പൊതുഗതാഗതത്തിൻ്റെ നന്മകൾ നിങ്ങളാരെങ്കിലും മനസ്സിലാക്കുന്നുണ്ടോ?

Total
0
Shares

എഴുത്ത് – എബിൻ കോലടിയിൽ.

പുതിയ കാലഘട്ടത്തിന്റെ ഗതാഗത സംസ്കാരം പഴയതിനേക്കാൾ ഏറെ വ്യത്യസ്തമാണ്.. ഏറെ നന്മകളുള്ള പൊതുഗതാഗത മേഖലയെ ഏതാണ്ട് പാതിയോളം ഉപേക്ഷിച്ച മട്ടാണ് പുതുതലമുറ. എന്നാൽ പൊതുഗതാഗതത്തിന്റെ നന്മയും മേൻമയും ഉൾക്കൊണ്ട് അതിനെ നെഞ്ചിലേറ്റി നടക്കുന്ന ഒരുപിടി നല്ല മനുഷ്യർ ഇന്നും നമ്മുടെ നാട്ടിൽ ഉണ്ട്.

ഇന്ന് ഏറ്റവും കുറഞ്ഞത് ഒരു വീട്ടിൽ ഒരു വണ്ടി എങ്കിലും കാണും. അത്യാവശ്യ കാര്യങ്ങൾക്ക് വേണ്ടി മാത്രമല്ല, പത്തോ നൂറോ മീറ്റർ നടക്കാനുള്ള ദൂരത്ത് പോലും വാഹനത്തിൽ സഞ്ചരിക്കുന്നത് നമ്മുടെയൊക്കെ ശീലമായിപ്പോയി. ആരോഗ്യത്തിലും ആയുർദൈർഘ്യത്തിലും അതിന്റെ പരിണിത ഫലങ്ങൾ കണ്ടുവരുന്നുണ്ട്. 5മിനിറ്റ് ഇടവേളകളിൽ ബസ് സർവീസ് ഉള്ള സ്ഥലത്തുപോലും കാറിലോ, ബൈക്കിലോ പോയാലേ നമുക്കൊരു സംതൃപ്തി കിട്ടുകയുള്ളൂ.. അതിന്റെ പരിണതഫലങ്ങൾ പലപ്പോഴും നമ്മൾ പത്രമാധ്യമങ്ങളിൽ കാണാറുണ്ട്.

ഗുരുതരാവസ്ഥയിൽ രോഗിയുമായി പോയ ആംബുലൻസ് സമയത്ത് ആശുപത്രിയിൽ എത്താതെ രോഗി മരിക്കുന്നു – കാരണം ട്രാഫിക് ബ്ലോക്ക്. സമയത്ത് എത്താനുള്ള ബസുകളുടെ മരണപ്പാച്ചിലിൽ പല നിഷ്കളങ്ക ജീവനുകളും റോഡിൽ പൊലിയുന്നുപൊലിയുന്നു- കാരണം ട്രാഫിക് ബ്ലോക്കിൽ പെട്ടതിനാൽ സമയത്ത് എത്താൻ സാധിക്കുന്നില്ല

ഇതൊക്കെയും ചെറിയ ചെറിയ ഉദാഹരണങ്ങൾ മാത്രം. നമ്മുടെ നിത്യജീവിതത്തിൽ തന്നെ എത്രയോ ഉദാഹരണങ്ങൾ. ഇന്നത്തെ സാഹചര്യത്തിൽ ഒരു ദീർഘദൂര യാത്ര പുറപ്പെട്ടാൽ കൃത്യസമയത്ത് എത്തിച്ചേരാൻ കഴിയുമോ? ഒരിക്കലും കഴിയില്ല.

ഈ ട്രാഫിക് ബ്ലോക്ക് എന്ന, റോഡിലെ ഏറ്റവും വലിയ ദുർഘടത്തിന് പ്രധാന കാരണം നമ്മുടെ നിരത്തുകളിലെ വാഹനപ്പെരുപ്പം തന്നെയാണ്. ഒാരോ ദിവസവും എത്രയെത്ര പുതിയ വാഹനങ്ങൾ ആണ് നിരത്തു കീഴടക്കാൻ എത്തുന്നത്? വാഹന കമ്പനികൾ പരസ്യം പറയുന്നതുപോലെ നിരത്തുകൾ കീഴടക്കുകയാണ് വാഹനങ്ങൾ. റോഡിൽ നിറയെ വാഹനങ്ങൾ. ഒരു ദീർഘദൂര യാത്രയിൽ ഒരു തട്ടലും മുട്ടലും ഇല്ലാതെ ഓടിച്ചെത്തണമെങ്കിൾ ഡ്രൈവർ അത്രകണ്ട് പരിചയസമ്പന്നൻ ആവണം.

