30 വര്‍ഷം മുമ്പത്തെ 200 രൂപയുടെ കടം വീട്ടാൻ ഇന്ത്യയിലെത്തിയ ഒരു കെനിയന്‍ എം.പി

Total
233
Shares

എഴുത്ത് – പ്രകാശ് നായർ മേലില.

സത്യസന്ധതയുടെ ഉത്തമ മാതൃകയായി ഈ കെനിയൻ നേതാവ് ! ഇന്നദ്ദേഹം ലോകത്തിനുതന്നെ നേർവിളക്കായി മാറിക്കഴിഞ്ഞു.നേതാക്കൾക്കും ജനങ്ങൾക്കും മാതൃകാ പുരുഷനായ Richard Tongi എന്ന കെനിയൻ നേതാവ് 30 വർഷം മുൻപ് തൻ്റെ പഠനകാലത്ത് കടമായി വാങ്ങിയ 200 രൂപ മടക്കിനൽകാനാണ് മഹാരാഷ്ട്രയിലെ ഔറംഗാബാദിലെത്തിയത്.

റിച്ചാർഡ് ടോംഗി 1985 മുതൽ 1989 വരെ ഔറംഗാബാദിലെ മൗലാനാ ആസാദ് കോളേജിലാണ് മാനേജുമെന്റ് പഠനം നടത്തിയത്. അവിടെ കോളേജിനടുത്തുള്ള വാംഖഡെ നഗറിൽ ഒരു മുറി വാടകയ്‌ക്കെടുത്തായിരുന്നു അദ്ദേഹത്തിന്റെ താമസം. തൊട്ടടുത്ത് ശ്രീകൃഷ്ണ പ്രൊവിഷൻ സ്റ്റോർ നടത്തിയിരുന്ന കാശിനാഥ് ഗൗലി യുടെ കടയിൽനിന്നായിരുന്നു പലചരക്കുസാധാനങ്ങൾ വാങ്ങിയിരുന്നത്.ചെലവ് ചുരുക്കാൻ പഠനകാലത്ത് അദ്ദേഹം ആഹാരം സ്വന്തമായി പാചകം ചെയ്തു കഴിക്കുകയായിരുന്നു.

റിച്ചാർഡ് ടോംഗി, കാശിനാഥ് ഗൗലിയോട് വല്ലപ്പോഴും പണം കൈവായ്പ്പയായും വാങ്ങുമായിരുന്നു. വലിയ സമ്പന്നകുടുംബത്തിലെ അംഗമല്ലാതിരുന്നതിനാലാണ് അദ്ദേഹം പഠനത്തിനായി ഔറംഗാബാദ് തെരഞ്ഞെടുത്തത്.

പഠനം പൂർത്തിയാക്കി മടങ്ങിയ റിച്ചാർഡ് ടോംഗിക്ക് കാശിനാഥിനോട് കടമായി വാങ്ങിയ 200 രൂപ കൊടുക്കാനായില്ല. കാരണം അദ്ദേഹം അപ്പോഴതോർത്തില്ല. കെനിയയിൽ ചെന്ന് നാളുകൾക്കുശേഷമാണ് കാശിനാഥിനുകൊടുക്കാനുള്ള 200 രൂപയുടെ കാര്യം ഓർമ്മവരുന്നത് .ഒരുതവണ കത്തയച്ചെങ്കിലും മറുപടി ലഭിച്ചില്ല. ഈ കടം വർഷങ്ങളോളം റിച്ചാർഡ് ടോംഗിയുടെ മനസ്സിനെ മഥിച്ചിരുന്നു എന്നത് വ്യക്തമാണ്. അതുവീട്ടാൻ വഴിയില്ലാതെ അദ്ദേഹം വിഷമിക്കുകയും ചെയ്തിരുന്നു.

ഇതിനിടെ കെനിയൻ രാഷ്ട്രീയത്തിൽ പ്രവേശിച്ച അദ്ദേഹം ‘ന്യാറിബെറി ചാച്ചി’ മണ്ഡലത്തിൽനിന്നുള്ള എം.പി യായി. രാജ്യത്തെ വിദേശകാര്യസമിതിയുടെ ഉപാദ്ധ്യക്ഷനായി തെരഞ്ഞെടുക്കപ്പെട്ട റിച്ചാർഡ് ടോംഗി ഇന്ത്യൻ പ്രധാനമന്ത്രി നരേന്ദ്രമോദിയെ കാണാനായി ഡൽഹിയിലെത്തിയ കെനിയൻ പ്രതിനിധി സംഘത്തിലുണ്ടായിരുന്നു. ഡൽഹിയിലെ പരിപാടികൾ കഴിഞ്ഞശേഷം അദ്ദേഹം ഭാര്യയുമൊത്ത് മുൻകൂട്ടി കരുതിയതനുസരിച്ചു മുംബൈയിലും അവിടെ നിന്ന് ഔറംഗാബാദിലുമെത്തി. റിച്ചാർഡ് ടോംഗിയുടെ ഭാര്യ കെനിയയിൽ ഡോക്ടറാണ്.

