എഴുപത്തിരണ്ടാം വയസ്സിൽ ഞങ്ങളുടെ അമ്മച്ചിയുടെ 12 ദിവസത്തെ ദൂരയാത്ര

Total
0
Shares

വിവരണം – Rosline CU.

വീട്ടിൽ മടിച്ചിരിക്കുന്ന അമ്മൂമ്മയും അപ്പൂപ്പനും ഉള്ളവരായിരിക്കുമല്ലോ മിക്കവരും. എന്നും വൈകുന്നേരമാ വുമ്പോഴേക്കും മുട്ടിനു വേദന, നീര് വയ്ക്കൽ, കോച്ചിപ്പിടുത്തം, നടുവേദന, തോൾവേദന, ഒന്നുമല്ലെങ്കിൽ വല്ലാത്ത ക്ഷീണം,ചുമ, കിതപ്പ് ഇതൊക്കെയാവും അവരുടെ ഓരോ ദിവസത്തെയും വിശേഷങ്ങൾ.

ഒരു അത്ഭുതം കാണണോ? ഒരുദിവസം അവരെയും കൂട്ടി ഒരു ദൂര യാത്രയ്ക്ക് ഇറങ്ങൂ. ഇതുവരെ കാണാത്ത, സങ്കൽപ്പിക്കാത്ത, കാഴ്ചകളിലേക്ക്, ഉയരങ്ങളിലേക്ക്. ഞങ്ങൾ പോയി 12 ദിവസത്തെ ഒരു ദൂര യാത്രയ്ക്ക് ആഗ്ര, ജയ്പൂർ, ഡൽഹി, കുളു – മണാലി.. അമ്മച്ചിക്കൊപ്പം.

യാത്ര അടുക്കുംതോറും മനസ്സിൽ ചെറിയൊരു പേടി ഇല്ലാതിരുന്നില്ല. അമ്മച്ചിയുടെ ആരോഗ്യപ്രശ്നങ്ങൾ, മുറതെറ്റാതെ കഴിക്കേണ്ട മരുന്നുകൾ, മുട്ടുവേദന, ജയ്‌പൂരിലെ ചൂട്, മണാലിയിലെ തണുപ്പ്, ഉയരങ്ങൾ.. കയ്യിൽ അത്യാവശ്യം കരുതേണ്ട മരുന്നുകളും മറ്റു സാധനങ്ങളും കരുതി, ബാക്കി വരുന്നിടത്ത് വച്ച് കാണാം എന്ന് തീരുമാനിച്ചു.

യാത്രയ്ക്കു പുറപ്പെടുന്നതിന് തലേദിവസം ഒരുകെട്ട് സാരിയും പാക്ക് ചെയ്തു വന്ന അമ്മച്ചിയെ ചുരിദാറിടീക്കൽ ആയിരുന്നു ആദ്യ പടി. സാരിക്കെട്ട് വീട്ടിൽ ഒരു മൂലയ്ക്കിട്ടു പഴയ നരകൾ ഒക്കെ കറുപ്പിച്ചു കണ്ടാൽ 72 പോയിട്ട് 50 വയസ്സ് തോന്നിക്കാത്ത പുതിയൊരു അമ്മച്ചിയേയും കൂട്ടി ഞങ്ങൾ യാത്ര തുടങ്ങി. അമ്മച്ചി ഹാപ്പിയായിരുന്നു. ഞങ്ങളും.

കൂട്ടുകാരുമൊത്ത് പല യാത്രകളും ചെയ്തിട്ടുണ്ട്. ഒരുപാട് ആസ്വദിച്ചിട്ടുമുണ്ട്. എന്നാൽ ഈ യാത്ര വ്യത്യസ്തമായിരുന്നു. അങ്ങോട്ടുള്ള യാത്ര കൊങ്കൺ പാത വഴി ട്രെയിനിലായിരുന്നു. കാണുന്ന ഓരോ പ്രദേശത്തേയും അമ്മച്ചി എത്ര കൗതുകത്തോടെയാണ് നോക്കിക്കണ്ടിരുന്നതെന്നോ. ജനലിനപ്പുറം കാണുന്ന ഓരോ കൃഷിയിടങ്ങളും അമ്മച്ചിയോടും, അമ്മച്ചി അവയോടും സംസാരിച്ചു കൊണ്ടിരുന്നു. അവിടെ പണിയെടുക്കുന്ന കൃഷിക്കാരെ കുറിച്ചും മണ്ണിന്റെ നിറത്തെയും വെയിലിനെയും വെള്ളത്തിന്റെ ലഭ്യതയെക്കുറിച്ചും.. സ്ത്രീകളെയും അവരുടെ ആരോഗ്യ പ്രശ്നത്തെയും ആഹാരത്തെയും കുറച്ചും അമ്മച്ചി സംസാരിച്ചുകൊണ്ടിരുന്നു.

