കുറഞ്ഞ ചെലവിൽ വാലന്റൈൻസ് ഡേ ആഘോഷിക്കുവാൻ ബെംഗളൂരുവിലെ ചില സ്ഥലങ്ങൾ..

Total
0
Shares

ഇന്ന് വർഷത്തിൽ 365 ദിവസങ്ങൾക്കും എന്തെങ്കിലും പ്രത്യേകതകൾ ഉള്ളതായി നമുക്ക് കാണാം. അധ്യാപക ദിനം, പുകവലി വിരുദ്ധ ദിനം, ഭൗമദിനം, എന്നിങ്ങനെ പോകും അത്. ഇവയിൽ ലോകമെമ്പാടും സന്തോഷത്തോടെ കൊണ്ടാടുന്ന ഒരു ദിനമാണ് ഫെബ്രുവരി 14, വാലൻന്റൈൻ ദിനം അഥവാ പ്രണയദിനം. ലോകമെമ്പാടുമുള്ള ആളുകൾ തങ്ങൾ സ്നേഹിക്കുന്നവർക്ക് ഈ ദിനത്തിൽ ഇഷ്ടം അറിയിക്കുകയും സമ്മാനങ്ങൾ നൽകുകയും ചെയ്യുന്നു.

വാലന്റൈൻ ദിനത്തിനു പിന്നിൽ വലിയൊരു കഥ തന്നെയുണ്ട്. ആ കഥ പറഞ്ഞു പോസ്റ്റ് വലിച്ചു നീട്ടുന്നില്ല. ആ കഥ അറിയണമെന്നുള്ളവർ ചുമ്മാ ഒന്നു ഗൂഗിളിൽ തപ്പുക. വാലന്റൈൻ ദിനത്തിൽ തങ്ങളുടെ പ്രിയപ്പെട്ടവർക്ക് സമ്മാനങ്ങൾ നൽകുന്നതിനൊപ്പം അവരുടെ കൂടെ അല്പം റൊമാന്റിക് മൂഡ് നല്കുന്നയിടങ്ങളിൽ ചെലവഴിക്കാറുമുണ്ട്. പിന്നൊരു കാര്യം ഭാര്യ ഭർത്താക്കന്മാർക്കും വാലന്റൈൻ ദിനം ആഘോഷിക്കാം കേട്ടോ. ഇത്തരത്തിൽ ബെംഗളൂരുവിൽ ഉള്ളവർക്ക് പ്രണയദിനം ആഘോഷിക്കുവാൻ പറ്റിയ ചില സ്ഥലങ്ങളെ പരിചയപ്പെടുത്തി തരാം.

1. നന്ദി ഹിൽസ് : ബെംഗളൂരുവിലുള്ളവർ പ്രധാനമായും വാലന്റൈൻ ദിനം ആഘോഷിക്കുവാൻ തിരഞ്ഞെടുക്കാറുള്ള സ്ഥലമാണ് നന്ദി ഹിൽസ്. അതിരാവിലെ എത്തുന്ന സഞ്ചാരികളെ കോടമഞ്ഞിൽ കുളിച്ചുനിൽക്കുന്ന നന്ദി ഹിൽസ് ഏറെ ആകർഷിക്കുന്നു. ബാംഗ്ലൂരിലെ ഹെബ്ബാളിൽ നിന്നും 52 കിലോമീറ്റർ അകലെ എൻ എച്ച് ഏഴിൽ (ബെല്ലാരി റോഡ്) നിന്നും അല്പം മാറി സമുദ്രനിരപ്പിൽനിന്ന് 1479 മീറ്റർ ഉയരത്തിലാണ് ഇത് സ്ഥിതിചെയ്യുന്നത്. വാലന്റൈൻ ദിനത്തിൽ നല്ല തിരക്കായിരിക്കും ഇവിടെ എന്നുകൂടി ഓർക്കണേ.

2. വൈൻ ടൂർ : മുന്തിരിപ്പാടങ്ങളുടെ സൗന്ദര്യം ആസ്വദിക്കുകയും ഒപ്പം നല്ല രുചിയേറിയ വൈൻ കുടിക്കുകയും ചെയ്യാം. കേൾക്കുമ്പോൾ തന്നെ എന്താ ഒരു രസം അല്ലേ? ബെംഗളൂരുവിൽ നിന്നും അൽപ്പം മാറിയുള്ള പരിസരങ്ങളിൽ ധാരാളം മുന്തിരിപ്പാടങ്ങളുണ്ടെങ്കിലും ബെംഗളൂരുവിൽനിന്നും ഏകദേശം 50 കിലോമീറ്റർ ‍ദൂരെയായി സ്ഥിതി ചെയ്യുന്ന രാമനഗരം എന്ന സ്ഥലത്തെ വൈൻ ടൂർ കുറച്ചുകൂടി പ്രസിദ്ധമാണ്. 250 രൂപയോളമാണ് ഈ പാക്കേജിന് ഏകദേശം ചാർജ്ജ് വരുന്നത്. രാവിലെ 10.30 ഓടെ ആരംഭിക്കുന്ന വൈൻ ടൂർ വൈകുന്നേരം 4.30 വരെ ഉണ്ടായിരിക്കും. കൂടുതൽ വിവരങ്ങൾക്ക് :
https://bit.ly/2S0mH6i.

