റോഡിൽ കുണ്ടും കുഴിയും; കോൺട്രാക്ടറെയും എഞ്ചിനീയറെയും ബലമായി യാത്ര ചെയ്യിച്ച് ജനങ്ങൾ

Total
1
Shares

ഇന്ന് നമ്മുടെ നാട്ടുകാർ ഏറ്റവും കൂടുതൽ അനുഭവിക്കുന്ന ബുദ്ധിമുട്ടുള്ള ഒരു കാര്യമാണ് റോഡുകളുടെ ശോചനീയാവസ്ഥ. എവിടെ നോക്കിയാലും വമ്പൻ ഗർത്തങ്ങളുള്ള റോഡുകളാണ്. അതിപ്പോൾ നഗരമായാലും ഗ്രാമപ്രദേശങ്ങളായാലും ശരി, ഈ കാര്യത്തിൽ ഒരു മാറ്റവുമില്ല. പലതരത്തിലുള്ള പ്രതിഷേധങ്ങൾ നമ്മുടെ നാട്ടിൽ നടക്കുന്നുണ്ടെങ്കിലും ഒന്നും ഫലം ചെയ്യുന്നതായി തോന്നിയിട്ടില്ല. എന്നാൽ ഈ കാര്യത്തിൽ ഗോവക്കാർ ‘വേറെ ലെവലാണ്’ എന്ന് തെളിയിച്ചിരിക്കുകയാണ്.

നമ്മുടെ നാട്ടിലെപ്പോലെ തന്നെ മോശം റോഡുകൾ മൂലം കഷ്ടപ്പെടുകയാണ് ഗോവക്കാരും. ഗോവ സംസ്ഥാനത്തിന്റെ പല ഭാഗത്തുമുള്ള, പ്രധാനപ്പെട്ട റോഡുകൾ വരെ കുണ്ടും കുഴിയും നിറഞ്ഞു മോശമായ അവസ്ഥയിലാണ്. ഇതിൽ ക്ഷുഭിതരായി സഹികെട്ട് ഒരു കൂട്ടമാളുകൾ ചേർന്ന് നടത്തിയ പ്രതിഷേധം വളരെ വ്യത്യസ്തമാണ്. റോഡ് മോശമായതിനു ഉത്തരവാദികളായ പി.ഡബ്ള്യു.ഡി. എൻജിനീയറെയും റോഡ് പണിത കോൺട്രാക്ടറെയും കുണ്ടും കുഴിയും നിറഞ്ഞ റോഡിലൂടെ യാത്ര ചെയ്യിച്ചാണ് ഇവർ പ്രതിഷേധിച്ചത്.

സംഭവം ഇങ്ങനെ – റോഡുകളുടെ മോശം അവസ്ഥ കണ്ടിട്ടും കാണാതെ നടിക്കുകയായിരുന്ന PWD അധികൃതർക്കെതിരെ പ്രതിഷേധവുമായി നാട്ടുകാർ PWD ഓഫീസിലെത്തി. ഇതോടെ PWD എൻജിനീയർ റോഡ് പണിത കോൺട്രാക്ടറെ വിളിച്ചു വരുത്തുകയായിരുന്നു. കോൺട്രാക്ടർ വന്നതോടെ റോഡ് പുതുക്കിപ്പണിയുവാൻ ആളുകൾ ആവശ്യപ്പെട്ടു. എന്നാൽ ഇതിനെതിരെ പല കാരണങ്ങളും പറഞ്ഞുകൊണ്ട് പി.ഡബ്ള്യു.ഡി. എൻജിനീയറും കോൺട്രാക്ടറും ആളുകളുടെ ആവശ്യത്തെ എതിർക്കുകയാണുണ്ടായത്. എന്നാൽ ഇതിനു മുൻപും ഇതുപോലെ അനാവശ്യ കാരണങ്ങൾ പറഞ്ഞുകൊണ്ട് റോഡ് പണി മനപ്പൂർവ്വം വൈകിപ്പിച്ചു കൊണ്ടുപോകുകയായിരുന്നു ഇവർ എന്ന് നാട്ടുകാർ ചൂണ്ടിക്കാട്ടി. റോഡിന്റെ അവസ്ഥ കാരണം കഴിഞ്ഞയിടയ്ക്ക് ആശുപത്രിയിലേക്ക് ആംബുലൻസിൽ കൊണ്ടുപോകുകയായിരുന്നു രോഗി മരിച്ച വിവരവും നാട്ടുകാർ ഇവരോട് പറഞ്ഞു.

