വെറും 150 രൂപയ്ക്ക് ബെംഗളൂരു മുഴുവൻ ഒരു ദിവസം കറങ്ങാം..

Total
237
Shares

ബെംഗളൂരുവിൽ ഒരു ദിവസം ചുമ്മാ കറങ്ങി നടക്കണമെന്ന് ആഗ്രഹിക്കുന്നുണ്ടോ? അങ്ങനെ ആഗ്രഹിക്കുന്നവർക്ക് ഏറ്റവും നല്ലത് ടാക്‌സിയും ഓട്ടോയുമൊന്നുമല്ല അവിടത്തെ BMTC ബസ്സുകളാണ്. ഈ BMTC ബസ്സുകളുടെ ഒരു പ്രത്യേകത എന്തെന്നാൽ ഇതിൽ ഡെയിലി പാസ്സ് എടുത്താൽ ഒരു ദിവസം മുഴുവനും ബസ്സുകളിൽ (BMTC) എത്ര തവണ വേണമെങ്കിലും യാത്ര ചെയ്യാം എന്നതാണ്.

147 രൂപയുടെ പാസ് എടുത്താൽ BMTC യുടെ AC/Non AC ബസ്സുകളിൽ ഒരു ദിവസം മുഴുവൻ ബാംഗ്ലൂരിൽ എവിടെ വേണമെങ്കിലും കറങ്ങാം. ഇനി 70 രൂപയുടെ പാസ്സ് എടുക്കുകയാണെങ്കിൽ Non AC ബസുകളിൽ മാത്രമായും യാത്ര ചെയ്യാവുന്നതാണ്. പക്ഷേ AC ബസ് പാസ്സ് എടുക്കുന്നതായിരിക്കും കുറച്ചു കൂടി ലാഭം. ഇങ്ങനെ പാസ്സ് എടുത്തു യാത്ര ചെയ്യുന്നതു കൊണ്ട് നമുക്ക് മറ്റൊരു ലാഭം കൂടിയുണ്ട്. പൊതുവെ BMTC ബസുകളിലെ കണ്ടക്ടർമാർ ടിക്കറ്റ് ചാർജ്ജ് കഴിഞ്ഞുള്ള ബാലൻസ് തുക തിരികെ കൊടുക്കുവാൻ മടിയുള്ളവരാണ്. എന്നാൽ പാസ്സ് മൂലം യാത്ര ചെയ്യുന്നവർക്ക് ഈ പ്രശ്നമൊന്നും ബാധകമല്ല.

ഇത്തരത്തിലുള്ള പാസുകൾ ബസ്സിലെ കണ്ടക്ടർമാരുടെ പക്കൽ ലഭിക്കുന്നതാണ്. പാസ്സ് എടുക്കുന്നതിനായി നമ്മുടെ ഏതെങ്കിലും ഐഡന്റിറ്റി കാർഡ് നിർബന്ധമായും കാണിക്കണം. അതല്ലെങ്കിൽ ബസ് സ്റ്റാൻഡുകളിൽ നിന്നും ഇത്തരം പാസുകൾ ലഭിക്കും. രാത്രി 12 മണി വരെയാണ് ഒരു ഡെയ്‌ലി പാസ്സിന്റെ വാലിഡിറ്റി. ഡെയിലി പാസ്സുകൾക്ക് പുറമെ ഒരു മാസം മുഴുവൻ ഉപയോഗിക്കുവാൻ സാധിക്കുന്ന പാസ്സുകളും ലഭ്യമാണ്.

147 രൂപയുടെ യാത്രാപാസ്സുകൾ ഉപയോഗിച്ച് BMTC യുടെ എല്ലാത്തരം ബസ്സുകളിലും വേറെ ടിക്കറ്റുകളൊന്നും എടുക്കാതെ സഞ്ചരിക്കാവുന്നതാണ്. എന്നാൽ ബെംഗളൂരു എയർപോർട്ടിലേക്ക് സർവ്വീസ് നടത്തുന്ന ബസ്സുകളിൽ ഈ പാസ്സ് ബാധകമായിരിക്കില്ല. അതിൽ വേറെ ടിക്കറ്റ് എടുത്തു യാത്ര ചെയ്യേണ്ടി വരും. കഴിഞ്ഞയിടെ നടത്തിയ സർവ്വേ റിപ്പോർട്ട് പ്രകാരം BMTC യിൽ യാത്ര ചെയ്യുന്നവരിൽ 48% ആളുകളും പാസ്സ് ഉപയോഗിക്കുന്നവരാണത്രെ.

