എറണാകുളം കെഎസ്ആർടിസി ഡിപ്പോയിൽ വിശ്രമിക്കുന്ന ജീവനക്കാരുടെ ദയനീയാവസ്ഥ…

Total
0
Shares

കെഎസ്ആർടിസി ജീവനക്കാരെ എല്ലാവരും ഒന്നടങ്കം കുറ്റം പറയാറുണ്ട്. പക്ഷേ അവർ അനുഭവിക്കുന്ന കഷ്ടപ്പാടുകൾ അധികമാരും ചർച്ച ചെയ്യുകയോ വൈറൽ അയക്കുകയോ ഇല്ല എന്നതാണ് സത്യം. കെഎസ്ആർടിസിയുടെ ഒട്ടുമിക്ക ഡിപ്പോകളുടെ അവസ്ഥയും വളരെ പരിതാപകരമാണ്. അതിൽ ഏറ്റവും കൂടുതലായി എടുത്തു പറയേണ്ടത് കേരളത്തിലെ ഏറ്റവും മികച്ച സിറ്റിയെന്നു പേരുള്ള എറണാകുളത്തെ കെഎസ്ആർടിസി ഡിപ്പോയുടെ കാര്യമാണ്.

പേരുപോലെ തന്നെ, മഴ പെയ്താൽ ഒരു കുളം തന്നെയാണ് എറണാകുളത്തെ കെഎസ്ആർടിസി ഡിപ്പോ. ഇത് ഇന്നോ ഇന്നലെയോ തുടങ്ങിയ പ്രശ്നമല്ല. എറണാകുളം ഡിപ്പോ ഉണ്ടായ കാലം തൊട്ടേയുള്ള ഒരു വലിയ പ്രശ്നം തന്നെയാണ്. ‘മഴക്കാലമായാൽ എറണാകുളത്തെ കെഎസ്ആർടിസി ഡിപ്പോ ജലഗതാഗത വകുപ്പ് ഏറ്റെടുക്കും’ എന്നാണു പൊതുവെ എല്ലാവരും ട്രോളുന്നത്. സംഭവം സത്യമാണ്, അത് നേരിട്ടു കണ്ടാൽ ബോധ്യമാകും.

എറണാകുളം ഡിപ്പോയുടെ പരിതാപകരമായ അവസ്ഥ ഇപ്പോൾ നിങ്ങൾക്ക് ബോധ്യമായിട്ടുണ്ടാകുമല്ലോ അല്ലേ? അപ്പോൾ ഡിപ്പോയിൽ രാത്രി തങ്ങേണ്ടി വരുന്ന ദീർഘദൂര ബസുകളിലെ ജീവനക്കാരുടെ അവസ്ഥ ഒന്നാലോചിച്ചു നോക്കിക്കേ. അഴുക്കുചാലുകൾ നിറഞ്ഞും ചെളിവെള്ളമൊഴുകിയുമൊക്കെ വൃത്തികേടായിക്കിടക്കുന്നതിനിടയിൽ കൊതുകിന്റെ ശല്യവും കൂടിയായാൽ പറയണോ പിന്നത്തെ കാര്യം. ഈ ലേഖനത്തോടൊപ്പമുള്ള ചിത്രം ഒന്നു നോക്കിക്കേ. ആശുപത്രിയിൽ കിടക്കുന്ന രോഗിയോന്നുമല്ല അത്. എറണാകുളം ഡിപ്പോയിൽ ഒരു രാത്രി വിശ്രമിക്കുന്ന ഹതഭാഗ്യനായ ഒരു കെഎസ്ആർടിസി ജീവനക്കാരന്റെ ചിത്രമാണത്.

കൊതുകുപടയുടെ ആക്രമണത്തിൽ നിന്നും രക്ഷപ്പെടാൻ വേണ്ടി കാലുകളിൽ കടലാസും, സിൽവർ ഫോയിലും കൊണ്ട് ആവരണം തീർത്ത്, കൈയും തലയുമെല്ലാം ഒരു തുണിയ്ക്കുള്ളിൽ മൂടി ക്ഷീണത്തിൽ നിന്നും ആശ്വാസം കണ്ടെത്താൻ ശ്രമിക്കുന്ന ഈ സർക്കാർ ജീവനക്കാരന്റെ അവസ്ഥ എറണാകുളം ഡിപ്പോയെക്കാൾ കഷ്ടമെന്നേ പറയുവാനൊക്കുകയുള്ളൂ. ഈ കിടക്കുന്ന ജീവനക്കാരൻ ആരാണെന്നോ, ഏതു ഡിപ്പോയിലെ ജീവനക്കാരനാണെന്നോ ഒന്നും അറിയില്ല. പക്ഷെ അദ്ദേഹം ഒരു മനുഷ്യനല്ലേ? ദീർഘദൂര സർവ്വീസുകൾക്കിടയിൽ ലഭിക്കുന്ന കുറച്ചു സമയം മര്യാദയ്ക്ക് വിശ്രമിക്കുവാൻ സാധിക്കാതെ വീണ്ടും അടുത്ത ട്രിപ്പിനു പോകുന്ന ആ അവസ്ഥ ആലോചിക്കുവാൻ പോലും വയ്യ.

ഇങ്ങനെയുള്ള മനംമടുപ്പിക്കുന്ന അവസ്ഥകളെയും തരണം ചെയ്തുകൊണ്ട് ഡ്യൂട്ടിയെടുക്കുന്നതിനിടയിൽ ഇവരെല്ലാം ചിലപ്പോൾ ആളുകളോട് ദേഷ്യപ്പെട്ടു പെരുമാറിയില്ലെങ്കിലേ അതിശയമുള്ളൂ എന്നാണ് തോന്നുന്നത്. ഇത്രയും ഫ്രസ്റ്റേഷൻ, ഇത്രയും മോശമായ സാഹചര്യത്തിൽ നിന്നും വരുന്ന ഒരാൾക്ക് സമാധാനപരമായി പോസിറ്റീവ് മനസ്സോടെ എങ്ങനെ ജോലി ചെയ്യുവാൻ സാധിക്കും? ഇതൊന്നും ഒരിക്കലും മറ്റുള്ളവരോട് ദേഷ്യപ്പെടാനുള്ള ഒരു കാരണമായി ന്യായം പറയുകയല്ല, അവരുടെ അവസ്ഥ ഒന്ന് വിവരിച്ചെന്നേയുള്ളൂ.

എന്തായാലും ദീർഘദൂര സർവ്വീസുകളിലെ ജീവനക്കാർക്ക് നല്ല രീതിയിലുള്ള വിശ്രമ സൗകര്യങ്ങൾ ലഭ്യമാക്കുവാൻ കെഎസ്ആർടിസി അധികൃതർ ശ്രദ്ധ ചെലുത്തുക തന്നെ വേണം. ദയവു ചെയ്തു ഈ വിഷയത്തിൽ വേണ്ട നടപടികൾ അധികാരികൾ എടുക്കണമെന്ന് അഭ്യർത്ഥിക്കുകയാണ്. യാത്രക്കാരോട് ‘സുഖയാത്ര, സുരക്ഷിതയാത്ര’ എന്നു പറയുമ്പോൾ അത് ജീവനക്കാർക്കും കൂടി ബാധകമാക്കുവാൻ ശ്രമിക്കുക.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post