മേഘാലയയിലേക്ക് പോകുന്നതിനു മുൻപ് അറിഞ്ഞിരിക്കേണ്ട പത്ത് വസ്തുതകൾ…

Total
66
Shares

വിവരണം – സ്‌മൃതി വി. ശശിധരൻ.

MSW റൂറൽ ഡെവലപ്മെന്റ് പഠനത്തിന്റെ ഭാഗമായിട്ടാണ് വടക്കു കിഴക്കൻ ഇന്ത്യയിലൂടെ ഒരു കറക്കം തരപ്പെട്ടത്. സ്വതവേ ഇന്സ്ടിട്യൂട്ടിൽ നിന്നും സെൻട്രൽ ഇന്ത്യൻ സംസ്ഥാനങ്ങളിലേക്കാണ് ഫീൽഡ് വർക്കിന്‌ പറഞ്ഞയക്കാറുള്ളത്. അതിനാൽ തന്നെ നീണ്ട ചർച്ചകൾക്ക് ശേഷം പോകാനുള്ള അനുമതി ലഭിച്ചു. മേഘാലയയിലെ കമ്മ്യൂണിറ്റി ആൻഡ് റൂറൽ ഡെവലൊപ്മെൻറ് ഡിപ്പാർട്മെന്റിന് കീഴിൽ ഒരു മാസത്തെ പഠനം. തീർച്ചയായും എഴുതിഫലിപ്പിച്ച തീർക്കാവുന്ന ഒന്നല്ല ഒരു യാത്രയും എന്ന ബോധ്യത്തോടെ തന്നെ യാണ് ഇവിടെ അക്കമിട്ട് പത്തു കാര്യങ്ങൾ എഴുതുന്നത്.

മേഘാലയയെ സ്നേഹിക്കാൻ പത്തു കാരണങ്ങൾ ഇതാ…

1 ) കൊതിയൂറുന്ന സ്വാദിഷ്ടമായ ഭക്ഷണം. അതും കീശ കാലിയാകാത്ത നിരക്കിൽ സുലഭമായി കിട്ടും. അവരുടെ പരമ്പരാഗതമായ കോങ്ങ് ഷോപ്പുകളിൽ (സ്ത്രീകളെ അവിടെ കോങ്ങ് എന്ന് ചേർത്താണ് സംബോധന ചെയ്യുന്നത്. സ്ത്രീകൾ നടത്തുന്ന പരമ്പരാഗത ചായക്കട സെറ്റപ്പ്) 30 രൂപയ്ക്ക് ചോറും ദാലും ചട്ണിയും ബീഫും ചിക്കനുമൊക്കെ കഴിക്കാം. പന്നിയും കോഴിയും പട്ടിയും ഒക്കെ കിട്ടും. ഉത്തരേന്ത്യയിലെ ബ്രാഹ്മിണിക്കൽ നോട്ടങ്ങളൊന്നും സഹിക്കേണ്ടി വരില്ല ഇവിടെ.

2 ) വൃത്തി എടുത്തുപറയേണ്ട ഒന്നാണെന്ന് തോന്നുന്നു. ഓരോ വീടിന്റെ മുളവേലിയിലും കാണാം യൂസ് മീ എന്ന് എഴുതിവെച്ച തകരപ്പാട്ടയോ ചൂരൽക്കൊട്ടായോ. എല്ലാ തെരുവുകളും മൂലകളിലും. അത് കൊണ്ട് തന്നെ ചുറ്റുപാട് വളരെ വൃത്തിയാണ്.

3 ) പ്രകൃതിരമണീയത. അതാണ് ഇവിടത്തെ ഹൈലൈറ്റ്. ഫോട്ടോ എടുക്കാൻ ടൂറിസ്റ്റ് സ്പോട്ടന്വേഷിച്ചു പോകണ്ട. ഏതു മുറ്റത്തിറങ്ങിയാലും ആകാശത്തു പഞ്ഞിക്കെട്ടു കണക്കെ മേഘങ്ങൾ. കൈത്തുമ്പിലെന്ന് തോന്നുന്ന മേഘങ്ങൾ എടുക്കുന്ന ഫോട്ടോയ്ക്കും കാണുന്ന കാഴ്ചയ്ക്കും ഒക്കെ വല്ലാത്തൊരു ഭംഗി നൽകും.

