കോഴിക്കോട് – കണ്ണൂർ റൂട്ടിൽ 794 രൂപക്ക് ഒരു വിമാനയാത്ര

Total
115
Shares

വിവരണം – Rohith Ramesh.

794 രൂപക്ക് ഒരു വിമാനയാത്ര, അതും ഇന്ത്യയിലെ ഏറ്റവും ദൈർഘ്യം കുറഞ്ഞ ആഭ്യന്തര വിമാന സർവീസിൽ. പറഞ്ഞുവരുന്നത് കോഴിക്കോട്-കണ്ണൂർ എയർ ഇന്ത്യ വിമാനയാത്രയെപ്പറ്റിയാണ്. ഒരുപക്ഷേ ഇന്ത്യയിലെ തന്നെ ഏറ്റവും ചിലവ് കുറഞ്ഞ വിമാനയാത്രയും ഇതായിരിക്കും. കാലിക്കറ്റ് യൂണിവേഴ്സിറ്റി ക്യാമ്പസിലെ പിജി സ്റ്റുഡൻസായ ഞങ്ങൾ 14 പേർ നടത്തിയ ഒരു കിടിലൻ വിമാനയാത്രാവിശേഷം.

ഇന്നലെയായിരുന്നു (28-2-2020) സുഹൃത്തുകളുമൊത്ത് സ്വപ്നതുല്യമായ ആ വിമാനയാത്ര നടന്നത്. Calicut International Airport to Kannur International വരെ. (CCJ-CNN) ഇത്രയും കുറഞ്ഞ തുകയ്ക്ക് ഒരു വിമാനയാത്ര സാധ്യമാണോ എന്ന് പലർക്കും സംശയം ഉണ്ടായിരിക്കാം. പക്ഷേ സംഗതി സത്യമാണ്. ടിക്കറ്റ് ബുക്കിംഗ് ഒരു ചെറിയ കടമ്പ ആയിരുന്നില്ല. കാരണം മാസങ്ങളായി വിവിധ പേജുകളും ഗ്രൂപ്പുകളും ആപ്പുകളും ഒക്കെ കയറി ഇറങ്ങിയ ഒരു വലിയ യാത്ര തന്നെ ഇതിനു പുറകെ ഉണ്ടായിരുന്നു.

അങ്ങനെ ഇരിക്കെയാണ് 803 രൂപയ്ക്ക് കോഴിക്കോട് – കണ്ണൂർ സെക്റ്ററിൽ എയർ ഇന്ത്യ ഫ്ലൈറ്റ് ടിക്കറ്റ് ലഭ്യമാണ് എന്ന കാര്യം അറിയുന്നത്. കാര്യങ്ങളൊക്കെ തീരുമാനമായി വരുമ്പോഴേക്കും എല്ലാം കൈവിട്ടു പോയിരുന്നു. കാരണം ടിക്കറ്റ് നിരക്ക് കൂട്ടി. സർവ്വം സങ്കടമയമായിരുന്നു പിന്നീടങ്ങോട്ട്. അവസാന പിടിവള്ളി എന്നോണം ഗൂഗിൾ ഫ്ലൈറ്റിൽ Monitor the best price alert ഓണാക്കി ഇട്ടത് രക്ഷയായി. രണ്ട് ദിവസം കഴിഞ്ഞ് പെട്ടെന്നൊരു നോട്ടിഫിക്കേഷൻ ടിക്കറ്റ് റേറ്റ് പഴയപടിയായി കുറഞ്ഞു.

പിന്നൊന്നും നോക്കിയില്ല. അടുത്ത നിമിഷം തന്നെ ഒരു ആപ്പ് വഴി 794 രൂപയ്ക്ക് ടിക്കറ്റ് അങ്ങ് ബുക്ക് ചെയ്തു. ഞാൻ ഒഴികെ ബാക്കി 13 പേരുടെയും ആദ്യ വിമാന യാത്രയായിരുന്നു ഇത്. കാര്യം പലരും ചോദിച്ചു, കണ്ണൂരിലേക്കാണോ വിമാനത്തിൽ പോകുന്നതെന്ന്. ഞങ്ങളെ സംബദ്ധിച്ചിടത്തോളം ലക്ഷ്യമല്ല, മാർഗ്ഗമായിരുന്നു പ്രധാനം.

ഫ്ലൈറ്റ് ടിക്കറ്റ് ബുക്ക് ചെയ്തു പരിചയം ഇല്ലാത്തതുകൊണ്ടും, സംഗതി കുറച്ച് കൂടിയ ഇനം ആയതുകൊണ്ടും, യാത്രയ്ക്ക് എന്തെങ്കിലും പ്രശ്നം ഉണ്ടാകുമോ എന്ന പേടി നിരന്തരം അലട്ടിയിരുന്നു. ടിക്കറ്റ് ബുക്ക് ചെയ്ത് വെറും നാല് ദിവസത്തിനു ശേഷമായിരുന്നു ഞങ്ങടെ യാത്ര. കുറച്ചൂടെ ചുരുക്കി പറഞ്ഞാൽ ഒരു ഒന്നൊന്നര ഫ്രഷ് യാത്ര.