നമ്മുടെ നാട്ടിലെ ബസുകളെ അപേക്ഷിച്ച് BMTC ബസ്സുകൾ എവിടെ കൈകാണിച്ചാലും മിക്കവാറും നിർത്തി തരും. അതുപോലെ തന്നെ അതിലെ ഡ്രൈവർമാർ ആളുകളെ വിളിച്ചുകയറ്റുന്ന കാഴ്ചയും അവിടെ സാധാരണമാണ്.

ബെംഗളൂരുവിൽ ബസ്സുകളിൽ യാത്ര ചെയ്യുമ്പോൾ പ്രത്യേകം ശ്രദ്ധിക്കേണ്ട ഒരു കാര്യം പോക്കറ്റടിയാണ്. ഭയങ്കര തിരക്കുള്ള ബസ്സുകളിൽ കഴിവതും കയറാതിരിക്കുക. ഇനി കയറിയാൽത്തന്നെ പഴ്‌സും മൊബൈൽഫോണും സൂക്ഷിക്കുക. യാതൊരു കാരണവശാലും തിരക്കിൽപ്പെട്ടു നിൽക്കുവാൻ പാടില്ല. ഈ ഒരു കാര്യം ബസ് യാത്രക്കാർ പ്രധാനമായി ശ്രദ്ധിക്കേണ്ട ഒന്നാണ്.

ബെംഗളൂരുവിലെ പ്രധാന മുക്കിലും മൂലയിലും വരെ BMTC യുടെ സർവ്വീസുകൾ ലഭ്യമാണ്. അതുകൊണ്ട് ഒരു ദിവസം മുഴുവനും കാഴ്ചകൾ കണ്ടുകൊണ്ട് ചുമ്മാ ചുറ്റിയടിക്കുവാൻ താല്പര്യമുള്ളവർക്ക് മേൽപ്പറഞ്ഞ പാസുകളിൽ ഇഷ്ടമുള്ളത് എടുത്തുകൊണ്ട് യാത്ര ചെയ്യാവുന്നതാണ്. വെറും 147 രൂപ മുടക്കി ഒരു ദിവസം മുഴുവൻ ബെംഗളൂരു പോലുള്ള ഒരു മെട്രോ നഗരത്തിൽ ചുറ്റിയടിക്കാമെന്നുള്ളത് ഒരു നിസ്സാര കാര്യമല്ലല്ലോ.. അപ്പോൾ ഇനി ബെംഗളൂരുവിൽ പോകുമ്പോൾ എല്ലാവരും ഈ കാര്യം ഒന്നോർത്തിരിക്കുക.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

കെഎസ്ആർടിസിയുടെ മലക്കപ്പാറ ടൂർ പാക്കേജ് വമ്പൻ ഹിറ്റ് !!

കെ എസ് ആർ ടി സിയുടെ മലക്കപ്പാറ പാക്കേജ് സർവീസ് ഇന്ന് കേരളമാകെ ഹിറ്റ്! അവധി ദിനങ്ങളിൽ സഞ്ചാരികൾക്കായി ചാലക്കുടിയിൽ നിന്നും ഏർപ്പെടുത്തിയ പ്രത്യേക സർവ്വീസുകൾ സൂപ്പർ ഹിറ്റായതിനെ തുടർന്ന് യാത്രക്കാരുടെ ആവശ്യം പരിഗണിച്ച് മറ്റു ഡിപ്പോകളിലേയ്ക്കും വ്യാപിപ്പിക്കുകയായിരുന്നു. ആദ്യഘട്ടം എന്ന…
View Post

കാസർഗോഡ് ജില്ലയിൽ വന്നാൽ സന്ദർശിച്ചിരിക്കേണ്ട ചില സ്ഥലങ്ങൾ…

കേരളത്തിനുള്ളിൽ ആണെങ്കിലും വടക്കേയറ്റത്തു കിടക്കുന്നതിനാൽ മിക്കയാളുകളും കാസർഗോഡ് ജില്ലയിൽ പോയിട്ടുണ്ടാകാൻ വഴിയില്ല. പിന്നെ അത് വഴി പോകുന്നത് കൊല്ലൂർ – മൂകാംബികയിലേക്കുള്ള തീര്തഥയാത്രയ്ക്കിടെയാണ്. കാസർകോട്ടെ സംസാരഭാഷയായ മലയാളത്തിൽ കന്നഡ, കൊങ്കണി, തുളു എന്നീ ഭാഷകളുടെ സ്വാധീനം കാണാം. 1984 മെയ്‌ 24-നാണ്‌…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post