കെഎസ്ആർടിസിയുടെ വേളാങ്കണ്ണി എക്സ്പ്രസ്സിലെ ആനവണ്ടിയാത്രാനുഭവം..

Total
1
Shares

വിവരണം – രതീഷ് നവാഗതൻ.

26/07/2019 ഏറ്റുമാനൂരിലെ വെയിലാറിയ മൂന്നുമണി നേരം; ബസ്സ് സ്റ്റേഷനിലും, കടന്നുവരുന്ന  ബസ്സുകളിലുമെല്ലാം തിങ്ങിനിറഞ്ഞ വെള്ളിയാഴ്ചത്തിരക്ക്‌. മോഹവണ്ടികൾ പലതും ചുവന്നുതുടുത്ത ചിരിയോടെ പ്രൗഡിയിൽ വന്നു നിന്നിട്ടും, നവാഗതന്റെ ഗമയിൽ ചുവടനക്കാതെ ഞാനങ്ങനെ നിൽക്കുകയാണല്ലോ.! തിരക്കുകളിൽ ആയിരുന്നതിനാൽ ഒരായിരം തരുണീമണികൾ, വണ്ടി വേണോ, വായ്‌നോക്കണോ എന്ന മട്ടിൽ അതീവ സുന്ദരികളായ്‌ ചുറ്റുമുണ്ട് താനും. ചായകൊണ്ട് പൊള്ളിയ ചുണ്ടിൽ ശകലം മധുരം തേച്ച ചിരിയോടെ ദൂരക്കാഴ്ച കണ്ട് നിൽക്കുമ്പോൾ, മുരടനക്കാതെ വന്നുനിന്നു, ഒരു പച്ചത്തെങ്ങോല…

സൂപ്പർഫാസ്റ്റ് നെഞ്ചുംവിരിച്ച് യാത്രക്കാരെ എണ്ണിയെടുക്കുമ്പോൾ, പണ്ട് ക്ലാസ്സിലെ ഓട്ടമത്സരക്കാരുടെ പേടിസ്വപ്നമായ ജിൻസ്. പി. ആർ – നെപ്പോലെ, കളത്തിൽ നഖംതോണ്ടി നെറ്റിയിൽ കുഴമണ്ണുകൊണ്ടൊര് കുറി തൊടുകയാണ് കഥാപുരുഷൻ. അരിച്ചാക്ക് പൊക്കിയങ്ങ് കൊടുത്താലും, തട്ടിത്തോളത്ത് കേറ്റുന്ന നല്ല ഉശിരുള്ള ചങ്ങനാശ്ശേരിക്കാരൻ. പുള്ളിക്കാരന്റെ ‘ഓട്ടക്കഥ’ പറഞ്ഞാൽ ഇവിടല്ല അങ്ങ് തമിഴ്നാട്ടിൽ നിന്നും ഇങ്ങോട്ടൊരു നാലഞ്ച് പാട്ടപ്പഞ്ചാര എണ്ണിയാലുള്ളത്ര സൗഹൃദക്കൂടിക്കാഴ്ചകളുടെ ‘ചങ്കുബലം’ അളന്നെഴുതേണ്ടി വരും. വേണ്ട.. പുള്ളി മുറ്റാണെന്നങ്ങ്‌ പറഞ്ഞാലും മതിയല്ലോ.!

കുട്ടേട്ടനാണ്‌ ഡ്രൈവർ.. ഫേസ്ബുക്കിൽ Santhosh Kuttans എന്ന സർക്കാർ വണ്ടി സാരഥിയെ അറിയാത്തവരായി ആരും ഉണ്ടാവില്ല. സൂപ്പർക്ലാസ്സുകളിലെ പതിവു യാത്രക്കാർക്ക് സുപരിചിതനായ കുട്ടേട്ടൻ ഒരു പക്കാ KSRTC fan ആണ്. തന്റെ മെക്കാനിക്കൽ അറിവുകൊണ്ട്, പല സങ്കീർണ്ണതകൾ നിറഞ്ഞ വനമേഖലകളിലും, വണ്ടി കേടായാൽ സ്വയം ‘റിപ്പയർ’ ചെയ്ത് യാത്ര തുടരുന്ന മനസ്സാന്നിദ്ധ്യവും, ഹർത്താൽ ദിനങ്ങളിൽ മക്കൾക്കൊപ്പം ഡിപ്പോയിലെത്തി വണ്ടി കഴുകിയിടുന്ന കൗതുകക്കാഴ്ചയും ഏറെ ജനശ്രദ്ധ നേടിയവയാണ്..