സ്കൂളിൽ പഠിച്ച കാലത്ത് പല ധാന്യങ്ങളെ കുറിച്ചും അവയുടെ വിളവെടുപ്പ് കാലയളവിനെ കുറിച്ചും ഓരോന്നിനും ഉത്തമമായ കാലാവസ്ഥയെയും മണ്ണിനെയും വെള്ളത്തിന്റെ ആവശ്യകതയെക്കുറിച്ചും ഒക്കെ പഠിച്ചിട്ടുണ്ടെങ്കിലും വിവരം പണ്ടത്തെ ആറാം ക്ലാസുകാരി അമ്മച്ചിക്ക് ഉള്ളതിന്റെ പകുതിയോളം പോലും എനിക്കില്ല എന്ന് മനസ്സിലായി.

ആദ്യം ആഗ്രയിൽ ഇറങ്ങി. ഒരു ദിവസം അവിടുത്തെ കാഴ്ചകൾ കണ്ടതിനുശേഷം ജയ്പൂർ. വീണ്ടും ഒരു ദിവസം അവിടെ കറങ്ങി അതിനുശേഷം മനുഷ്യരെക്കൊണ്ട് കുത്തിനിറച്ച ലോക്കൽ ട്രെയിനിൽ ഡൽഹി കയറി. ഭാഷ ലവലേശം അറിയില്ലെങ്കിലും അടുത്തിരിക്കുന്ന കുട്ടികളോടും കരയുന്ന കുഞ്ഞുങ്ങളോടും അമ്മമാരോടും ഒക്കെ അമ്മച്ചി കുശലാന്വേഷണങ്ങൾ നടത്തിക്കൊണ്ടിരുന്നു. ഒന്ന് അറിയുമോ മുട്ടുവേദന ഒന്ന് തലപൊക്കിയത് പോലുമില്ല. കാലുവേദനയില്ല. ക്ഷീണമില്ല. നടുവേദന ഇല്ല.

യാത്രയ്ക്കിടയിൽ അല്പം പൊക്കം കൂടിയ ഒരു മതിൽ കണ്ടപ്പോൾ ഞാൻ പേടിച്ചു നിന്നു “അയ്യോ അമ്മച്ചിയെ എങ്ങിനെയാ കയറ്റുക?”. അമ്മച്ചി ഒന്നു ചിരിച്ചു. എന്നിട്ട് സിമ്പിളായി മുകളിൽ കൈ കുത്തിയൂന്നി ചാടിയങ്ങു കയറി. അതും പോരാഞ്ഞിട്ട് എന്റെ നേരെ കൈ നീട്ടി പേടിക്കേണ്ട മോളൂട്ടി കൈപിടിച്ചു കേറിക്കോയെന്ന ഭാവവും.

മണാലിയിലേക്ക് ഡൽഹിയിൽനിന്ന് ബസ്സിലാണ് പോയത്. 12 മണിക്കൂറോളം ഉള്ള ഒറ്റയിരിപ്പും തണുപ്പും പഴയ വേദനകളും ബുദ്ധിമുട്ടുകളും കുറച്ചൊന്ന് തിരിച്ചു കൊണ്ടുവന്നുവെങ്കിലും മനസ്സിലെ സന്തോഷവും ആകാംക്ഷയും അവയ്ക്കു മീതെ പറന്നു. മണാലി എത്തിയതും Rohtang Pass തുറന്നിട്ടുണ്ട് എന്നും, ഇന്നലെ നല്ല snowfall ഉണ്ടായിരുന്നുവെന്നും നാട്ടുകാർ പറഞ്ഞു. അങ്ങിനെ എത്തിയ ആദ്യ ദിവസം തന്നെ Rohtang ലേക്ക് .

