വിവരണം – Vysakh Kizheppattu.

അവധി ദിനങ്ങളിലെ വൈകുന്നേരങ്ങളിൽ യാത്ര ഇപ്പോൾ പതിവാണ്. ഇന്നലെ അമ്പല ദർശനത്തിനായാണ് സമയം മാറ്റിവെച്ചത്. ത്രിമൂർത്തികളായ ബ്രഹ്മ,വിഷ്ണു,മഹേശ്വരൻ ദർശനം. അങ്ങനെ സാധ്യമായ ഒരു സ്ഥലമേ ഇന്ന് കേരളത്തിൽ ഒള്ളു. അത് നമ്മുടെ ഭാരതപുഴയുടെ തീരത്താണ്. ചരിത്രപരമായും കാർഷികപരമായും ഏറെ പേരുകേട്ട തവനൂർ എന്ന ഗ്രാമത്തിൽ. വിഷ്ണു ശിവ ക്ഷേത്രങ്ങൾ ധാരാളം ഉണ്ടെങ്കിലും സൃഷ്ട്ടി ദൈവമായ ബ്രഹ്മാവിന് ക്ഷേത്രം കേരളത്തിൽ എവിടെയും ഇല്ല. സങ്കല്പം ആയി തിരുനെല്ലിയിൽ ഒക്കെ ഉണ്ടെങ്കിലും ക്ഷേത്രമായി ഈ ഒന്നേ ഒള്ളു. കേരളത്തിന് പുറത്ത് ഉണ്ട്. കൂടാതെ ഇവിടത്തെ പ്രതിഷ്ഠയുടെ മറ്റൊരു പ്രത്യേകത നാലു മുഖമുള്ള ബ്രഹ്മാവ് ആണ്.

ലോകത്തിൽ തന്നെ ഇങ്ങനെ ഒരു ക്ഷേത്രം വേറെയില്ല. അങ്ങനെ ഒരുപാട് പ്രത്യേകതകൾ ഉള്ള ക്ഷേത്രം ആണ് നിളയുടെ തീരത്ത് പുനരുദ്ധാരണം കാത്തു കിടക്കുന്നത്. വിഷ്ണു ഭഗവാന്റെ നാഭിയിൽ നിന്നും വിരിഞ്ഞ താമരയിൽ ഇരിക്കുന്ന ബ്രഹ്മ വിഗ്രഹമാണ് ഇവിടെ പ്രതിഷ്‌ഠിച്ചിരിക്കുന്നത്. ഗുരുവായൂരിൽ കണ്ണന്റെ ശ്രീകോവിലിനു പിന്നിൽ ചുറ്റമ്പലത്തിന്റെ ഭിത്തിയിൽ നിർമിചിരിക്കുന്ന അനന്തശായിയായ ദേവരൂപം അതാണ് ഈ സന്നിധിയിലെ പരിപൂർണമായ പ്രതിഷ്ഠ രൂപം. പക്ഷെ മുകളിലെ താമരയിൽ ഇരിക്കുന്ന ബ്രഹ്മാവിനെ മാത്രമേ പുറത്തേക്ക് കാണാൻ സാധിക്കു. കഴിഞ്ഞ കുറച്ചു വർഷങ്ങളായി ക്ഷേത്രത്തിൽ പൂജകൾ നടക്കുന്നുണ്ട്. ഒരു ഭക്തന്റെ വഴിപാട് മൂലം ശ്രീകോവിലിന്റെ പണി നടക്കുന്നുണ്ട്. ചുറ്റമ്പലമെല്ലാം ബാക്കിയാണ്.

പുഴയുടെ തീരത്തുള്ള ക്ഷേത്രത്തിൽ നിന്ന് അക്കരെ നോക്കിയാൽ പ്രസിദ്ധമായ തിരുന്നാവായ നാവാമുകുന്ദ ക്ഷേത്രം കാണാൻ സാധിക്കും. അവിടെ ബലിതർപ്പണം ചെയ്യുമ്പോൾ ആളുകളോട് അക്കരെ നോക്കി കര്മ്മം ചെയ്യാൻ പറയുന്നത് ഈ ക്ഷേത്രത്തിനെ ഉദ്ദേശിച്ചാണ്. ഈ ക്ഷേത്രം കൂടാതെ തൊട്ടടുത്തുള്ള വാസുദേവപുരം വിഷ്ണു ക്ഷേത്രം,ചെറുതിരുന്നാവായ ശിവക്ഷേത്രം എന്നിവ ഭക്തർക്ക് ത്രിമൂർത്തി ദർശനം എന്നുള്ള അപൂർവ ദർശനത്തിനു വഴിയൊരുക്കും.

