നൊസ്റ്റാൾജിക് ഓർമ്മകളുമായി ‘കൊച്ചിയുടെ കുട്ടനാട്ടി’ലേക്ക് ഒരു പ്രഭാതയാത്ര..

Total
19
Shares

എഴുത്ത് – പ്രശാന്ത് പറവൂർ. കവർ ചിത്രം-ഷാജി മൻഷാദ്.

എറണാകുളത്തും ഉണ്ടൊരു കുട്ടനാട് – സോഷ്യൽ മീഡിയ ഹിറ്റാക്കിയ എറണാകുളം ജില്ലയിലെ ഒരു ഗ്രാമമായ കടമക്കുടിയെക്കുറിച്ചാണ് ഈ വിശേഷണം. ചുമ്മാ പറയുന്നതല്ല കേട്ടോ, കടമക്കുടി ഒരു സുന്ദരി തന്നെയാണ്. അത് മനസ്സിലാക്കണമെങ്കിൽ ഒരു തവണ അവിടേക്ക് പോകണം. അതി രാവിലെയും വൈകീട്ടുമാണ് കടമക്കുടി കാണുവാൻ ഏറ്റവും ഭംഗി. ഉച്ച സമയത്ത് പോയാൽ നല്ല ചൂട് വെയിലുമേറ്റ് കരിഞ്ഞുണങ്ങേണ്ടി വരും.

കടമക്കുടി ഇന്ന് എല്ലാവർക്കും ഒരു ടൂറിസ്റ്റു സ്പോട്ട് പോലെയായി മാറിയെങ്കിലും ഞങ്ങൾക്ക് ഇന്നും ഞങ്ങളുടെ പഴയ പഞ്ചായത്തായ കടമക്കുടിയെയാണിഷ്ടം. 25 വർഷത്തോളം ഞാൻ ജീവിച്ചത് കടമക്കുടി പഞ്ചായത്തിലെ കോതാട് ഗ്രാമത്തിലായിരുന്നു. അന്ന് കടമക്കുടി നാലുഭാഗവും വെള്ളത്താൽ ചുറ്റപ്പെട്ട ഒരു ഗ്രാമമായിരുന്നു. ബോട്ട് സർവ്വീസുകൾ മാത്രമായിരുന്നു അന്ന് കടമക്കുടിക്കാരുടെ യാത്രാമാർഗ്ഗം. ചിറ്റൂർ ഭാഗത്തു നിന്നും രണ്ടു ബോട്ടുകളും ഞാറയ്ക്കലിൽ നിന്നും ഒരു ബോട്ടും ഇതുവഴി ഉണ്ടായിരുന്നു. കൂടാതെ എറണാകുളത്തു നിന്നും ചാത്തനാടേക്ക് സർവ്വീസ് നടത്തിയിരുന്ന ബോട്ട് കടമക്കുടി വഴിയായിരുന്നു പോയിരുന്നത്.

ഞങ്ങളുടെ നാടായ കോതാട് ഗ്രാമത്തിൽ പ്രവർത്തിച്ചിരുന്ന റേഷൻകട ഒരിക്കൽ നിർത്തുകയുണ്ടായി. ഇതോടെ ആ നാട്ടിലെ കുറച്ചാളുകൾക്ക് ചിറ്റൂരിലും ബാക്കിയുള്ളവർക്ക് കടമക്കുടിയിലുമാണ് റേഷൻകട താൽക്കാലികമായി അലോട്ട് ചെയ്തത്. ഞങ്ങളുടെ റേഷൻകട കടമക്കുടിയിലായിരുന്നു. അന്നൊക്കെ റേഷൻ വാങ്ങാൻ പോകുന്നത് വളരെ താല്പര്യമുള്ള കാര്യമായിരുന്നു. വേറൊന്നുമല്ല വൈകുന്നേരം ബോട്ടിൽ ഒരു സായാഹ്നയാത്രയും നടത്താം, കൂടാതെ ബാക്കി വരുന്ന കാശ് കയ്യിൽ തടയുകയും ചെയ്യും. കടമക്കുടി ബോട്ട് ജെട്ടിയോട് ചേർന്നായിരുന്നു റേഷൻകടയും പ്രവർത്തിച്ചിരുന്നത്. ഇന്ന് അതെങ്ങനെയാണാവോ?