ഒരുതരത്തിലും അധികൃതർ അടുക്കുന്നില്ലെന്നു മനസ്സിലാക്കിയപ്പോൾ അവിടെക്കൂടിയ നാട്ടുകാർ ആ വഴിയിലൂടെ ആംബുലൻസിൽ ഒന്ന് സഞ്ചരിക്കുവാൻ എഞ്ചിനീയറോടും കോൺട്രാക്ടറോടും ആവശ്യപ്പെടുകയാണുണ്ടായത്. ആദ്യമൊക്കെ ഇത് നിരസിച്ചെങ്കിലും ആളുകളുടെ നിര്ബന്ധത്താൽ അവർ അതിനു തയ്യാറാക്കുകയായിരുന്നു. അങ്ങനെ ഒരു ആംബുലൻസിൽ ഇവരെയും കൊണ്ട് നാട്ടുകാർ അവിടത്തെ മോശം റോഡുകളിലൂടെ പ്രദക്ഷിണമാരംഭിച്ചു. കോൺട്രാക്ടറെ (ഒരു രോഗിയെന്നപോലെ) ആംബുലൻസിൽ കിടത്തിയും, എൻജിനീയറെ ഇരുത്തിയുമായിരുന്നു യാത്ര.

റോഡിലെ വലിയ കുഴികളിലെല്ലാം ചാടിച്ചാടിയുള്ള ആ യാത്ര ഇരുവരും ശരിക്ക് അനുഭവിച്ചു കഷ്ടപ്പെട്ടു. അവസാനം പ്രദക്ഷിണമെല്ലാം കഴിഞ്ഞു തിരികെയെത്തിയപ്പോൾ യാത്രയെക്കുറിച്ചുള്ള ഇരുവരുടെയും ഫീഡ്ബാക്ക് നാട്ടുകാർ ചോദിച്ചു. വളരെ വേദനാജനകമായ അനുഭവമായിരുന്നു മോശം വഴിയിലൂടെയുള്ള യാത്രയെന്ന് കോൺട്രാക്ടറും എൻജിനീയറും അഭിപ്രായപ്പെട്ടു. എത്രയും പെട്ടെന്ന് റോഡ് ശരിയാക്കുവാൻ വേണ്ട നടപടികൾ എടുക്കുമെന്ന് ഇരുവരും ഉറപ്പു നൽകിയതിനെത്തുടർന്നാണ് നാട്ടുകാർ പിരിഞ്ഞു പോയത്.

കണ്ടില്ലേ? ഇത്തരത്തിലുള്ള കടുത്ത പ്രതിഷേധങ്ങൾ നമ്മുടെ നാട്ടിലും നടത്തപ്പെടണം. പി.ഡബ്‌ള്യു.ഡി. അധികൃതർ, കോൺട്രാക്ടർ, റോഡ് പണിതയുടനെ വെട്ടിപ്പൊളിക്കുന്ന കേബിളുകാർ, ബിഎസ്എൻഎൽ, വാട്ടർ അതോറിറ്റിക്കാർ എന്നിവരെയും ഇത്തരത്തിൽ മോശം റോഡുകളിലൂടെ അങ്ങോട്ടുമിങ്ങോട്ടും സഞ്ചരിപ്പിക്കണം. അവരും അറിയണം പൊതുജനം അനുഭവിക്കുന്ന കഷ്ടപ്പാടുകൾ. റോഡുകളുടെ മോശം അവസ്ഥ കാരണം ഇനിയൊരു ജീവൻ പോലും പൊലിയാതിരിക്കട്ടെ…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post