സ്വന്തം കാഴ്ചയെ പോലും അവിശ്വസിക്കാൻ തോന്നുംവിധം അത്രയേറെ സുന്ദരമായ അനുഭവം. കുഞ്ഞിലെ പൂവിട്ട സ്വപ്നങ്ങളുടെ സാക്ഷാത്കാരം. മഞ്ഞുമലകൾ… വണ്ടി ഉയരങ്ങളിലേക്ക് കയറിക്കൊണ്ടിരുന്നു. സമുദ്രനിരപ്പിൽ നിന്നും 2300 അടി മുകളിലുള്ള വയനാട്ടിൽ നിന്നും ഞങ്ങൾ 13000 അടിയോളം മുകളിലേക്ക് ഞങ്ങൾ കയറിക്കൊണ്ടിരുന്നു. അടുത്തെത്തും തോറും snowfall തുടങ്ങി.

വണ്ടിയിൽ ഡ്രൈവറായി കൂട്ടിനു കിട്ടിയത് കുളു സ്വദേശിയായ ഒരു യുവാവിനെ തന്നെയായിരുന്നു. അവിടെ അത്യാവശ്യം അറിയപ്പെടുന്ന ഒരു കലാകാരൻ കൂടിയായിരുന്നു ആള്. അഭിനയമാണ് മെയിൻ എങ്കിലും പാട്ടും ഡാൻസും ഒക്കെ കയ്യിൽ ഉണ്ട്. സ്പീക്കറിൽ പുറത്തേ കാഴ്ചയോളം തന്നെ ഭംഗിയുള്ള പഹാഡി സംഗീതം മുഴങ്ങിക്കൊണ്ടിരുന്നു.

മുകളിൽ ചെന്നിറങ്ങിയപ്പോൾ അമ്മച്ചി കുറച്ച് നേരത്തേക്ക് ഒന്നും മിണ്ടിയില്ല. യാത്രയിലുടനീളം പുതിയ കാഴ്ചകളെ കുറിച്ച് പഠിച്ചും പഠിപ്പിച്ചും സംശയങ്ങൾ ചോദിച്ചും കൊണ്ടിരുന്ന ആൾ Rohtang പാസ്സ് ലെ മഞ്ഞുമലകൾക്കു മുന്നിൽ ഒന്നും മിണ്ടാനാവാതെ കുറച്ചു നേരം അങ്ങിനെ നിന്നു. “എന്തേ അമ്മച്ചി? ” “ഇതുതന്നെയാവും സ്വർഗ്ഗം മക്കളെ.”

മഞ്ഞ് ലോകം ആകുവോളം ഇരുന്നും കിടന്നും അല്പം നടന്നും കണ്ടു. snowfall നന്നായി ശക്തമായപ്പോൾ തിരിച്ചു വണ്ടിയിലേക്ക് അമ്മച്ചി ആദ്യമേ നടന്നു. പകുതി നടന്നു കുറച്ച് എത്തിയപ്പോഴേക്കും നിന്നത് കണ്ട് ഓടിച്ചെന്നപ്പോൾ ആള് നന്നായി കിതക്കുന്നുണ്ടായിരുന്നു. കുറച്ചുനേരം അവിടെ നിന്ന് പതുക്കെ വണ്ടിക്ക് അരികിലേക്ക് നടന്നു. 5 മിനിറ്റ് വണ്ടിയിൽ കയറി ഇരുന്നപ്പോൾ തന്നെ അമ്മച്ചി ആരോഗ്യം വീണ്ടെടുത്തു.

അങ്ങിനെ എഴുപത്തിരണ്ടാം വയസ്സിൽ അമ്മച്ചി സിമ്പിളായി Rohtang Pass കീഴടക്കി. മൂന്നുദിവസത്തെ കാഴ്ചകൾക്കൊടുവിൽ ഞങ്ങൾ മണാലിയോട് വിട പറഞ്ഞു. പിറ്റേന്ന് ഡൽഹി. പിന്നെ ഡൽഹിയിൽ നിന്ന് ബാംഗ്ലൂരിലേക്ക് അമ്മച്ചിയുടെ ആദ്യത്തെ വിമാന യാത്ര. ശേഷം ബാംഗ്ലൂരിൽ നിന്ന് വയനാട്ടിലേക്കും.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post