ചില സമയങ്ങളിൽ റേഷൻ കടയിൽ തിരക്കായാൽ വന്ന ബോട്ടിനു തന്നെ തിരികെ പോകുവാൻ സാധിക്കുമായിരുന്നില്ല. അങ്ങനെ വരുമ്പോൾ സാധനങ്ങളെല്ലാം റേഷൻ കടയിൽത്തന്നെ വെച്ചിട്ട് കടമക്കുടിയുടെ ജീവനാഡിപോലെ കിടന്നിരുന്ന പാടവരമ്പിലൂടെയൊക്കെ ഒന്നു നടക്കാൻ പോകുമായിരുന്നു. ചിലപ്പോൾ ആരെങ്കിലും മീൻപിടിക്കുന്ന കാഴ്ച കണ്ടാൽ അവിടെ കൂടും. സന്ധ്യയോടെയായിരിക്കും പിന്നീട് അവിടെ നിന്നും വീട്ടിലേക്ക് ബോട്ടിൽ മടങ്ങുക.

ഇങ്ങനെ ഞങ്ങളെല്ലാം ആസ്വദിച്ചു കണ്ടിരുന്ന, ഞങ്ങളുടെ നൊസ്റ്റാൾജിയയുടെ ഭാഗമായ കടമക്കുടി ഇന്ന് കേരളം മുഴുവനും അറിയപ്പെടുന്ന ഒരു ചെറിയ ടൂറിസ്റ്റ് – ഫോട്ടോഗ്രാഫി സ്പോട്ട് ആയി മാറിയിരിക്കുന്നു. ഇന്ന് നിങ്ങളെല്ലാം കാണുന്ന കടമക്കുടിയേക്കാൾ പതിന്മടങ്ങു സുന്ദരമായിരുന്നു ഞങ്ങൾ കണ്ടിട്ടുള്ള ആ പഴയ കടമക്കുടി. പിൽക്കാലത്ത് പാലം പണിത് കടമക്കുടിയെ വരാപ്പുഴ ദ്വീപുമായി ബന്ധിപ്പിച്ചതോടെ ഇന്ന് കടമക്കുടിയിലേക്ക് ബസ്സുകൾ സർവ്വീസ് നടത്തുന്നുണ്ട്.

കടമക്കുടി ദ്വീപുകൾ ഉണ്ടായതെങ്ങനെയെന്നു ചരിത്രം പറയുന്നത് ഇങ്ങനെ : 1341 ലെ വെള്ളപ്പൊക്കത്തിൽ കൊച്ചി അഴിമുഖം രൂപപ്പെട്ടപ്പോൾ ഉടലെടുത്ത ദ്വീപുകളിൽ ഒന്നാണ് കടമക്കുടി എന്നു കരുതപ്പെടുന്നു. 1963 വരെ ചേരാനല്ലൂർ പഞ്ചായത്തിന്റെ ഭാഗമായിരുന്നു കടമക്കുടി. പിന്നീടാണ് കടമക്കുടി ഒരു പഞ്ചായത്തായി മാറിയത്.

കടമക്കുടിയിലെ ആളുകളുടെ പ്രധാന ഉപജീവനമാർഗ്ഗം മത്സ്യബന്ധനമാണ്. മത്സ്യസമ്പത്ത് ധാരാളമായുള്ള പ്രദേശമായതുകൊണ്ട് ചെറിയ രീതിയിലുള്ള മത്സ്യ കയറ്റുമതിയും ഇവിടെനിന്നുണ്ട്. ഇതുകൂടാതെ പൊക്കാളി നെൽകൃഷിയും ധാരാളമായി ഇവിടെ ചെയ്തുവരുന്നു. മഴക്കാലത്ത് ഓരുവെള്ളം കയറുമ്പോൾ പരമ്പരാഗതമായ ചെമ്മീൻ കൃഷിയും ഇവിടെ ചെയ്തുവരാറുണ്ട്. കൂടാതെ കള്ളുചെത്ത് ഇവിടുത്തെ മറ്റൊരു ഉപജീവനമാർഗ്ഗം കൂടിയാണ്. കടമക്കുടിയിലെ കള്ള് ഷാപ്പും അവിടത്തെ കറികളും പ്രശസ്‌തമാണ്‌. ദൂരെയുള്ള ഗ്രാമങ്ങളിൽ നിന്നുപോലും ആളുകൾ ഇവിടത്തെ കള്ള് ഷാപ്പിലേക്ക് വരാറുണ്ട്. എന്തായാലും കടമക്കുടി ഇത്രയും പ്രശസ്തമായതിൽ ഞങ്ങളെല്ലാം അഭിമാനം കൊള്ളുകയാണ് ഇന്ന്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post