അനുദിനം വർദ്ധിച്ചു വരുന്ന ട്രാഫിക് ബ്ലോക്കിന് തടയിടാനുള്ള ഏകമാർഗ്ഗവും പൊതുഗതാഗതം ആണ്.. ഒരു കാറിൽ അഞ്ചു പേർക്ക് ഇരുന്നു യാത്ര ചെയ്യാം. ബൈക്കിൽ രണ്ടുപേർക്കും യാത്ര ചെയ്യാം. എന്നാൽ ഒരു ബസ്സിൽ അൻപതു പേർക്ക് സുഖമായി ഇരുന്ന് യാത്രചെയ്യാം. അതായത് പത്തു കാറുകളിൽ യാത്ര ചെയ്യുന്ന അത്ര ആളുകളെ ഒരു ബസ്സിൽ ഉൾക്കൊള്ളും. സ്റ്റാന്റിംഗ് കൂടി നോക്കിയാൽ അതിലും അധികം വരും.. ബൈക്കുമായി താരതമ്യം ചെയ്താൽ ഇരുപത്തഞ്ചു ബൈക്കുകൾക്ക് പകരം ഒരു ബസ്സ് മതി.. അതാണ് പൊതുഗതാഗതത്തിന്റെ മേന്മ.

അതുപോലെ തന്നെ ചെറിയ ഒരു പ്ലേ ഗ്രൌണ്ടിൽ നാലോ അഞ്ചോ കുട്ടികൾ ഓടിക്കളിക്കുന്നു, തമ്മിൽ കൂട്ടിമുട്ടാനുള്ള സാധ്യത വിരളമാണ്, പക്ഷേ അതേ ഗ്രൌണ്ടിൽ അമ്പതോ അറുപതോ കുട്ടികൾ ചറപറാ ഓടി നടന്നാൽ കൂട്ടിയിടിയുടെ എണ്ണവും കൂടും, നൂറു കുട്ടികൾ ഓടുകയാണെങ്കിൽ അപകട സാധ്യത വീണ്ടും കൂടും.. ഇപ്പോൾ മനസ്സിലായോ വാഹനപ്പെരുപ്പവും റോഡപകടങ്ങളും തമ്മിലുള്ള ആത്മബന്ധം?.. അവിടെ ആണ് പൊതുഗതാഗതത്തിന് പ്രസക്തി ഏറുന്നത്..

നമ്മുടെ പൊതുഗതാഗത മേഖല അനുദിനം ക്ഷയിച്ചു പൊയ്ക്കൊണ്ടിരിക്കുകയാണ് ഇന്ന്, പ്രത്യേകിച്ച് ബസ് വ്യവസായം, സ്വകാര്യ ബസുകളും ആർ. ടി. സി കളും എല്ലാം പൂട്ടിക്കെട്ടലിന്റെ വക്കിൽ എത്തി നിൽക്കുന്നതാണ് ഇന്നത്തെ സാഹചര്യം. ഒരു സർവീസ് നിലച്ചു പോയാൽ ജീവിതം വഴിമുട്ടുന്നത് അതിനെ ആശ്രയിച്ചു ജീവിക്കുന്ന ഒരുപറ്റം മനുഷ്യരാണ്. പട്ടിണിയിൽ ആവുന്നത് അവരുടെ കുടുംബങ്ങളും. ഒരുകാലത്ത് നമ്മുടെ യാത്രകളിൽ സഹായമായി മാറിയ പൊതുഗതാഗത മേഖലയെ നാശത്തിൽ നിന്നു കൈപിടിച്ചുയർത്തേണ്ടത് നമ്മുടെ കടമ മാത്രമല്ല നമ്മുടെ ആവശ്യം കൂടിയാണ്. വർധിച്ചു വരുന്ന വാഹനങ്ങൾ മറ്റു പല പ്രശ്നങ്ങൾക്കും കാരണകർത്താക്കൾ ആണ്.

വായു മലിനീകരണം, ശബ്ദ മലിനീകരണം തുടങ്ങി മലിനീകരണ പ്രശ്നങ്ങളുടെ ഒരു നീണ്ട ലിസ്റ്റ് തന്നെയുണ്ട് ഇപ്പോൾ പറഞ്ഞാൽ തീരില്ല വാഹനപ്പെരുപ്പം വലിയൊരു വിപത്തായി മാറിക്കൊണ്ടിരിക്കുന്നു.. പൊതുഗതാഗത മേഖല ശക്തിപ്പെട്ടേ തീരൂ.

