വായിൽ കപ്പലോടിക്കാനുള്ള വെള്ളവുമായി ചെന്നുകയറിയത് കാക്കാത്തുരുത്ത് ഷാപ്പിലേക്ക്….

Total
8
Shares

വിവരണം – Sooryavarma M D.

കുറച്ചു നാളായി വാസുവേട്ടന്റെ കടയിൽ പോണം പോർക്ക് കഴിക്കണം എന്ന് കരുതിയിട്ട്.. കൂടെയുള്ളവന് താറാവോ കോഴിയോ എന്തായാലും നാടൻ രുചി മതി എന്ന് പറഞ്ഞപ്പോ ഞായറാഴ്ച ഒരു ഉച്ചയോടടുത്ത നേരം നേരെ വണ്ടിയുമെടുത്തു ചാലക്കുടിക്ക് വിട്ടു.. പോകുന്ന വഴി കറികളൊന്നും തീർത്തേക്കല്ലേ ഞങ്ങൾക്ക് കുറച്ചു മാറ്റി വയ്ക്കണെന്നു പറയാൻ ഫോൺ വിളിച്ച ഞങ്ങൾക്ക് ഇടിത്തീ പോലെ ആ വാർത്ത കിട്ടി.. കട ഇന്ന് തുറന്നിട്ടില്ല.. എന്തോ പോയ അണ്ണാനെ പോലെ രണ്ട് തീറ്റ പ്രാന്തന്മാർ വഴിയരികിലെ സർബത്തു കടയിൽ വണ്ടി ഒതുക്കി ഓരോ ഉപ്പുസോഡയും കുടിച്ചു കൊണ്ട് Eat Kochi Eat FB Group മുഴുവൻ മുങ്ങി തപ്പാൻ തുടങ്ങി. ലക്‌ഷ്യം നാടൻ താറാവ്, പോർക്ക്, ഇതുവരെ പോകാത്ത സ്ഥലം.. ചില കടകൾ/ഷാപ്പുകൾ തുറന്നിട്ടില്ല, ചിലേടത് ഫോൺ എടുക്കുന്നില്ല.. തുറക്കാത്ത കൂട്ടത്തിൽ തോപ്പുംപടിയിലെ കുട്ടൻസ് ഷാപ്പുകടയും ഉണ്ടായി.. അങ്ങനെ ആകെപ്പാടെ നഷ്ടബോധം മൂത്ത ശോകമായ ഒരു മുപ്പതു മിനിറ്റ് നേരത്തെ പരിശ്രമത്തിനൊടുവിൽ ഒരു പോസ്റ്റിനടിയിൽ നിന്നും ഈ കൊച്ചു ഷാപ്പ് കിട്ടി..കാക്കാത്തുരുത്ത് ഷാപ്പ്..നല്ല ആംബിയൻസ് ഉള്ള ഫോട്ടം കണ്ടപ്പോഴേ ഇത് മതി എന്നുറപ്പിച്ചു..

വിളിച്ചപ്പോ ഫോൺ എൻഗേജ്ഡ് !! വിട്ടില്ല.. തുടരെ തുടരെ വിളിച്ചു.. ഞാൻ അങ്ങനെയാ വിശന്നാൽ ചെറുതായിട്ട് ഒരു നാഗവല്ലി ലൈനിൽ എത്തും.. അവസാനം അവിടുത്തെ ചേട്ടൻ ഫോൺ എടുത്തു ഷാപ്പ് തുറന്നിട്ടുണ്ട് 9 മണി വരെ ഉണ്ടാകും എന്ന് പറഞ്ഞു.. എന്തൊക്കെയുണ്ട് എന്ന് ചോദിച്ചപ്പോ ഇത്രയും പ്രാന്തന്മാരായ നമ്മളോട് ഒരു ലോഡ് ഐറ്റങ്ങളുടെ പേര് പറയാൻ തുടങ്ങി.. അവസാനം ഒന്നും തീർത്തേക്കല്ലേ ചേട്ടാ ഒരു മണിക്കൂറിൽ ഞങ്ങളവിടെ എത്തും എന്ന് പറഞ്ഞു വണ്ടി നേരെ എരമല്ലൂർക്കു വിട്ടു.. വിശപ്പു കൊണ്ട് കണ്ണ് കാണാൻ വയ്യ.. കൂടെ അന്യായ ബ്ലോക്കും !! എങ്ങനെ എങ്കിലും കുത്തിക്കയറ്റി വണ്ടി കുണ്ടന്നൂർ കടത്തി.. ആ ആശ്വാസത്തിൽ പാട്ടും പാടി എരമല്ലൂർ സിഗ്നൽ കഴിഞ്ഞു, മോഹം ഹോസ്പിറ്റലിന്റെ നേരെ എതിരെയുള്ള MK CONVENTION CENTRE ലേക്കുള്ള ലെഫ്റ് എടുത്തു.. ആ വഴി നേരെ ചെന്ന് ചേരുന്നത് ഒരു കടവിലാണ്.. അതിനു അരികിലായി വല്യ ബഹളമൊന്നുമില്ലാതെ നമ്മടെ ഷാപ്പ്..