ആ കുട്ടേട്ടന്റെ വേളാങ്കണ്ണി എക്സ്പ്രസ്സിൽ ചാടിക്കയറുമ്പോൾ, ആദ്യ കാഴ്ചയിൽത്തന്നെ സന്തോഷേട്ടൻ തിരിച്ചറിഞ്ഞ് ‘ഷേക്ക്ഹാൻഡ്’ തന്നു. മുൻ സീറ്റിലിരുന്ന്‌ തൃശ്ശൂർ വരെയും കുട്ടേട്ടന്റെ ഡ്രൈവിംഗ് പഠിക്കാനുള്ള തത്രപ്പാടായിരുന്ന് മനസ്സിലത്രയും..

സീറ്റിന്റെ പകുതിയിൽ ഗൗരവം വിടാതെ ഒരു കട്ടിമീശക്കാരൻ ഉണ്ടായിരുന്നു ‘കണ്ടക്ടർ.’ പറഞ്ഞുപിടിച്ച് വന്നപ്പോൾ, താനും ചങ്ങനാശ്ശേരിക്കാരൻ ആണെന്ന് വിനയപൂർവ്വം പറഞ്ഞതും, കൊറിച്ചുകൊണ്ടിരുന്ന കപ്പലണ്ടി, ‘തുപ്പിയോ, തിന്നോ’ന്നെനിക്കോർമ്മയില്ല. പുള്ളീം ശകലം മുറ്റാണ്..ഒര് ‘വല്ല്യേട്ടൻ ഫിഗറ്’…

യാത്രയെപ്പറ്റിയെന്നാ പറയാനാ..? ദേവസ്യാച്ചേട്ടന്റെ പശൂനെ അഴിച്ചുവിട്ടപോലെ മൂത്തുമൂത്ത് നിൽക്കുന്ന ലെയ്‌ലാൻഡ് വണ്ടി. പാപ്പാന്റെ ഓടീര് കണ്ടാൽ, പുള്ളി പണ്ട് സാമൂതിരീടെ കുതിരപ്പടയാളി ആയിരുന്നെന്ന് തോന്നും. ഓരോ മറികടക്കലും, ബുദ്ധിപരമായ ചുവടുവെയ്പ്പായിത്തോന്നും. ആവതില്ലാത്തവന്റെ മൂട്ടിൽപ്പിടിക്കുന്ന പരിപാടിയില്ല. ധൂമകേതു വരുമ്പോലെയിങ്ങു വരും. അഡ്വാൻസ് ചവിട്ടി, പരമാവധി ഒതുക്കി, ഗ്യാപ്പിട്ട്‌ ‘കുമു.. കുമാ’ കേറിപ്പോവും..

ഭാരവണ്ടികളെ കഷ്ടപ്പെടുത്താതെ വളവിന് മുൻപേ കേറ്റിവെക്കുന്ന സൂചിപ്പോയിന്റ് കാൽക്കുലേഷനാണ് കുട്ടേട്ടൻ സ്റ്റൈൽ.. പുള്ളിക്കാരൻ സ്റ്റിയറിംഗ് വട്ടംപിടിക്കുന്നത്‌ കാണുമ്പോൾ ചിരിപൊട്ടും; അതൊരുമാതിരി ആട്ടുകല്ലിൽ അരിയരക്കുന്ന മെയ്‌വഴക്കത്തോടെ ആസ്വദിച്ചു വീശുന്നൊരു മരുങ്ങാണ്. ഈ കൈപ്പണിയൊക്കെ ‘വള്ളുവനാടൻ’ സർവ്വീസുകളിലേ കണ്ടിട്ടുള്ളൂ.. കട്ട Saranya Motors ഫാനായ എനിക്ക്ഈ അടുത്ത കാലത്തെങ്ങും, ഇത്രേം ഗംഭീരമായൊരു പടക്കൻ സർവ്വീസിൽ കേറാൻ പറ്റീട്ടില്ല..

എന്തായാലും ചെന്നിറങ്ങിയ കളവും ഒരൊന്നാന്തരം ലയത്തിലാണ്. വടക്കൻ വണ്ടികൾ വിശ്രമിക്കുന്ന ശക്തൻ ബസ്‌സ്റ്റാൻഡ്. ഓലപ്പീപ്പി തൊട്ട് ഉറുമി വരെ കൈയ്യിലെടുക്കാൻ പഠിപ്പിക്കുന്ന വിദ്വാന്മാർ നിരനിരയായി കിടപ്പുണ്ടായിരുന്നു.

1 comment
Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post