നേപ്പാളിലെ കാഠ്മണ്ഡു നഗരത്തിലെ ദർബാർ സ്‌ക്വയറിലെ അമ്പരപ്പിക്കുന്ന കാഴ്ചകളും വിശേഷങ്ങളും…

Total
10
Shares

നേപ്പാൾ തലസ്ഥാനമായ കാഠ്‌മണ്ഡുവിലെ ഞങ്ങളുടെ ആദ്യത്തെ പകൽ പുലർന്നു. ഞങ്ങൾ താമസിച്ചിരുന്ന ഹോട്ടൽ ഒരു ഷോപ്പിംഗ് കോംപ്ലക്‌സിന്റെ മുകളിൽ ആയിരുന്നു. രാവിലെ തന്നെ ഞങ്ങൾ റെഡിയായി കാഠ്മണ്ഡുവിലെ കാഴ്ചകൾ കാണുവാനായി പുറത്തേക്ക് ഇറങ്ങി. ബോർഡറിൽ നിന്നും ഹാരിസ് ഇക്ക എടുത്ത സിം കാർഡ് അതുവരെ ആക്റ്റീവ് ആയില്ലായിരുന്നു. ആ കടക്കാരൻ നൈസായി പറ്റിച്ചു. സത്യം പറയാമല്ലോ, ഞങ്ങൾക്ക് ഇതുവരെ നല്ലൊരു അനുഭവം നേപ്പാളിൽ നിന്നും ഉണ്ടായിട്ടില്ല എന്നതാണ് സങ്കടകരമായ വസ്തുത. എല്ലാവരും പറ്റിക്കുകയും, പറ്റിയ്ക്കാൻ ശ്രമിക്കുകയും ചെയ്യുന്നു. കഷ്ടം തന്നെ.

ഞങ്ങളുടെ പ്രതീക്ഷകളെയെല്ലാം മാറ്റിമറിക്കുന്ന തരത്തിലായിരുന്നു കാഠ്‌മണ്ഡു ടൗണിലെ കാഴ്ചകൾ. 2015 ൽ ലോകത്തെ തന്നെ ഞെട്ടിച്ച ഭീകരമായ ഭൂകമ്പം നേപ്പാളിനെ ഒന്നടങ്കം പിടിച്ചുലച്ചിരുന്നു. കാഠ്മണ്ഡുവിലൊക്കെ ഇന്നും കെട്ടിടങ്ങളൊക്കെ പണിതുയരുന്നേയുള്ളൂ. അന്നത്തെ ഭൂകമ്പം കൊണ്ടാകാം ഇവിടെ ഇന്നും എന്തൊക്കെയോ നഷ്ടപ്പെട്ടതു പോലുള്ള ഫീൽ.. ടൗണിലെ ഒരു അണ്ടർ ഗ്രൗണ്ട് പാർക്കിംഗ് ഏരിയയിൽ കാർ പാർക്ക് ചെയ്തശേഷം ഞങ്ങൾ ഒരു കടയിൽ കയറി പുതിയ സിംകാർഡ് വാങ്ങി. നാലു മിനിറ്റ് കൊണ്ട് സിംകാർഡ് റെഡിയായി.

സിംകാർഡ് റെഡിയാക്കിയ ശേഷം ഞങ്ങൾ കാഠ്മണ്ഡുവിലെ പ്രധാനപ്പെട്ട ടൂറിസ്റ്റ് ആകർഷണങ്ങളിൽ ഒന്നായ ദർബാർ സ്‌ക്വയർ സന്ദർശിക്കുവാനായി നടന്നു നീങ്ങി. ഭൂകമ്പത്തിൽ നാശനഷ്ടങ്ങൾ സംഭവിച്ചിരുന്നതിനാൽ അവിടത്തെ പണികൾ ഇപ്പോഴും നടന്നുകൊണ്ടിരിക്കുകയായിരുന്നു. എങ്കിലും സന്ദർശകർക്ക് പ്രവേശനമുണ്ട്. സാർക്ക് രാജ്യങ്ങളിൽ നിന്നും വരുന്നവർക്ക് 150 രൂപയും മറ്റു വിദേശരാജ്യക്കാർക്ക് 1000 രൂപയുമാണ് ഇവിടേക്ക് പ്രവേശിക്കുവാനുള്ള നിരക്ക്. ഇന്ത്യക്കാർക്ക് 150 രൂപയാണെന്നു പ്രത്യേകം പറയേണ്ടല്ലോ. ഞങ്ങൾ ടിക്കറ്റും എടുത്തുകൊണ്ട് അകത്തേക്ക് കയറി. കൗണ്ടറിൽ നിന്നും ടിക്കറ്റുകൾക്കൊപ്പം ഓരോ ബ്രൗഷറും ലഭിക്കും. അതിൽ അവിടത്തെ വിവരങ്ങളെല്ലാം അടങ്ങിയിരുന്നു.

