അധികമാരും കാണാത്ത വാഗമണിലെ ഒരു വെള്ളച്ചാട്ടവും അവിടത്തെ വൈബും

Total
202
Shares

വിവരണം – മനു ശങ്കർ.

വാഗമൺ ഒരുപാട് തവണ പോയിട്ടുണ്ടെങ്കിലും, ഇതൊരു ഒന്നൊന്നര പോക്കായി പോയി. വാഗമൺ മൊട്ടക്കുന്നിൽ എത്തിയപ്പോൾ ആണ് മനസിലായത് അങ്ങോട്ട് പ്രവേശനം ഇല്ല എന്നൊക്കെ. നേരെ ചെന്ന് പെട്ടത് പോലീസിന്റെ മുന്നിലേക്കും. അപ്പൊ തന്നെ ഒരാള്ക് 200 രൂപ പെറ്റി അടിച്ചു കിട്ടി. “എവിടേം നിർത്താതെ വേഗം തിരിച്ചു വിട്ടോ” എന്ന് പറഞ്ഞു. പിന്നെ ഒന്നും നോക്കിയില്ല അവിടുന്നു തിരിച്ചു പോന്നു.

എന്തായാലും ഇത്ര വന്നതല്ലേ നേരെ കുരിശുമല കേറിയിട്ട് വരാം എന്ന് കരുതി. കാരണം കുരിശുമല ടൂറിസ്റ്റ് കേന്ദ്രം അല്ല. അങ്ങനെ കുരിശുമല കയറി കയറി ഏകദേശം മുക്കാൽ ഭാഗം ആയപ്പോൾ ഇടത് വശത്തു ഒരു വ്യൂ പോയിന്റ് കണ്ടു. അവിടെ പോയിരിക്കുമ്പോൾ ആണ് അങ്ങ് താഴെ സ്വിട്സർലാൻഡ് പോലെയുള്ള ഒരു സ്ഥലം കാണുന്നത്. ഒരു രക്ഷ ഇല്ലാത്ത സ്ഥലം . എപ്പഴും കോട. കുറെ പശുക്കൾ മേഞ്ഞു നടക്കുന്നു. എന്തായാലും അവിടെ പോയിട്ട് തന്നെ കാര്യം എന്ന് തീരുമാനിച്ചു.

അങ്ങനെ ഞങ്ങൾ കുരിശുമല കയറ്റം അവിടെ വച്ച നിർത്തി താഴേക്ക് ആ കണ്ട സ്ഥലത്തേക്ക് ഇറങ്ങി. താഴെ എത്തി ഏകദേശം ഒരു ഊഹം വച്ചു അങ്ങ് പോയി. വഴി തെറ്റിയില്ല കറക്ട് സ്വിട്സര്ലാണ്ടിൽ എത്തി. മാരക വൈബ് സ്ഥലം, ഒരു മനുഷ്യൻ പോലും ഇല്ല. കോട ഇങ്ങനെ വരുന്നു പോവുന്നു. പാട്ടൊക്കെ കേട്ട് കുറച്ചു നേരം അങ്ങനെ അവിടെ നിന്നു. അവിടെ നിന്നാണ് ഞങ്ങൾ മറ്റൊരു കാഴ്ച കണ്ടത്. അങ്ങ് താഴെ ഒരു വെള്ളച്ചാട്ടം. എന്തായാലും ഇവിടെ വരെ വന്നതല്ലേ അവിടെ കൂടെ കണ്ടിട്ട് പോവാം എന്ന് കരുതി. ആ തീരുമാനം വളരെ മികച്ച തീരുമാനം ആയിരുന്നു.

അങ്ങനെ ആ വെള്ളച്ചാട്ടത്തിലേക്ക് പോകാൻ വഴി തപ്പി കൊറേ നടന്നു. പിന്നെ ഞങ്ങൾ മനസിലാക്കി അങ്ങോട്ട് പോവാൻ വഴി ഇല്ല എന്ന്. പിന്നെ രണ്ടും കൽപിച്ചു വഴി ഉണ്ടാക്കി നടക്കാൻ തുടങ്ങി. കുറച്ചങ് നടന്നപ്പോൾ ആണ് അങ്ങ് ദൂരെ ആ വെള്ളച്ചാട്ടത്തിന്റെ dead end എന്ന് പറയുന്നത് മറ്റൊരു മാരക വെള്ളച്ചാട്ടം ആണെന്ന് മനസിലായത്. അതിന്റെ ഭംഗി അങ്ങ് മുകളിൽ നിന്ന് കാണുമ്പോൾ തന്നെ നമുക്ക് മനസിലാവുമായിരുന്നു. ഞങ്ങളെകാളും ഉയരം കൂടിയ പുല്ലുകൾ വകഞ് മാറ്റി ഞങ്ങൾ താഴേക്ക് നടന്നു. മുന്നിൽ എന്താണെന്നോ, വല്ല ജീവികൾ ഉണ്ടാവുമോ എന്നൊന്നും അറിയാതെ.