3. ലാൽബാഗ് : 240 ഏക്കറിലായി ബാംഗ്ലൂർ നഗരത്തിന്റെ തെക്കു വശത്തായിട്ടാണ്‌ ലാൽബാഗ് എന്ന ഈ ഉദ്യാനം സ്ഥിതി ചെയ്യുന്നത്. ഫാമിലിയായി എത്തുന്ന സഞ്ചാരികളേക്കാൾ പതിന്മടങ്ങ് പ്രണയജോഡികളെ നമുക്ക് ലാൽബാഗിൽ കാണാവുന്നതാണ്. നഗരത്തിന്റെ ഉള്ളിലാണെങ്കിലും ഇതിനുള്ളിൽ കയറിയാൽ മറ്റൊരു ലോകം പോലെയായിരിക്കും നിങ്ങൾക്ക് തോന്നുക. സാധാരണക്കാരായ ദമ്പതികൾക്കും പ്രണയജോഡികൾക്കും അനുയോജ്യമായ ഒരു സ്ഥലമാണ് ഇത്.

4. ഉൾസൂർ തടാകം : ബെംഗളൂരു നഗരത്തിനു തൊട്ടടുത്തായി സ്ഥിതി ചെയ്യുന്ന മനോഹരമായ ഒരു തടാകമാണ് ഉൾസൂർ തടാകം. നഗരത്തിന്റെ അഭിമാനം എന്നാണിത് അറിയപ്പെടുന്നത്. കാലാകാലങ്ങളാൽ മനുഷ്യന്റെ ഇടപെടലുകൾ കാരണം തടാകത്തിന്റെ പഴയ സൗന്ദര്യം കുറഞ്ഞെങ്കിലും പ്രണയാതുരമായ നിമിഷങ്ങൾ ചെലവഴിക്കുവാൻ ഇവിടം അനുയോജ്യമാണ്. ഈ തടാകത്തിലെ ബോട്ടിംഗ് തീർച്ചയായും നിങ്ങൾ ഒന്ന് ട്രൈ ചെയ്യേണ്ടതാണ്. രാവിലെ 6 മുതൽ രാത്രി 8 വരെ തടാകം സന്ദർശകർക്കായി തുറന്നിരിക്കും.

5. വണ്ടർ ലാ : ബെംഗളൂരുവിലെ പ്രശസ്തമായ ഒരു അമ്യൂസ്‌മെന്റ് പാർക്കാണ് വണ്ടർ ലാ. നമ്മുടെ കൊച്ചിയിലെ വണ്ടർലാ (വീഗാലാൻഡ്) യുടെ സഹോദരനായിട്ടു വരും ഈ പാർക്ക്. ബെംഗളൂരുവിൽ നിന്നും 28 കിലോമീറ്റർ ദൂരത്തായാണ് വണ്ടർലാ സ്ഥിതി ചെയ്യുന്നത്. പ്രണയജോഡികൾക്കും ദമ്പതിമാർക്കും കൂട്ടമായി വന്നുകൊണ്ടും ഒറ്റയ്‌ക്കൊറ്റയ്ക്കും വേണമെങ്കിൽ ഇവിടെ വന്നു അടിച്ചുപൊളിക്കാവുന്നതാണ്. ഒരൽപം വെറൈറ്റി ആയിക്കോട്ടെ.

6. മുത്യാല മടവു : ബെംഗളൂരുവിൽ നിന്നും ഏകദേശം 45 കിലോമീറ്ററോളം ദൂരത്തായി സ്ഥിതി ചെയ്യുന്ന മനോഹരമായ ഒരു പ്രദേശമാണ് മുത്യാല മടവു. പേൾവാലി എന്നുകൂടി അറിയപ്പെടുന്ന ഇവിടെ ഒരു ചെറിയ വെള്ളച്ചാട്ടം സ്ഥിതി ചെയ്യുന്നുണ്ട്. ബെംഗളൂരുവിൽ നിന്ന് ഹോസൂർ റോഡിലൂടെ പോയിട്ട് ഇലക്ട്രോണിക് സിറ്റി കഴിഞ്ഞ് ചന്ദ്രാപുരയിൽ നിന്ന് അനേക്കൽ വഴി ഇവിടെ എത്തിച്ചേരാനാവും. അതിരപ്പിള്ളി പോലത്തെ ഒരു വലിയ വെള്ളച്ചാട്ടം പ്രതീക്ഷിച്ചുകൊണ്ട് ഇവിടേക്ക് പോകുന്നവർക്ക് നിരാശയായിരിക്കും ഫലം. ചുമ്മാ അങ്ങ് സ്ഥലങ്ങൾ കാണുവാനും കറങ്ങാനും പറ്റിയ ഒരു സ്ഥലമെന്നു കരുതി പോയാൽ മതി.

