അടൂർ – ആങ്ങമൂഴി ചെയിൻ സർവീസുമായി KSRTC; പാര വെക്കുവാൻ പ്രൈവറ്റ് ബസ്സുകാരും…

Total
0
Shares

കെഎസ‌്ആർടിസിയുടെ അടൂർ – ആങ്ങമൂഴി ബസ് സർവീസ് ആരംഭിച്ചു. ചെയിൻ സർവീസ് ആയിരിക്കും. അരമണിക്കൂർ വീതം ഇടവിട്ട‌് അടൂരിൽ നിന്ന് പത്തനംതിട്ട വഴി ആങ്ങമൂഴിക്കും തിരിച്ചും സർവീസ് നടത്തും. ദീർഘനാളായി ഈ റൂട്ടിൽ ആവശ്യത്തിന‌് ബസ് സർവീസ് ഇല്ലാതിരുന്നത് ജനങ്ങൾക്ക് ബുദ്ധിമുട്ട‌് ഉണ്ടാക്കിയിരുന്നു. അതിന‌് പരിഹാരമായാണ് കെഎസ്ആർടിസി ചെയിൻ സർവീസ് ആരംഭിച്ചത്.

പത്തനംതിട്ടയിൽനിന്നും അടൂരിൽനിന്നും അഞ്ചുവീതം ബസുകളാണ് ഇപ്പോൾ സർവീസ് ആരംഭിച്ചിരിക്കുന്നത്. പത്തനംതിട്ടയിൽ വീണാ ജോർജ് എം.എൽ.എ.യും അടൂരിൽ ചിറ്റയം ഗോപകുമാർ എം.എൽ.എ.യും സർവീസ് ഫ്ലാഗ് ഓഫ് ചെയ്തു. അടൂർ നഗരസഭ ചെയർപേഴ്സൺ ഷൈനി ബോബി, ഡി സജി, ടി ഡി ബൈജു, അഡ്വ. എസ് മനോജ്, കെ ജി വാസുദേവൻ, അടൂർ എടിഒ, കൺട്രോളിങ്ങ് ഇൻസ്പെക്ടർ എന്നിവർ ചടങ്ങിൽ പങ്കെടുത്തു.

ഉത്ഘാടനത്തിനു ശേഷം ചിറ്റയം ഗോപകുമാർ എംഎൽഎ ഈ ബസിൽ അടൂരിൽ നിന്ന് കൊടുമൺ വരെ യാത്ര ചെയ്യുകയും ചെയ‌്തു. ബസിന് ഏഴംകുളം ജങ‌്ഷനിൽ മുൻ പഞ്ചായത്ത് പ്രസിഡന്റുമാരായ ഇ എ റഹിം, പ്രസന്നകുമാർ എന്നിവരുടെ നേതൃത്വത്തിൽ സ്വീകരണം നൽകി. കൊടുമണ്ണിലും സ്വീകരണം നൽകി. ഏഴംകുളം, പുതുമല ,ചിരണിക്കൽ, കൊടുമൺ, അങ്ങാടിക്കൽ, ഒറ്റത്തേക്ക്, ചന്ദനപ്പള്ളി, പ്രദേശങ്ങളിലുള്ളവർക്ക് അടൂരിലും പത്തനംതിട്ടയിലും എത്തുന്നതിന് ഏറെ സൗകര്യമാണിത്. സ്വകാര്യ ബസ് മാത്രം സർവീസ് നടത്തിക്കൊണ്ടിരുന്ന ഈ റൂട്ടിൽ അവധി ദിവസങ്ങളിലും വൈകുന്നേരങ്ങളിലും ട്രിപ്പ് മുടക്കം പതിവായിരുന്നു. അതു മൂലം യാത്രക്കാർ ഏറെ ദുരിതത്തിലായിരുന്നു.

അടൂർ – ആങ്ങമൂഴി ബസ് സർവീസ് ആരംഭിക്കുന്നതോടെ ഏഴംകുളം – കൈപ്പട്ടൂർ റോഡിലൂടെയുള്ള രാത്രികാല യാത്രാക്ലേശത്തിന് വിരാമമാകുമെന്നു പ്രതീക്ഷ. യാത്രക്കാരും പ്രദേശവാസികളും വർഷങ്ങളായി അനുഭവിക്കുന്ന ദുരിതം ആണ് ഈ റൂട്ടിലൂടെ ഉള്ള രാത്രികാല യാത്ര. പത്തനംതിട്ട, അടൂർ എന്നിവിടങ്ങളിൽ നിന്ന് രാത്രി 7.30ന് ശേഷം ഈ റൂട്ടിൽ ബസ് സർവീസുകൾ ഉണ്ടായിരുന്നില്ല. പല സ്ഥലങ്ങളിലും പോയി പ്രധാന സ്ഥലങ്ങളിൽ എത്തുന്ന യാത്രക്കാർ സ്വന്തം നാട്ടിലേക്ക് എത്തണമെങ്കിൽ ഓട്ടോറിക്ഷ പോലുള്ള വാഹനങ്ങളെ ആശ്രയിക്കേണ്ടി വന്നിരുന്നു. ചെയിൻ സർവീസ് ആരംഭിക്കുന്നതോടെ രാത്രിയിൽ ഈ റൂട്ടിലുള്ള യാത്രക്കാർക്ക് ആശ്വാസകരമാകും.

