സീഷെൽസ് എന്നൊരു രാജ്യം; എങ്ങനെ ഇന്ത്യക്കാർക്ക് അവിടെ പോകാം?

വിവരണം – David Charles Karimbanal.

ഇന്ത്യൻ മഹാ സമുദ്രത്തിലെ 115 ദ്വീപുകളുടെ സമൂഹമായ സീഷെൽസ് ഒരു ആഫ്രിക്കൻ രാജ്യമാണ്. പ്രകൃതിരമണീയ ബീച്ചുകൾ ഉള്ള മാലി ദ്വീപിനും മൗറീഷ്യസിനും ഇടയിലാണ് സീഷെൽസ്.  വിക്ടോറിയ എന്ന സ്ഥലമാണ് ഈ രാജ്യത്തിൻറെ തലസ്ഥാനം. English, french, seychellois creole ഇതൊക്കെയാണ് ഇവിടത്തെ ഭാഷകൾ.

ഞാൻ ഈ രാജ്യത്തെക്കുറിച്ചു അറിയുന്നത് ഒരു പാട്ടിലൂടെ ആണ്. പാട്ടെന്നുപറഞ്ഞാൽ അടിപൊളി മലയാളം പാട്ട്. പൂനിലാമഴ എന്ന ചിത്രത്തിലെ “ആട്ടുതൊട്ടിലിൽ നിന്നെ കിടത്തിയുറക്കി” എന്ന പാട്ട്. ഇനി നമുക്ക് എങ്ങനെ അവിടെ എത്താം എന്നാണ് എഴുതുന്നത്. സെയ്‌ഷെൽസിലേക്ക് മുംബൈ ഇന്റർനാഷണൽ എയർപോർട്ടിൽ നിന്നുമാണ് നേരിട്ട് വിമാനങ്ങൾ ലഭിക്കുന്നത്. തിങ്കൾ, ചൊവ്വ ദിവസങ്ങളിലൊഴികെ ഇവിടെ നിന്നും നേരിട്ട് സീഷെൽസിലേക്ക് വിമാനസർവീസ് ലഭ്യമാണ്.

Air Seychelles, Jet Airways, Ethihad Airways ഇവയൊക്കെയാണ് സർവീസ് നടത്തുന്ന എയർലൈൻസ്. രാവിലെ 5.45 നു പുറപ്പെടുന്ന flight നാല് മണിക്കൂർ ഇരുപത്തിയഞ്ചു മിനിറ്റുകൾക്ക് ശേഷം Seychelles time 8.40 am നു സെയ്‌ഷെൽസ് ലെ Mahi island ൽ സ്ഥിതി ചെയ്യുന്ന Victoria international airport ൽ എത്തും. ഞാൻ പോയപ്പോൾ ടിക്കറ്റ് ചാർജ് up and down 36000 രൂപയായി. ഇനി പറയുന്നത് visa എങ്ങനെ എടുക്കും എന്നതാണ്. ഇന്ത്യക്കാർക്ക് Seychelles ൽ visa on arrival ആണ്. വിസക്ക് ചാർജ് ഇല്ല ഫ്രീ ആണ്.

നമ്മൾ നാട്ടിൽ നിന്നും പോകുമ്പോൾ നമ്മുടെ കയ്യിൽ വേണ്ട ഡോക്യൂമെന്റസ് എന്തൊക്കെയാണ് എന്നാണ് ഇനി പറയുന്നത്.. 1. Confirmed flight tickets (up and down), 2.White background passport size photo, 3.Hotel booking voucher, 4.Sufficient funds perday 150$ must(10665 rs perday), 5.immigration form(flight ൽ നിന്നും കിട്ടും). ഈ ഡോക്യൂമെന്റസ് എല്ലാം നമ്മുടെ കയ്യിൽ ഉണ്ടെങ്കിൽ നമുക്ക് സെയ്‌ഷെൽസിൽ പോകാം. ഇനി Seychelles immigration ൽ ഇമ്മിഗ്രേഷൻ ഓഫീസർ ചോദിക്കുന്ന ചോദ്യങ്ങൾ. ഇന്ത്യൻ passport കാണുമ്പോൾ മാത്രമാണ് ഈ ചോദ്യങ്ങൾ. എന്തിനാണ് ഇവിടേയ്ക്ക് വന്നത്, എത്രദിവസം ഉണ്ടാകും, തിരിച്ചു പോകുന്നത് എന്നാണ്, എവിടെയാണ് താമസിക്കുന്നത്, ഇവിടെ ആരെയെങ്കിലും പരിചയമുണ്ടോ, എന്താണ് ജോലി, കയ്യിൽ പൈസ എത്ര ഉണ്ട് ഇതൊക്കെയാണ് പ്രധാനമായും ചോദിക്കുന്ന ചോദ്യങ്ങൾ.. അവരുടെ കണക്കിൽ ഒരു ദിവസം ചിലവിനു 150$ കയ്യിൽ ഉണ്ടായിരിക്കണം. നമ്മൾ സ്റ്റേ ചെയ്യുന്ന ദിവസം കണക്കു കൂടി അത്രെയും പൈസ കയ്യിൽ കരുതണം.