ഈ ക്ഷേത്ര സന്നിതിയിലൂടെ ഒഴുകുന്ന നിളാ നദി ഭഗവാന്‍ ശിവന്‍റെ ജടയില്‍ നിന്നും ഉദ്ഭവിച്ചതാണന്നാണ് ഐതീഹ്യം. മാത്രമല്ല ഇവടത്തെ ബ്രഹ്മ ക്ഷേത്രം ലോകത്തിലെ തന്നെ നിത്യ പൂജ ഉള്ള അപൂര്‍വ്വം ചില ബ്രഹ്മമ ക്ഷേത്രങ്ങളില്‍ ഒന്നാകുന്നു.ഭഗവാന്‍ ശിവന്‍ ഗംഗാ സമേതനായും,ഭഗവാന്‍ ബ്രഹ്മ്മാവ് സരസ്വതി സമേതനായും,ഭഗവാന്‍ വിഷ്ണു ലക്ഷ്മി സമേതനായും കുടികൊള്ളുന്നു. തന്മൂലം നിളാ നദീ തീരത്തെ ഈ പുണ്ണ്യ സന്നിധി “തെക്കന്‍കാശി”എന്നും അറിയപ്പെടുന്നു. ബലി കര്‍മ്മ അനുഷ്ട്ടാനങ്ങള്‍ക്ക് കാശിയോളം തന്നെ പ്രാധന്ന്യവും അര്‍ഹിക്കുന്നു.

തവനൂർ കാർഷിക കോളേജിലൂടെ ഉള്ള വഴിയിലൂടെയാണ് വാസുദേവപുരം ക്ഷേത്രത്തിലേക്കുള്ള പോക്ക് .പോകുന്ന വഴി കേരള ഗാന്ധി കെ.കേളപ്പൻ താമസിച്ച വീടും കാണാൻ കഴിയും. വനത്തിനുള്ളിൽ ക്ഷേത്രം എന്ന ഒരു ഫീൽ ആണ്. ചുറ്റും മരങ്ങൾ നിറഞ്ഞ വഴി. താഴേക്കു പടികൾ ഇറങ്ങി വേണം ക്ഷേത്രത്തിൽ എത്താൻ. ചുറ്റമ്പലത്തിന്റെ ചുവരിലെ ചിത്രങ്ങൾ ഒരു പ്രത്യേക ഭംഗി തന്നയെയാണ്. മരങ്ങൾക്കിടയിൽ ആയതിനാൽ പെട്ടന്നു ഇരുട്ടാകുന്നതിനാൽ വൈകുന്നേരങ്ങളിൽ നേരത്തെ ക്ഷേത്രം അടക്കും.

ബ്രഹ്മ ക്ഷേത്രത്തിനടുത്തായി തന്നെയാണ് ചെറുതിരുന്നാവായ ശിവക്ഷേത്രം. ഏകദേശം 500 വർഷത്തിൽ ഏറെ പഴക്കമുള്ള ഈ ക്ഷേത്രം ഭാരതപുഴയുടെ തീരത്തു തന്നെയാണ്. സാദാരണ ശിവക്ഷേത്രങ്ങളിൽ നന്ദികേശൻ ഭഗവാന്റെ മുൻപിൽ ആണെങ്കിൽ ഇവിടെ വലതുവശത്തായാണ് സ്ഥാനം എന്നൊരു പ്രത്യേകത ഈ ക്ഷേത്രത്തിൽ ഉണ്ട്. മറ്റൊരു പ്രധാന ക്ഷേത്രം പാപ്പിനിക്കാവ് ഭഗവതി ക്ഷേത്രം ആണ്. കുറ്റിപ്പുറത്ത് നിന്ന് 7 KM ദൂരവും പൊന്നാനിയിൽ നിന്ന് 14 KM ദൂരവും സഞ്ചരിച്ചാൽ ഈ അപൂർവ ദർശനം സാധ്യമാകും.

Location: In Kerala, at Malappuram District, from Kuttippuram to Ponnani route -7- kilometers jouney to reach Tavanur. The way to east entrance of Brahma Temple is near Kelappaji Memoriyal Vocational Higher Secondary School , or The West Entrance of the Temple is near the River Side & infront of Shiva Temple. Timings Of The Temple: 5 Am To 9pm. & Evening 5.30 Pm To 7pm. Favorite Poojas Of Brahma: Ney Vilakku; Taamaramaala; Paal Paayasam& Chandanam Chaarthal.

LEAVE A REPLY

Please enter your comment!
Please enter your name here