‘റാന്നിയുടെ റാണി’യിൽ കൂട്ടുകാരെത്തി; ആനവണ്ടികൾ അണിനിരന്നൊരു അടിപൊളി കല്ല്യാണം

Total
0
Shares

വിവാഹത്തിന് ടൂറിസ്റ്റ് ബസ്സുകൾ മാത്രം വാടകയ്ക്ക് വിളിക്കുന്നത് ഇന്നൊരു ഔട്ട് ഓഫ് ഫാഷൻ ആയി മാറിയതു പോലെയാണ്. കുറ്റം പറയുകയല്ല കേട്ടൊ, ഇന്ന് മിക്ക വിവാഹങ്ങൾക്കും കെഎസ്ആർടിസി ബസ്സുകൾ വാടകയ്ക്ക് എടുക്കുന്നതാണ് ട്രെൻഡ്. നിരവധി വിവാഹങ്ങൾ ഇത്തരത്തിൽ സോഷ്യൽ മീഡിയയിലൂടെ വൈറലായിട്ടുണ്ട്. അത്തരത്തിൽ വൈറലായ ഒരു വിവാഹത്തിൻ്റെ വിശേഷങ്ങളാണ് ഇനി പറയുവാൻ പോകുന്നത്.

വെൺകുറിഞ്ഞി ഇലവുങ്കൽ സുകുമാരന്റെയും രമണിയുടെയും മകനായ അഖിലിന്റെയും, ചിറക്കടവ് കിഴക്കുംഭാഗം കരിക്കാട്ടത്തുവയലിൽ പി വി ദാസിന്റെയും ഗായത്രിയുടെയും മകൾ ഉണ്ണിമായയുടെയും വിവാഹത്തിനാണ് വീണ്ടും ആനവണ്ടികൾ ശ്രദ്ധാകേന്ദ്രമായി മാറിയത്. അഖിലിന്റെ വിവാഹത്തിൽ പങ്കെടുക്കുവാൻ എത്തിയ വീട്ടുകാരും, ബന്ധുക്കളും, നാട്ടുകാരുമെല്ലാം സഞ്ചരിച്ചതും കെഎസ്ആർടിസി ബസ്സിൽ തന്നെ. വിവാഹ ആവശ്യത്തിനായി മൂന്നു കെഎസ്ആർടിസി ബസ്സുകൾ ആയിരുന്നു അഖിൽ ബുക്ക് ചെയ്തിരുന്നത്.

ഇപ്പോൾ ബഹ്‌റൈനിൽ ജോലി ചെയ്യുന്ന അഖിൽ മുൻപ് താൻ എറണാകുളത്തു ജോലി ചെയ്തുകൊണ്ടിരിക്കുന്ന സമയത്താണ് ആങ്ങമൂഴി -എറണാകുളം വൈറ്റില ഹബ്ബ് റൂട്ടിൽ സർവ്വീസ് നടത്തുന്ന RPC 144 എന്ന കെഎസ്ആർടിസി ബസ്സും, അതിലെ ജീവനക്കാരും, സ്ഥിര യാത്രക്കാരുമൊക്കെയായി ചങ്ങാത്തത്തിലാകുന്നത്. ബസ്സിലെ സ്ഥിര യാത്രക്കാരെല്ലാം ചേർന്ന് ഒരു വാട്സ്ആപ്പ് കൂട്ടായ്മ രൂപീകരിക്കുകയും അഖിൽ അതിൽ അംഗമാകുകയും ചെയ്തു. ബസ് പുറപ്പെടുന്നതു മുതൽ യാത്രക്കാർ ഓരോരുത്തരായി ബസ്സിന്റെ ലൈവ് ലൊക്കേഷൻ ഗ്രൂപ്പിൽ ഷെയർ ചെയ്യും. കൂടാതെ നിരവധി സാമൂഹിക സേവന പരിപാടികളും ഈ വാട്സ്ആപ്പ് കൂട്ടായ്മയുടെ നേതൃത്വത്തിൽ നടത്തി വരുന്നുണ്ട്.

