വിവാഹവും, വിവാഹ വാർഷികവും ആനവണ്ടിയോടൊപ്പം

Total
1
Shares

എഴുത്ത് – Baiju B Mangottil.

ആദ്യ വാർഷികം ആനവണ്ടിയും ചില അതിജീവന ചിന്തകൾക്കുമൊപ്പം. ഔദ്യോഗികമായി ഒരുമിച്ചുള്ള യാത്രയ്ക്ക് ഇന്നേക്ക് ഒരു വർഷം പൂർത്തിയാവുന്നു. ആദ്യ വാർഷികത്തിന് ലക്ഷദ്വീപിൽ സ്കൂബാ ഡൈവിങ് ആയിരുന്നു പുള്ളിക്കാരീടെ ഡിമാൻഡ്. അതിനിടയ്ക്ക് വയറിനകത്ത് ഒരാള് കേറി ഡൈവിങ് തുടങ്ങിയത് കൊണ്ട് ആ പദ്ധതി നൈസായിട്ട് അങ്ങട് പാളിപ്പോയി. രക്ഷപെട്ടെന്ന് കരുതി ഇരിക്കുമ്പഴാണ് കൊറോണ കേറിവന്ന് പണിയും തന്ന് വീട്ടിലിരുത്തിയത്.

ഇനിയെന്ത് എന്ന ചോദ്യത്തിന് ഉത്തരമില്ലാതെ നിൽക്കുമ്പോഴാണ് നമ്മുടെ മുഖ്യ മന്ത്രീടെ വക സൗജന്യ ഉപദേശം, എല്ലാരും തൂമ്പയെടുത്ത് പാടത്തേക്ക് ഇറങ്ങാൻ.. തരിശിൽ പൊന്നു വിളയിക്കാൻ സർക്കാരും ഒപ്പമുണ്ടത്രേ. വെറുതെ ഇരുന്ന് നേരം കളയാതെ ആ പാടത്തോ പറമ്പത്തോ നാല് വിത്ത് കൊണ്ടിട്ടാൽ ചിലവില്ലാണ്ട് ശാപ്പാടെങ്കിലും അടിക്കാന്ന് ചുരുക്കം.

നമ്മുടെ കാര്യത്തിലാണെങ്കി ആനിവേഴ്സറി ആയാലും ആഘോഷമായാലും ആദ്യം ഓടിയെത്തുന്നത് നമ്മടെ ആനവണ്ടി തന്നെയാണ്. ജീവിതത്തിലെ മറക്കാനാവാത്ത ദിവസങ്ങളിലൊന്ന് ഞങ്ങൾക്ക് സമ്മാനിച്ച ആ ചുവന്ന കൊമ്പനോട് എന്നും ആരാധന തന്നെയാണ്.

ലോക്ക് ഡൗണ് കാലത്ത് ഒരു പക്ഷെ നമ്മളെപ്പോലെ തന്നെ വല്ലാത്ത പ്രതിസന്ധിയിലൂടെ തന്നെയാണ് ആനവണ്ടി കുടുംബവും കടന്നുപോകുന്നത്. പേരിന് മാത്രം ജില്ലയിൽ ഒതുങ്ങി കൂടുന്ന സർവീസുകൾ യാത്രക്കാർ ഇല്ലാതെ നഷ്ടത്തിൽ ഓടി തളർന്ന വണ്ടികൾ. അവരുടെയൊക്കെ സങ്കടം പറച്ചിലുകൾ. ഇതിനൊക്കെ പരിഹാരം കാണുക എന്നത് നമ്മൾ ഒന്നോ രണ്ടോ പേര് വിചാരിച്ചാൽ നടക്കുന്നതല്ല എന്നറിയാം. എങ്കിലും നമ്മളാൽ ആവും വിധം എന്തെങ്കിലുമൊക്കെ ചെയ്യണമെന്ന് കരുതിയിരുന്നു.

അപ്പഴാണ് സർക്കാർ പ്രോത്സാഹിപ്പിക്കുന്ന യുവത്വം കൃഷിയിടങ്ങളിലേക്ക് എന്ന ആശയവും അതിന്റെ മുന്നൊരുക്കങ്ങളുമായി നമ്മളും പാടത്തേക്ക് ഇറങ്ങിതുടങ്ങുന്നത്. പട്ടഞ്ചേരി യൂത്ത് സെന്ററിന്റെ കീഴിൽ നമ്മുടെ പാടത്ത് ഒരു മാതൃകാ കൃഷിത്തോട്ടവും ഒരുക്കാനുള്ള തയ്യാറെടുപ്പും തുടങ്ങീട്ടുണ്ട്. നമ്മൾ കല്യാണത്തിന് കൊടുത്ത വിത്തുകൾ പലതും നല്ല രീതിയിൽ വിളവെടുത്ത നാട്ടിലെ സുഹൃത്തുക്കൾ പലരും ഇത്തവണയും വിത്തിനായി വിളിച്ചിട്ടുമുണ്ടായിരുന്നു. കഴിഞ്ഞ വർഷം വിവാഹ ദിവസം അതിഥികൾക്ക് കൊടുത്ത വിത്തിന്റെ പായ്ക്കറ്റുകളും ബ്രോഷറും ഒക്കെ കുറെ പൊടി പിടിച്ച് കിടപ്പുണ്ടായിരുന്നു അതൊക്കെ തട്ടിയെടുത്ത് കുറച്ചു പച്ചക്കറി വിത്തും കൂടെ കൂടുതൽ വാങ്ങി. ഏതാണ്ട് പായ്ക്കിങ് കഴിഞ്ഞു നോക്കീപ്പോ 150 ൽ അധികം ഉണ്ട്.

