ഫിഷിംഗ് ബോട്ടിൽക്കയറി മീൻപിടിച്ച് ബംഗാരം ദ്വീപിലേക്ക് ഒരു യാത്ര

Total
25
Shares

ലക്ഷദ്വീപിലെ അഗത്തി ദ്വീപിലായിരുന്നു ഞങ്ങൾ. തലേന്ന് നാസറിക്ക പറഞ്ഞ പ്രകാരം അതിരാവിലെ ആറരയോടെ ഞങ്ങൾ ബോട്ട് ജെട്ടിയിൽ ഹാജരായി. അവിടെ ഞങ്ങളെക്കാത്ത് ഒരു ഫിഷിംഗ് ബോട്ട് തയ്യാറായിക്കിടക്കുന്നുണ്ടായിരുന്നു. കടലിൽ ഒരു മീൻപിടുത്തവും പിന്നെ ബംഗാരം എന്ന ദ്വീപിലേക്ക് ഒരു യാത്രയും. അതായിരുന്നു ഞങ്ങളുടെ പ്ലാൻ.

വൈകാതെ തന്നെ ഞങ്ങൾ കടലിലേക്ക് യാത്രയായി. ബോട്ടിൽ ഞങ്ങളെക്കൂടാതെ അഞ്ചോളം മത്സ്യത്തൊഴിലാളികളും ഉണ്ടായിരുന്നു. കടൽ പ്രക്ഷുബ്ധമല്ലാത്തതിനാൽ അധികം പേടിക്കാൻ ഒന്നുമുണ്ടായിരുന്നില്ല. ബോട്ട് കരയിൽ നിന്നും വിട്ടതോടെ ബോട്ടിലെ ഒരു ചേട്ടൻ എല്ലാവർക്കുമായി ചായയുണ്ടാക്കി. ഞങ്ങളുടേത് കൂടാതെ മറ്റു ഫിഷിംഗ് ബോട്ടുകൾ കൂടി കടലിൽ സമീപത്തായി കാണപ്പെട്ടു. ചില ബോട്ടുകളിൽ ആളുകൾ നിസ്‌കരിക്കുന്ന കാഴ്ചയും കാണാമായിരുന്നു.

അങ്ങനെ കാഴ്ചകൾ കണ്ടുകൊണ്ടിരിക്കെ ആവി പറക്കുന്ന കട്ടൻചായ റെഡിയായി. കടലിലേക്ക് പോകുന്തോറും വെള്ളത്തിന് നല്ല ഓളം ഉണ്ടായി വന്നു. അത്രയും നേരം മുകൾഭാഗത്ത് ഇരുന്നിരുന്ന ഞങ്ങൾ അതോടെ താഴേക്ക് ഇരുന്നു. ബാലൻസിംഗ് തന്നെയാണ് പ്രശ്നം. സമയം രാവിലെ ആകുന്നതേയുണ്ടായിരുന്നുള്ളൂ. സൂര്യൻ ഉദിച്ചു വരാൻ തയ്യാറായിക്കൊണ്ടിരിക്കുന്നു. കടലിൽ നിന്നും ആയിരുന്നു ഞങ്ങൾ അന്നത്തെ സൂര്യോദയം കണ്ടത്.

യാത്രയ്ക്കിടയിൽ ബോട്ടിലെ ചേട്ടന്മാർ പല തമാശകളും പറയുന്നുണ്ടായിരുന്നു.അവർ ഞങ്ങളോട് പലതരം വിശേഷങ്ങളും പങ്കുവെച്ചു. കടലിലെ മീൻപിടുത്തവും അതിനിടയിലെ അവരുടെ അവിസ്മരണീയമായ മുഹൂർത്തങ്ങളുമൊക്കെ അവർ ഞങ്ങളോട് വിവരിച്ചു. അതൊക്കെ കേട്ട് അന്തംവിട്ടുകൊണ്ട് ഞങ്ങളും ഇരുന്നു.

നേരം നന്നായി വെളുത്തപ്പോൾ ബോട്ടിലെ ചേട്ടന്മാർ ബ്രേക്ക്ഫാസ്റ്റ് തയാറാക്കുന്ന തിരക്കിലായി. തേങ്ങ ചേർത്തുണ്ടാക്കിയ അവിൽ നനച്ചതും പിന്നെ പഴവും ആയിരുന്നു ബോട്ടിലെ പ്രഭാത ഭക്ഷണം. രണ്ടുപേർ അതിനായുള്ള ഒരുക്കങ്ങൾ നടത്തിക്കൊണ്ടിരിക്കവേ, മറ്റു രണ്ടുപേർ ബോട്ടിനു പിന്നിൽ ചൂണ്ടയിട്ട് മീൻ പിടിക്കുന്ന തിരക്കിലായിരുന്നു. കടലിലെ വെള്ളം നല്ല തെളിഞ്ഞതായിരുന്നതിനാൽ അടിത്തട്ടിൽ നിന്നുള്ള കാഴ്ചകൾ ഒക്കെ അത്യാവശ്യം നന്നായി കാണുവാൻ സാധിച്ചിരുന്നു.

