ചങ്ങനാശേരി – വേളാങ്കണ്ണി സൂപ്പർ എക്സ്പ്രസ്സിൻ്റെ ഒറിജിനലിനെ വെല്ലുന്ന മിനിയേച്ചർ മോഡലുകൾ…

Total
19
Shares

കെഎസ്ആർടിസി ബസ്സുകൾ എല്ലാവർക്കും ഒരു നൊസ്റ്റാൾജിയ ആണെന്നു പ്രത്യേകം പറയാതെ തന്നെ അറിയാമല്ലോ. ആനവണ്ടിയോടുള്ള പ്രാന്ത് മൂത്ത് ചിലർ ബസ്സുകളിൽക്കയറി യാത്രകൾ പോകുന്നു, ചിലർ ബസുകളുടെ ഫോട്ടോയും വീഡിയോയും എടുക്കുന്നു. എന്നാൽ മറ്റു ചിലരുണ്ട്, തങ്ങളുടെ ഇഷ്ടകഥാപാത്രമായ ആനവണ്ടികളുടെ ചെറിയ മോഡലുകൾ തയ്യാറാക്കുകയാണ് അവരുടെ ഹോബി. ഒറിജിനലിനെ വെല്ലുന്ന രീതിയിൽ ബസ്സുകളുടെ ഓരോ പാർട്ടും സസൂക്ഷ്മം നിരീക്ഷിച്ച് അതേപടി തയ്യാറാക്കുകയാണ് ഇത്തരക്കാർ ചെയ്യുന്നത്. മിനിയേച്ചർ മോഡലുകൾ എന്നാണു ഇത്തരം ചെറുവണ്ടികളുടെ രൂപങ്ങൾ അറിയപ്പെടുന്നത്.

ഇത്തരത്തിൽ ബസ് മോഡലുകൾ നിർമ്മിക്കുന്ന രണ്ടുപേരെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. ജയപാൽ, ശ്യാംകുമാർ എന്നിവരാണ് ആ രണ്ടു കലാകാരന്മാർ. (ശ്യാംകുമാർ ഞീഴൂർ എന്ന പേരിൽ കോട്ടയം സ്വദേശിയായ മറ്റൊരു പ്രശസ്തനായ മിനിയേച്ചർ കലാകാരൻ കൂടിയുണ്ട്. അദ്ദേഹമല്ല ഇത്). സിവിൽ എൻജിനീയറായ ജയപാൽ തൻ്റെ ജോലിത്തിരക്കുകൾ കഴിഞ്ഞു ലഭിക്കുന്ന സമയം ഇത്തരത്തിൽ മിനിയേച്ചർ രൂപങ്ങൾ നിർമ്മിക്കുന്നതിനായാണ് ചെലവഴിക്കുന്നത്.

ഇതിനകം ധാരാളം മിനിയേച്ചർ വാഹന മോഡലുകൾ ഇദ്ദേഹം നിർമ്മിച്ചിട്ടുണ്ട്. കെഎസ്ആർടിസിയുടെ ATC 95 എന്ന സൂപ്പർ എക്‌സ്പ്രസ്സ് ബസ്സിന്റെ മിനിയേച്ചർ മോഡലാണ് ഇപ്പോൾ ഇദ്ദേഹം മനോഹരമായി പണിതീർത്തിരിക്കുന്നത്. ചങ്ങനാശ്ശേരി ഡിപ്പോയുടെ വേളാങ്കണ്ണി റൂട്ടിലോടുന്ന സൂപ്പർ എക്സ്പ്രസ്സ് ബസ്സുകളിൽ ഒന്നാണ് ATC 95. നിരവധി ആരാധകരുള്ള ഈ ബസിന്റെ മോഡലിനും ഇപ്പോൾ ആരാധകർ ആയിരിക്കുകയാണ്. ഇദ്ദേഹം നിർമ്മിക്കുന്ന മോഡലുകൾ ആളുകൾ വാങ്ങാറുമുണ്ട്. അതോടൊപ്പം ആളുകളുടെ ഇഷ്ടത്തിനനുസരിച്ചുള്ള മോഡലുകൾ ഓർഡർ അനുസരിച്ച് ഇദ്ദേഹം നിർമ്മിച്ചു കൊടുക്കുകയും ചെയ്യുന്നുണ്ട്.

