പ്രപഞ്ച ചൈതന്യത്തെ കാണാൻ യാത്ര ആദിയോഗി ഇഷ സെന്ററിലേക്ക്

Total
0
Shares

എഴുത്ത് – Akhil Surendran Anchal.

ചൈതന്യത്തെ കാണാൻ യാത്ര ആദി യോഗി ഇഷ സെന്ററിലേക്ക് . ആറ് മാസമായുള്ള ജീവിതഭിലാഷം സാധ്യമായി . എല്ലാം ഈശ്വരാനുഗ്രഹം. സദ്ഗുരു ശ്രീ ജഗ്ഗി വസുദേവ് സ്ഥാപിച്ച ആദിയോഗി ശിവ പ്രതിമ ലോകത്തിലെ ഏറ്റവും വലിയ അര്‍ധകായ പ്രതിമയാണ് . 112 അടി ഉയരമുള്ള ആദിയോഗി ശിവ പ്രതിമക്കാണ് ഗിന്നിസ് ബുക്ക് ഓഫ് വേള്‍ഡ് റെക്കോര്‍ഡ്‍സ്‍ അംഗീകാരം ലഭിച്ചത്. നമ്മുക്കിത് അഭിമാന നിമിഷങ്ങൾ . ആത്മീയാചാര്യന്‍ ജഗ്ഗി വസുദേവിന്‍റെ ഇഷാ ഫൗണ്ടേഷന്‍ ആണ് ഈ പ്രതിമ സ്ഥാപിച്ചത്, 12.4 അടി ഉയരം, 24.99 മീറ്റര്‍ വീതി, 147 അടി നീളം എന്നിങ്ങനെയാണ് പ്രതിമയുടെ പ്രത്യേകതകള്‍.

ഫെബ്രുവരിയില്‍ ഇന്ത്യയുടെ പ്രധാനമന്ത്രി ശ്രീ നരേന്ദ്ര മോദിയാണ് പ്രതിമ ആദി യോഗി അനാച്ഛാദനം ചെയയത്. അങ്ങനെ ആനത്താരയിലുള്ള ആദി യോഗി ശിവ പ്രതിമ ഇന്ന് പൊൻ പ്രഭയിൽ കോയമ്പത്തൂരിൽ കാണാം . കൈലാസത്തില്‍ പോകാന്‍ പറ്റാത്തവര്‍ക്കായി ഇതാ ശിവന്‍ വസിക്കുന്ന സ്ഥലം അതെ ആദി യോഗി.

കൈലാസം… ശിവ ഭഗവാന്‍ വസിക്കുന്നുണ്ടെന്ന് വിശ്വസിക്കപ്പെടുന്ന പര്‍വ്വത നിരകള്‍ ഒരിക്കലെങ്കിലും ഇവിടെ പോയി ആ തേജസ്സ് അറിയണമെന്ന് ആഗ്രഹിക്കാത്ത വിശ്വാസികള്‍ കാണില്ല. എന്നാല്‍ എല്ലാ യാത്രക്കും ഒരു സമയമുണ്ടെന്ന് പറയുന്നതുപോലെ തന്നെയാണ് കൈലാസ യാത്രയുടേയും. പോകണമെന്ന് വിചാരിച്ചാലും പോകാന്‍ സാധിക്കില്ല. ചിലപ്പോൾ വിചാരിക്കാത്ത നേരത്തായിരിക്കും എല്ലാം ശരിയാവുക. എന്നാല്‍ കൈലാസത്തില്‍ പോകാന്‍ പറ്റാത്തവര്‍ക്കായി ഇനി ഒട്ടും മടിക്കാതെ യാത്ര ആദി യോഗി ഇഷ സെന്ററിലേക്ക് തെരഞ്ഞെടുക്കാം .

34 മീറ്റര്‍ ഉയരത്തിലുള്ള ആദി യോഗി പ്രതിമയാണ് വെള്ളിയാങ്കിരിയുടെ മറ്റൊരാകര്‍ഷണം. ഇഷ ഫൗണ്ടേഷന്റെ നേതൃത്വത്തില്‍ നിര്‍മ്മിക്കപ്പെട്ട ഈ പ്രതിമയ്ക്ക് 500 ടണ്‍ ഭാരമുണ്ട്. പശ്ചിമഘട്ടത്തിന്റെ അരുകിലായി വെള്ളിയാങ്കിരി മലനിരകളുടെ താഴ്‌വരയിലാണ് ആദിയോഗി ശിവ പ്രതിമ സ്ഥിതി ചെയ്യുന്നത്. ഇഷ ഫൗണ്ടേഷന്റെ ആശ്രമവും മറ്റ് ആത്മീയ കേന്ദ്രങ്ങളും ഇതിന് സമീപം പ്രവര്‍ത്തിക്കുന്നു.

