളുടെ ഒരു സുഹൃത്തായ ശേഖർ സ്വാമിയും കൂടെയുണ്ടായിരുന്നു. അങ്ങനെ ഞങ്ങൾ രാവിലെ തന്നെ സ്പെഷ്യൽ ഫുഡ് എന്തെങ്കിലും കഴിക്കുവാനായി നീങ്ങി. അവസാനം ഞങ്ങളെത്തിയത് ബസവ നഗറിലുള്ള അയ്യർ ഇഡ്‌ലിക്കടയിലേക്ക് ആയിരുന്നു. ബെംഗളൂരുവിലെ ഏറ്റവും പ്രശസ്തമായ ഒരു ഇഡ്‌ലിക്കടയാണിത്. ഞങ്ങൾ ചെന്നപ്പോൾ നല്ല തിരക്കായിരുന്നു അവിടെ.

രാവിലെ 6.30 മുതൽ 11 മണി (രാവിലെ) വരെയാണ് ഈ കട പ്രവർത്തിക്കുന്നത്. സാധാരണ ഇഡ്ഡലിയുടെ കൂടെ കിട്ടുന്ന സാമ്പാർ ഇവിടെയില്ല, ചട്ട്നി മാത്രമേയുള്ളൂ. കൂടുതലും പാഴ്സലുകളാണ് ഇവിടെ നിന്നും പോകാറുള്ളത്. ഞങ്ങൾ അൽപനേരം ക്യൂ നിന്നിട്ടാണ് അവിടെ നിന്നും ഇഡ്ഡലി വാങ്ങി കഴിച്ചത്. ഹോ.. നല്ല മൃദുവായ ഇഡ്ഡലിയും നല്ല കിടിലൻ ചമ്മന്തിയും. പത്തു രൂപയാണ് ഇവിടെ ഒരു ഇഡ്ഡലിയ്ക്ക് ചാർജ്ജ് ഈടാക്കുന്നത്. ബെംഗളൂരുവിൽ വരുന്നവർ തീർച്ചയായും രുചിച്ചിരിക്കേണ്ട ഒന്നാണ് അയ്യർ ഇഡ്ഡലി.

ഇഡ്ഡലിയും കഴിച്ചു സന്തോഷത്തോടെ ഞങ്ങൾ അടുത്ത സ്ഥലത്തേക്ക് യാത്രയായി. അൽപ്പം ഷോപ്പിംഗ് ചെയ്യുക എന്നതായിരുന്നു ഞങ്ങളുടെ ഉദ്ദേശ്യം. കൊമേഴ്‌സ്യൽ സ്ട്രീറ്റിനരികെ വാഹനങ്ങൾ ഫ്രീയായി പാർക്ക് ചെയ്യുവാനുള്ള സൗകര്യമുണ്ട്. ബെംഗളൂരുവിൽ ശിവാജി നഗറിന്റെയും എംജി റോഡിന്റെയും ഒക്കെ അടുത്തയാണ് കൊമേഴ്ഷ്യൽ സ്ട്രീറ്റ് സ്ഥിതി ചെയ്യുന്നത്. വളരെ കുറഞ്ഞ വിലയ്ക്ക് (വില പേശണം) സാധനങ്ങൾ ലഭിക്കുന്ന ബെംഗളൂരുവിലെ ഒരു ഇക്കോണമി ഹബ്ബ് ആണ് ഇത്.

കൊമേഴ്ഷ്യൽ സ്ട്രീറ്റിൽ ഇന്ത്യയുടെ വിവിധ ഭാഗങ്ങളിൽ നിന്നുള്ള കച്ചവടക്കാരെ കാണാവുന്നതാണ്. അതിനിടെ ശ്വേതയുടെ ഒരു കസിൻ സിസ്റ്റർ ഞങ്ങളോടൊപ്പം ചേരുകയുണ്ടായി. അങ്ങനെ ഞങ്ങൾ അവിടത്തെ കാഴ്ചകൾ കണ്ടുകൊണ്ട് നടന്നു. അവിടെ ലഭിക്കുന്ന എല്ലാ സാധനങ്ങളും ആദ്യം അവർ വില കൂടിയായിരിക്കും പറയുക. അവസാനം വില പേശി പേശി പകുതി തുകയ്ക്ക് വരെ ലഭിക്കും. അതെല്ലാം നമ്മുടെ കഴിവും കച്ചവടക്കാരുടെ മനസ്സും പോലെയിരിക്കും.