താലൂക്ക് ആസ്ഥാനമായ അടൂരിനെയും ജില്ലാ കേന്ദ്രമായ പത്തനംതിട്ടയെയും ബന്ധിപ്പിച്ചു കൊണ്ട് നടത്തുന്ന ബസ് സർവീസ് സ്വകാര്യ സ്ഥാപനങ്ങളിൽ പണിയെടുക്കുന്നവർ, സർക്കാർ ജീവനക്കാർ, വിദ്യാർത്ഥികൾ തുടങ്ങി സമൂഹത്തിലെ എല്ലാ വിഭാഗം ആളുകൾക്കും ഏറെ പ്രയോജനകരമാണ്. അടൂരിൽ നിന്ന് പറക്കോട്, ഏഴംകുളം, കൊടുമൺ, ചന്ദനപ്പള്ളി, പത്തനംതിട്ട, ചിറ്റാർ, സീതത്തോട് വഴിയാണ് ബസ് ആങ്ങമൂഴിയിൽ എത്തുന്നത്.

പത്തനംതിട്ടയ്ക്ക് മൂന്നാർ, കായംകുളം, കുളത്തൂപ്പുഴ, നെയ്യാറ്റിൻകര, കാട്ടാക്കട എന്നീ ഡിപ്പോകളിൽനിന്നാണ് ബസ് എത്തിയത്. അടൂരിന് ചെങ്ങന്നൂർ, കൊല്ലം എന്നിവിടങ്ങളിൽനിന്ന് ഓരോ ബസും മുന്ന് ബസ് ഡിപ്പോയിൽനിന്നുമാണ് സർവീസിനായി അനുവദിച്ചത്. കൊട്ടാരക്കര, വെള്ളനാട് ഡിപ്പോകളിൽനിന്നാണ് ജീവനക്കാരെ ഇതിലേക്കായി നിയോഗിച്ചിട്ടുള്ളത്. നേരത്തെ പത്തനംതിട്ട ഡിപ്പോയിൽനിന്ന്‌ ആങ്ങമൂഴിയിലേക്ക് സർവീസ് നടത്തിയിരുന്നെങ്കിലും ജീവനക്കാരുടെ കുറവുമൂലം മിക്കപ്പോഴും ശരിയായി നടന്നിരുന്നില്ല. അടൂർ-ആങ്ങമൂഴി ചെയിൻ സർവീസ് തുടങ്ങിയതോടെ മലയോരമേഖലയിലെ യാത്രാദുരിതത്തിനാണ് അറുതിവരുക.

ഇതിനിടെ കെഎസ്ആർടിസിയുടെ ഈ ചെയിൻ സർവീസ് അട്ടിമറിക്കാൻ സ്വകാര്യ ബസുകളുടെ സംഘടിതമായ നീക്കവും കഴിഞ്ഞ ദിവസം ചിറ്റാറിൽ നടന്നു. ഓരോ 20 മിനിറ്റ് ഇടവേളയിലും കടന്നുവരുന്ന കെഎസ്ആർടിസി ബസിന‌് മുന്നിലും പിന്നിലും രണ്ടു വീതം സ്വകാര്യ ബസുകൾ ഓടിച്ചണ് അട്ടിമറി നീക്കം നടത്തിയത്. അടൂർ മുതൽ ഓരോ പ്രധാന ജങ‌്ഷനിലും കെഎസ്ആർടിസി ബസിന്റെ നീക്കം മനസിലാക്കി പ്രത്യേക കേന്ദ്രത്തിലേക്ക് സന്ദേശം അയക്കാൻ സ്വകാര്യ ബസ് ലോബി പ്രത്യേകം ആളുകളെ ചുമതലപ്പെടുത്തിയിരുന്നു. ഇവരുടെ സന്ദേശമനുസരിച്ചാണ് കെഎസ്ആർടിസിയുടെ മുന്നിലും പിറകിലും സ്വകാര്യ ബസുകൾ വിന്യസിച്ചത്.

സാധാരണ പരസ്പരം കടിച്ചുകീറാൻ നിൽക്കുന്ന സ്വകാര്യ ബസുകൾ വെള്ളിയാഴ്ച കെഎസ്ആർടിസിക്കെതിരെ സംഘടിക്കുന്നതാണ് കണ്ടത്. ഇതിനായി എല്ലാ സമയക്രമവും തെറ്റിച്ച് സ്വകാര്യ ബസുകൾ ചിറ്റാർ സ്റ്റാൻഡിൽ ക്യാമ്പ് ചെയ്തിരുന്നു. ബസുകൾ ഇട്ട‌് മാർഗതടസവും സൃഷ്ടിച്ചു. അവസാനം ചിറ്റാർ പൊലീസ് എത്തിയതോടെ സ്വകാര്യ ബസ് ജീവനക്കാർ മര്യാദക്കാരായത‌്.

കടപ്പാട് – ദേശാഭിമാനി, മലയാള മനോരമ, മാതൃഭൂമി. ചിത്രങ്ങൾ – Azad Anil‎.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post