യോഗികളുടെയും സിദ്ധന്‍മാരുടെയും സ്ഥലം. നൂറ്റാണ്ടുകള്‍ക്ക് മുന്‍പ് ഇവിടം യോഗികളുടെയും സിദ്ധന്‍മാരുടെയും സ്ഥാനമായിരുന്നുവത്രെ. മറ്റൊന്നിന്റെയും ശല്യമില്ലാതെ സ്വസ്ഥമായി ധ്യാനിക്കുവാനും ആത്മീയ ചിന്തകളില്‍ ഏര്‍പ്പെടുവാനും ഇവിടെ ഇത്തരത്തിലുള്ള ആളുകള്‍ വന്നിരുന്നുവത്രെ. തങ്ങളുടെ അറിവും കഴിവുകളുമെല്ലാം ഈ മലമുകളില്‍ പകര്‍ന്നു നല്കിയിട്ടാണത്രെ അവര്‍ ദേഹം വെടിഞ്ഞത്. അതുകൊണ്ടാണത്രെ ഇവിടം അത്രയും പുണ്യസ്ഥലമായി മാറിയത്. ആദ്യ യോഗിയും ആദ്യ ഗുരുവും അദ്ദേഹം തന്നെ. പ്രകൃതിയുടെ തന്നെ മായിക സ്വഭാവത്തെ ആധാരമാക്കി ഈ മാന്ത്രികക്കോട്ട പണിയുവാനുള്ള അനേകം അവിശ്വസനീയമായ മാര്‍ഗ്ഗങ്ങള്‍ സദ്ഗുരു കണ്ടെത്തി. നമുക്ക് തടസ്സങ്ങള്‍ സൃഷ്ടിക്കാത്തതും ശത്രുവിനെ തടുത്തു നിര്‍ത്തുന്നതുമായ ഒരു കോട്ടയാവും അത്. ഈ അത്ഭുതവിദ്യയാണ് യോഗ എന്ന പേരില്‍ അദ്ദേഹം മാനവരാശിക്ക് സമ്മാനിച്ചത്.

യോഗശാസ്ത്രം ശാരീരികാഭ്യാസങ്ങളോ ശ്വസന നിയന്ത്രണമോ അല്ല. മനുഷ്യ ശരീരത്തിന്റെ പ്രവര്‍ത്തനത്തെക്കുറിച്ച് മനസ്സിലാക്കുവാനും അഴിച്ച് പരിശോധിച്ച് തിരിച്ചു വയ്ക്കാനുമുള്ള ശാസ്ത്രമാണത്. മനുഷ്യ ജീവിതത്തിന് പ്രകൃതി ഏര്‍പ്പെടുത്തിയിട്ടുള്ള പരിധികളെ മാറ്റുവാന്‍ സഹായിക്കുന്ന ഒരു ശാസ്ത്രീയ പദ്ധതിയാണ് യോഗശാസ്ത്രം എന്ന് നമ്മുക്ക് ആദി യോഗിയിൽ എത്തുമ്പോൾ മനസ്സിലാക്കാം .ആദ്യമെ തന്നെ പറഞ്ഞുകൊള്ളട്ടെ സഞ്ചാരികളെ, ആദിയോഗി മത പരമായി ആരേയും വിഭജിക്കുന്നില്ല. എല്ലാ മതക്കാരേയും ഒന്നിപ്പിക്കുകയാണ് ചെയ്യുന്നത്.

#ആദിയോഗിഇഷാസെന്ററിൽഎങ്ങനെഎത്താം? കോയമ്പത്തൂരിൽ നിന്നും 30 km. കോയമ്പത്തൂർ നഗരത്തിന്റെ പടിഞ്ഞാറ് ഭാഗത്താണ് ഇഷാ ആദി യോഗി സെന്റർ സ്ഥിതി ചെയ്യുന്നത്. കോയമ്പത്തൂരിൽ നിന്ന് ഉക്കടം വഴി പേരൂർ / ശിരുവാണി റോഡിലൂടെ പോകുക. ഇരുട്ടൂപ്പാളയം ജംഗ്ഷനിലെത്തും. ഇരുട്ടുകുളത്തിൽ നിന്ന് വലത്തോട്ട് 8 കിലോമീറ്റർ അകലെയാണ് ആശ്രമം. ധ്യാനലിംഗ യോഗി ക്ഷേത്രത്തിലേക്കുള്ള വഴികൾ നൽകുന്ന സൈൻ ബോർഡുകൾ എല്ലാ വഴിയിലും കാണാം. #മനസ്സിനെ ശാന്തമാക്കാൻ ആദി യോഗി മനസ്സിനെ ഒന്ന് ശാന്തമാക്കി നിയന്ത്രണത്തിലാക്കാൻ നമ്മുക്ക് ആദി യോഗിയിൽ നിന്നും സാധ്യമാക്കും.

