അടിപൊളി സദ്യ കഴിക്കാൻ വേണ്ടി മാത്രമായി ഒരു 850 കിലോമീറ്റർ യാത്ര..

Total
0
Shares

വിവരണം – ‎Nithin Samuel‎.

ഒരു കൊച്ചുവെളുപ്പാൻ കാലത്ത് മനസ്സില്ലാമനസോടെ ഉറക്കമുണർന്നു തൊട്ടടുത്ത ജനാലയിൽ ഇരുന്ന മൊബൈൽ ഫോൺ എടുത്തു നോക്കിയതാണ് ഈ യാത്രയുടെ കാരണം.

ലോകത്ത് ഏറ്റവും കൂടുതൽ നോൺ വെജ് വിഭവങ്ങൾ ലഭിക്കുന്ന ഹോട്ടലിനെ കുറിച്ച് Mrinal Das Vengalat ചെയ്ത ഒരു വ്ലോഗ് ദേ സ്ക്രീനിൽ തെളിയുന്നു. അപ്പൊ തന്നെ ഗൂഗിൾ മാപ്പിലെ ചേച്ചിയോട് ചോദിച്ചു വഴി മനസിലാക്കി. സംഗതി തമിഴ്നാട്ടിലെ ഈറോഡിനടുത്തു പെരുംദുരൈ എന്ന സ്ഥലത്താണ്. യുബിഎം എന്നാണ് ഹോട്ടലിന്റെ പേര്. അടൂരിൽ നിന്നു 420ഓളം കിലോമീറ്റർ ദൂരവുമുണ്ട്. ആരോടെങ്കിലും പറഞ്ഞാൽ തലയ്ക്ക് ഓളം ഉണ്ടെന്ന് ചിന്തിച്ചാലോ.

പക്ഷെ കാറിനകത്തു പെറുക്കിയിട്ടാൽ എവിടെ വേണേലും കൂടെ വരുന്ന സുഹൃത്തുക്കളോട് കാര്യം പറഞ്ഞു. 4 ഫോൺ കോൾ, സ്ഥലം പോലും ആർക്കും അറിയില്ലെങ്കിലും ട്രിപ്പ് റെഡി. വെറുതെ കഴിക്കാൻ മാത്രം പോകുന്നത് ശരിയല്ലല്ലോ. ചെറുതായി റൂട്ട് ഒന്നു മാറ്റിപ്പിടിച്ചു. സഞ്ചാരികളുടെ നിത്യഹരിത പാതയായ അതിരപ്പിള്ളി- വാൽപാറ വഴി കാറിൽ പോകാമെന്ന് തീരുമാനിച്ചു.

വെളുപ്പിനെ 4ന് യാത്ര തുടങ്ങി കാലടി വഴി അതിരപ്പിള്ളി എത്തിയപ്പോഴേക്കും 10 മണി. കടുത്ത ചൂട്. വെള്ളച്ചാട്ടം നൂല് പോലെ. അവിടെ നിന്നു വാഴച്ചാൽ. ഗംഭീരമായ കാഴ്‌ച. വേനൽചൂട് വാഴച്ചാൽ വെള്ളച്ചാട്ടത്തെ ബാധിച്ചിട്ടില്ല. ചെക് പോസ്റ്റിൽ വിവരങ്ങൾ ഒക്കെ നൽകി കാനന യാത്ര ആരംഭിച്ചപ്പോഴേക്കും ഉച്ചയ്ക്ക് 12 മണി. വാഴച്ചാൽ, ഷോളയാർ വനങ്ങളുടെ സുഖശീതിളിമയിൽ മെല്ലെ മെല്ലെ കാർ നീങ്ങി. എന്താണെന്ന് അറിയില്ല, ആന, കടുവ, കാട്ടുപോത്തു തുടങ്ങിയ വന്യ മൃഗങ്ങൾ ഞങ്ങടെ ഏഴയലത്തു പോലും എത്തിയില്ല (കാണാൻ കിട്ടിയില്ല എന്നും പറയാം).

അല്ലെങ്കിൽ തന്നെ റോഡിൽ നിന്ന് കണ്ണെടുക്കാൻ ആകാത്ത വിധം വാഹനങ്ങളാണ് ഓരോ വളവുകളിലും കാത്തിരുന്നത്. അന്ന് പ്രളയത്തിൽ തകർന്ന റോഡുകളുടെ അറ്റകുറ്റപണികൾ നടക്കുന്നെ ഉണ്ടായിരുന്നുള്ളു. മലക്കപ്പാറ അടുക്കുമ്പോഴേക്കും റോഡിന്റെ അവസ്‌ഥ ശോചനീയം ആയിരുന്നുവെങ്കിലും കാട് കിടു ആയിരുന്നു.

