ഹർത്താൽ ദിനത്തിൽ പരുമല തിരുമേനിയെ കാണാൻ ഒരു സൈക്കിൾ യാത്ര…

Total
0
Shares

വിവരണം – രേഷ്മ രാജൻ.

ഒരു അവധി ദിവസം കിട്ടിയാൽ ഏതൊരു സഞ്ചാരിയും ആദ്യം ചിന്തിക്കുക കുന്നിൻ മുകളിലോട്ടോ , കാട്ടിലേക്കോ അല്ലെങ്കിൽ ലേഹ് – ലഡാക്കിലോട്ടോ പോകാൻ ആയിരിക്കും. എല്ലാത്തിൽനിന്നും വ്യത്യസ്തമായി ഞാൻ ഒരു സൈക്കിൾ റൈഡ് ചെയ്യാൻ പോയി. ഒരു ഹർത്താൽ ദിവസം.. എന്‍റെ നാട്ടിൽ കൂടി ഒരു സൈക്കിൾ സഫാരി. വീട്ടിൽ നിന്നും സൈക്കിൾ റൈഡ് ചെയ്യാൻ പോകുവാണെന്നു പറഞ്ഞപ്പോൾ അമ്മയുടെ വക ഒരു ഡയലോഗ്.. “മോളെ നിനക്കു എന്തെങ്കിലും കുഴപ്പം ഉണ്ടെങ്കിൽ അത് പറ..”

3 മാസം മുൻപ് നടുവിന് ഒരു അല്പം ഒടിവ് ഉണ്ടായതിനാൽ സൈക്ലിംഗ് , പണി വാരി കൂട്ടി തരുമോ എന്നൊരു പേടിയും എനിക്ക് ഉണ്ടായിരുന്നു.. അതൊന്നും ഞാൻ കാര്യമാക്കാതെ , വീട്ടിൽ ജോലിക്കു വരുന്ന നുമ്മ ബംഗാളി ഭായിയുടെ സൈക്കിൾ ഉം എടുത്ത് കൂട്ടത്തിൽ ഒരു ബാഗിൽ തണുത്ത ഒരു കുപ്പി വെള്ളവും ( ഹർത്താൽ ആയതിനാൽ കടകൾ ഒന്നും ഇല്ലായിരുന്നു ) ഇറങ്ങി..എങ്ങോട്ടു പോകണം എന്ന് ഒരു ലക്ഷ്യവും ഇല്ലാതെ ആയിരുന്നു യാത്രയുടെ തുടക്കം. വീട്ടിൽ നിന്നും ഇറങ്ങി നേരെ..


സൂര്യ ക്ഷേത്രം : (ആലപ്പുഴ ജില്ലയിലെ മാവേലിക്കര താലൂക്കില്‍ ചെന്നിത്തല തൃപ്പെരുന്തുറ പഞ്ചായത്തിലും ചെങ്ങന്നൂര്‍ താലൂക്കിലെ മാന്നാര്‍ പഞ്ചായത്തിലുമായി അതിരുകള്‍ പങ്കിടുന്ന ഇരമത്തൂര്‍ എന്ന സ്ഥലത്താണ് അതിപുരാതനമായ സൂര്യക്ഷേത്രം സ്ഥിതിചെയുനത്..). അവിടുന്ന് നേരെ ചെന്നിത്തല തൃപ്പെരുംതുറ മഹാദേവ ക്ഷേത്രം വഴി നവോദയ സ്കൂളിന്റെ മുന്നിൽ എത്തി..ഇടത്തേക്കും വലത്തേക്കും വഴിയുണ്ട്..നട്ടുച്ച ആയതിനാൽ ഞാൻ ഒരുഅല്പം ക്ഷീണിച്ചു പോയി.. ഇടത്തേക്ക് പോയാൽ വീട്ടിൽ എത്തിച്ചേരാം. യാത്ര നിർത്തിയാലോ എന്ന് ഒരുനിമിഷം ചിന്തിച്ചു..എന്തായാലും ഇറങ്ങി തിരിച്ചു.. പോകാൻ പറ്റുന്നതുവരെ പോകാം എന്ന് മനസ്സിൽ ഉറപ്പിച്ചു വലത്തോട്ട് യാത്ര തുട്ങ്ങി.. ചെന്നിത്തല ഒക്കെ ആയപ്പോൾ റോഡിൽ ഹർത്താൽ നടത്തുന്ന ചേട്ടന്മാരൊക്കെ ഉണ്ടായിരുന്നു.. വരുന്ന വണ്ടികളെ ഒക്കെ കൈകാട്ടി നിർത്തി അവരുടെ ആവശ്യകത അറിഞ്ഞു ഒരു സമാധാനപരമായ ഹർത്താൽ ദിനം.. പോലീസ് മാമന്മാരും വഴിയോളം നിരന്നു നില്പുണ്ടായിരുന്നു.