4 ) കാലാവസ്ഥ : ഒറ്റ ദിവസം തന്നെ 4 വ്യത്യസ്ത ഋതുക്കൾ അനുഭവിച്ചറിയാം. തീർത്തും പ്രവചനാതീതമായ കാലാവസ്ഥ.

5 ) പ്രദേശവാസികൾ : മുൻവിധികളില്ലാതെ വളരെ സഹകരണ മനോഭാവത്തോടെ കൂടെ ഇടപഴകുന്നവരാണ്. ഗോത്രങ്ങൾ തമ്മിൽ ഇടയ്ക്ക് അഭിപ്രായ വ്യത്യാസങ്ങൾ ഉണ്ടാകാറുണ്ടെങ്കിലും അതിഥികളോട് വിവേചനം കാണിക്കാറില്ല.

6 ) ഭരണകൂടം : അധികാരശ്രേണിയ്ക്ക് അതീതരായി സാധാരണ ജനങ്ങളോട് വളരെ നല്ല രീതിയിൽ ഇടപഴകുന്നവരാണ് ഭൂരിപക്ഷം ഉദ്യോഗസ്ഥരും. ഉത്തരവാദിത്ത ബോധത്തോട് കൂടി തന്നെ ജനഹിതമനുസരിച് പദ്ധതികൾ രൂപീകരിക്കാനും നടപ്പിലാക്കാനും അവർ പൊതുവിൽ ശ്രമിക്കുന്നുണ്ട്.

7 ) ഒരു മട്രിലീനിയൽ സമൂഹമായതുകൊണ്ട് തന്നെ സ്വത്തവകാശം അവിടെ സ്ത്രീകൾക്കാണ്. പാരമ്പരാഗതമായുള്ള ഈ സാമ്പത്തിക സുരക്ഷിതത്വം അവിടത്തെ സ്ത്രീകളെ കൂടുതൽ ശാക്തീകരിക്കുന്നു. എങ്കിലും രാഷ്ട്രീയപരമായ പങ്കാളിത്തത്തിൽ അവർ പിന്നിൽ തന്നെയാണ്

8 ) നീണ്ട ട്രാഫിക് ജാം : ഗതാഗത സൗകര്യങ്ങൾ പരിമിതമായതിനാലും മലപ്രദേശങ്ങളിലെ യാത്ര ദുഷ്കരമായതിനാലും ഒരു ശരാശരി മേഘാലയക്കാരന്റെ ഓരോ ദിവസവും രണ്ട മുതൽ നാല് മണിക്കൂർ വരെ ബ്ളോക്കിലാണ്. എന്നാൽ ഇതുകൊണ്ട് തന്നെ അവർക്ക് പൊതുവിൽ ക്ഷമാശീലം കൂടുതലാണ് താനും. ഷില്ലോങ്ങിലൊഴികെ പൊതുവാഹങ്ങളും കുറവാണ്. ഷെയർ ടാക്സി വഴിയാണ് ഭൂരിപക്ഷം യാത്രയും.

9 ) 6 മണി ആകുമ്പോഴേക്കും മേഘാലയ കൂരിരുട്ട് മൂടിക്കഴിഞ്ഞിരിക്കും. നല്ല തണുപ്പും. ഒരു ബ്ലാങ്കറ്റും മൂടി സുഖമായിട് ഉറങ്ങാം.രാവിലെ 4മണി തന്നെ പരപരാ വെളുത്ത തുടങ്ങും.കാരണം മേഘാലയയുടെ ഭൂമിസ്ത്രപരമായ കിടപ്പ് തന്നെ.