പകുതി എത്തിയപ്പോ ശരിക്കും പെട്ട അവസ്ഥ ആയി ഒന്നും കാണുന്നില്ല. കൊടും കാട് മാത്രം. പിന്നെയും ഒന്നും നോക്കാതെ അങ്ങ് നടന്നു. ഒരു വിധത്തിൽ ഞങ്ങൾ താഴെ എത്തി. അപ്പോൾ അനുഭവിച്ച ഒരു സന്തോഷം പറഞ്ഞ അറിയിക്കാൻ കഴിയില്ല. അവിടെ നിന്ന് പുറകോട്ട് നോക്കിയപ്പോൾ ആണ് എത്ര ദൂരം ആണ് ഇങ്ങനെ വന്നത് എന്ന് മനസിലായത്. ഇതിനി തിരിച്ചും കേറാൻ എത്ര ടൈം എടുക്കുമോ ആവൊ.

അവിടെ നിന്ന് ആദ്യം ഞങ്ങൾ പോയത് മുകളിൽ നിന്ന് കണ്ട വെള്ളചാട്ടത്തിലേക്കായിരുന്നു. അത്യാവശ്യം നല്ല ഓഫ് റോഡ് ആയിരുന്നു. ഒരു വിധത്തിൽ മരത്തിന്റെ വേരെല്ലാം പിടിച്ചു വെള്ളച്ചാട്ടം വരെ എത്തി. സന്തോഷം സന്തോഷം സന്തോഷം. ഞങ്ങളുടെ പ്രധാന ലക്‌ഷ്യം ഇതായിരുന്നില്ല, ഇതിന്റെ dead end ആയിരുന്നു. അങ്ങനെ ഞങ്ങൾ അങ്ങോട്ട് തിരിച്ചു. വെള്ളത്തിൽ കൂടെ തന്നെ ഇങ്ങനെ പോകുമ്പോ ഓരോ സ്ഥലവും അതിമനോഹരം ആയിരുന്നു. അങ്ങനെ ത്രില്ലടിച്ചു മുന്നോട്ട് മുന്നോട്ട് നടന്നു.

Finally ഞങൾ അവടെ എത്തി. വാക്കുകൾ കൊണ്ട് വർണിക്കാൻ കഴിയാത്ത അതിമനോഹരമായ ഒരിടം. ആരും അധികം എത്തിപ്പെടാൻ സാധ്യതയില്ലാത്ത, മനുഷ്യസ്പർശം ഇല്ലാത്ത ഒരു സ്ഥലം. നല്ല തെളിഞ്ഞ വെള്ളം, കാടിന്റേം വെള്ളത്തിൻറേം ശബ്ദം മാത്രം. എത്ര നേരം നോക്കിനിന്നാലും മടുപ്പ് തോന്നാത്ത ഒരിടം. താഴേക്ക് അതി ഭീകരമായ ഗർത്തം. അറ്റത്ത് ഒരു മരം. ആ മരത്തിനു ഒരു പ്രത്യേക ഭംഗി ആയിരുന്നു.

ഒരുപാട് നേരം അവിടെ നിന്നെങ്കിലും അവിടെ നിന്ന് തിരിച്ചു പോരാൻ തോന്നുന്നില്ലായിന്നു. അപ്പോൾ ഒരു മഴയും അങ്ങ് പെയ്തു. പിന്നെ പറയണ്ടല്ലോ, മാരക വൈബ്. നേരം വൈകി തിരിച്ചു കേറാൻ സമയം ആയി. ഒരുപാട് ദൂരം കുത്തനെ പുല്ലിൽ കൂടെ കേറണം. അങ്ങനെ മനസില്ലാ മനസോടെ ഞങ്ങൾ തിരിച്ചു കേറി തുടങ്ങി. മുളകിൽ എത്തിയപ്പോഴേക്കും സന്ധ്യ ആയിരുന്നു. ഏറ്റവും മുകളിൽ കയറി ഞങ്ങൾ താഴെയുള്ള ആ സ്വർഗ്ഗം ഒരുപാട് നേരം നോക്കി നിന്നു. ഇനിയുമൊരിക്കൽ കൂടി തിരിച്ചു വരുമോ എന്ന സംശയത്തോടെ, പ്രതീക്ഷയോടെ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1987 ലെ ഒരു ‘എസ്കേപ് റോഡ്’ സാഹസിക യാത്ര !!

വിവരണം – കെ.എം. കുര്യാക്കോസ്. 1987 ൽ ഒരു 1977 മോഡൽ അമ്പാസിഡർ കാറുമായി ടോപ് സ്റ്റേഷനിൽ നിന്നും എസ്കേപ് റോഡുവഴി കൊടൈക്കനാലിലേക്കു നടത്തിയ സാഹസിക യാത്ര. ഞങ്ങൾ കോതമംഗലം M.A. കോളജിലെ അഞ്ച് അദ്ധ്യാപകർ, കൊമേഴ്സിലെ ഐസക് കുര്യൻ (ഷാജി),…
View Post

ചുരുങ്ങിയ ചിലവിൽ 14 സ്ഥലങ്ങളിലേക്ക് ഒരു ഫാമിലി ട്രിപ്പ്

വിവരണം – Karrim Choori. 2019 ഓഗസ്റ്റ് 24 നല്ല ഇടിയും മഴയുള്ള രാത്രി ആയിരുന്നു അത്. 9 മണിക്ക് ഞാനും എന്റെ രണ്ട് മക്കളും, പെങ്ങളെ രണ്ടു കുട്ടികളും, ടോട്ടൽ ആറുപേർ Ritz കാറിൽ നാളെ ഉച്ചവരെയുള്ള ഫുഡ് ഒക്കെ…
View Post