2005 ലെ മറക്കാനാവാത്ത, മുടങ്ങിയ ഒരു ട്രെയിൻ യാത്ര

Total
17
Shares

വിവരണം – ‎Dileep Muthumana‎.

ഈ സംഭവം ഉണ്ടായത് 2005 ൽ ആണ്. പാറ്റ്നയിൽ ജോലി ചെയ്യുന്ന സമയം. പട്നയിൽ നിന്ന് മുന്നൂറ് കിലോമീറ്റര് അപ്പുറത്തു ഉള്ള പൂർണിയ എന്ന സ്‌ഥലത്തെ സെൻട്രൽ ബാങ്ക് ഓഫ് ഇന്ത്യ main ബ്രാഞ്ചിൽ പുതിയ സെർവർ install ചെയ്യാൻ പോകണം. അന്ന് കോർ ബാങ്കിങ് ഒന്നും തുടങ്ങിയിട്ട് ഇല്ല. പൂർണിയയിൽ ഉള്ള എഞ്ചിനീറിക്ക് ലിനക്സ് ,Oracle ഒന്നും ഇൻസ്റ്റാൾ ചെയ്യാനും അറിയില്ല. പണ്ട് ഒക്കെ ഓരോ ബ്രാഞ്ചിലും ഓരോ സെർവർ ആയിരുന്നു.

ഒരു തിങ്കളാഴ്ച് ആയിരുന്നു നിശ്ചയിച്ചിരുന്ന ഇൻസ്റ്റാളേഷൻ. ബിഹാറിൽ ആ സമയത്തു റോഡുകൾ എന്നത് ഇല്ല. മുപ്പതു കിലോമീറ്റര് യാത്ര ചെയ്യാൻ രണ്ടും മൂന്നും മണിക്കൂർ എടുക്കും. അത് കൊണ്ട് പത്തു കിലോമീറ്റർ അപ്പുറത്തു ഉള്ള സ്ഥലത്തേക്ക് പോലും ട്രെയിനിൽ പോകുക ആണ് പതിവ്.

ഒഫീഷ്യൽ ആയതു കൊണ്ട് 3 AC ടിക്കറ്റ് തന്നെ എടുത്തു. രാത്രി ഒൻപതു മണിക്ക് ആയിരുന്നു ട്രെയിൻ. എട്ടരയ്ക്ക് റെയിൽവേ സ്റ്റേഷനിൽ എത്തി. പിന്നെ ആണ് ട്വിസ്റ്റ്… പൂർണിയ ഭാഗത്തു എന്തോ തിരഞ്ഞെടുപ്പ് നടക്കുന്നു. അവിടേക്കു കുറെ പോലീസുകാർ പോകുന്നുണ്ട്. കുറെ എന്ന് പറഞ്ഞാൽ രണ്ടായിരത്തോളം. അവർക്കു വേണ്ടി തിരഞ്ഞടുപ്പ് കമ്മിഷൻ സ്പെഷ്യൽ വണ്ടി ഒന്നും ഏർപ്പെടുത്തിയിട്ടില്ല. ഈ വണ്ടിയിൽ പോകാൻ ഞങ്ങളോടപ്പം അവരും ഉണ്ടായിരുന്നു.

വണ്ടി വന്ന പാടെ എല്ലാ കംപാർട്മെന്റിലും ഇവന്മാർ ഇരച്ചു കയറി, AC അടക്കം. ഞാൻ കയറിയ AC കംപാർട്മെന്റിൽ നിന്ന് പോലും പോലീസുകാർ വന്നു. ഒരു ദയയും കൂടാതെ എന്നെ ഇറക്കി വിട്ടു. സ്ലീപ്പർ കംപാർട്മെന്റിൽ നിന്ന് പോലീസുകാർ ദേഹോദ്രവം വരെ ഏൽപ്പിച്ചു റിസേർവ് ചെയ്ത യാത്രക്കാരെ പുറത്തു ആക്കുന്നുണ്ടായിരുന്നു. തിരിച്ചു ഇറങ്ങി TT യെ കണ്ടു. നിസ്സഹായൻ ആയ അയാൾ ഒന്നും പറഞ്ഞില്ല. അയാൾക്ക്‌ പോലും കംപാർട്മെന്റിൽ കയറാൻ സാധിക്കില്ല അതാണ് അവസ്ഥ.

