കേരളത്തിൽ നിന്നും മധുരയിലേക്ക് സർവ്വീസ് നടത്തുന്ന കെഎസ്ആർടിസി ബസ്സുകൾ

Total
0
Shares

തമിഴ്നാട്ടിൽ വൈഗൈ നദിക്കരയിൽ സ്ഥിതി ചെയ്യുന്ന ഒരു പൗരാണിക നഗരമാണ് മധുര. തമിഴ്‌നാട്ടിലെ ഏറ്റവും പേരുകേട്ട നഗരങ്ങളിലൊന്നും കൂടിയാണ് ഇന്ന് മധുര അറിയപ്പെടുന്നത്. മധുര എന്നു കേൾക്കുമ്പോൾ നമ്മുടെയുള്ളിൽ ആദ്യം ഓടിവരുന്നത് മധുരയിലെ മീനാക്ഷി ക്ഷേത്രമാണ്. മലയാളികൾ അടക്കമുള്ള ധാരാളം ആളുകളാണ് മധുര മീനാക്ഷി ക്ഷേത്ര ദർശനത്തിനായി ഇവിടെയെത്തിച്ചേരുന്നത്. ക്ഷേത്രത്തെ കൂടാതെ ഫുഡ് എക്‌സ്‌പ്ലോർ, തുണിത്തരങ്ങൾ തുടങ്ങി മധുരയിൽ കാണുവാനും അനുഭവിച്ചറിയുവാനുമൊക്കെ ധാരാളം സംഭവങ്ങളുണ്ട്. മലയാളികൾ മധുരയിലേക്ക് പോകുന്നത് സാധാരണയായി ടൂറിസ്റ്റ് വാഹനങ്ങൾ വാടകയ്ക്ക് എടുത്തുകൊണ്ടാണ്. എന്നാൽ വളരെ ചിലവ് കുറച്ച് ബസ് മാർഗ്ഗവും മധുരയിൽ എത്തിച്ചേരാം. കേരളത്തിലെ നാലു പ്രധാന സ്ഥലങ്ങളിൽ നിന്നും കെഎസ്ആർടിസി ബസ്സുകൾ മധുരയിലേക്ക് നേരിട്ട് സർവ്വീസ് നടത്തുന്നുണ്ട്. അവയുടെ വിശദവിവരങ്ങളാണ് ഇനി പറയുവാൻ പോകുന്നത്.

1 കൊല്ലം – മധുര ഫാസ്റ്റ് പാസഞ്ചർ : കൊല്ലത്തു നിന്നും ദിവസേന രാത്രി 10.45 നു പുറപ്പെടുന്ന ഈ കെഎസ്ആർടിസി ഫാസ്റ്റ് പാസഞ്ചർ ബസ് 11.35 നു കൊട്ടാരക്കര, പുനലൂർ, ആര്യങ്കാവ്, തെങ്കാശി, രാജപാളയം വഴിയാണ് മധുരയിലേക്ക് പോകുന്നത്. മധുരയിൽ ഈ ബസ് പിറ്റേദിവസം വെളുപ്പിന് 6.30 നു എത്തിച്ചേരും. മധുരയിൽ നിന്നും തിരികെ ഈ ബസ് ഉച്ചയ്ക്ക് 12 നു പുറപ്പെടുകയും വൈകീട്ട് 7.45 നു കൊല്ലത്ത് എത്തിച്ചേരുകയും ചെയ്യും. ഈ ബസ് സർവ്വീസിന് ഓൺലൈൻ റിസർവേഷൻ ലഭ്യമല്ല.

2. തിരുവല്ല – മധുര സൂപ്പർഫാസ്റ്റ് : പത്തനംതിട്ട ജില്ലയിലെ തിരുവല്ലയിൽ നിന്നും ദിവസേന രാത്രി 8 മണിക്കാണ് മധുരയിലേക്കുള്ള സൂപ്പർഫാസ്റ്റ് ബസ് പുറപ്പെടുന്നത്. ചങ്ങനാശ്ശേരി, കോട്ടയം, മുണ്ടക്കയം, കുമളി, കമ്പം, തേനി വഴിയാണ് ഈ ബസ് കടന്നു പോകുന്ന റൂട്ട്. ഈ ബസ് പിറ്റേന്നു വെളുപ്പിന് 3.25 നു മധുരയിൽ എത്തിച്ചേരും. ഈ ബസ് മധുരയിൽ നിന്നും തിരികെ രാവിലെ 8 നു പുറപ്പെടുകയും വൈകീട്ട് 3.25 നു തിരുവല്ലയിൽ എത്തിച്ചേരുകയും ചെയ്യും. തിരുവല്ല – മധുര ടിക്കറ്റ് നിരക്ക് 258 രൂപയാണ്. ഈ സർവ്വീസിന് ഓൺലൈൻ റിസർവേഷൻ സൗകര്യം ലഭ്യമാണ്.