എന്റെ അനുഭവം പങ്ക് വെയ്ക്കുന്നു എന്റെ സ്നേഹിതരിലേക്ക് .ബാഗും , ചെരുപ്പും മൊബൈലും (സൗജന്യ സർവീസ് ) കൊടുത്ത് ടോക്കണും എടുത്ത് ഉടുത്ത വസ്ത്രം മാത്രം ധരിച്ച് നേരെ നടക്കുക തീർത്ഥഖുണ്ടിലേക്ക്. സൂര്യഖുണ്ട് – പുരുഷൻമാർക്ക് മാത്രം. ചന്ദ്രഖുണ്ട് സ്ത്രീകൾക്ക് മാത്രം. രണ്ടും രണ്ട് സ്ഥലത്താണ്. സൂര്യഖുണ്ടിലേക്ക് 20 രൂപ എൻട്രി ഫീസ് കൊടുത്ത് കഴിഞ്ഞാൽ ഒരു തോർത്ത് അകത്തിന്ന് കിട്ടും. അവിടെന്ന് ഷവറിൽ കുളി കഴിഞ്ഞ് അതേ നനവോട് കൂടി വൃത്തിയായി നേരെ സൂര്യ ഖുണ്ടിലേക്ക്. നീന്താനും കളിക്കാനും ശബ്ദവും പാടില്ല, രണ്ടു സ്ഥലത്തേക്ക് കേറുന്നതിന് മുൻപായി തന്നെ നിയമാവലികൾ വായിക്കുക.

മൂന്ന് ശിവലിംഗങ്ങൾ ഉണ്ട് , പ്രതിഷ്ഠയിൽ വിശ്വാസമുള്ളവർക്ക് പ്രാർത്ഥിച്ച് തൊഴുത് നീങ്ങാം. അല്ലാത്തവർക്ക് തീർത്ഥകുണ്ടിലേക്ക് വെള്ളം മേലേന്ന് താഴേക്ക് വീഴുന്ന അവിടെ നിന്ന് ഒന്നു മനസും ശരീരവും തണുപ്പിക്കാം. കർപ്പൂരത്തിന്റെ മണമായിരിക്കും വെള്ളത്തിന്. അന്റാർട്ടിക്കയിലെ മഞ്ഞുരുകി വീണ ജലം പോലെ തോന്നും നല്ല തണുപ്പാണ് . പക്ഷേ ഓം നമഃ ശിവായ മന്ത്രം ജപിച്ചാൽ എല്ലാം ശാന്തമാക്കും. ശേഷം ലിംഗഭൈരവി അമ്പലം പ്രാർത്ഥിച്ച് നീങ്ങാം. അവസാനമാണ് ധ്യാനലിംഗ മനസ്സും ശരീരവും ഒരു പോലെ ശാന്തമാക്കുന്ന യോഗ മെഡിറ്റേഷൻ സ്ഥലം. പോകുന്ന വഴിക്ക് തന്നെ ഇന്ത്യയിലെ എല്ലാ മതക്കാരുടേയും ചിഹ്നങ്ങൾ ഒറ്റക്കല്ലിൽ കൊത്തിയതു കാണാം.

ഇവിടെ ഒരു ബാച്ചിന് കുറഞ്ഞത് 15 മിനിറ്റാണ് അനുവദിക്കുക. കൂടുതൽ എത്ര നേരം വേണമെങ്കിലും ഇരിക്കാം. ആയതു കൊണ്ട് തന്നെ ഒരു ബാച്ച് കേറി കഴിഞ്ഞാൽ 15 മിനിറ്റ് കഴിഞ്ഞാലെ അടുത്ത ബാച്ചിനെ അകത്തേക്ക് പ്രവേശനമുള്ളൂ. വലിയ ഒരു ഗുഹയിലേക്ക് കയറുന്ന പ്രതീതിയായിരിക്കും അകത്തേക്ക് നടക്കുമ്പോൾ. ശബ്ദം ഒന്നും ഉണ്ടാക്കാതെ നേരെ യോഗയിലേക്ക് പ്രവേശിക്കുക. നമ്മളിൽ അനുഭവപ്പെടുന്ന എല്ലാം പ്രശ്നങ്ങളിൽ നിന്നും മനുഷ്യ മനസ്സിനെ നേരെ ഒരു ബിന്ദുവിലേക്ക് എത്തിക്കും. എന്താണ് ഞാനെന്ന് എനിക്ക് തന്നെ കാണാം.

സമാധാനത്തോടെ എന്ത് കാര്യങ്ങളും ചെയ്തു തീർക്കാൻ കഴിയും എന്ന വിശ്വാസത്തോടെ. ഒരുപാട് പോസ്റ്റീവ് എനർജിയോടെ ധ്യാന ലിംഗത്തേക്ക് വീഴുന്ന ഒരു തുള്ളി വെള്ളത്തിന്റെ ശബ്ദം വരെ കിറു കൃത്യമായി കേൾക്കാം . ഇതിനു മുൻപ് എനിക്ക് കിട്ടാത്ത ഒരു ജീവിത അനുഭവം തന്നെ ആണ് ആദി യോഗി എന്റെ ഹൃദയത്തിലേക്ക് നൽകിയിരിക്കുന്നത്. ഈ യാത്രയിൽ എന്നോടൊപ്പം തൃശ്ശൂർക്കാരൻ TCV മീഡിയ പ്രവർത്തകൻ കൃഷ്ണകുമാർ ചേട്ടനും ഉണ്ടായിരുന്നു. ആദി യോഗി യോട് തൽക്കാലം വിട പറഞ്ഞ് യാത്ര തിരിക്കേണ്ടി വന്നു . ഓം നമഃ ശിവായ.

1 comment
Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post