തൃശ്ശൂര്‍ ജില്ലയില്‍ ഇങ്ങനെയും സ്ഥലങ്ങളോ??

Total
20
Shares

ഷൊർണൂർ – നിലമ്പൂർ ട്രെയിൻ യാത്രയൊക്കെ കഴിഞ്ഞു ഞാനും അളിയനും രാവിലെ 11 മണിയോടെ തിരികെ ഷൊർണ്ണൂർ സ്റ്റേഷനിൽ എത്തിച്ചേർന്നു. റെയിൽവേ സ്റ്റേഷനിൽ നിന്നും പുറത്തു കടന്ന ഞങ്ങൾ അവിടെയടുത്ത് പാർക്കിംഗിൽ ഇട്ടിരുന്ന കാറുമെടുത്ത് തൃശ്ശൂരിലെ വീട്ടിലേക്ക് യാത്രയായി.

പോകുന്ന വഴിയിൽ ഇതുവരെ കാണാത്ത സ്ഥലങ്ങൾ എവിടെയെങ്കിലും ഉണ്ടെങ്കിൽ ഒന്നു കയറാമെന്നു ഞാൻ. കുറച്ചു സമയത്തെ ആലോചനയ്ക്കു ശേഷം അളിയൻ പറഞ്ഞു – “അങ്ങനെയാണെങ്കിൽ ഒരു സ്ഥലമുണ്ട്. ഒമർ ലുലുവിന്റെ ‘അഡാർ ലവ്’ എന്ന സിനിമയുടെ ക്ളൈമാക്സ് ഷൂട്ട് ചെയ്ത സ്ഥലം. പേര് ചേപ്പാറ.” കേട്ടപാതി കേള്കാത്തപാതി ഞാനും ഓക്കേ പറഞ്ഞു.

അങ്ങനെ ഞങ്ങൾ ഷൊർണൂരിൽ നിന്നും തൃശ്ശൂർ ജില്ലയിലെ ചെപ്പാറ ലക്ഷ്യമാക്കി യാത്രയാരംഭിച്ചു. പോകുന്ന വഴി വടക്കാഞ്ചേരിയ്ക്ക് സമീപത്തുള്ള ഉത്രാളിക്കാവ് ക്ഷേത്രത്തിൽ കുറച്ചു നേരം ചെലവഴിക്കുവാനും ഞങ്ങൾ സമയം കണ്ടെത്തി. ഉത്രാളിക്കാവും, ചുറ്റിനുമുള്ള പാടങ്ങളും, ക്ഷേത്രത്തിനു പിന്നിലെ റെയിൽപ്പാതയുമൊക്കെ മനസ്സിന് ഒരു പോസിറ്റിവ് എനർജ്ജി തരുന്ന കാര്യങ്ങളാണ്.

ചെപ്പാറ എന്ന സ്ഥലത്തെക്കുറിച്ച് ഞങ്ങൾ രണ്ടുപേർക്കും കേട്ടറിവ് മാത്രമേ ഉണ്ടായിരുന്നുള്ളൂ. അവിടേക്ക് എങ്ങനെ പോകണമെന്നോ, അവിടെ എന്തൊക്കെയാണ് കാണുവാൻ ഉള്ളതെന്നോ ഒന്നും യാതൊരു നിശ്ചയവും ഉണ്ടായിരുന്നില്ല. ഗൂഗിൾ മാപ്പ് ഇട്ടിട്ടു ഞങ്ങളങ്ങു പോയി.