ബ്രേക്ക് ഫാസ്റ്റിനു ശേഷം ഞങ്ങൾ മീൻ പിടിക്കുന്ന തിരക്കിലായി. നമ്മുടെ നാട്ടിൽ കാണാത്ത തരത്തിലുള്ള (ഞാൻ ഇതുവരെ കണ്ടിട്ടില്ല) മഞ്ഞ നിറത്തിലുള്ള മീനുകൾ ആയിരുന്നു ബോട്ട് ക്യാപ്റ്റന്റെ ചൂണ്ടയിൽ കുടുങ്ങിയത്. അങ്ങനെ ഞാനും മാനുക്കയും ഒക്കെ ചൂണ്ടയിട്ടു മീനുകളെ പിടിക്കുവാൻ തുടങ്ങി. നല്ലൊരു അനുഭവം തന്നെയായിരുന്നു അത്. കടലിൽപ്പോയി മീൻപിടിക്കാനും വേണം ഒരു ഭാഗ്യം.

ചെറിയ മീനുകളും ഒപ്പംതന്നെ വലിയ ഇടത്തരം മീനുകളും ഞങ്ങൾ പിടിച്ചു ബോട്ടിൽ ശേഖരിച്ചു. പിടിച്ച മീനുകളെല്ലാം ബോട്ടിൽ വെച്ച് തന്നെ അവ കറിവെക്കുവാൻ തയ്യാറാക്കുവാൻ തുടങ്ങി. അങ്ങനെ ഞങ്ങൾ ബംഗാരം ദ്വീപിലേക്ക് ലക്ഷ്യമാക്കി ബോട്ട് പായിച്ചു. ബോട്ട് യാത്രയ്ക്കിടയിൽ അത് നിയന്ത്രിക്കുന്ന രീതിയും മറ്റുമെല്ലാം ഞാൻ മനസ്സിലാക്കി.

ഇനി ഞങ്ങളുടെ ലക്ഷ്യമായ ബംഗാരം ഐലൻഡിനെക്കുറിച്ച് ഒരൽപം വിവരണം. ലക്ഷദ്വീപിൽ പോകുന്നവർ തീർച്ചയായും കണ്ടിരിക്കേണ്ട ഒരു സ്ഥലമാണ് ബംഗാരം ദ്വീപ്. അഗത്തിയിൽ നിന്നും 12 കിലോമീറ്റർ അകലെയാണ് ഈ ദ്വീപ് സ്ഥിതി ചെയ്യുന്നത്. അഗത്തിയിൽ നിന്നും 15-20 മിനിറ്റുകൾ കൊണ്ട് ബോട്ട് മാർഗ്ഗം ഇവിടേക്ക് എത്താവുന്നതാണ്. ഹണിമൂൺ ആഘോഷിക്കുന്നവർക്ക് തിരഞ്ഞെടുക്കുവാൻ പറ്റിയ ഒരു കിടിലൻ സ്പോട്ട് ആണിത്. കൂടാതെ സ്‌കൂബാ ഡൈവിംഗ്, കയാക്കിംഗ് തുടങ്ങിയ ആക്ടിവിറ്റികളും ഇവിടെ ലഭ്യമാണ്.

കടലിൽ പോയി മീൻ പിടിക്കുക എന്നതൊരു സ്വപ്നമായിരുന്നു. ലക്ഷദ്വീപ് യാത്രയിൽ അത് സാധിച്ചു. ചൂണ്ടയിട്ട് ചെറുമീനുകൾ പിടിച്ച് അവയെ വെച്ച് വലിയ മീനുകളെ പിടിച്ച് ബോട്ടിൽ വെച്ച് തന്നെ വെട്ടിനുറുക്കി ബംഗാരം ദ്വീപിൽ പോയി പാചകം ചെയ്ത് ഞങ്ങൾ കഴിച്ചു. ശരിക്കും ഈ ബോട്ട് യാത്രയും മീൻപിടുത്തവും ഒക്കെ സഞ്ചാരികൾക്കായുള്ള ഒരു പാക്കേജ് ടൂർ ആണ്. ലക്ഷദ്വീപിൽ വരുന്നവർ തീർച്ചയായും അനുഭവിച്ചിരിക്കേണ്ട ഒന്ന്.

1 comment
Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post