മലപ്പുറത്ത് OLX വഴി കാർ മോഷണം; അതേ രീതിയിൽ പണികൊടുത്ത് കേരള പോലീസ്…

Total
0
Shares

യൂസ്‌ഡ്‌ വസ്തുക്കൾ ലഭിക്കുന്ന പ്രശസ്തമായ ഒരു സൈറ്റാണ് OLX. അതുകൊണ്ടു തന്നെയാകണം OLX വഴി തട്ടിപ്പുകൾ അരങ്ങേറിക്കൊണ്ടിരിക്കുന്നതും. കുറച്ചു നാളുകൾക്ക് മുൻപ് ബെംഗളൂരുവിൽ OLX വഴി ബൈക്ക് വാങ്ങാനെന്ന വ്യാജേന ഉടമസ്ഥരുടെ അടുത്തെത്തി ടെസ്റ്റ് ഡ്രൈവ് എന്ന പേരിൽ ബൈക്ക് മോഷ്ടിച്ചു കടന്നിരുന്നു. ഈ സംഭവം നടന്നുകഴിഞ്ഞു പോലീസ് ഇതേ മാർഗ്ഗം ഉപയോഗിച്ചു തന്നെ, OLX ൽ പരസ്യം നൽകി ബൈക്ക് മോഷ്ടാവിനെ ആകർഷിക്കുകയും, വന്നപ്പോൾ കൈയോടെ പിടികൂടുകയും ചെയ്തിരുന്നു.

ഇപ്പോഴിതാ ഇതേ മാതൃകയിൽ കേരളത്തിലും നടന്നിരിക്കുന്നു ഒരു മോഷണവും, കള്ളനെ കുടുക്കലും. ബെംഗളൂരുവിൽ ബൈക്ക് ആയിരുന്നെങ്കിൽ കേരളത്തിൽ അത് കാർ ആയി മാറി. ആ സംഭവം ഇങ്ങനെ…

തിരുവനന്തപുരം ജില്ലയിലെ ആറ്റിങ്ങൽ സ്വദേശിയും, മലപ്പുറം പാണ്ടിക്കാട് IRB ക്യാമ്പ് ജീവനക്കാരനുമായ സനൽ തന്റെ സ്വിഫ്റ്റ് കാർ വിൽക്കുന്നതിനായി OLX വഴി പരസ്യം ചെയ്തിരുന്നു. ഈ പരസ്യം കണ്ടിട്ട് മലപ്പുറം ജില്ലയിലെ പാണ്ടിക്കാട് നിന്നും ഒരാൾ സനലിനെ ബന്ധപ്പെടുകയും, കാർ വാങ്ങുവാൻ ആഗ്രഹം പ്രകടിപ്പിക്കുകയും ചെയ്തു. അങ്ങനെ ഇക്കഴിഞ്ഞ ജൂലൈ 23 നു സനൽ കാറുമായി വാങ്ങുന്നയാളെ കാണുവാൻ പാണ്ടിക്കാട് പറഞ്ഞ സ്ഥലത്ത് എത്തിച്ചേർന്നു.

വാങ്ങുവാൻ വന്നയാൾക്ക് കാർ നേരിൽക്കണ്ട് ഇഷ്ടപ്പെടുകയും ഒരു ടെസ്റ്റ് ഡ്രൈവ് ചെയ്തു നോക്കണമെന്ന് ആവശ്യപ്പെടുകയും ചെയ്തു. വിശ്വാസം തോന്നിയതിനാൽ സനൽ അയാൾക്ക് തനിയെ കാർ ടെസ്റ്റ് ഡ്രൈവിനായി കൈമാറുകയായിരുന്നു. എന്നാൽ ടെസ്റ്റ് ഡ്രൈവ് എന്ന പേരിൽ കാറും കൊണ്ടുപോയ അയാൾ കയ്യോടെ മുങ്ങുകയായിരുന്നു. കാർ മോഷ്ടിക്കപ്പെട്ടു എന്നു മനസ്സിലാക്കിയ സനൽ ഉടൻ തന്നെ അടുത്തുള്ള പോലീസ് സ്റ്റേഷനിൽ പരാതി നൽകി.