ഒടുവിൽ ബഹ്‌റൈനിൽ ജോലി ലഭിച്ചു അവിടേക്ക് പോയെങ്കിലും അഖിൽ ഗ്രൂപ്പിൽ തുടർന്നു. അങ്ങനെയിരിക്കെയാണ് അഖിലിന്റെ വിവാഹം നിശ്ചയിക്കുന്നത്. വാട്സ്ആപ്പ് കൂട്ടായ്മയിലെ സുഹൃത്തുക്കളെയെല്ലാം അഖിൽ വിവാഹത്തിനു ക്ഷണിക്കുകയുമുണ്ടായി. കൂട്ടായ്മയിലെ അംഗങ്ങൾ തന്നെയാണ് വിവാഹത്തിനു കെഎസ്ആർടിസി ബസ് വാടകയ്ക്ക് എടുക്കണമെന്ന ഐഡിയ അഖിലിനോട് പങ്കുവെയ്ക്കുന്നത്. സുഹൃത്തുക്കൾ തന്നെ മുൻകൈയെടുത്ത് ഡിപ്പോ അധികൃതരെ നേരിൽക്കണ്ട്, പ്രത്യേകം അഭ്യർത്ഥന നടത്തിയതോടെ RPC 144 എന്ന അവരുടെ സ്വന്തം യാത്രാ ബസ് വിവാഹത്തിനു വിട്ടുനൽകുവാൻ ഡിപ്പോയിൽ നിന്നും അനുമതി ലഭിച്ചു.

ഒടുവിൽ അഖിലിന്റെ ആഗ്രഹപ്രകാരം റാന്നി ഡിപ്പോയിലെ RPC 144 ബസ്സും അതിലെ തന്റെ പ്രിയപ്പെട്ട യാത്രക്കാരും, ജീവനക്കാരുമെല്ലാം ആ ബസ്സിൽ കയറിത്തന്നെ വിവാഹത്തിൽ പങ്കെടുക്കുവാനായി എത്തി. തീർന്നില്ല, അഖിലിന്റെ കെഎസ്ആർടിസി ബസ്സിനോടുള്ള പ്രണയം. അഖിലിന്റെ വിവാഹത്തിൽ പങ്കെടുക്കുവാൻ എത്തിയ വീട്ടുകാരും, ബന്ധുക്കളും, നാട്ടുകാരുമെല്ലാം സഞ്ചരിച്ചതും കെഎസ്ആർടിസി ബസ്സിൽ തന്നെ. വിവാഹ ആവശ്യത്തിനായി മറ്റു രണ്ടു കെഎസ്ആർടിസി ബസ്സുകൾ കൂടി അഖിൽ ബുക്ക് ചെയ്തിരുന്നു. വരന്റെ കാർ മാത്രമായിരുന്നു കെഎസ്ആർടിസി ബസ്സുകളെക്കൂടാതെ ആകെക്കൂടി വിവാഹത്തിൽ പങ്കെടുത്ത മറ്റൊരു വാഹനം.

മൂന്നു കെഎസ്ആർടിസി ബസ്സുകളുമായി വന്ന് അഖിൽ ഉണ്ണിമായയുടെ കഴുത്തിൽ താലി ചാർത്തിയപ്പോൾ അത് കെഎസ്ആർടിസി ജീവനക്കാർക്കും, യാത്രക്കാർക്കും, സുഹൃത്തുക്കൾക്കുമെല്ലാം അഭിമാനത്തിന്റെ നിമിഷങ്ങളായി മാറി. വിവാഹശേഷം വധുവിനൊപ്പം തങ്ങളുടെ പ്രിയപ്പെട്ട RPC 144 എന്ന ബസ്സിനൊപ്പം നിന്ന് ചിത്രങ്ങളെടുക്കുവാനും അഖിൽ മറന്നില്ല. അങ്ങനെ അഖിലിന്റെയും ഉണ്ണിമായയുടെയും വിവാഹം ഒരു ഉത്സവമായി മാറുകയായിരുന്നു.

കെഎസ്ആർടിസി ബസ്സുകൾ നഷ്ടത്തിലാണ്, പാട്ട ബസ്സുകളാണ്, കാണാൻ കൊള്ളില്ല എന്നൊക്കെ വിരോധികൾ പറഞ്ഞു പരത്തുമെങ്കിലും ആ ബസ്സുകളോട് മനസ്സിൽ ഇഷ്ടമുള്ളവരാണ് മലയാളികളിൽ ഭൂരിഭാഗവും. ബസ് ജീവനക്കാരും യാത്രക്കാരുമെല്ലാം ഒന്നിച്ചു സൗഹൃദത്തോടെ മുന്നോട്ടു പോകുകയാണെങ്കിൽ കെഎസ്ആർടിസി സർവ്വീസുകളെല്ലാം തന്നെ ലാഭത്തിലാകും എന്നുറപ്പാണ്. അതിനു ഏറ്റവും വലിയ ഒരുദാഹരണമാണ് വെറും 4000 രൂപ മാത്രം ദിവസ വരുമാനമുണ്ടായിരുന്ന RPC 144 എന്ന ബസ്സിനു, യാത്രക്കാരും ജീവനക്കാരുമടങ്ങുന്ന സൗഹൃദ കൂട്ടായ്മയുടെ പ്രയത്‌നത്താൽ 12000 രൂപയോളം ദിവസ വരുമാനം ലഭിക്കുവാൻ തുടങ്ങിയത്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post