10 ) മേഘാലയയിലെ മിക്കവാറും സ്ഥലനാമങ്ങൾ തുടങ്ങുന്നത് “മൗ” എന്നാണു. മൗസിൻറാം, മൗഫ്ളങ്, മൗഫ്‌ള സിയാങ്, മൗക്കിൻറൊ എന്നൊക്കെ. അവരുടെ ഗോത്രവിശ്വാസങ്ങളിൽ മോണോലിത്ത് എന്ന മൂന്നു കല്ലുകൾക്ക് വളരെ പ്രാധാന്യമുണ്ട്. ‘മൗ’ എന്നാൽ മൂന്ന് കല്ലുകൾ എന്നർത്ഥം.

ഇതിനെല്ലാമുപരി ഷില്ലോങ്ങിലൊക്കെ എത്തിയാൽ കാണുന്നത് കൊറിയൻ ഫാഷൻറെ കണ്ണെഞ്ജിപ്പിക്കുന്ന കാഴ്ചകളാണ്. സാംസ്കാരികപരമായും ഭൂമിശാസ്ത്രപരമായും ഒട്ടേറെ വൈവിധ്യങ്ങളാൽ സമ്പന്നമായ നോർത്ത് ഈസ്റ്റ് സംസ്ഥാനങ്ങൾ പലപ്പോഴും നമ്മുടെ വികസന ചർച്ചകളിൽ തഴയപ്പെടുന്ന ഒരു പ്രദേശമാണ്. അതിനാൽ തന്നെയാകാം തിരഞ്ഞെടുപ്പ് സമയങ്ങളിൽ പോലും ബംഗ്ലാദേശ് സിമ്മുകളിൽ കൂടെ തന്ത്രപ്രധാന വിവരങ്ങൾ കൈമാറണ്ടേ ഗതികേട് അവർക്കുള്ളത്. കണക്റ്റിവിറ്റി എന്നത് എല്ലാ തരത്തിലും അവർക്ക് ദുഷ്കരമാണ്, അതിനി ഗതാഗതമായാലും സിമ്മിന്റെ റേഞ്ച് ആയാലും…

എങ്കിലും ക്വായ് (മുറുക്കാൻ ) കറ പിടിച്ച ചിരിയുമായി നിറഞ്ഞ മനസോടെ നമ്മെ സ്വീകരിക്കാൻ തയ്യാറായി ആ കുഞ്ഞൻ സംസ്ഥാനം അവിടെ നിലകൊള്ളുന്നു. ഏറ്റവും കൂടുതൽ മഴ കിട്ടിയിരുന്ന ചിറാപ്പുഞ്ചിയും, ഇപ്പൊ കിട്ടുന്ന മൗസിൻറാമും, സേക്രഡ് ഗ്രോവും, ഡോൺ ബോസ്കോ മ്യുസിയവും, ലിവിങ് ബ്രിഡ്‌ജും ഡോക്കിയിലെ ട്രാൻസ്പരന്റ് തടാകങ്ങളുമൊക്കെ ഒരു ഊരുതെണ്ടിക്ക് വേണ്ട സകലതും കാത്തുവെച്ച മേഘാലയ അങ്ങ് നിൽക്കുന്നുണ്ട്.. പറ്റുവാണെങ്കിൽ എല്ലാരും ഒന്ന് പോയിട്ട് വരൂ…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post

1987 ലെ ഒരു ‘എസ്കേപ് റോഡ്’ സാഹസിക യാത്ര !!

വിവരണം – കെ.എം. കുര്യാക്കോസ്. 1987 ൽ ഒരു 1977 മോഡൽ അമ്പാസിഡർ കാറുമായി ടോപ് സ്റ്റേഷനിൽ നിന്നും എസ്കേപ് റോഡുവഴി കൊടൈക്കനാലിലേക്കു നടത്തിയ സാഹസിക യാത്ര. ഞങ്ങൾ കോതമംഗലം M.A. കോളജിലെ അഞ്ച് അദ്ധ്യാപകർ, കൊമേഴ്സിലെ ഐസക് കുര്യൻ (ഷാജി),…
View Post