ശ്യാംകുമാർ വടക്കേടത്ത് : കെട്ടിട നിർമ്മാണ തൊഴിലാളിയായ ഇദ്ദേഹം തടിപ്പണി ഇൻറർലോക്ക് എന്നിവ ഒഴികെയുള്ള എല്ലാ കെട്ടിട നിർമ്മാണ ജോലികളും ചെയ്യാറുണ്ട്. തൻ്റെ ജോലികൾ കഴിഞ്ഞുള്ള സമയങ്ങളാണ് മിനിയേച്ചർ നിർമ്മാണ പ്രവർത്തനങ്ങൾക്കായി ഇദ്ദേഹം മാറ്റിവെക്കുന്നത്. ശ്യാംകുമാറും ജയപാലിനെപ്പോലെ ഓർഡറുകൾ അനുസരിച്ച് വാഹനങ്ങളുടെ ചെറു മോഡലുകൾ നിർമിച്ചു കൊടുക്കാറുണ്ട്. കഴിഞ്ഞയിടയ്ക്ക് ശ്യാംകുമാർ പണിതീർത്തിറക്കിയ ചങ്ങനാശ്ശേരി ഡിപ്പോയുടെ വേളാങ്കണ്ണി സർവ്വീസിൽ ഒന്നായ ATC 93 എന്ന ബസ് മോഡലാണ് ഇപ്പോൾ സോഷ്യൽ മീഡിയയിൽ വൈറലായിക്കൊണ്ടിരിക്കുന്നത്. 17 ദിവസത്തോളം ചെലവഴിച്ചാണ് ശ്യാംകുമാർ ഈ മോഡൽ നിർമ്മിച്ചിരിക്കുന്നത്.

ഇതിനിടയിൽ ഇവർ രണ്ടുപേരും കൂടി ചേർന്ന് തങ്ങൾ നിർമ്മിച്ച ബസ് മോഡലുകളായ ATC 93, 95 (ചങ്ങനാശ്ശേരി – വേളാങ്കണ്ണി എക്സ്പ്രസ്സ്) എന്നിവയുമായി ചങ്ങനാശ്ശേരി ഡിപ്പോയിൽ എത്തുകയും ഒറിജിനൽ ബസ്സിനെയും അതിലെ ജീവനക്കാരെയും കാണുകയുമുണ്ടായി. അവിടെ വെച്ച് ഇവർ തങ്ങൾ നിർമ്മിച്ച ബസ് മോഡലുകൾ ജീവനക്കാരെ കാണിച്ചു. സത്യത്തിൽ പ്രസ്തുത ബസ്സിന്റെ ഡ്രൈവർ സന്തോഷ് കുട്ടനും മറ്റു ജീവനക്കാരുമെല്ലാം ഈ മോഡലുകൾ കണ്ട് അതിശയിച്ചു പോയി. അവരെല്ലാം ചേർന്ന് ജയപാലിനെയും ശ്യാംകുമാറിനെയും അഭിനന്ദിക്കുകയും ചെയ്തു. ഒറിജിനൽ ബസ്സിൽ നിന്നും യാതൊരു വ്യത്യാസവും തങ്ങൾക്ക് ഈ മോഡലുകളിൽ കണ്ടെത്താനായില്ലെന്ന് കെഎസ്ആർടിസി ചങ്ങനാശ്ശേരി ഡിപ്പോയിലെ ഉദ്യോഗസ്ഥർ വരെ സമ്മതിച്ചു.

എന്തായാലും ഇതുപോലുള്ള കലാകാരന്മാർക്ക് നമ്മുടെയെല്ലാം അകമഴിഞ്ഞ പ്രോത്സാഹനം ആവശ്യമാണ്. നിങ്ങൾക്കും ഇത്തരത്തിൽ ബസ് മോഡലുകൾ ആവശ്യമുണ്ടെങ്കിൽ ഇവരെ സമീപിക്കാവുന്നതാണ്. ഇവരെ ബന്ധപ്പെടേണ്ട നമ്പറുകൾ – ജയപാൽ 9961457251 , ശ്യാംകുമാർ 9847861190.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post