ഇതിനിടയിൽ കള്ളൻ കാറിന്റെ നമ്പർ പ്ലേറ്റും, ജിപിഎസ്സും മാറ്റുകയും ചെയ്തു. നമ്പർ പ്ലേറ്റ് മാറ്റിയശേഷം ‘ഫോർ രജിസ്‌ട്രേഷൻ’ സ്റ്റിക്കർ ഒട്ടിച്ചക്കുക എന്ന തന്ത്രമാണ് കള്ളൻ ചെയ്തത്. ഇതോടെ പോലീസുകാർക്ക് അന്വേഷണം ബുദ്ധിമുട്ടായി മാറി. അങ്ങനെയിരിക്കെ അധികം വൈകാതെ കള്ളൻ ഈ കാർ ഒരു വയനാട് സ്വദേശിയ്ക്ക് വിൽക്കുവാൻ തീരുമാനിച്ചു. എന്നാൽ കാർ വാങ്ങുന്നതിനു മുൻപ് വയനാട് സ്വദേശി നടത്തിയ പരിശോധനയിൽ കാറിൽ നിന്നും രജിസ്‌ട്രേഷൻ സർട്ടിഫിക്കറ്റ് ലഭിച്ചു. അതിലുണ്ടായിരുന്ന ഉടമയായ സനലിന്റെ നമ്പറിലേക്ക് അദ്ദേഹം ബന്ധപ്പെട്ടു.

സംഭവം മോഷണ മുതൽ ആണെന്നു മനസിലാക്കിയ വയനാട് സ്വദേശി കാർ വാങ്ങുന്നതിൽ നിന്നും പിന്മാറി. എന്നാൽ കള്ളനെ പിടിച്ചു വെക്കുവാൻ അദ്ദേഹത്തിനു കഴിഞ്ഞില്ല. ഈ കാര്യം സനൽ പോലീസിനെ അറിയിക്കുകയും ചെയ്തു. ഇതോടെ മുക്കം പോലീസ് സ്റ്റേഷനിലെ ഉദ്യോഗസ്ഥർ കള്ളനെ കാർ വാങ്ങുവാനെന്ന വ്യാജേന ബന്ധപ്പെട്ടു. കാസർഗോഡ് നീലേശ്വരം സ്വദേശി എന്ന പേരിലായിരുന്നു പോലീസ് കള്ളനെ ബന്ധപ്പെട്ടത്. കാർ നീലേശ്വരത്ത് എത്തിക്കാമെന്നു കള്ളൻ സമ്മതിക്കുകയും ചെയ്തു.

ഇതുപ്രകാരം അടുത്ത ദിവസം കള്ളൻ രാവിലെ പത്തുമണിയോടെ കാറുമായി നീലേശ്വരത്ത് എത്തിച്ചേർന്നു. കാറുമായി എത്തിയ രണ്ടുപേരെ കയ്യോടെ പോലീസുകാർ പിടികൂടിയെങ്കിലും കാർ മോഷ്ടിച്ച വ്യക്തി അവരിൽ ഉണ്ടായിരുന്നില്ല. ഇതോടെ അവരെയും കാറിനേയും കസ്റ്റഡിയിലെടുത്ത പോലീസ് കൂടുതൽ വിവരങ്ങൾ അന്വേഷിച്ചു വരികയാണ്. എന്തായാലും കേരള പോലീസ് മാസ്സ് ആണെന്ന് ഒരിക്കൽക്കൂടി തെളിയിക്കുന്നതാണ് ഈ സംഭവം.

ചിത്രം – മാതൃഭൂമി.

1 comment
  1. വേണമെങ്കില്‍ എല്ലാം നടക്കും പക്ഷെ തോന്നണ്ടേ?