വൈകിട്ടോടെ മലക്കപ്പാറ ചെക് പോസ്റ്റിൽ രേഖകൾ കൊടുത്ത ശേഷം വാൽപാറയിലേക്ക്. കോടമഞ്ഞു കിനിഞ്ഞിറങ്ങുന്ന തേയില തോട്ടങ്ങളുടെ മനോഹര ദൃശ്യം യാത്രാക്ഷീണം തീർത്തു. സന്ധ്യയോടെ വാൽപാറയെത്തി. ഷോളയാർ ഡാമിന്റെ മുകളിൽ കയറി ഐസ്ക്രീം നുണഞ്ഞു. രാത്രി അയ്യർപടിയിലെ ഹെവെൻ ഹോംസ്റ്റെയിൽ താമസം, അവിടെ തന്നെ തയാറാക്കിയ ഭക്ഷണം; കുശാൽ.

രാവിലെ 7 മണിയോടെ വീണ്ടും യാത്ര. പൊള്ളാച്ചി വഴി പെരുന്തുറയിലേക്ക്. ഉച്ചയ്ക്ക് രണ്ടുമണിയോടെ ലക്ഷ്യ സ്ഥാനത്തെത്തി. കൈ കഴുകി ഇരുന്നതോടെ നീണ്ട ഇലയെത്തി. ഓരോ വിഭവങ്ങളായി എത്തിയ സദ്യ തീര്ക്കാന് ഒരു മണിക്കൂറോളം നീണ്ട പ്രയത്നം. സാലഡ്, റൈസ്, പപ്പടം എന്നിവ ഒഴിച്ച് ബാക്കിയെല്ലാം നോൺവെജ്‌. ചിലതിനൊക്കെ നല്ല രുചി. ഒരു വെറൈറ്റി എന്ന നിലയിൽ സംഗതി കൊള്ളാം.. കഴിച്ചു തീർത്തവർക്ക് എത്ര ഐസ്‌ക്രീം വേണമെങ്കിലും തരും.

സദ്യയൊക്കെ കഴിച്ചു വൈകിട്ട് 4 മണിയോടെ മടക്കയാത്ര. കോയമ്പത്തൂർ – പാലക്കാട് – തൃശൂർ വഴി അടൂർ. രാത്രി 12 മണിയോടെ മൊത്തം 850 കിലോമീറ്റർ നീണ്ട ഭക്ഷണ ട്രിപ്പ് അവസാനിപ്പിച്ചു വീട്ടിൽ തിരിച്ചെത്തി.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ജോസഫ് കോനി – ഒരുകാലത്ത് ജനങ്ങളുടെ പേടിസ്വപ്നമായ ആഫ്രിക്കൻ ഭീകരൻ

എഴുത്ത് – ടിജോ ജോയ്. വളരെ യാദൃച്ഛികമായാണ് നാഷണൽ ജിയോഗ്രഫിയില്‍ Warlords Of Ivory എന്നൊരു ഫീച്ചർ കാണാനിടയായത്. രാത്രി പന്ത്രണ്ടുമണി വരെ നീണ്ട ആ ഫീച്ചറില്‍ നിന്നാണ് ഉഗാണ്ടയിലെ LRA യെ കുറിച്ചും ജോസഫ് കോനിയെ കുറിച്ചും അറിഞ്ഞത്. കൂടുതൽ…
View Post

ഒയ്മ്യക്കോന്‍ – സ്ഥിരജനവാസമുള്ള ഭൂമിയിലെ ഏറ്റവും തണുത്ത പ്രദേശം

എഴുത്ത് – ബക്കർ അബു (എഴുത്തുകാരൻ, നാവികൻ എന്നീ നിലകളിൽ പ്രശസ്തനാണ്). കൊറിയയില്‍ നിന്ന് നോര്‍ത്ത് ജപ്പാനിലെ ഹോക്കൈടോ സ്ട്രൈറ്റ്‌ വഴി ഈസ്റ്റ്‌ സൈബീരിയന്‍ സീയിലെ തണുത്ത കാറ്റും കൊണ്ട് സൂര്യനെയൊന്നും കാണാതെ അലൂഷ്യന്‍ ദ്വീപിന്‍റെ ഉത്തരഭാഗത്തുള്ള കൊടുങ്കാറ്റു കാലാവസ്ഥയില്‍ അമേരിക്കയിലേക്ക്…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post

ഡൽഹി – മുംബൈ റോഡ് മാർഗ്ഗം ഇനി 13 മണിക്കൂറിൽ ഓടിയെത്താം

ഇന്ത്യയുടെ തലസ്ഥാനമായ ഡൽഹിയിൽ നിന്നും വാണിജ്യ തലസ്ഥാനമായ മുംബൈയിലേക്ക് എളുപ്പത്തിൽ എത്തുവാൻ ഒരു എക്സ്പ്രസ്സ് വേ. വെറും പദ്ധതി മാത്രമല്ല, സംഭവം ഉടനെ യാഥാർഥ്യമാകും, 2023 ജനുവരിയിൽ. ആദ്യം 2021 ല്‍ പൂര്‍ത്തിയാക്കുമെന്ന് അറിയിച്ചിരുന്നെങ്കിലും കോവിഡിന്റെ പശ്ചാത്തലത്തില്‍ പ്രവൃത്തികള്‍ നീളുകയായിരുന്നു. ഈ…
View Post