അവിടുന്ന് നേരെ ഞാൻ മാവേലിക്കര റോഡ് ലക്ഷ്യമാക്കി സൈക്കിൾ ചവിട്ടി നീങ്ങി..ഏറെ ദൂരം എത്തിയപ്പോൾ നടുവിന് വേദന ചെറുതായി അനുഭവപെട്ടു.. റിസ്ക് എടുക്കേണ്ട എന്ന് കരുതി ഞാൻ യാത്ര അവസാനിപ്പിച്ചു തിരിച്ചു വീട്ടിലേക്ക്….വരുന്ന വഴി ഒരു ഐഡിയ തോന്നി…പരുമല തിരുമേനിയെ ഒന്ന് പോയി കാണാം എന്ന്. നവംബർ 1, 2 അവിടുത്തെ പെരുനാൾ ആണ്.. ഞാൻ ആ സമയം ഇവിടെ കാണില്ല. ആയതിനാൽ എന്‍റെ ഏറ്റവും പ്രിയപ്പെട്ട തിരുമേനിയുടെ പള്ളിയിൽ ഒരു അല്പം നേരം ചിലവിടാം എന്ന് തീരുമാനിച്ചു. വെള്ളപ്പൊക്കത്തിൽ മുങ്ങിപ്പോയ പാണ്ടനാട് (ചെങ്ങന്നൂർ) ഇന് അടുത്താണ് പരുമല.

“പമ്പ നദിയുടെ ” അരികിലായിട്ടു ചരിത്ര പ്രസിദ്ധമായ “പമ്പ കോളേജിനോട് ” ചേർന്നാണ് പരുമല പള്ളി സ്ഥിതിചെയുനത്..പമ്പ നദിയുടെ അരികിൽ ആയിട്ടു ഒരു ദ്വീപ് പോലെയാണ് പത്തനംതിട്ട ജില്ലയിലെ പരുമല എന്ന കൊച്ചു ദേശം സ്ഥിതിചെയുനത്.. ഒരു പാലത്തിനക്കരെ ആലപ്പുഴ ജില്ലയുടെ തുടക്കം കൂടിയാണ്.. തിരുമേനിയുടെ മുൻപിൽ ഹിന്ദുവെന്നോ ക്രിസ്ത്യനെന്നോ മുസൽമാനെന്നോ ഇല്ല… തിരുമേനിക്കു എല്ലാരും തുല്യർ ആണ്. ആയതിനാൽ പരുമല പള്ളി പെരുനാൾ മാന്നാർ ദേശകരയാകെ അവരുടെ ഉത്സവമായി കൊണ്ടാടുന്നു. പരുമല പള്ളിയോടു ചേർന്നാണ് പരുമല ആശുപത്രിയും കാൻസർ സെന്ററും ഉള്ളത്..

ഉച്ചയ്ക്കു 3.00 ആയപ്പോൾ ഞാൻ അവിടെ എത്തി… ഹർത്താൽ ആയതിനാലും ഉച്ച സമയം ആയതിനാലും പള്ളിയിൽ അധികം ആളുകൾ ഉണ്ടായിരുന്നില്ല.. എനിക്ക് അധികം തിരക്കുളപ്പോൾ പോകുന്നതിനേക്കാൾ ആളുകൾ കുറവ് ആയിരിക്കുമ്പോ പോകുന്നതാണ് ഇഷ്ടം. ഒരു ശാന്ത അന്തരീക്ഷം ആണ് അവിടെ..മെഴുകുതിരിയും മേടിച്ചു ഞാൻ തിരുമേനിയുടെ മുൻപിൽ എത്തി… മെഴുകുതിരി കത്തിച്ചിട്ടു ഒരു അൽപ നേരം മുട്ടിൽ നിന്ന് പ്രാർത്ഥിച്ചു.

പള്ളിയോടു ചേർന്നാണ് തിരുമേനിയുടെ ആദ്യകാല വസതിയും തിരുമേനി സ്ഥാപിച്ച സ്കൂളും. വസതിയിലേക്ക് ലക്ഷ്യമിട്ടു ഞാൻ നടന്നു. അവിടെ ഒരു റൂമിൽ തിരുമേനിയുടെയും യെശുവിന്റെയും ഫോട്ടോയുടെ അടുത്ത മെഴുകുതിരി കത്തിച്ചു വെച്ചിട്ടുണ്ട്…. അതിനോട് ചേർന്നു കുറച്ചു ബൈബിൾ അടുക്കി വെച്ചിട്ടുണ്ട്.. വരുന്ന വിശ്വാസികൾക് അതെടുത്തു അവിടെ ഇരുന്നു പ്രാർഥികാം…പെരുനാളിനോടനുബന്ധിച്ച അവിടെ ഒരുക്കങ്ങൾ തുടങ്ങിയിരുന്നു.

അവിടെ ഒരു അല്പനേരം ശാന്തമായി ഇരുന്നതിനു ശേഷം തിരുമേനിയെ ഒന്നൂടി വണങ്ങിയിട്ടു സൈക്കിൾ ഉം എടുത്ത് നേരെ വീട്ടിലോട് യാത്രയായി. പോരുന്ന വഴിയിൽ പ്രളയകാലത്തു പമ്പ നദി കലിതുള്ളി ഉറഞ്ഞു തുള്ളിയ പരുമല(പത്തനംതിട്ട) –>മാന്നാർ(ആലപ്പുഴ ) യോജിക്കയുന്ന പാലവും അവിടുത്തെ പ്രളയത്തിന്റെ അവശിഷ്ടവും കണ്ടു നേരെ വീട്ടിലേക്കു.. 4.30 ആയി വീട് എത്തിയപ്പോൾ. ഹിമാലയം വരെ പോയിട്ടുണ്ടെങ്കിലും സ്വന്തം നാടിന്റെ ഭംഗി ഒരു അല്പം കാണാൻ വേണ്ടി ഞാൻ നടത്തിയ ആദ്യ യാത്ര..

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post