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ജോസഫ് കോനി – ഒരുകാലത്ത് ജനങ്ങളുടെ പേടിസ്വപ്നമായ ആഫ്രിക്കൻ ഭീകരൻ

എഴുത്ത് – ടിജോ ജോയ്. വളരെ യാദൃച്ഛികമായാണ് നാഷണൽ ജിയോഗ്രഫിയില്‍ Warlords Of Ivory എന്നൊരു ഫീച്ചർ കാണാനിടയായത്. രാത്രി പന്ത്രണ്ടുമണി വരെ നീണ്ട ആ ഫീച്ചറില്‍ നിന്നാണ് ഉഗാണ്ടയിലെ LRA യെ കുറിച്ചും ജോസഫ് കോനിയെ കുറിച്ചും അറിഞ്ഞത്. കൂടുതൽ…
View Post

ഡൽഹി – മുംബൈ റോഡ് മാർഗ്ഗം ഇനി 13 മണിക്കൂറിൽ ഓടിയെത്താം

ഇന്ത്യയുടെ തലസ്ഥാനമായ ഡൽഹിയിൽ നിന്നും വാണിജ്യ തലസ്ഥാനമായ മുംബൈയിലേക്ക് എളുപ്പത്തിൽ എത്തുവാൻ ഒരു എക്സ്പ്രസ്സ് വേ. വെറും പദ്ധതി മാത്രമല്ല, സംഭവം ഉടനെ യാഥാർഥ്യമാകും, 2023 ജനുവരിയിൽ. ആദ്യം 2021 ല്‍ പൂര്‍ത്തിയാക്കുമെന്ന് അറിയിച്ചിരുന്നെങ്കിലും കോവിഡിന്റെ പശ്ചാത്തലത്തില്‍ പ്രവൃത്തികള്‍ നീളുകയായിരുന്നു. ഈ…
View Post

ഒയ്മ്യക്കോന്‍ – സ്ഥിരജനവാസമുള്ള ഭൂമിയിലെ ഏറ്റവും തണുത്ത പ്രദേശം

എഴുത്ത് – ബക്കർ അബു (എഴുത്തുകാരൻ, നാവികൻ എന്നീ നിലകളിൽ പ്രശസ്തനാണ്). കൊറിയയില്‍ നിന്ന് നോര്‍ത്ത് ജപ്പാനിലെ ഹോക്കൈടോ സ്ട്രൈറ്റ്‌ വഴി ഈസ്റ്റ്‌ സൈബീരിയന്‍ സീയിലെ തണുത്ത കാറ്റും കൊണ്ട് സൂര്യനെയൊന്നും കാണാതെ അലൂഷ്യന്‍ ദ്വീപിന്‍റെ ഉത്തരഭാഗത്തുള്ള കൊടുങ്കാറ്റു കാലാവസ്ഥയില്‍ അമേരിക്കയിലേക്ക്…
View Post

കെ.പി.എൻ. ട്രാവൽസ് – ഒരു ക്ലീനർ തുടങ്ങിവെച്ച ബസ് സർവ്വീസ് സംരംഭം

ഹൈവേകളിലും മറ്റും നിങ്ങൾ കണ്ടിട്ടുണ്ടാകും KPN എന്ന് പേരുള്ള ബസ്സുകളെ. അതെ, സൗത്ത് ഇന്ത്യയിലെ പേരുകേട്ട ബസ് ഓപ്പറേറ്ററാണ് KPN ട്രാവൽസ്. 1972 ൽ തമിഴ്‌നാട് സ്വദേശിയായ കെ.പി. നടരാജൻ രൂപം നൽകിയ സ്ഥാപനമാണ് കെ.പീ.എൻ ട്രാവൽസ്. വെറും ഏഴാം ക്ലാസ്…
View Post

ഇരിങ്ങാലക്കുടയിൽ നിന്ന് സത്യമംഗലം കാട് വഴി ബാംഗ്ലൂർ യാത്ര

വിവരണം – വൈശാഖ് ഇരിങ്ങാലക്കുട. പുതിയ വണ്ടിയെടുത്തു ആദ്യമായി നാട്ടിൽ വന്നു തിരിച്ചു പോവുകയാണ്. രാവിലെ ഏഴേകാലോടെ ഇരിങ്ങാലക്കുടയിൽ നിന്നും പുറപ്പെട്ടു. മാപ്രാണം ഷാപ്പ് കഴിഞ്ഞു, മാപ്രാണത്തു നിന്ന് വലത്തോട്ട് തിരിഞ്ഞു പ്രാവിന്കൂട് ഷാപ്പ്, വാഴ, നന്തിക്കര വഴിയാണ് ഹൈവേയിൽ കയറിയത്.…
View Post