കെ.പി.എൻ. ട്രാവൽസ് – ഒരു ക്ലീനർ തുടങ്ങിവെച്ച ബസ് സർവ്വീസ് സംരംഭം

ഹൈവേകളിലും മറ്റും നിങ്ങൾ കണ്ടിട്ടുണ്ടാകും KPN എന്ന് പേരുള്ള ബസ്സുകളെ. അതെ, സൗത്ത് ഇന്ത്യയിലെ പേരുകേട്ട ബസ് ഓപ്പറേറ്ററാണ് KPN ട്രാവൽസ്. 1972 ൽ തമിഴ്‌നാട് സ്വദേശിയായ കെ.പി. നടരാജൻ രൂപം നൽകിയ സ്ഥാപനമാണ് കെ.പീ.എൻ ട്രാവൽസ്. വെറും ഏഴാം ക്ലാസ്…
View Post

അബുദാബിയുടെ സ്വന്തം ഇത്തിഹാദ് എയർവേയ്‌സ്

യുണൈറ്റഡ് അറബ് എമിറേറ്റ്സിന്റെ ഒരു ഫ്ലാഗ് കാരിയർ എയർലൈനാണ്‌ ഇത്തിഹാദ് എയർവേയ്‌സ്. ഇത്തിഹാദിന്റെ ചരിത്രവും വിശേഷങ്ങളുമാണ് ഈ ലേഖനത്തിലൂടെ നിങ്ങൾക്കു മുന്നിൽ അവതരിപ്പിക്കുവാൻ ശ്രമിക്കുന്നത്. യുണൈറ്റഡ് അറബ് എമിറേറ്റ്സിന്റെ രണ്ടാമത്തെ ഫ്ലാഗ് കാരിയർ എയർലൈനായ ഇത്തിഹാദ് എയർവേയ്‌സ് 2003 ലാണ് പ്രവർത്തനമാരംഭിക്കുന്നത്.…
View Post

ഇരിങ്ങാലക്കുടയിൽ നിന്ന് സത്യമംഗലം കാട് വഴി ബാംഗ്ലൂർ യാത്ര

വിവരണം – വൈശാഖ് ഇരിങ്ങാലക്കുട. പുതിയ വണ്ടിയെടുത്തു ആദ്യമായി നാട്ടിൽ വന്നു തിരിച്ചു പോവുകയാണ്. രാവിലെ ഏഴേകാലോടെ ഇരിങ്ങാലക്കുടയിൽ നിന്നും പുറപ്പെട്ടു. മാപ്രാണം ഷാപ്പ് കഴിഞ്ഞു, മാപ്രാണത്തു നിന്ന് വലത്തോട്ട് തിരിഞ്ഞു പ്രാവിന്കൂട് ഷാപ്പ്, വാഴ, നന്തിക്കര വഴിയാണ് ഹൈവേയിൽ കയറിയത്.…
View Post

മലയാളികൾ ‘ഇരട്ടപ്പേര്’ നൽകിയ ചില വാഹനങ്ങളെ പരിചയപ്പെടാം..

എന്തിനുമേതിനും ചെല്ലപ്പേരുകൾ ഇടാൻ നമ്മൾ മലയാളികളെ കഴിഞ്ഞേയുള്ളൂ മറ്റാരും. പല കാര്യങ്ങളിൽ നാം മലയാളികളുടെ ഈ കഴിവ് കണ്ടുകൊണ്ടിരിക്കുകയാണ്.ഇത്തരത്തിൽ ഇരട്ടപ്പേരുകൾ കൂടുതലും വീണിരിക്കുന്നത് വാഹനങ്ങൾക്കാണ്. പഴയ കൽക്കരി ബസ്സുകളെ കരിവണ്ടിയെന്നു വിളിച്ചു തുടങ്ങിയതു മുതൽ ഇത്തരം പേരിടൽ വളരെ കെങ്കേമമായി ഇന്നും…
View Post

12 മീ. നീളം, 3 ഡോറുകൾ, സ്ത്രീകൾക്ക് പ്രത്യേക കാബിൻ; ഇങ്ങനെയും ഒരു ബസ്സുണ്ടായിരുന്നു കേരളത്തിൽ…

Unidentified Flying Object അഥവാ UFO; പറക്കും തളിക എന്നാണു ഇതിനു മലയാളത്തിൽ അർത്ഥം. എന്നാൽ മലയാളികൾ കൂടുതലും ഈ പേര് കേൾക്കുമ്പോൾ ഓർക്കുന്നത് ഒരു ബസ് സർവ്വീസിനെയായിരിക്കും. അതെ, UFO എന്നത് ഒരു ബസ് പ്രേമിക്കും മറക്കാനാവാത്ത പേരാണ്. അതുപോലെതന്നെ…
View Post