ആംബുലൻസ് ഡ്രൈവർമാരെ മോശക്കാരാക്കുന്നവർ അറിയുവാൻ ചിലത്…

Total
232
Shares

നമ്മുടെയൊക്കെ ജീവനും കൈയ്യിൽ പിടിച്ച് നാടും നഗരവും എന്നില്ലാതെ ശരവേഗത്തിൽ പാഞ്ഞു നടക്കുന്ന ആംബുലൻസുകളിലെ ഡ്രൈവർമാരെക്കുറിച്ച് നമുക്കറിയുമോ, അല്ലെങ്കിൽ അറിയാൻ ശ്രമിച്ചിട്ടുണ്ടോ? 10 മിനിറ്റു മുമ്പേ എത്തിച്ചിരുന്നേൽ ജീവൻ രക്ഷിക്കാമായിരുന്നു എന്ന് ഡോക്ടർമാർ വിധിയെഴുതി കൈവിടുമ്പോൾ, ഒരിക്കൽ പോലും ആ അവസ്ഥ തങ്ങളാൽ വരരുതെന്നോർത്ത് സ്വന്തം ജീവൻ പോലും മറന്ന്, തിരക്കേറിയ റോഡുകളിലൂടെ മിന്നൽ വേഗത്തിൽ പാഞ്ഞു പോകുന്ന ആംബുലൻസുകൾ നമുക്ക് കൗതുകങ്ങൾ മാത്രമാണ്. ഒരിക്കൽ പോലും ആ വാഹനം ഓടിക്കുന്ന വ്യക്തിയെ കുറിച്ചോ അവരുടെ മാനസികാവസ്ഥയെക്കുറിച്ചോ നമ്മൾ ചർച്ച ചെയ്തിട്ടില്ല.

ഞരമ്പുകളിൽ രക്തത്തിനു പകരം കാമത്തിന്റെ അതിപ്രസരമുള്ള എതോ ഒരു നരാധമൻ ചെയ്ത തെറ്റിന് മുഴുവൻ ആംബുലൻസ് ജീവനക്കാരെയും പഴിക്കുമ്പോൾ, നാം ചിന്തിക്കാൻ മറക്കുന്ന കുറച്ച്കാര്യങ്ങൾ ഉണ്ട്. അവർക്കും ഒരു മനസ്സുണ്ട്. ആ മനസ്സിൽ തന്നെ കുറിച്ചും, തന്റെ കുടുംബത്തിനെ കുറിച്ചുമുള്ള വേവലാതികളുണ്ട്. തുച്ഛമായ വേതനത്തിന് സ്വന്തം ജീവനും ജീവിതവും മറന്ന്, നാടോ നഗരമോ, രാത്രിയോ പകലോ എന്നില്ലാതെ ഓടി നടക്കുന്ന ഇവരെ എന്ത് പേര് പറഞ്ഞു വിശേഷിപ്പിക്കും?

ആംബുലൻസ് ഡ്രൈവർ രോഗിയെ പീഡിപ്പിച്ചു എന്ന ഒറ്റവരി വാർത്തയിൽ നമ്മൾ മാറ്റി നിർത്തിയത് ഇവരെ കൂടിയാണെന്നോർക്കണം. അത് ഒരേ ഒരാളാണ്. ആ ഒരാൾ നമുക്കിടയിലൊക്കെയുണ്ട്. മാനസ്സീക വൈകല്യമുള്ള അത്തരക്കാരെ മാറ്റി നിർത്തി ഉചിതമായ ശിക്ഷ വാങ്ങി കൊടുക്കേണ്ടത് നമ്മളാണ്. അല്ലാതെ ഒരു കൂട്ടത്തെ മുഴുവനായ് ഒറ്റപ്പെടുത്തുകയല്ല വേണ്ടത്.

ജനിച്ചു വീണ സ്വന്തം കുഞ്ഞിന്റെ മുഖമൊന്നു കാണാൻ പറ്റാതിരുന്നതും, രോഗം പരത്തുന്നു എന്ന വ്യാജ വാർത്തയെ തുടർന്ന്, കൈ നീട്ടിയപ്പോൾ ആഹാരം നിഷേധിച്ചതും, വേതനത്തിന് ഓഫീസ് വരാന്തകൾ കയറി ഇറങ്ങേണ്ടി വന്നതും ഇവരുടെ ചില കഥകൾ മാത്രം. ഏത് പ്രതിസന്ധിയിലായാലും 108 ലേക്ക് വിളിക്കുന്ന നമുക്കെല്ലാം ഒരു പ്രതീക്ഷയുണ്ട്. ആ പ്രതീക്ഷ കൈവിടാതെ ദൈവദൂതനെ പോലെ പാഞ്ഞെത്തി, വാരിയെടുത്ത് ആശുപത്രികളിലേക്ക് കുതിക്കുമ്പോൾ ആ ഡ്രൈവറാൽ പാലിക്കപ്പെടുന്നത് മനുഷ്യത്വം എന്ന കടമ കൂടിയാണ്.

ഇത്തരം വാർത്തകളിൽ ഒരു കൂട്ടത്തെ മുഴുവനായും അടച്ചാക്ഷേപിക്കുമ്പോൾ നമുക്കില്ലാതെ പോകുന്നതും അതൊക്കെ തന്നെയാണ്. ചിലർക്ക് ദൈവങ്ങളും ചിലർക്ക് മാലാഖമാരും ആവാൻ കഴിയുന്നുവെങ്കിൽ തീർച്ചയായും ഇവരെ വിശേഷിപ്പിക്കേണ്ടത് ദൈവദൂതർ എന്നു തന്നെയാണ്. എത് മഹാമാരി വന്നാലും നമ്മുടെയൊക്കെ ജീവന്റെ വളയം കാക്കുന്ന ഇവരെ വേറെന്ത് പേരിൽ വിളിക്കാൻ പറ്റും?

കടപ്പാട് – സജീഷ് ഉണ്ണി.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post