യാത്രയ്ക്കായി കരിപൂരിലേക്ക് രാവിലെ 9:30ക്ക് തന്നെ ബസ്സ് പിടിച്ചു. Check-in നും കഴിഞ്ഞ് Boarding pass ഉം കയ്യിൽ കിട്ടിയേരെയാണ് സമാധാനമായത്. സംഗതി എന്തായാലും കൂറ കപ്പലിൽ പോയത് പോലെ ആയില്ല. 12:55 നാണ് ടേക്ക് ഓഫ്. 12:30 ക്ക് ഞങ്ങൾ എയ്റോബ്രിഡ്ജിലൂടെ ഫ്ളൈറ്റിലേക്ക് കയറി. Airbus 321 Sharklets ശ്രേണിയിൽ പെട്ട 176 പേർക്ക് സഞ്ചരിക്കാവുന്ന വിമാനം. കൊള്ളാം പൊളി സാനം.

എല്ലാർക്കും പലയിടത്തായിട്ടായിരുന്നു സീറ്റ്. ചില ഭാഗ്യവാൻമാർക്ക് വിൻഡോ സീറ്റും കിട്ടി. യാത്രയിൽ ഞങ്ങളെ പോലെ വിമാനത്തിൽ കയറണം എന്ന ആഗ്രഹം കൊണ്ട് മാത്രം ടിക്കറ്റെടുത്ത പലരുമുണ്ടായിരുന്നു. പ്രായമായവരും, മുതിർന്നവരും കുട്ടികളും. മനസ്സിന് ഏറെ സന്തോഷം നൽകുന്ന ഒരു കാഴ്ച ആയിരുന്നു അത്. കാരണം ഇങ്ങനത്തെ ചെറിയ ചെറിയ ആഗ്രഹങ്ങൾ ഒക്കെ സാധിക്കുമ്പോൾ ആല്ലേ നമ്മുടെയൊക്ക ലൈഫ് കളർഫുൾ ആവുന്നത്. ചാർലി സിനിമയിൽ ദുൽഖർ പറയും പോലെ അങ്ങ് മേലെ ചെല്ലുമ്പോൾ മൂപ്പര് ചോദിക്കും ഇതൊക്കെ കണ്ടിട്ടാണോ ഇങ്ങു പോന്നേന്ന്. മൂപ്പരെ കൊണ്ട് അങ്ങനെ ചോദിപ്പിക്കാൻ ഇടവരുത്തരുതല്ലോ.

12.55 ന് ടേക്ക് ഓഫ് ആയ വിമാനം മേഘങ്ങളെ വെട്ടിമാറ്റി കൊണ്ട് കണ്ണൂരിലേക്ക് പറന്നുയർന്നു. കുന്നുകളും പുഴകളും കടലും റോഡുകളും വീടുകളും തുടങ്ങി ഒരുപാട് ആകാശക്കാഴ്ചകൾ സമ്മാനിച്ച വിമാനം 15 മിനിറ്റിനുശേഷം തെയ്യങ്ങളുടെ നാട്ടിലെ ആകാശങ്ങളിൽ പറന്നെത്തി. കുറച്ചു നിമിഷങ്ങൾക്കകം ലാൻഡിങ്. ടേക്ക് ഓഫും ലാൻഡിംങ്ങും അടക്കം ആകെ മൊത്തം 20 – 25 മിനിറ്റ് യാത്ര. വിമാനയാത്ര എന്ന ആഗ്രഹം ഉള്ളിൽ കൊണ്ടു നടക്കുന്നവർക്ക് ഈയൊരു സമയം തന്നെ ധാരാളമാണ്.

പാർക്കിങ്ങിൽ നിർത്തിയിട്ട ഇൻഡിഗോക്കും ഗോഎയറിനും ഓരോ ടാറ്റ കൊടുത്ത ശേഷം ഞങ്ങൾ ഡിപ്പാർറ്ററിലേക്ക് നടന്നു. ഇത്രയും കുറഞ്ഞ ടിക്കറ്റിന് നടത്തിയ വിമാനയാത്ര മുതലായി എന്ന സന്തോഷത്തിലായിരുന്നു എല്ലാവരും. എയർപോർട്ടിനു പുറത്തിറങ്ങി ഒരു നാരങ്ങാ സോഡ ഒക്കെ കുടിച്ച്, നേരെ കണ്ണൂരിലേക്ക് ബസ്സിൽ. കണ്ണൂരിൽ നിന്നും ഭക്ഷണവും കഴിച്ച് നേരെ കോഴിക്കോട്ടേക്ക് ട്രെയിനിൽ.

1 comment
Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post