രാവിലെ നേരത്തെ തന്നെ ചിറ്റൂർ കെ എസ് ആർ ടി സി ഡിപ്പോയിൽ ചെന്ന് കാര്യം അവതരിപ്പിച്ചു അവർക്ക് അതിലേറെ ആവേശം പണിയിലാണ്ട് ഇരിപ്പ് തുടങ്ങീട്ട് മാസങ്ങളായി സങ്കടവും പരിഭവവും വേറെയും. തരിശു കിടന്നിരുന്ന ഒരു പറമ്പു കാണിച്ചു തന്ന് എന്തു വേണേലും ആയിക്കോ തങ്ങളുടെ പൂർണ്ണ പിന്തുണയെന്ന് പറഞ്ഞു ATO യും സഹപ്രവർത്തകരും ഒപ്പം കൂടി. എല്ലാവരുടെയും സഹകരണത്തോടെ ഒരു ബഡ്ഡ് തയാറാക്കി കുറെ വിത്തുകളും പാകി കൃഷി വ്യാപിപ്പിക്കാൻ ജീവനക്കാർ തന്നെ മുന്കയ്യെടുക്കാമെന്നു എൽകുകയും ചെയ്തതോടെ പരിപാടി ഉഷാറായി. ചിറ്റൂർ ഡിപ്പോയിലെ ജീവനക്കാർക്ക് അവരുടെ കുടുംബങ്ങളിലേക്ക് ആവശ്യമായ വിത്തു പായ്ക്കറ്റുകളും കൃഷിക്ക് ആവശ്യമായ മാർഗ്ഗ നിർദ്ദേശങ്ങൾ അടങ്ങുന്ന ബ്രോഷറും കൂടെ നൽകി.

അതിനിടയ്ക്ക് വിവരം അറിയിക്കാൻ വിളിച്ച DTO ഉബൈദ് സാറിന് ജില്ലാ ഓഫീസിൽ വിത്ത് കിട്ടാത്തതിന്റെ പരാതി വേറെ. നിലവിൽ നിർമ്മാണ പ്രവർത്തികൾ നടക്കുന്നത്കൊണ്ട് അവിടെ നടാനുള്ള സ്ഥലമില്ലാത്തത് കാരണം അവിടുത്തെ ജീവനക്കാർക്ക് മാത്രം നേരിട്ട് പോയി പായ്ക്കറ്റുകൾ വിതരണം ചെയ്തിരുന്നു. ഈ പ്രതിസന്ധിയിലും നമ്മളെയൊക്കെ ഓർത്ത് ആശംസകൾ അറിയിച്ച ജില്ലാ ഓഫീസിലെ എല്ലാ ജീവനക്കാരോടും ഹൃദയത്തിൻറെ ഭാഷയിൽ നന്ദി അറിയിക്കുന്നു.

ബാക്കിയുള്ള വിത്തുകൾ മുഴുവൻ ഞങ്ങളുടെ ഗ്രാമത്തിലെ നൂറോളം വീടുകളിലേക്ക് സുഹൃത്തുക്കളോടൊപ്പം നേരിട്ട് എത്തിക്കുകയും നാട്ടിലെ സൗഹൃദ കൂട്ടായ്മയുടെ പേരിൽ കൃഷിക്ക് ആവശ്യമായ എല്ലാ മുന്നൊരുക്കങ്ങളും നടത്തുകയും ചെയ്തു.

ആദ്യ വാർഷികത്തിൽ ഇത്തരമൊരു പ്രതിസന്ധി ഘട്ടത്തിൽ ഇങ്ങനെയൊരു സൽകർമ്മം ചെയ്യാൻ കഴിഞ്ഞതിൻറെ ആത്മ സംതൃപ്തിയിൽ ഞങ്ങൾ അടുത്ത സംഭവബഹുലമായ രണ്ടാം അധ്യായത്തിലേക്ക് കടക്കുകയാണ്. ഒപ്പം സഹകരിച്ച എല്ലാ സുഹൃത്തുക്കളോടും സഹോദരങ്ങളോടും നന്ദിയും കടപ്പാടും. അതിജീവനത്തിന്റെ പാതയിൽ നമ്മൾ പാകുന്ന ഓരോ വിത്തുകളും പ്രതിസന്ധികളിൽ നമ്മളെ കൈപിടിച്ച് ഉയർത്താൻ പ്രാപ്തരായ നാമ്പുകളായി വിരിയട്ടെ എന്ന് പ്രത്യാശിക്കുന്നു. നാളെ നമ്മുടെയൊക്കെ അവസ്ഥ എന്താകുമെന്നു ഒരു നിശ്ചയവുമില്ല എങ്കിലും തൊറ്റുകൊടുത്ത് ശീലമില്ലല്ലോ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post