നട്ടുച്ച ആണേലും എനിക്കപ്പോ അടിവയറ്റിൽ മഞ്ഞു വീഴുന്ന ഫീൽ ഒക്കെ വന്നു കേട്ടോ..കായലിനു തൊട്ടരികിൽ നല്ല വൃത്തിയുള്ള ഷാപ്പ്.. നേരെ കേറി ഇരുന്നു.. സാധാരണ ഷാപ്പിലെ വിഭവങ്ങൾ ഒക്കെ തന്നെ.. പുട്ട്, കപ്പ, കള്ളപ്പം.. അപ്പവും പുട്ടും ചൂട് കുറവാണു എന്ന് പറഞ്ഞത് കൊണ്ട് കപ്പ വാങ്ങി (അല്ല ഷാപ്പിൽ ചൂടുള്ള കള്ളപ്പം വേണം എന്ന് ആഗ്രഹിച്ചത് എന്റെ തെറ്റാണു).. തുടങ്ങി വയ്ക്കാൻ തേടി വന്ന രണ്ടു ഐറ്റംസ് തന്നെ ആദ്യം പറഞ്ഞു.. താറാവ് കറിയും പോർക്ക് കറിയും.. കപ്പ വന്നു പിന്നാലെ ഈ രണ്ടു കറികളും വന്നു.. ആദ്യം രുചിച്ചത് താറാവ് ആയിരുന്നു.. ബിജുക്കുട്ടൻ ചേട്ടനെ പോലെ ഒന്നും പറയാനില്ല !! കൂടെ ഉള്ളവനെ നോക്കി.. ഇതിന്നു ഞാൻ ഇനി തരൂല്ല നീ വേറെ വാങ്ങിക്കോ എന്ന ഭാവം VERDICT : കിടുക്കാച്ചി !!
താറാവ് തീർത്തു പോർക്കിൽ കൈ വെച്ച്.. എടുത്ത് ഒന്ന് രുചിച്ചതേ ഓർമ്മയുള്ളൂ.. പിന്നെ താറാവ് കറി ഇനി തരൂല്ലന്നു പറഞ്ഞവൻ ഡാ അതല്ല കപ്പ ഇതാണ് എന്ന് പറഞ്ഞപ്പോഴാണ് ഞാൻ പോർക്കിന്റെ പ്ലേറ്റിൽ നിന്നും കയ്യെടുത്തത് തന്നെ.. വായിൽ അലിഞ്ഞു പോകുന്ന കിടിലൻ പോർക്ക് കറി.. VERDICT : രണ്ട് വട്ടം കിടുക്കാച്ചി !!

കറി തീർക്കാൻ ഒരു പ്ലേറ്റ് കപ്പ കൂടി പറഞ്ഞു.. കൂടെ ഒരു പൂമീൻ വറുത്തതും.. ഇവിടെ മീൻ വിഭവങ്ങൾ ഒക്കെ അപ്പോൾ തന്നെ ചെയ്യുന്നതാണ്.. അതു കൊണ്ട്തന്നെ സാധനം ഒന്ന് റെഡി ആയി ഇങ്ങെത്താൻ കുറച്ചു സമയമെടുക്കും.. അതു തന്നെ കറി ആയിട്ട് വേണോ, പൊള്ളിച്ചത് വേണോ, അതോ വറുത്ത വേണോ എന്ന് നമുക്ക് പറയാം എല്ലാം LIVE ആണ്.. പിന്നെ ഇവിടുത്തെ പൊള്ളിച്ചത് എന്ന് പറഞ്ഞാൽ അത് വാഴയിലയിൽ പൊള്ളിച്ചെടുക്കുന്നത് അല്ല കേട്ടോ.. കറി തന്നെ ഒന്ന് കൂടി വറ്റിച്ചെടുക്കുന്ന രീതിയാണത്.. ഈ ഭാഗത്തെ പ്രത്യേകത ആണെന്ന് തോന്നുന്നു.. ചേർത്തല മീശയുടെ കടയിലും, പിന്നെ SN കോളേജിനടുത്തുള്ള മീൻപൊള്ളിച്ചത് എന്ന കടയിലുമൊക്കെ പൊള്ളിച്ച മീൻ എനിക്ക് ഇങ്ങനെ ആണ് കിട്ടിയിട്ടുള്ളത്.. വറുത്ത മീനിന് വേണ്ടിയുള്ള കാത്തിരിപ്പിനിടയിൽ ഒരു കരിമീൻ പൊള്ളിച്ചതും കൂടി ഞങ്ങൾ പറഞ്ഞു.. രണ്ടും നല്ല ഫ്രഷ് മീനും, രുചിയും ആയിരുന്നു.. പ്രത്യേകിച്ച് ഷാപ്പിനെ മീൻകറി പറ്റിച്ചെടുത്ത പോലത്തെ ആ കരിമീൻ പൊള്ളിച്ചത്.. VERDICT : ഒരു വരവ് കൂടി വരേണ്ടി വരും !!

ആകെ മൊത്തത്തിൽ 3 പ്ലേറ്റ് കപ്പ, ഒരു താറാവ് കറി, ഒരു പോർക്ക് കറി, ഒരു മീഡിയം പൂമീൻ വറുത്തത്, ഒരു നല്ല കരിമീൻ പൊള്ളിച്ചത്, ഒരു കുപ്പി വെള്ളവും ചേർത്തു 610 രൂപ !! മനസ്സും വയറും നിറഞ്ഞു കായലോരത്തെ കാറ്റും കൊണ്ട് ആ കടവിൽ കുറച്ചു നേരം കിടന്നപ്പോൾ പഴയ ഹിറ്റ് ഡയലോഗ് ആയിരുന്നു ഞങ്ങൾ അങ്ങോട്ടും ഇങ്ങോട്ടും ഒരേ പോലെ പറഞ്ഞത്.. എന്താടാ വിജയാ നമുക്കീ ബുദ്ധി നേരത്തെ തോന്നാഞ്ഞേ ?? എല്ലാത്തിനും അതിന്റെതായ സമയമുണ്ട് ദാസാ !!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post