1947 – ഇന്ത്യൻ സ്വാതന്ത്ര്യ സമരം പശ്ചാത്തലമായ റെസ്റ്റോറന്‍റ് കൊച്ചിയിൽ…

Total
0
Shares

ഒമാൻ തലസ്ഥാനമായ മസ്ക്കറ്റിലുള്ള പ്രവാസി മലയാളികൾക്ക് ഏറെ പ്രിയങ്കരമായ കേരള റെസ്റ്റോറന്റാണ് ‘1947’. ഇന്ത്യയ്ക്ക് സ്വാതന്ത്ര്യം ലഭിച്ച വർഷമാണ് 1947. ഇന്ത്യൻ സ്വാതന്ത്ര്യ സമരത്തെയും നേതാക്കളെയുമെല്ലാം ഓർമ്മപ്പെടുത്തുന്ന വ്യത്യസ്തമായ ഒരു തീമിൽ തയ്യാറാക്കിയിരിക്കുന്ന ഈ റെസ്റ്റോറന്റിന് ‘1947’ എന്നല്ലാതെ മറ്റൊരു പേരും ചേരില്ല എന്നു മനസ്സിലാക്കിയിട്ടാകണം അവർ ഇത്തരമൊരു പേര് സ്വീകരിച്ചതും. മസ്കറ്റിൽ തന്നെയുള്ള അനന്തപുരി റെസ്റ്റോറന്റിന്റെ ഉടമസ്ഥതയിൽ ഉള്ളതാണ് 1947.

ഒരു കൊളോണിയൽ സ്റ്റൈലിൽ ഉള്ള ഒരു റെസ്റ്റോറന്റ് ആണ് 1947. റെസ്റ്റോറന്റിനുള്ളിൽ ഇന്ത്യൻ സ്വാതന്ത്ര്യ സമര സേനാനികളുടെയും മറ്റു പ്രശസ്തരായവരുടെയും ചിതങ്ങൾ വെച്ചിട്ടുണ്ട്. കൂടാതെ ടേബിളുകളിൽ പഴയ വർത്തമാനപ്പത്രങ്ങൾ ഫ്രെയിം ചെയ്ത് വെച്ചിരിക്കുന്നു. ഇവിടെ എല്ലാവരെയും ആകർഷിക്കുന്ന മറ്റൊരു പ്രധാനപ്പെട്ട കാര്യം ഇവിടത്തെ മെനു കാർഡ് ആണ്. മരം കൊണ്ട് നിർമ്മിച്ച ഒരു ഫലകം പോലെയാണ് ഇവിടെ മെനു കാർഡ് രൂപീകരിച്ചിരിക്കുന്നത്. റെസ്റ്റോറന്റിലെ ജീവനക്കാരുടെ യൂണിഫോമിലും കാണാം ഒരു ഇന്ത്യൻ ടച്ച്. ഭക്ഷണത്തിന്റെ കാര്യമാണെങ്കിലോ പറയുകയേ വേണ്ട. രുചികരമായ പലതരത്തിലുള്ള വിഭവങ്ങളാണ് ഇവിടെ ലഭ്യമാകുന്നത്.

1947 എന്ന ഈ റെസ്റ്റോറന്റ് കേരളത്തിൽ കൊച്ചിയിൽ ആരംഭിക്കുമെന്ന് പ്രഖ്യാപനം ഉണ്ടായിരുന്നു. അങ്ങനെ ഭക്ഷണ പ്രേമികളുടെ കാത്തിരിപ്പുകൾക്കൊടുവിൽ മസ്‌ക്കറ്റിൽ നിന്നും നമ്മുടെ സ്വന്തം മലയാള മണ്ണിലേക്ക് – അറബിക്കടലിൻ റാണിയെ മുത്തമിട്ടു കൊച്ചിയുടെ മണ്ണിൽ ജന്മ, വിദേശ, അറബ് നാടിൻ തനതു രുചികൾ പകർന്നു നൽകാനായി ‘1947’ എന്ന പേരിൽത്തന്നെ എറണാകുളത്ത് കാക്കനാട് ഭാഗത്ത് പ്രവർത്തനമാരംഭിച്ചിരിക്കുകയാണ്. 2019 മാർച്ച് 21 നാണു കാക്കനാട്ടെ ഈ വ്യത്യസ്തമായ റെസ്റ്റോറന്റ് പ്രവർത്തനം തുടങ്ങിയത്.

