തലസ്ഥാനത്ത് മനോഹരമായ സായാഹ്നം ചെലവഴിക്കുവാൻ മടവൂർപ്പാറ..

Total
0
Shares

വിവരണം – പ്രശാന്ത്_കൃഷ്ണ.

കുറച്ചു നാളായി എങ്ങോട്ടേലും യാത്രപോയിട്ട്, എല്ലാ അവധി ദിനങ്ങളിലും യാത്രകൾ തട്ടിക്കൂട്ടുമെങ്ങിലും അവസാനനിമിഷം എന്തെങ്കിലും പണി കിട്ടുന്നത് കാരണം എല്ലാ പദ്ധതിയും ഉപേക്ഷിക്കാറാണ് ഇപ്പൊഴത്തെ പതിവ്. അങ്ങനെ നബിദിനത്തിന്റെ അവധിയും വന്നെത്തി, പതിവുപോലെ ഒരു യാത്ര തട്ടിക്കൂട്ടി. അവധി എനിക്ക് മാത്രമേ ഉള്ളു സ്ഥിരം സഹയാത്രികർക്കെല്ലാം ജോലിക്കു പോകേണ്ടതിനാൽ വീണ്ടും ഉദ്യമം ഉപേക്ഷിക്കാൻ തന്നെ തീരുമാനിച്ചു. ഉച്ചവരെ വീട്ടിൽ തന്നെ പിടിച്ചിരുന്നു. ഊണ് കഴിഞ്ഞതും എങ്ങോട്ടേലും പോയാലോ എന്ന ചിന്തയായി. എന്റെ സഹയാത്രികൻ അനന്ദു ജോലിസ്ഥലത്താണ് അവൻ എത്താൻ സാധ്യതയില്ല.

പിന്നീട് മുഖപുസ്തകത്തിലൂടെ പരിചയപ്പെട്ട സഞ്ചാരി സുഹൃത്തായ (വെറും സഞ്ചരിയല്ല ലോക സഞ്ചാരിയാണ് ) നസിം സാലിയെ വിളിച്ചു കാര്യം പറഞ്ഞു. പറയേണ്ട താമസം അവൻ എത്താം എന്ന് സമ്മതിച്ചു. ഇതിനിടയിൽ നമ്മുടെ മറ്റൊരു സഞ്ചാരി സുഹൃത്തായ മനുവിനേയും വിളിച്ചു, അവൻ ജോലി കഴിഞ്ഞു വീട്ടിൽ എത്തിയിട്ടേ ഉണ്ടായിരുന്നുള്ളു. കാര്യം പറഞ്ഞു. അടുത്തുള്ള സ്ഥലമാണെങ്കിലും ഞാനും അവനും ഇതുവരെ പോയിട്ടില്ല. സമയം 3 മണി ആയി, 4 നു എന്റെ വീടിനടുത്തു എത്താം എന്ന് അവൻ പറഞ്ഞു.

പാവം ജോലി കഴിഞ്ഞു വീട്ടിൽ ചെന്ന് കയറിയേ ഉണ്ടായിരുന്നുള്ളു അവൻ. പിന്നെ യാത്രകളെ ഒരുപാട് സ്നേഹിക്കുന്നവനാണ് അതിനാൽ ചോദിച്ചയുടനെ “വരാം അളിയാ” എന്ന മറുപടി കിട്ടി . ഞാൻ പെട്ടന്നുതന്നെ കുളിയൊക്കെ കഴിഞ്ഞു വണ്ടിയുമെടുത്തു അവനോടു പറഞ്ഞ സ്ഥലത്തെത്തി. കൃത്യ സമയത്തു തന്നെ അളിയൻ സ്ഥലത്തെത്തി. പിന്നെ എന്റെ വണ്ടി വഴിയരികിൽ ഒതുക്കി വച്ച ശേഷം മനുവിന്റെ വാഹനത്തിൽ യാത്രയാരംഭിച്ചു “മടവൂർപ്പാറയിലേയ്ക്ക് “.