അബുദാബിയുടെ സ്വന്തം ഇത്തിഹാദ് എയർവേയ്‌സ്

യുണൈറ്റഡ് അറബ് എമിറേറ്റ്സിന്റെ ഒരു ഫ്ലാഗ് കാരിയർ എയർലൈനാണ്‌ ഇത്തിഹാദ് എയർവേയ്‌സ്. ഇത്തിഹാദിന്റെ ചരിത്രവും വിശേഷങ്ങളുമാണ് ഈ ലേഖനത്തിലൂടെ നിങ്ങൾക്കു മുന്നിൽ അവതരിപ്പിക്കുവാൻ ശ്രമിക്കുന്നത്. യുണൈറ്റഡ് അറബ് എമിറേറ്റ്സിന്റെ രണ്ടാമത്തെ ഫ്ലാഗ് കാരിയർ എയർലൈനായ ഇത്തിഹാദ് എയർവേയ്‌സ് 2003 ലാണ് പ്രവർത്തനമാരംഭിക്കുന്നത്.…
View Post

മലയാളികൾ ‘ഇരട്ടപ്പേര്’ നൽകിയ ചില വാഹനങ്ങളെ പരിചയപ്പെടാം..

എന്തിനുമേതിനും ചെല്ലപ്പേരുകൾ ഇടാൻ നമ്മൾ മലയാളികളെ കഴിഞ്ഞേയുള്ളൂ മറ്റാരും. പല കാര്യങ്ങളിൽ നാം മലയാളികളുടെ ഈ കഴിവ് കണ്ടുകൊണ്ടിരിക്കുകയാണ്.ഇത്തരത്തിൽ ഇരട്ടപ്പേരുകൾ കൂടുതലും വീണിരിക്കുന്നത് വാഹനങ്ങൾക്കാണ്. പഴയ കൽക്കരി ബസ്സുകളെ കരിവണ്ടിയെന്നു വിളിച്ചു തുടങ്ങിയതു മുതൽ ഇത്തരം പേരിടൽ വളരെ കെങ്കേമമായി ഇന്നും…
View Post

വ്യക്തികളുടെ പേരിൽ പ്രശസ്തമായ കേരളത്തിലെ സ്ഥലങ്ങൾ..

ഓരോ സ്ഥലങ്ങളുടെയും പ്രശസ്തിക്കു പിന്നിൽ പല കാരണങ്ങളും ഉണ്ടായിരിക്കും. ചില സ്ഥലങ്ങൾ ടൂറിസ്റ്റു കേന്ദ്രങ്ങൾ കൊണ്ട് പ്രശസ്തമാകും. ചിലത് ചരിത്രപരമായ സംഭവങ്ങൾ കൊണ്ടും. എന്നാൽ ഇവയെക്കൂടാതെ ചില വ്യക്തികൾ കാരണം പ്രശസ്തമായ അല്ലെങ്കിൽ പേരുകേട്ട ചില സ്ഥലങ്ങളുണ്ട് നമ്മുടെ കേരളത്തിൽ. ഈ…
View Post

ലോക്ക്ഡൗൺ ഇന്ന് കൂടുതൽ ഇളവുകൾ; 12, 13 കർശന നിയന്ത്രണം

കേരളത്തിൽ ലോക്ക്ഡൌൺ ജൂൺ 16 വരെ നീട്ടിയെങ്കിലും പൊതുജനതാല്പര്യാർത്ഥം ജൂൺ 11 വെള്ളിയാഴ്ച ലോക്ക്ഡൗണിനു ഇളവുകൾ പ്രഖ്യാപിച്ചിട്ടുണ്ട്. ഈ ദിവസത്തെ പ്രധാന ഇളവുകൾ ഇനി പറയും വിധമാണ്. ബാങ്കുകളും ധനകാര്യ സ്ഥാപനങ്ങളും ജൂൺ 11 നു പ്രവർത്തിക്കും. അവശ്യ സാധനങ്ങൾ വിൽക്കുന്ന…
View Post