3. എറണാകുളം – മധുര സൂപ്പർഫാസ്റ്റ് : മധ്യകേരളത്തിലെ എറണാകുളത്തു നിന്നും മധുരയിലേക്ക് രാത്രി 7.45 നു പുറപ്പെടുന്ന ഈ ബസ് വൈക്കം, കോട്ടയം, മുണ്ടക്കയം, കുമളി, തേനി വഴി സഞ്ചരിച്ച് പിറ്റേ ദിവസം വെളുപ്പിന് 5 മണിയോടെ മധുരയിൽ എത്തിച്ചേരും. ഈ ബസ് മധുരയിൽ നിന്നും തിരികെ ഉച്ചയ്ക്ക് 12.30 നു പുറപ്പെടുകയും രാത്രി 9.40 നു എറണാകുളത്ത് എത്തിച്ചേരുകയും ചെയ്യും. എറണാകുളം – മധുര ടിക്കറ്റ് നിരക്ക് 297 രൂപയാണ്. ഈ സർവ്വീസിന് ഓൺലൈൻ റിസർവേഷൻ സൗകര്യം ലഭ്യമാണ്. കെഎസ്ആർടിസിയിൽ ഏറ്റവും കൂടുതൽ റെസ്റ്റ് സമയം ലഭിക്കുന്ന സൂപ്പർഫാസ്റ്റ് സർവ്വീസ് എന്ന സവിശേഷതയും ഈ സർവ്വീസിനുണ്ട്. തിരികെ രാത്രി 9.40 ഓടെ എറണാകുളം ഡിപ്പോയിൽ സർവ്വീസ് അവസാനിപ്പിക്കുന്ന ഈ ബസ് പിറ്റേദിവസം രാത്രി 7.45 വരെ വിശ്രമത്തിലായിരിക്കും.

4. കണ്ണൂർ – മധുര സൂപ്പർഫാസ്റ്റ് : വടക്കൻ കേരളത്തിൽ നിന്നുള്ള കെഎസ്ആർടിസിയുടെ ഒരേയൊരു മധുര സർവ്വീസാണിത്. കണ്ണൂരിൽ നിന്നും വൈകീട്ട് 6.15 നു പുറപ്പെടുന്ന ഈ ബസ് കോഴിക്കോട്, മലപ്പുറം, പാലക്കാട്, പൊള്ളാച്ചി, പഴനി വഴി പിറ്റേ ദിവസം വെളുപ്പിന് 6.45 ഓടെ മധുരയിൽ എത്തിച്ചേരും. ഈ ബസ് മധുരയിൽ നിന്നും തിരികെ വൈകീട്ട് 5 നു പുറപ്പെടുകയും പിറ്റേ ദിവസം വെളുപ്പിന് 5.20 നു കണ്ണൂരിൽ എത്തിച്ചേരുകയും ചെയ്യും. കണ്ണൂർ – മധുര ടിക്കറ്റ് ചാർജ്ജ് 448 രൂപയാണ്. ഈ സർവ്വീസിന് ഓൺലൈൻ റിസർവേഷൻ സൗകര്യം ലഭ്യമാണ്.

ഇതുകൂടാതെ കേരളത്തിലെ ചില സ്ഥലങ്ങളിൽ നിന്നും തമിഴ്‌നാട് ട്രാൻസ്‌പോർട്ട് കോർപ്പറേഷന്റെ മധുര സർവ്വീസുകളും ലഭ്യമാണ്. അവയുടെ സമയവിവരങ്ങൾ ലഭ്യമല്ലാത്തതിനാലാണ് ഇതിൽ ചേർക്കാതിരുന്നത്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post