ഇതൊന്നും കൂടാതെ പഴയ കാലഘട്ടത്തിന്റെ ഒരു നന്മ നമ്മുടെ പൊതുഗതാഗത മേഖല ഇന്നും കാത്തുസൂക്ഷിക്കുന്നു.. വിൻഡോ ഗ്ലാസ്സുകൾ എല്ലാം ഉയർത്തി എന്റെ/സി ഇട്ട് കാറിൽ പോകുന്നവർക്കും, ഹെൽമെറ്റുകൊണ്ട് മുഖം മുഴുവനും മറച്ച് ബൈക്കിൽ പോകുന്നവനും മറ്റുള്ളവരുമായി ഇടപഴകാനോ, ബന്ധങ്ങൾ വളർത്താനോ, സൌഹൃദങ്ങൾ കാത്തുസൂക്ഷിക്കാനോ കഴിയുന്നുണ്ടോ? പക്ഷേ, പൊതുഗതാഗത സംസ്കാരം അതിൽനിന്നു വ്യത്യസ്തമാണ്, ഒരു ബസ്സിൽ യാത്ര ചെയ്യുന്ന ആളുകൾ, സൌഹൃദങ്ങൾ, സനേഹ ബന്ധങ്ങൾ, പരിചയങ്ങൾ എല്ലാം പഴയവയെ വളർത്താനും പുതിയ ബന്ധങ്ങൾ നേടാനും എല്ലാം സാധിക്കുന്നു, നമുക്ക് ഇതുവഴി..

മാത്രമല്ല തിരക്കുള്ള റോഡിൽ, മലയോര പാതകളിൽ, വനമേഖലയിൽ ചെറിയ വാഹനങ്ങളിൽ വലിയ റിസ്ക് എടുത്ത് ഡ്രൈവ് ചെയ്യുന്നതിന്റെ ടെൻഷൻ, മാനസിക സമ്മർദ്ദം എല്ലാം ഒഴിവാക്കാനുള്ള ഒരു ഔഷധം കൂടിയാണ് ഈ ബസ് യാത്രകൾ.. ആ വിൻഡോ സീറ്റിൽ ഇരുന്ന്, സകല ടെൻഷനുകളും മറന്ന്, അസ്വസ്ഥതകളെ അവരുടെ വഴിയേ വിട്ട്, ചിന്താഭാരങ്ങൾ കാറ്റിൽ പറത്തി അങ്ങനെ യാത്ര ചെയ്യുമ്പോൾ ഉണ്ടാവുന്ന സുഖം, ഒന്നു വേറെതന്നെ അല്ലേ?

പറയാനുള്ളത് ഇത്രമാത്രം – പൊതുഗതാഗതം സംരക്ഷിക്കൂ.. നന്മ നിറഞ്ഞ പൊതുഗതാഗത സംസ്കാരം മറ്റുള്ളവരിൽ പകർന്നു നൽകൂ…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1987 ലെ ഒരു ‘എസ്കേപ് റോഡ്’ സാഹസിക യാത്ര !!

വിവരണം – കെ.എം. കുര്യാക്കോസ്. 1987 ൽ ഒരു 1977 മോഡൽ അമ്പാസിഡർ കാറുമായി ടോപ് സ്റ്റേഷനിൽ നിന്നും എസ്കേപ് റോഡുവഴി കൊടൈക്കനാലിലേക്കു നടത്തിയ സാഹസിക യാത്ര. ഞങ്ങൾ കോതമംഗലം M.A. കോളജിലെ അഞ്ച് അദ്ധ്യാപകർ, കൊമേഴ്സിലെ ഐസക് കുര്യൻ (ഷാജി),…
View Post

ചുരുങ്ങിയ ചിലവിൽ 14 സ്ഥലങ്ങളിലേക്ക് ഒരു ഫാമിലി ട്രിപ്പ്

വിവരണം – Karrim Choori. 2019 ഓഗസ്റ്റ് 24 നല്ല ഇടിയും മഴയുള്ള രാത്രി ആയിരുന്നു അത്. 9 മണിക്ക് ഞാനും എന്റെ രണ്ട് മക്കളും, പെങ്ങളെ രണ്ടു കുട്ടികളും, ടോട്ടൽ ആറുപേർ Ritz കാറിൽ നാളെ ഉച്ചവരെയുള്ള ഫുഡ് ഒക്കെ…
View Post