കൊമേഴ്ഷ്യൽ സ്ട്രീറ്റിൽ വരുന്നവർക്ക് സാധനങ്ങൾ വാങ്ങുന്നതിനോടൊപ്പം കിടിലൻ ഫുഡ് കൂടി പരീക്ഷിക്കുവാനുള്ള സൗകര്യങ്ങളുണ്ട്. അങ്ങനെ ഞങ്ങൾ അവിടെ കണ്ട ഒരു കടയിലേക്ക് ഫുഡ് പരീക്ഷിക്കുവാനായി കയറി. പാവ് ബജിയും ഗുലാബ് ജാമുനുമായിരുന്നു ഞങ്ങൾ കഴിച്ചത്. നിർഭാഗ്യവശാൽ പാവ് ബജി വളരെ മോശമായിരുന്നു. ഗുലാബ് ജാമുൻ വല്യ കുഴപ്പമില്ലായിരുന്നു. ഞങ്ങളുടെ കട സെലക്ഷൻ തെറ്റിപ്പോയി എന്നുതന്നെ പറയാം. നല്ല രുചി പ്രതീക്ഷിച്ചു കയറിയിട്ട് അവസാനം ‘പവനായി ശവമായ’ രീതിയിലായിരുന്നു ഞങ്ങൾ ആ ഹോട്ടലിൽ നിന്നും ഇറങ്ങിയത്.

പുറത്തേക്ക് ഇറങ്ങി നടക്കുന്നതിനിടെയാണ് വഴിയരികിൽ ഒരു മഞ്ഞ സ്‌കൂട്ടർ ഇരിക്കുന്നത് സുഹൃത്ത് ശേഖർ കാണിച്ചു തന്നത്. Bounce എന്ന ഒരു ആപ്പ് ഉപയോഗിച്ച് വാടകയ്ക്ക് എടുക്കാവുന്ന തരത്തിലുള്ള സ്‌കൂട്ടറായിരുന്നു അത്. മറ്റു കടമ്പകൾ ഒന്നുംതന്നെയില്ലാതെ ഓൺലൈനായി പണം അടച്ചാൽ മാത്രം മതി ഈ വണ്ടി റെന്റിനു എടുക്കുവാൻ. യാത്രയ്ക്ക് ശേഷം വണ്ടി ടൗണിൽ എവിടെ വേണമെങ്കിലും തിരിച്ചു പാർക്ക് ചെയ്തു വെക്കാവുന്നതാണ്. നോ പാർക്കിംഗ് ഏരിയകൾ, ബേസ്‌മെന്റ് പാർക്കിംഗുകൾ ഒഴികെയുള്ള സ്ഥലങ്ങളിലായിരിക്കണം ഇത്തരത്തിൽ വാഹനം പാർക്ക് ചെയ്യേണ്ടത്. എന്തായാലും സംഭവം കൊള്ളാം. നമ്മുടെ നാട്ടിലും ഇത്തരം സംഭവങ്ങൾ വരുന്നത് വളരെ നല്ലതായിരിക്കും അല്ലേ?

അങ്ങനെ ഞങ്ങൾ കൊമേഴ്ഷ്യൽ സ്ട്രീറ്റിലുള്ള കടകളിലെല്ലാം കറങ്ങി നടന്നു. അതിനിടയ്ക്ക് ആവശ്യമെന്നു തോന്നിയ സാധനങ്ങൾ ഞങ്ങൾ വാങ്ങുകയും ചെയ്തു. അപ്പോൾ ഒരിക്കൽക്കൂടി പറയുകയാണ് – ബെംഗളൂരുവിൽ വന്നിട്ട് ഷോപ്പിംഗ് മാളുകളും മറ്റും സന്ദർശിക്കുന്നതിനേക്കാൾ എന്തുകൊണ്ടും നിങ്ങൾക്ക് പ്രയോജനം ചെയ്യുക ഇത്തരത്തിലുള്ള മാർക്കറ്റുകൾ ആയിരിക്കും. അതുകൊണ്ട് ഇനി ഇവിടെ വരുന്നവർ തീർച്ചയായും ഷോപ്പിംഗിനു കൊമേഴ്ഷ്യൽ സ്ട്രീറ്റിൽ വരിക.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post