തിരുവനന്തപുരത്തെ ചെമ്പഴന്തിക്കടുത്തുള്ള ചേങ്കോട്ടുകോണത്താണ് ഈ സ്ഥലം സ്ഥിതിചെയ്യുന്നത്. പാറയുടെ താഴെ വരെ വാഹനങ്ങൾ ചെല്ലും. നസീം പോത്തൻകോട് എത്താം എന്നാണ് അറിയിച്ചിട്ടുള്ളത്. ഞങ്ങൾ അവിടെത്തി നസീമിനെ വിളിച്ചു. അവൻ എത്തിയിട്ടില്ല. നസീം ആനവണ്ടിയിലാണ് വരുന്നത്. വീട്ടിൽനിന്നു ഇറങ്ങാൻ നേരം അവന്റെ വണ്ടി പണി കൊടുത്തു. പിന്നെ യാത്ര ആനവണ്ടിയിലാക്കി. ഞങ്ങളോട് മടവൂർപ്പാറ കാത്തുനിൽക്കാൻ പറഞ്ഞു, അവൻ അവിടെ എത്താമെന്നും ഏറ്റിട്ടുണ്ട്.

അങ്ങനെ ഞാനും മനുവും പാറയ്ക്കുമുകളിലേയ്ക്ക് കയറി. വലിയ ബുദ്ധിമുട്ടൊന്നുമില്ലാതെ കയറാവുന്ന പാറയാണ്. അധികം ഉയരവുമില്ല. ഞങ്ങൾ മുകളിലെത്തി അവിടെ വിശ്രമിച്ചു. അല്പനേരത്തിനുശേഷം നസീം എത്തി. ഞാൻ അവരെ പരസ്പരം പരിചയപ്പെടുത്തി. ലക്ഷദീപ് യാത്രയിൽ എനിക്ക് തന്ന വാക്കു നസീം പാലിച്ചു . ലക്ഷദീപിൽ നിന്നും അത്തർ കൊണ്ട് വരാം എന്നേറ്റിരുന്നു. ആ വാക്കു അവൻ പാലിച്ചിരിക്കുന്നു.

ഇവിടെ ശിവന്റെ പ്രതിഷ്ഠയുള്ള ഒരു ക്ഷേത്രമുണ്ട്‌. സമുദ്രനിരപ്പിൽ നിന്നും 300 അടി ഉയരത്തിൽ സ്ഥിതി ചെയ്യുന്ന മടവൂർപ്പാറയുടെ പ്രധാന ആകർഷണങ്ങൾ ഗുഹാ ക്ഷേത്രം, മുളകൊണ്ടുള്ള പാലം എന്നിവയാണ്. ക്രിസ്തുവർഷം ഒൻപതാം നൂറ്റാണ്ടിലാണ് ഈ ക്ഷേത്രം നിർമ്മിക്കപ്പെട്ടത് എന്ന് കരുതപ്പെടുന്നു . കേരള പുരാവസ്തു വകുപ്പിന്റെ സംരക്ഷണത്തിൻ കീഴിലാണ് ഇപ്പോൾ ഈ ക്ഷേത്രം. കുറച്ചു നേരം പാറമുകളിൽ വിശ്രമിച്ച ശേഷം ഞങ്ങൾ മുളപ്പാലത്തിലൂടെ നടത്തം തുടങ്ങി.

ഇവിടെത്തുന്ന സഞ്ചാരികൾക്കു മഴയും വെയിലുമേൽക്കാതെ വിശ്രമിക്കാൻ അവിടവിടെയായി മുളകൊണ്ട് നിർമിച്ച കുടിലുകളും ഇരിപ്പിടങ്ങളും ഒരുക്കിയൊട്ടുണ്ട്. കൂടാതെ പവിധത്തിലുള്ള വികസനപ്രവർത്തനങ്ങൾ നടക്കുന്നുമുണ്ട്. ഞങ്ങൾ മുളപ്പാലത്തിലൂടെ നടന്നു മുകളിലെത്തി ഒരു കുടിലിൽ ഇരിപ്പുറപ്പിച്ചു. അല്പസമയത്തിനകം മറ്റൊരു കുടുംബം അവിടെത്തി. അടുത്തുതന്നെ ഉള്ളവരാണ്. ഞങ്ങൾ പരസ്പരം പരിചയപ്പെട്ടു. അവർ കുറച്ചു മധുരവും ഞങ്ങൾക്ക് തന്നു.

മഴയുള്ളതിനാൽ അസ്തമയത്തിന്റെ ഭംഗി നന്നായി ആസ്വദിക്കാനായില്ല. എന്നാലും ഇറങ്ങാൻനേരം സൂര്യൻ ഒന്ന് തലകാണിച്ചു… അസ്തമയ സൂര്യനോട് നന്ദി പറഞ്ഞു ഞങ്ങളിറങ്ങി…… തിരുവന്തപുരത്തുകാർക്കു ഒരു സായാഹ്നം ആസ്വദിക്കാൻ അധികം ചിലവില്ലാതെ എത്തിച്ചേരാനാകുന്ന ഒരിടമാണ് മടവൂർപ്പാറ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post