തയ്യാറാക്കിയത് – Dr.Rabeebudheen MBBS.

ഓരോ പ്രകൃതി ദുരന്തത്തിനു ശേഷവും പകർച്ചവ്യാധികളും ആരോഗ്യ പ്രശ്നങ്ങളും ഉണ്ടാകുന്നത് സാധാരണമാണ്. എന്നാൽ ആവശ്യത്തിന് മുൻകരുതലുകൾ സ്വീകരിച്ചു അവയെ നമുക്ക് തടയാൻ സാധിക്കും. പ്രത്യേകിച്ച് നിപ്പയെയും പ്രളയത്തെയും ഒറ്റക്കെട്ടായി നേരിട്ട നമ്മൾ മലയാളികൾക്ക്. പ്രളയാനന്തരം ചില പകർച്ച വ്യാധികൾ പൊട്ടിപുറപ്പെട്ടാൽ അത് മറ്റൊരു ദുരന്തമായി മാറും. അതുകൊണ്ട് ദുരിതാശ്വാസ #ക്യാമ്പുകളിൽ താമസിക്കുന്നവരും, രക്ഷാ പ്രവർത്തനങ്ങൾ നടത്തുന്നവരും, വീട്ടിലേക്കു തിരിച്ചു പോയവരും, ആരോഗ്യ പ്രവർത്തകരും ചില മുൻകരുതലുകൾ നിർബന്ധമായും എടുത്തിരിക്കണം എന്ന് ഓർമ്മപ്പെടുത്തുന്നു.

കഴിഞ്ഞ വർഷത്തെ പ്രളയത്തിനു ശേഷം ഉണ്ടായ ആരോഗ്യ പ്രശ്നങ്ങൾ നിരീക്ഷിച്ച ശേഷം അവ ആവർത്തിക്കപ്പെടാതിരിക്കാൻ വേണ്ടി നമ്മൾ ചില നിർദേശങ്ങൾ സ്വീകരിക്കുന്നത് നന്നായിരിക്കും. വെള്ളപ്പൊക്കത്തിന് ശേഷം സാധാരണ ഉണ്ടാകാൻ സാധ്യതയുള്ള ആരോഗ്യ പ്രശ്നങ്ങളും അവയ്ക്കുള്ള മുൻകരുതലുകളും എന്റെ പരിമിതമായ അറിവ് വച്ചുകൊണ്ട് ഞാൻ വിശദീകരിക്കാം. കൂടുതൽ നിർദേശങ്ങൾ സ്വാഗതം ചെയ്യുന്നു.

പ്രളയാനന്തരം – ആരോഗ്യ പ്രശ്നങ്ങൾ പ്രധാനമായും ഇവയാണ് 1- പരിക്കുകൾ (Traumatic injuries ), 2- മരണങ്ങൾ, 3- പകർച്ച വ്യാധികൾ (പ്രളയത്തിന് ശേഷം ഒരു മാസം വരെ പകർച്ച വ്യാധികൾ പ്രതീക്ഷിക്കാം.), 4- മാനസിക രോഗങ്ങൾ. (Depression, stress reactions ), 5- നേരത്തെഉള്ള അസുഖങ്ങൾ കൂടുന്നത്. (Bp, ഷുഗർ, kidney disease… ) പരിക്കുകളും മരണങ്ങളും സംഭവിച്ചു കഴിഞ്ഞു. ഇനി നമുക്ക് ബാക്കിയുള്ള അസുഖങ്ങൾ വരാതിരിക്കാൻ ശ്രദ്ധിക്കാം.

പകർച്ചവ്യാധികൾ – പ്രളയം ഉണ്ടായി ദിവസങ്ങൾക്കു ശേഷമാണ് പകർച്ച വ്യാധികൾ പൊട്ടിപ്പുറപ്പെടാറുള്ളത്. അതിനു കാരണങ്ങൾ ഇവയാണ് – ദുരിതാശ്വാസ ക്യാമ്പുകളിലെ Over crowding, ശുചിത്വമില്ലായ്‌മ, മാലിന്യ നിർമ്മാർജ്ജനത്തിലുള്ള വീഴ്ച്ച, ശുദ്ധമായ കുടിവെള്ളം ലഭിക്കാതിരിക്കുക, ഭക്ഷണം ലഭിക്കാതിരിക്കുക, ആവശ്യത്തിന് വൈദ്യ സഹായം ലഭിക്കാതിരിക്കുക. ഏറ്റവും കൂടുതൽ വരാൻ സാധ്യതയുള്ളത് #ശ്വാസകോശ രോഗങ്ങൾ ആണ് (Respiratory Diseases ) -ചുമ, ന്യൂമോണിയ, TB,പനി…., പ്രത്യേകിച്ച് കുട്ടികൾക്ക്., അതും #മീസിൽസ്, pertusis, #Tuberculosis വാക്‌സിനേഷൻ എടുക്കാത്ത കുട്ടികൾക്ക്. അതുകൊണ്ട്, over crowding ഒഴിവാക്കേണം, കുറെ ദിവസം നീണ്ടു നിൽക്കുന്ന പനിയും ചുമയും വൈദ്യസഹായം തേടണം.