ഔറംഗാബാദിൽ 30 വര്ഷം മുൻപ് താൻ താമസിച്ചിരുന്ന സ്ഥലമാകെ മാറിയതായി അദ്ദേഹം മനസ്സിലാക്കി. വാംഖഡെ നഗറിലെ ശ്രീകൃഷ്ണ സ്റ്റോറും കാശിനാഥ് ഗോഖലയെയും പലയിടത്തും അദ്ദേഹം അന്വേഷിച്ചു. ആ സ്ഥലം ഒരു ചെറുപട്ടണമായി മാറിയിരിക്കുന്നു. ആർക്കും കാശിനാഥിനെ അറിയില്ല. ആ കടയും വീടും ഇന്നവിടില്ല. കാർ ഡ്രൈവറുടെ സഹായത്തോടെ അദ്ദേഹം അവിടുത്തെ മുതിർന്ന ആളുകളോട്, ‘കുർത്തയും കയ്യില്ലാത്ത ബനിയനും ധരിച്ചിരുന്ന കാശിനാഥ് ഗൗലി’ യെപ്പറ്റി പറഞ്ഞപ്പോൾ ആളുകൾക്ക് പിടികിട്ടി. അങ്ങനെ ഒടുവിൽ വളരെ സാഹസപ്പെട്ടു ഗൗലിയുടെ വീട് കണ്ടുപിടിച്ചു.

ആദ്യനോട്ടത്തിൽത്തന്നെ പ്രായാധിക്യം ഏറെ തളർത്തിയ കാശിനാഥിനെ റിച്ചാർഡ് ടോംഗി തിരിച്ചറിഞ്ഞു. കാശിനാഥനാകട്ടെ ആദ്യം ആളെ മനസ്സിലായില്ലെങ്കിലും പിന്നീട് തന്റെ കണ്ണുകളെ വിശ്വസിക്കാനായാൾക്കു കഴിഞ്ഞില്ല. 30 വര്ഷം മുൻപ് വാങ്ങിയ ചെറിയ തുകയായ 200 രൂപ മടക്കിനൽകാൻ വിദേശത്തുനിന്ന് റിച്ചാർഡ് ടോംഗി വരുമെന്ന് ആരും കരുതിയിരുന്നില്ല.

250 യൂറോ (ഇന്ത്യൻ രൂപ ഏകദേശം 19,200) അദ്ദേഹം കാശിനാഥിന്റെ കയ്യിൽക്കൊടുത്തശേഷം അദ്ദേഹത്തോട് ക്ഷമയും പറഞ്ഞു. ഇരുവരുടെയും കണ്ണുകൾ നിറഞ്ഞു. കണ്ടുനിന്നവരുടെയും കണ്ണുകൾ ഈറനണിഞ്ഞു. പണം വാങ്ങാൻ മടിച്ച കാശിനാഥിന്റെ കയ്യിൽ അത് ബലമായി നൽകിക്കൊണ്ട് റിച്ചാർഡ് ടോംഗി പറഞ്ഞു. “ഞാൻ വാങ്ങിയ കടത്തിന് ഇതെന്റെ കണക്കിനുള്ള തുകയാണ്.”

ഇതോടൊപ്പം കാശിനാഥിനും കുടുംബത്തിനും കെനിയ സന്ദർശിക്കാനുള്ള ക്ഷണവും അദ്ദേഹം നൽകുകയുണ്ടായി. റിച്ചാർഡ് ടോംഗിയെയും ഭാര്യയേയും നഗരത്തിലെ ഹോട്ടലിൽ കൊണ്ടുപോയി സൽക്കരിക്കാനുള്ള കാശിനാഥിന്റെ ആഗ്രഹം അദ്ദേഹം വിലക്കുകയും കാശിനാഥിന്റെ വീട്ടിലുണ്ടാക്കിയ ഭക്ഷണം കഴിക്കാൻ താല്പര്യപ്പെടുകയുമായിരുന്നു.

“ഞാൻ ഇവിടെ പഠിക്കാൻ വന്ന സമയത്ത് സാമ്പത്തികമായി വളരെയേറെ ബുദ്ധിമുട്ടിയിരുന്നു. അന്ന് എന്നെ ഒരു കുടുംബാംഗത്തെപ്പോലെ കണ്ടു സഹായിച്ചത് ഈ കാശിനാഥും ഭാര്യയുമായിരുന്നു. എനിക്കവരെ മരിക്കുംവരെ മറക്കാനാകില്ല.” വിവരമറിഞ്ഞെത്തിയ മാദ്ധ്യമപ്രവർത്തകരോട് റിച്ചാർഡ് ടോംഗി പറഞ്ഞ വാക്കുകളാണിത്. റിച്ചാർഡ് ടോംഗിയും ഭാര്യയും ഭക്ഷണവും കഴിച്ചു അൽപ്പനേരം വിശ്രമിച്ച ശേഷമാണ് അവരോട് യാത്രചൊല്ലിപ്പിരിഞ്ഞത്. കാശിനാഥിനെയും കുടുംബത്തെയും കെനിയയിലേക്ക് ക്ഷണിച്ച ശേഷമാണ് ടോംഗി ഔറംഗാബാദില്‍ നിന്നു മടങ്ങിയത്.

സ്നേഹത്തിന്റെയും സത്യസന്ധതയുടെയും ഒപ്പം തികഞ്ഞ ആത്മാർത്ഥതയുടെയും പര്യായമായി മാറിയ റിച്ചാർഡ് ടോംഗി ലോകത്തിനുതന്നെ മാതൃകയാണ്. പ്രത്യേകിച്ചും പൊതുപ്രവർത്തകർക്ക്. പറഞ്ഞ വാക്കുകൾ പാലിക്കുകയും, പ്രവർത്തനത്തിൽ മാതൃക കാട്ടുകയും, ജനങ്ങൾക്ക് മുന്നിൽ സത്യസന്ധരായിരിക്കുകയും ചെയ്യണമെന്ന അനിവാര്യ സത്യം അവരാണുൾക്കൊള്ളേണ്ടത്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post