ഗാന്ധിജയന്തി ദിനത്തിൽ മഹാത്മാജിയുടെ ഓർമ്മകളുറങ്ങും വയനാടൻ മണ്ണിൽ

Total
0
Shares

വിവരണം – ശുഭ ചെറിയത്ത്.

ഒക്ടോബർ രണ്ട് നമ്മുടെ രാഷ്ട്രപിതാവും സ്വാതന്ത്യ സമര ചരിത്രത്തിലെ ജ്വലിക്കുന്ന സാന്നിധ്യവുമായ മാഹാത്മജിയുടെ ജന്മദിനം .അഹിംസയും സത്യവും ജീവിത മുദ്രയാക്കിയ ആ മഹാത്മാവിൻ്റെ ജന്മദിനത്തിലാണ് വയനാടിൻ്റെ ആസ്ഥാനമായ കല്പറ്റയിൽ നിന്നും നാല് കിലോമീറ്റർ അകലെയുള്ള പുളിയാർ മലയിലെ മഹാത്മാഗാന്ധി മ്യൂസിയം & ലൈബ്രറി സന്ദർശിക്കാൻ ഞങ്ങൾ തെരഞ്ഞെടുത്തതും .

പുളിയാർ മലയിലെ ജൈന ക്ഷേത്രമായ അനന്തനാഥ സ്വാമി ക്ഷേത്രത്തിന് തൊട്ടടുത്താണ് ഈ മ്യൂസിയം. 1934 ജനുവരി 14 ന് ഹരിജനോദ്ദാരണത്തിൻ്റെ ഭാഗമായി വയനാട് സന്ദർശിച്ചപ്പോൾ മഹാത്മജി വിശ്രമിച്ച മുറി ഇവിടെ സംരക്ഷിക്കപ്പെട്ടിരിക്കുന്നു .സുബയ്യ ഗൗഡർ തൻ്റെ സ്വത്തിൻ്റെ നല്ലൊരു ഭാഗം ഹരിജന ക്ഷേമത്തിനായി വിൽപത്രത്തിൽ നീക്കി വച്ചിരുന്നത് ഏറ്റുവാങ്ങാനായിരുന്നു ഗാന്ധിജിയുടെ സന്ദർശനം .ഗാന്ധിജിയുടെ പാദസ്പർശമേറ്റയിടം തന്നെ മ്യൂസിയമാക്കപ്പെട്ടു എന്നത് മ്യൂസിയത്തിൻ്റെ പ്രാധാന്യം വർദ്ധിപ്പിക്കുന്നു .

രാവില 10 മണിയോടെ മ്യൂസിയത്തിലെത്തുമ്പോൾ ജീവനക്കാരൻ മാത്രമേ ഉണ്ടായിരുന്നുള്ളൂ .പ്രധാന വാതിൽ വഴി അകത്തേക്ക് കടക്കുമ്പോൾ ആദ്യം കാണുക മഹാത്മജിയുടെ പ്രതിമയാണ് .വിശാലമായ ആ ഹാളിൽ ഗാന്ധിയുമായ് ബന്ധപെട്ട അപൂർവ്വ ചിത്രങ്ങൾ പ്രദർശിപ്പിച്ചിട്ടുണ്ട് .ഗാന്ധിജി ഇന്ത്യൻ സ്വാതന്ത്രസമരത്തിൻ്റെ നായകത്വം വഹിച്ചതു മുതലുള്ള സുപ്രധാന സംഭവങ്ങളുടെ ചിത്രശേഖരം സ്വതന്ത്ര സമര ചരിത്രത്തിൻ്റെ നാൾ വഴികളിലൂടെ നമ്മെ നയിക്കും . പലപ്പോഴായി ഗാന്ധിജി എഴുതിയ കത്തുകൾ , അദ്ദേഹത്തിന്റെ ആശയങ്ങൾ ഒക്കെ ഇവിടെ നിന്നും ഗ്രഹിക്കാം . കൂടാതെ ഗാന്ധിജിയുടെ ബാല്യത്തിലെയും കൗമാരത്തിലേയും അപൂർവ്വ ചിത്രങ്ങൾ ,സുഭാഷ് ചന്ദ്രബോസ് ,രവീന്ദ്രനാഥ ടാഗോർ , ജവഹർലാൽ നെഹ്റു തുടങ്ങിയവർക്കൊപ്പമുള്ള ചിത്രങ്ങളും പ്രദർശനത്തിനുണ്ട് .

