ടിവി, വൈഫൈ, കുടിവെള്ളം, പത്രം; ഇത് ഹൈറേഞ്ചിലെ ഒരു ഹൈടെക് ബസ്…

Total
1
Shares

യാത്രാ ദുരിതങ്ങൾ ഏറെയുണ്ടെങ്കിലും ഇടുക്കിയിലെ സ്വകാര്യ ബസ്സുകൾ ഇപ്പോൾ ഹൈടെക് ആയി മാറുകയാണ്. അതിനു ഏറ്റവും വലിയ ഉദാഹരണമാണ് ചങ്ങനാശ്ശേരി – തോപ്രാംകുടി റൂട്ടിൽ സർവ്വീസ് നടത്തുന്ന ഷാജി മോട്ടോർസ് എന്ന ബസ്. അരനൂറ്റാണ്ടോളം പഴക്കമുള്ള ഈ സർവ്വീസ് അടുത്തയിടെയാണ് യാത്രക്കാർക്ക് അത്ഭുതങ്ങൾ സമ്മാനിച്ചുകൊണ്ട് ഹൈടെക് ആയി മാറിയത്.

ബസ്സിൽ കയറുന്ന യാത്രക്കാർക്ക് വിവിധതരം സൗകര്യങ്ങളാണ് ബസ്സിൽ ഒരുക്കിയിരിക്കുന്നത്. ടിവി, വിവിധ മാസികകൾ, അതാതു ദിവസങ്ങളിലെ പത്രങ്ങൾ, വൈഫൈ, ഫോൺ ചാർജ്ജ് ചെയ്യുന്നതിനുള്ള പ്ലഗ് പോയിന്റുകൾ, സിസിടിവി ക്യാമറകൾ തുടങ്ങി കേരളത്തിലെ മറ്റൊരു ബസ് ഓപ്പറേറ്ററും നൽകാത്ത തരത്തിലുള്ള മികച്ച സൗകര്യങ്ങളാണ് ഷാജി മോട്ടോർസ് യാത്രക്കാർക്ക് പ്രദാനം ചെയ്യുന്നത്. തീർന്നില്ല, യാത്രയ്ക്കിടെ നിങ്ങളുടെ മൊബൈൽഫോണിൽ ബാലൻസ് ഇല്ലാതായാൽ വിഷമിക്കേണ്ട, ഫോൺ റീചാർജ്ജ് ചെയ്യുന്നതിനുള്ള സൗകര്യവും ബസ്സിൽ ലഭ്യമാണ്.

ലിമിറ്റഡ് സ്റ്റോപ്പ് സർവ്വീസ് ആയതിനാൽ കൂടുതലും ദീർഘദൂര യാത്രക്കാരായിരിക്കും ബസ്സിൽ ഉണ്ടാകുക. ഇത്തരത്തിൽ യാത്ര ചെയ്യുന്നവർക്ക് യാത്രയ്ക്കിടെ ദാഹം തോന്നിയാൽ അടുത്ത സ്റ്റോപ്പിൽ ഇറങ്ങി കുപ്പിവെള്ളം വാങ്ങേണ്ടി വരില്ല. യാത്രക്കാർക്കായി കുടിവെള്ളവും ബസ്സിൽ ലഭ്യമാണ്. അതിനായി മികച്ച വാട്ടർ പ്യൂരിഫയർ സംവിധാനം ബസ്സിൽ ഘടിപ്പിച്ചിട്ടുണ്ട്. ഇനി തണുത്ത വെള്ളം വേണ്ടവർക്ക് പ്രത്യേകം കൂളറും ഒപ്പമുണ്ട്. ഇനി ടിക്കറ്റ് എടുക്കുന്നതിലുമുണ്ട് ആധുനിക സൗകര്യങ്ങൾ. പഴയപോലെ ചില്ലറയ്ക്കു വേണ്ടിയുള്ള വാക്കു തർക്കങ്ങൾ ഇനി ബസ്സിൽ ഉയർന്നു കേൾക്കില്ല. കാരണം പേടിഎം, ഡെബിറ്റ്, ക്രെഡിറ്റ് കാർഡുകൾ തുടങ്ങിയ ക്യാഷ്‌ലെസ് മാർഗ്ഗങ്ങൾ ഉപയോഗിച്ചും യാത്രക്കാർക്ക് ടിക്കറ്റെടുക്കാം. കൂടാതെ പ്രാദേശികമായി ഉപയോഗിക്കുന്ന ‘മൈ ബസ് കാർഡും’ ഈ ബസ്സിൽ സ്വീകരിക്കും.

സ്ഥിര യാത്രക്കാർക്ക് ബസ് എവിടെയെത്തി എന്നറിയുന്നതിനായി ജിപിഎസ് സൗകര്യം ബസ്സിൽ ഘടിപ്പിച്ചിട്ടുണ്ട്. ഇതുമൂലം യാത്രക്കാർക്ക് ബസ് സഞ്ചരിക്കുന്ന ലൈവ് സ്റ്റാറ്റസ് തങ്ങളുടെ മൊബൈൽഫോണിൽ അറിയുവാൻ സാധിക്കും. ബസ്സിൽ യാത്ര ചെയ്യുന്ന സ്ത്രീകളുടെ സുരക്ഷയെക്കരുതി പോലീസിനെയോ മോട്ടോർ വാഹന വകുപ്പ് അധികാരികളെയോ ബന്ധപ്പെടാനുള്ള സൗകര്യങ്ങൾ ബസ്സിൽ ലഭ്യമാണ്. ഇത്രയുമൊക്കെ കേട്ടപ്പോൾ ഇതൊരു ബസ് തന്നെയാണോ എന്ന് നിങ്ങൾക്ക് സംശയം തോന്നിയിട്ടുണ്ടാകും. അതെ, ഇതൊരു ബസ് തന്നെയാണ്. ആധുനിക കാലഘട്ടത്തിന്റെ മാറ്റങ്ങൾ ഉൾക്കൊണ്ടുകൊണ്ട് യാത്രക്കാർക്ക് കുറഞ്ഞ ചെലവിൽ മികച്ച സൗകര്യങ്ങൾ വാഗ്ദാനം ചെയ്യുന്ന ഒരു ഹൈടെക് ബസ് സർവ്വീസ്. മോട്ടോർ വാഹന വകുപ്പിന്റെ പ്രത്യേക അനുമതി നേടിയ ശേഷമാണ് ഇത്തരം ആധുനിക സൗകര്യങ്ങൾ ബസ്സിൽ തയ്യാറാക്കിയിരിക്കുന്നത്. ബസിനു വരുത്തിയ ഈ ഹൈടെക് മാറ്റങ്ങൾക്ക് മികച്ച രീതിയിലുള്ള പ്രതികരണമാണ് യാത്രക്കാരുടെ ഭാഗത്തു നിന്നും ഉണ്ടാകുന്നത്.

വിവരങ്ങൾക്ക് കടപ്പാട് – മാതൃഭൂമി.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post