പിന്നെ അവിടെ visa കൌണ്ടറിൽ നിന്നും ഒരു ഹെൽത്ത്‌ ചെക്കപ്പ് form തരും അത് നമ്മൾ പൂരിപ്പിച്ചു കൊടുക്കണം. ഇമ്മിഗ്രേഷൻ കഴിഞ്ഞാൽ ഇനി അടുത്ത കടമ്പ സിം കാർഡ് ആണ്. അവിടെ ഉള്ളതിൽ വെച്ച് ഏറ്റവും നല്ല കണക്ഷൻ Airtel ആണ്. നമ്മുടെ നാട്ടിലെ സിം റേഞ്ച് കിട്ടും. പക്ഷെ അവിടുത്തെ സിം എടുക്കുന്നതായിരിക്കും നല്ലത്. കുറഞ്ഞ പൈസക്ക് കൂടുതൽ ജിബി നെറ്റും കാൾ ഉം ഒക്കെ കിട്ടും.

വിമാനം Seychelles ൽ ലാൻഡ് ചെയ്യുന്ന കാഴ്ച 
അതിസുന്ദരമാണ്. ചുറ്റും വെള്ളതിനാൽ ചുറ്റപ്പെട്ടു കിടക്കുന്ന airport. ഒരു കാര്യം പറയാൻ മറന്നു. Seychelles ലെ കറൻസി Seychellois rupee ആണ്. 1SCR =5.22 INR അവിടെ US DOLLOR, EURO യും മിക്ക ഷോപ്പുകളിലും എടുക്കുന്നതാണ്. ഇനി പറയാൻ പോകുന്ന കാര്യമാണ് വളരെ പ്രധാനപ്പെട്ടത്. നമ്മൾ മുംബയിൽ നിന്ന് flight ബുക്ക്‌ ചെയ്യുമ്പോൾ പരമാവധി direct flight തന്നെ എടുക്കാൻ ശ്രമിക്കുക. കാരണം, മുംബയിൽ നിന്നും Kenya, Nairobi വഴിയുള്ള flight ഒഴിവാക്കുക കാരണം ഈ രണ്ടു സ്ഥലത്തും layover ഉള്ള ഫ്ലൈറ്റുകൾ എടുക്കുകയാണെങ്കിൽ അവിടുത്തെ സെക്യൂരിറ്റി ചെക്കിനു yellow fever കാർഡ് കാണിക്കേണ്ടി വരും.

അങ്ങനെ സീഷെൽസിൽ എത്തിയാൽ ഹോട്ടലിലേക്ക് പോകാനായി ടാക്സി ആശ്രയിക്കാം. നമുക്ക് സ്ഥലങ്ങൾ കാണുവാനായി rent a car എയർപോർട്ട്ന്റെ അടുത്ത് തന്നെ കിട്ടും. ഒരു ദിവസത്തേക്ക് ഇന്ത്യൻ രൂപ 3200 വരും. താല്പര്യമുള്ളവർക്ക് എടുക്കാം. ഞാൻ എടുത്തില്ല. ഞാൻ ആശ്രയിച്ചത് ബസ്സിനെ ആയിരുന്നു. പിന്നെ ബോട്ട് സർവീസ് ഉണ്ട് വളരെ തുച്ഛമായ പൈസയെ ആവുള്ളു.

ഹണിമൂൺ ആഘോഷിക്കാൻ പറ്റിയ സ്ഥലമാണ് Seychelles. ഒത്തിരി adventurous games അവിടെ ഉണ്ട്. പിന്നെ നമ്മൾ ഹോട്ടൽ തിരഞ്ഞെടുക്കുമ്പോൾ self cook ചെയ്യാൻ പറ്റുന്നത് നോക്കി എടുക്കുക. അവിടെ ധാരാളം സൂപ്പർമാർക്കറ്റുകൾ ഉണ്ട്. ഓരോ 500 മീറ്ററിലും. അവിടെ ധാരാളം ഭക്ഷണങ്ങൾ നമുക്ക് ലഭിക്കുന്നതാണ്. Non-veg ആണ് കൂടുതലും.. ഇന്ത്യൻ വിഭവങ്ങൾ കിട്ടാൻ ഒരു ചാൻസും ഇല്ല.

ഞാൻ പോയി വന്നതിന്റെ ചെലവ് മൊത്തം 80000 രൂപയോളം ആയി. കുറഞ്ഞ നിരക്കിൽ ബഡ്‌ജറ്റ്‌ എയർ ടിക്കറ്റുകൾ കിട്ടാത്തതുകൊണ്ടാണ് ചാർജ് ഇത്രയും കൂടുതലായത്. അത്യാവശ്യം വേണ്ട കാര്യങ്ങൾ എല്ലാം എഴുതിയെന്നു തോന്നുന്നു. അപ്പോൾ അടുത്ത തവണ വെക്കേഷൻ ട്രിപ്പ് പ്ലാൻ ചെയ്യുമ്പോൾ സീഷെൽസ് ഒന്നു പരിഗണിക്കുക.