7. ബന്നാര്‍ഘട്ട നാഷണല്‍ പാര്‍ക്ക് : ബെംഗളൂരു നഗരത്തിനു സമീപമായി പങ്കാളിയുമായി ഒന്നു കറങ്ങാന്‍ ‌പറ്റിയ മികച്ച ഒരു സ്ഥലമുണ്ട്. അതാണ് ബന്നാര്‍ഘട്ട നാഷണല്‍ പാര്‍ക്ക്. മൃഗശാ‌ലയും പാര്‍‌ക്കും ജംഗിള്‍ സഫാരിയുമാണ് ഇവിടു‌ത്തെ പ്രധാനപ്പെട്ട ആകര്‍ഷണങ്ങള്‍. ഇവിടെ വരുന്നവർക്ക് ടിക്കറ്റ് എടുക്കുവാനായി നല്ലൊരു ക്യൂവിൽത്തന്നെ നിൽക്കേണ്ടി വരും. ഇതിൽ നിന്നും രക്ഷ നേടുവാനായി ഒരു വഴി പറഞ്ഞു തരാം. http://bannerghattabiologicalpark.org എന്ന വെബ്‌സൈറ്റിൽ കയറി ഓൺലൈനായി ഇവിടേക്കുള്ള ടിക്കറ്റുകൾ ബുക്ക് ചെയ്യാവുന്നതാണ്. കുട്ടികൾക്കും മുതിർന്ന പൗരന്മാർക്കും ഫീസുകളിൽ ഇളവുകൾ ലഭിക്കുന്നതാണ്. അതാകുമ്പോൾ ക്യൂവും നിൽക്കണ്ട സമയവും ലാഭം. 

ഇവിടെ വരുന്നവർ ഒരിക്കലും കാടിനുള്ളിലേക്കുള്ള സഫാരി മിസ്സ് ചെയ്യാൻ പാടില്ല. ബെംഗളൂരുവിലെ പ്രധാന സ്ഥലങ്ങളിൽ നിന്നും ഇവിടേക്ക് BMTC യുടെ വോൾവോ ബസ്സുകൾ സർവ്വീസ് നടത്തുന്നുണ്ട്. സ്വന്തമായി വാഹനങ്ങൾ ഇല്ലാത്തവർക്ക് ഇവിടെ വരുന്നതിനായി ഈ ബസ്സുകളെ ആശ്രയിക്കാവുന്നതാണ്. 

8. ഫോറം മാൾ : പ്രത്യേകിച്ച് പുറത്ത് എവിടെയും പോകുവാൻ താല്പര്യം ഇല്ലാത്തവർക്ക് വേണമെങ്കിൽ ചുമ്മാ കാഴ്ചകൾ കണ്ടു നടക്കുവാൻ കോറമംഗലയിലെ ഫോറം മാളിലേക്ക് പോകാം. വേണമെങ്കിൽ മാളിലെ റെസ്റ്റോറന്റുകളിൽ നിന്നും ഭക്ഷണം കഴിക്കാം, മൾട്ടിപ്ലെക്സിൽ കയറി സിനിമ കാണാം, ചെറിയ ഷോപ്പിംഗ് നടത്താം.. അങ്ങനങ്ങനെ സമയം ചെലവഴിക്കാം. കപ്പിൾസ് ആയി വരുന്നവർക്ക് ഒരു ദിവസം മുഴുവൻ വേണമെങ്കിൽ ഇവിടെത്തന്നെ ചിലവഴിക്കാവുന്നതാണ്.

അപ്പോൾ വൈകണ്ട, ബെംഗളൂരുവിൽ ഉള്ള മലയാളി സുഹൃത്തുക്കൾ ഇപ്പോൾ തന്നെ നിങ്ങളുടെ ഇത്തവണത്തെ വാലന്റൈൻസ് ഡേ ഇവിടങ്ങളിൽ എവിടെയെങ്കിലും പ്ലാൻ ചെയ്യൂ. പറ്റുമെങ്കിൽ പങ്കാളിയ്ക്ക് ഒരു സർപ്രൈസ് ആയിക്കോട്ടെ. പിന്നൊരു കാര്യം കല്യാണം കഴിക്കാത്ത പ്രണയജോഡികൾ നിങ്ങളുടെ സ്വന്തം റിസ്‌ക്കിൽ കറങ്ങാൻ പോകുക. പരിസരം മറന്നുള്ള പ്രണയം പങ്കുവെക്കൽ കൈയോടെ ഒഴിവാക്കുക. അപ്പോൾ എല്ലാവർക്കും ഹാപ്പി വാലന്റൈൻസ് ഡേ..

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം. 1. നെല്ലിയാമ്പതി – തൃശ്ശൂരിന്റെ അയൽജില്ലയായ…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post