അകത്തേക്ക് നടക്കുന്നതിനിടെ നാരായൺ എന്നു പേരുള്ള ഒരു ഗൈഡിനെ ഞങ്ങൾ പരിചയപ്പെടുകയുണ്ടായി. 500 നേപ്പാളി രൂപ ഫീസ് കൊടുത്താൽ മുഴുവനും ഞങ്ങളുടെ കൂടെ നടന്നു കാര്യങ്ങൾ വിശദീകരിക്കാമെന്നു പുള്ളി സമ്മതിച്ചു. അങ്ങനെ ഞങ്ങളുടെ കൂടെ പുള്ളിയും ചേർന്നു. എല്ലാ ടൂറിസ്റ്റു കേന്ദ്രങ്ങളിലെപ്പോലെയും സഞ്ചാരികളെ ലക്ഷ്യമിട്ടുകൊണ്ട് ധാരാളം കച്ചവട സ്ഥാപനങ്ങളൊക്കെ അവിടെ ഉണ്ടായിരുന്നു. അകത്ത് ധാരാളം ക്ഷേത്രങ്ങളായിരുന്നു ഉണ്ടായിരുന്നത്. ക്ഷേത്രങ്ങളൊക്കെ നമ്മുടെ നാട്ടിലെപ്പോലെ ഒന്നുമായിരുന്നില്ല. വളരെ വ്യത്യസ്തമായിട്ടാണ് ഞങ്ങൾക്ക് തോന്നിയത്. അവിടത്തെ ശില്പങ്ങളും കൊത്തുപണികളുമെല്ലാം മികച്ചതായിരുന്നു.

ഗൈഡ് നാരായൺ ഞങ്ങൾക്ക് കാര്യങ്ങളൊക്കെ എങ്ങനെയൊക്കെയോ പറഞ്ഞു മനസിലാക്കി തന്നു. ഒരുവിധത്തിൽ ഞങ്ങൾ മനസിലാക്കിയെടുത്തു എന്നു പറയുന്നതായിരിക്കും നല്ലത്. കാരണം പുള്ളി അത്യാവശ്യം നന്നായി മദ്യപിച്ചിട്ടുണ്ടായിരുന്നു. ഞങ്ങൾ പുള്ളിയെ കൂടെക്കൂട്ടിയതിനു ശേഷമായിരുന്നു ആ കാര്യം മനസ്സിലായത്. എന്തുചെയ്യാം… അതുപോലെ തന്നെ ഒരു ക്ഷേത്രാങ്കണത്തിൽ കണ്ടു ശീലിച്ചിട്ടില്ലാത്ത കാര്യങ്ങളായിരുന്നു അവിടെ കാണുവാൻ സാധിച്ചത്. വിഗ്രഹങ്ങൾക്ക് അടുത്ത് വരെ ചെരിപ്പുകൾ ഇട്ടുകൊണ്ട് ചെല്ലുന്ന ആളുകൾ, ക്ഷേത്രത്തിൽ കത്തിച്ചു വെച്ചിരിക്കുന്ന ചിരാതിൽ നിന്നും കഞ്ചാവ് ബീഡി കത്തിച്ചു വലിക്കുന്ന സ്ത്രീകളടക്കമുള്ളവർ… ഹോ.. ഭയാനകം തന്നെ. കൂടുതലൊന്നും പറയുന്നില്ല.

ക്ഷേത്രങ്ങളിലെ കാഴ്ചകളൊക്കെ കണ്ടതിനു ശേഷം ഞങ്ങളെ ഷോപ്പിംഗിനായി ഗൈഡ് കൂട്ടിക്കൊണ്ടുപോയി. അങ്ങേരുടെ പരിചയത്തിലുള്ള കടകളിലൊക്കെ ഞങ്ങളെ നിർബന്ധിച്ചു കയറ്റി. ഒരു കടയിൽ നിന്നും ഞങ്ങൾ സാധനങ്ങളൊക്കെ വാങ്ങി. ആ കടക്കാരൻ വളരെ നല്ലൊരു മനുഷ്യനായിരുന്നു. ഞങ്ങൾക്ക് ഡിസ്‌കൗണ്ട് ഒക്കെ നൽകി. അങ്ങനെ ആദ്യമായിട്ട് നേപ്പാളിൽ നല്ലൊരു മനുഷ്യനെ പരിചയപ്പെട്ടു. അവിടെ നിന്നും ഇറങ്ങിയപ്പോൾ ഒരു ഓടക്കുഴലുകാരനെ പരിചയപ്പെട്ടു. ഒരു ഓടക്കുഴലിന് 1500 രൂപയായിരുന്നു വില. എമിൽ ഗൂർഖകൾ ഉപയോഗിക്കുന്ന തരത്തിലുള്ള ഒരു കത്തി വാങ്ങി.

എന്തായാലും നേപ്പാളിൽ വരുന്നവർ കണ്ടിരിക്കേണ്ട ഒരു സ്ഥലം തന്നെയാണ് ദർബാർ സ്‌ക്വയർ. ഗൈഡുകളെ തിരഞ്ഞെടുക്കുമ്പോൾ നോക്കിയും കണ്ടും മാത്രം തെരഞ്ഞെടുക്കുക. അല്ലാത്തപക്ഷം ചിലപ്പോൾ പണികിട്ടാൻ ചാൻസുണ്ട്. അങ്ങനെ ദർബാർ സ്‌ക്വയറിലെ കാഴ്ചകളെല്ലാം കണ്ടതിനുശേഷം ഞങ്ങൾ അവിടെ നിന്നും പുറത്തേക്ക് ഇറങ്ങി. കാഠ്മണ്ഡുവിലെ അടുത്ത കാഴ്ചകളും കറക്കവുമെല്ലാം ഇനി അടുത്ത എപ്പിസോഡിൽ…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post