ഇന്ത്യൻ സ്വാതന്ത്ര്യ സമരത്തിന്റെ ഓർമ്മപ്പെടുത്തലുകൾ, പഴമയുടെ പെരുമ വിളിച്ചോതുന്ന അകത്തളങ്ങൾ എന്നിവയാണ് ‘1947 കൊച്ചി’യുടെ പ്രത്യേകതകൾ. “ഭക്ഷണം വെറും രുചി മാത്രമല്ല ആരോഗ്യവും ആണ്. നല്ല ഭക്ഷണം ആരോഗ്യത്തെ പ്രദാനം ചെയ്യുന്നു” എന്നാണു റെസ്റ്റോറന്റിന്റെ ഫേസ്‌ബുക്ക് പേജിൽ അവർ കുറിച്ചിരിക്കുന്നത്. 

കൊച്ചി നഗരത്തിന്റെ തിരക്കുകളിൽ നിന്നും ഒഴിഞ്ഞു മാറി സ്ഥിതി ചെയ്യുന്നതും കേരളത്തിലെ പ്രധാന ഐടി ഹബ്ബ് ഏരിയകളിൽ ഒന്നായതുമാണ് റെസ്റ്റോറന്റ് തുടങ്ങുവാനായി കാക്കനാടിനെ തിരഞ്ഞെടുത്തിരിക്കുന്നത്. പ്രവാസികൾ അനുഭവിച്ചറിഞ്ഞ 1947 ന്റെ രുചിഭേദങ്ങൾ ഇനി കൊച്ചീക്കാർക്കും ആസ്വദിക്കാം. ഇന്ത്യയിലെ ചരിത്ര പ്രധാനമായ സംഭവങ്ങളുടെ ചിത്രങ്ങൾ, ‘അമർ ജവാൻ ജ്യോതി’യുടെ പതിപ്പ്, മഹാത്മാ ഗാന്ധി നയിച്ച പ്രശസ്തമായ ദണ്ഡി യാത്രയുടെ 3D
ആവിഷ്ക്കാരം, നൂറോളം സ്വാതന്ത്ര്യ സമര സേനാനികളുടെ ചിത്രങ്ങളും അവരെക്കുറിച്ചുള്ള ചെറുവിവരണങ്ങളും ഒക്കെ റെസ്റ്റോറന്റിൽ സജ്ജീകരിച്ചിട്ടുണ്ട്.

ചുരുക്കിപ്പറഞ്ഞാൽ ഈ റെസ്റ്റോറന്റിൽ കയറുന്നവർ ഇന്ത്യയുടെ ചരിത്രം വ്യക്തമായിത്തന്നെ അറിഞ്ഞുകൊണ്ടായിരിക്കും തിരികെയിറങ്ങുന്നത്. വ്യത്യസ്തങ്ങളായ വിഭവങ്ങൾ രുചിക്കുന്നതിനൊപ്പം നമ്മുടെ സ്വാതന്ത്ര്യ സമരത്തിൽ പങ്കെടുത്ത വീരവ്യക്തിത്വങ്ങളോടുള്ള ഒരു Tribute കൂടിയാകട്ടെ 1947 റെസ്റ്റോറന്റിലേക്കുള്ള നമ്മുടെ യാത്ര.

ഉച്ചയ്ക്ക് 12 മണി മുതൽ 3 മണി വരെയും, വൈകീട്ട് 7 മണി മുതൽ 11 മണിവരെയുമായിരിക്കും ഈ ഹോട്ടൽ തുറന്നു പ്രവർത്തിക്കുക. ലൊക്കേഷൻ : 1947 Indian Restaurant, Infopark Road, Kuzhikkattumoola, Kakkanad, Kerala 682030, Phone – 82819 47000, Map –  https://goo.gl/maps/3tG7gxvKfT42 .

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post