മറ്റു യാത്രക്കാർ ബഹളം വെച്ച് ട്രെയിൻ തടഞ്ഞു, പോലീസുകാർ ഇറങ്ങില്ല എന്ന് അവരും. ഞാൻ എന്റെ മാനേജരെ ഫോൺ വിളിച്ചു കാര്യം പറഞ്ഞു. അദ്ദേഹം ബസിനു പോകാൻ പറ്റുമോ എന്ന് നോക്കാൻ പറഞ്ഞു. പക്ഷെ അന്നത്തെ റോഡിൻറെ അവസ്ഥ കാരണം ബസ് എല്ലാം വൈകുനേരം അഞ്ചു മണിക്ക് പാട്നയിൽ നിന്ന് പുറപ്പെടും. പിന്നെ ടാക്സി എടുത്തെങ്കിലും പോകാൻ പറഞ്ഞു. പക്ഷെ ടാക്സിക്കാർ ഒന്നും അത്ര ദൂരം വരാൻ തയ്യാറും ആയില്ല.

എന്റെ റീജിയണൽ മാനേജർ റെയിൽവേ സ്റ്റേഷനിൽ എത്തി. എന്തായാലും യാത്ര തുടരാൻ പറ്റില്ല എന്ന് മനസിൽ ആയി. പക്ഷെ മാനേജർ ഭയങ്കര ടെൻഷനിൽ ആയിരുന്നു.
അവസാനം നമ്മൾക്കു പൈസ തിരിച്ചു തരാം എന്നായി. പൈസ തിരിച്ചു തന്നപ്പോഴേക്കും രാവിലെ അഞ്ചു മണി. അത് വരെ പാറ്റ്ന റെയിൽവേ സ്റ്റേഷനിൽ കൊതുകടി കൊണ്ട് ഇരുന്നു.

എന്റെ യാത്ര മുടങ്ങിയതിൻ്റെ നഷ്ടവും വലുതായിരുന്നു. സെൻട്രൽ ബാങ്ക് ഓഫ് ഇന്ത്യയിലെ പട്ന റീജിയണൽ മാനേജർ വളരെ മുന്കോപിയും ശുണ്ഠിക്കാരനായും ആണ്. അദ്ദേഹം എന്റെ കമ്പനിയെ ബ്ലാക്ക് ലിസ്റ്റ് ചെയ്തു. കോടിക്കണക്കിനു രൂപയുടെ ഓർഡർ അദ്ദേഹം ക്യാൻസൽ ചെയ്തു. എന്റെ കമ്പനിയുടെ റീജിയണൽ മാനേജർക്ക് ടാർഗറ്റ് ഒപ്പിക്കാൻ പറ്റാത്തതിനാൽ രാജി വെച്ച് പോകേണ്ടി വന്നു.

ആരെയും കുറ്റം പറയാൻ പറ്റില്ല. റെയിൽവേക്കു ടിക്കറ്റിൽ തന്നെ എഴുതിയിട്ട് ഉണ്ട് യാത്ര മുടങ്ങിയാൽ അവർക്ക് ഉത്തരവാദിത്വം ഒന്നും ഇല്ല എന്ന്. എന്തായാലും അതിനു ശേഷം ഞങ്ങളുടെ കമ്പനി കുറച്ചു കൂടി പ്ലാൻ ചെയ്യാൻ തുടങ്ങി. യാത്ര അധികവും ടാക്സിയിൽ ആക്കി. പൈസ കൂടിയാലും കമ്പനിക്ക് നഷ്ടവും വരാൻ പാടില്ല. അത് കഴിഞ്ഞു കുറെ ഓഫീസുകളും കൂടുതൽ ജോലിക്കാരെ, പ്രത്യകിച്ച് കേരളത്തിൽ നിന്ന് എടുത്തു അവരെ വിദൂര സ്ഥലത്തു പോസ്റ്റ് ചെയ്യാൻ തുടങ്ങി.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post