വയറിളക്ക രോഗങ്ങൾ – വെള്ളപ്പൊക്ക പ്രദേശത്തെ ജല സ്രോദസ്സുകൾ സെപ്റ്റിക് ടാങ്കിലെയും ഡ്രൈനേജ്ലെയും മാലിന്യങ്ങളുമായി കലരുന്നതിനാൽ നന്നായി ക്ലോറിനേഷൻ ചെയ്തശേഷവും 5-10 മിനിറ്റ് തിളപ്പിച്ച ശേഷവും മാത്രമേ പാചകത്തിന് ഉപയോഗിക്കാൻ പാടുള്ളൂ. ചെന്നൈ പ്രളയത്തിന് ശേഷം കോളറ പൊട്ടിപുറപ്പെട്ടിരുന്നു. ഇത് ഒരുപാട് മരണങ്ങൾക്ക് കാരണമായിട്ടുണ്ട്. അതുകൊണ്ട്, ശുദ്ധമായ വെള്ളം ഉപയോഗിക്കുക, acidity യുടെ മരുന്നുകൾ (Ranitidine, omeprazole.. Etc )തത്കാലം കൂടുതൽ കഴിക്കാതിരിക്കുക. കാരണം, വയറിലെ acidity കുറയുന്നത് കോളറ എളുപ്പത്തിൽ വരാൻ കാരണമാകും.

കൊതുക്, മൃഗങ്ങൾ -വഴി പകരാൻ സാധ്യത യുള്ള പകർച്ചവ്യാധികളായ ഡെങ്കി, മലേറിയ, എലിപ്പനി തുടങ്ങിയവയും ഉണ്ടാകാനുള്ള സാധ്യതയുണ്ട്. അതുകൊണ്ട് ക്യാമ്പിൽ കഴിയുന്നവരും, സന്നദ്ധ പ്രവർത്തകരും ആവശ്യമായ മുൻകരുതലുകൾ സ്വീകരിക്കേണം. എലിപ്പനിക്കെതിരെയുള്ള Tablet. Doxycycline100mg 2എണ്ണം ആഴ്ചയിൽ ഒരിക്കൽ കഴിക്കുന്നത് നന്നായിരിക്കും. 3 ദിവസത്തിൽ കൂടുതലുള്ള പനി, തലവേദന, ചെങ്കണ്ണ്, പേശി വേദന -തുടങ്ങിയവ ആരോഗ്യ പ്രവർത്തകരെ അറിയിക്കുക.

Wound infection – പ്രളയവും, ഉരുൾപൊട്ടലും മൂലം ഉണ്ടായ മുറിവുകൾ ചളിയും വെള്ളവും തട്ടാതെ വൃത്തിയായി സൂക്ഷിക്കുക. വെറും #സോപ്പ് ഉപയോഗിച്ച് കൈ കഴുകുന്നത് ഒരുപാട് രോഗങ്ങളെ തടയും. അതുകൊണ്ട് ദുരിതാശ്വാസ ക്യാമ്പുകളിൽ aആവശ്യമായ സോപ്പ് എത്തിക്കുവാനും, ഇടക്കിടക്ക് കൈ കഴുകുവാനും ശ്രദ്ധിക്കുക.

മാനസികരോഗങ്ങൾ : പ്രളയത്തിന്റെയും, ഉരുള്പൊട്ടലിന്റെയും ഭീകര ദൃശ്യങ്ങൾ, വീടും, സ്വത്തും, രേഖകളും നഷ്ടപെട്ട വേദന, ക്യാമ്പുകളിലെ, tv യും മൊബൈലും ഇന്റർനെറ്റും ഇല്ലാത്ത ജീവിതം… ഇതൊക്കെ ഉണ്ടാക്കുന്ന മാനസിക സമ്മർദ്ദം വളരെ വലുതാണ്. ഇത് അമ്മമാരിലും കുട്ടികളിലും , മുതിർന്നവരിൽപോലും Deppression, Anxiety, തുടങ്ങിയ മാനസിക വ്യതിയാനങ്ങൾ സൃഷ്ടിക്കാം. അത് മുൻകൂട്ടി മനസ്സിലാക്കി ആവശ്യമായ കൗൺസലിങ് നൽകാൻ #psychologist, കൗൺസലിങ് മേഖലയിൽ പ്രവർത്തിക്കുന്നവർ, ആരോഗ്യ പ്രവർത്തകർ തുടങ്ങിയവർ ക്യാമ്പുകൾ സന്ദർശിച്ചു അവർക്കാവശ്യമായ മാനസിക പിന്തുണ നൽകേണം.

Chronic Diseases : BP, ഷുഗർ, ആസ്തമ, kidney disease – തുടങ്ങിയവ ഉള്ള രോഗികൾക് ആവശ്യമായ മരുന്നുകളും പരിചരണവും എത്തിച്ചു കൊടുക്കണം. #പാമ്പുകടി : പ്രളയ ശേഷം വീടുകളിലേക്ക് തിരിച്ചു പോകുന്നവർ പാമ്പുകടി ഏൽക്കാതിരിക്കാൻ ശ്രദ്ധിക്കുക. പാമ്പുകടി കൊണ്ടാൽ പേടിക്കാതെ തീർച്ചയായും ചികിത്സ തേടുക. കൃത്യമായ ചികിത്സ കിട്ടാൻ വൈകിയാൽ അപകടം സംഭവിക്കും. പാമ്പുകടി ചികിത്സകാവശ്യമായ ASV (anti snake venom) ആവശ്യത്തിന് ആരോഗ്യ കേന്ദ്രങ്ങളിൽ ഉണ്ട് എന്ന് ഉറപ്പുവരുത്തണം.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.