1928ൽ സ്വാതന്ത്ര സമര പ്രസ്ഥാനത്തിൻ്റെ ഭാഗമായി രൂപം കൊണ്ട മാത്രഭൂമി പത്രത്തിൽ അക്കാലത്ത് വന്ന സുപ്രധാന വാർത്തകളും വായനക്കായിവിടെ സജ്ജമാക്കിയിട്ടുണ്ട് .ഗാന്ധിജിയുടെ കേരള സന്ദർശനവും പ്രധാന നേതാക്കളുടെ അറസ്റ്റു വാർത്തയുമൊക്കെ അദ്ഭുതപൂർവ്വം ഞാനും വായിച്ചു .ഇവിടെത്തുന്ന ഏതൊരാൾക്കും ഈ അറിവുകൾ മുതൽ കൂട്ടാവുമെന്നതിൽ സംശയമില്ല.

തൊട്ടടുത്ത മുറിയിൽ നിന്നും ചിത്രപ്രദർശനവും പത്രവാർത്തകളും കണ്ടു കഴിഞ്ഞ് പിന്നീട് കയറിയത് മഹാത്മജി വിശ്രമിച്ച മുറിയിലേക്കാണ് .മഹാത്മജിയുടെ വലിയ ഛായാചിത്രം ഇവിടെ കാണാം .അവിടെ സ്ഥാപിച്ച ഫോണിലൂടെ ഗാന്ധിജിയുടെ റെക്കോഡ് ചെയ്ത ശബ്ദം നമുക്ക് ശ്രവിക്കാം .പുണ്യാത്മാവിൻ്റെ പാദങ്ങൾ പതിഞ്ഞ ആ മുറിയിൽ നിന്നുകാണ്ട് അദ്ദേഹത്തിൻ്റെ ശബ്ദം കാതിൽ പതിയുമ്പോൾ പറഞ്ഞറിയിക്കാനാവാത്ത അനുഭൂതി അനുഭവിച്ചറിഞ്ഞു .ഗാന്ധിജയന്തി ദിനത്തിൽ തന്നെ ഇവിടം സന്ദർശിക്കാനയതും മഹാത്മാവിൻ്റെ ജീവിത വഴികളെ ചിത്രങ്ങളിലൂടെ അടുത്തറിയാനായതും ഭാഗ്യമായി കാണുന്നു .

2008-ൽ അനന്തകൃഷ്ണപുരം ബോർഡിങ്ങ് ട്രസ്റ്റാണ് ഇതൊരു മ്യൂസിയമാക്കി മാറ്റിയത് .രാവിലെ 9 മുതൽ വൈകുന്നേരം 5 മണി വരെയാണ് പ്രവേശന സമയം .പ്രവേശനം തികച്ചും സൗജന്യമാണ് . വയനാട് സന്ദർശിക്കുന്നവർ വയനാട്ടിന്റെ മറ്റു കാഴ്ചകൾക്കൊപ്പം മ്യൂസിയത്തെയും മറക്കാതെ ഉൾപ്പെടുത്തുക .സമൂഹം മൂല്യചുതി നേരിട്ടു കൊണ്ടിരിക്കുന്ന ഈ കാലഘട്ടത്തിൽ ഗാന്ധിയൻ ദർശനങ്ങളുടെ പ്രസക്തി ഏറി വരികയാണ് .പുതു തലമുറക്ക് ഗാന്ധിജിയെ അടുത്തറിയാൻ മ്യൂസിയം ഉപകാരപ്പെടും.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post