ഒടുവിൽ ഷൊർണ്ണൂർ – തൃശ്ശൂർ റൂട്ടിൽ നിന്നും ഗൂഗിൾ മാപ്പ് കാണിച്ച പ്രകാരം ഞങ്ങൾ ഇടതു വശത്തുള്ള റോഡിലേക്ക് കയറി. അവിടെ ചെപ്പാറയിലേക്കുള്ള വഴി എന്നു കാണിക്കുന്ന ബോർഡ് ഉണ്ടായിരുന്നു. കുറച്ചു ദൂരം ആയ വഴിയിലൂടെ മുന്നോട്ടു പോയിക്കഴിഞ്ഞപ്പോൾ പിന്നെ സ്ഥലങ്ങളുടെ രൂപം മാറിത്തുടങ്ങി. റോഡ് കയറ്റവും ഇറക്കവുമൊക്കെയായി. ഏതാണ്ട് കാടിനു നടുവിലൂടെ പോകുന്ന പ്രതീതി. സമീപത്ത് വീടുകളൊക്കെ ഉണ്ടെങ്കിലും വഴിയിൽ അധികമാരെയും കണ്ടതുമില്ല.

കയറ്റവും, ഇറക്കവും, വളവും, തിരിവുകളുമൊക്കെയുള്ള വഴിയിലൂടെ ഗൂഗിൾ മാപ്പ് ഞങ്ങളെ മുന്നോട്ടു നയിച്ചു കൊണ്ടിരുന്നു. ഒടുവിൽ പോയിപ്പോയി ഞങ്ങൾ ചെപ്പാറയിൽ എത്തിച്ചേർന്നു. ഒരു വലിയ പാറക്കെട്ടും അതിനു താഴെയായി മുനിയറകൾ എന്ന് വിളിക്കുന്ന ചെറിയ ഗുഹകളും ഉൾപ്പെടുന്നതാണ് ചെപ്പാറ. ചെപ്പാറ മല എന്നും ആളുകൾ ഈ സ്ഥലത്തെ വിളിക്കാറുണ്ട്.

ആദ്യം കേട്ടപ്പോൾ ആരും വരാത്ത ഏതോ ഒരു കാട്ടുപ്രദേശം ആണെന്നു തോന്നിയെകിലും അവിടെ ചെന്നപ്പോൾ ആ ചിന്ത മാറിക്കിട്ടി. ടൈലുകൾ പാകി മനോഹരമാക്കിയിട്ടിരിക്കുന്ന പാർക്കിംഗ് ഏരിയ, പുതുതായി പണികഴിപ്പിച്ച ടോയ്‌ലറ്റുകൾ, ‘ചെപ്പാറ റോക്ക് ഗാർഡൻ’ എന്നെഴുതിയ മനോഹരമായ ഫലകം, തൊട്ടടുത്ത് കുടുംബശ്രീ ചേച്ചിമാർ നടത്തുന്ന ഒരു ചെറിയ ഹോട്ടൽ… അങ്ങനെ മികച്ച സൗകര്യങ്ങളെല്ലാം അവിടെയുണ്ട്.

കാർ പാർക്ക് ചെയ്തിട്ട് ഞങ്ങൾ കുത്തനെയുള്ള കയറ്റം പാറയിൽത്തന്നെ പിടിപ്പിച്ചിട്ടുള്ള കൈവരിയിൽ പിടിച്ചു കയറി. മുകളിൽ എത്തിയപ്പോൾ അടിപൊളി കാഴ്ചയായിരുന്നു വരവേറ്റത്. നല്ല നിരപ്പായി കിടക്കുന്ന പാറപ്പുറം.. 360 ഡിഗ്രി കിടിലൻ വ്യൂ… പാറമുകളിൽ മനോഹരമായ ഒരു ചെറു തടാകം..

സമയം ഏതാണ്ട് ഉച്ചയായിരുന്നു അപ്പോൾ. സൂര്യൻ ഉച്ചിയിലെത്തി നിൽക്കുന്ന സമയം. പക്ഷെ അവിടത്തെ വീശിയടിക്കുന്ന കാറ്റ് വെയിലിന്റെ കാഠിന്യത്തെ കുറയ്ക്കുന്നതായി തോന്നി. ഞങ്ങളെക്കൂടാതെ അവിടെ അങ്ങിങ്ങായി ചില പ്രണയജോഡികൾ ഉണ്ടായിരുന്നു. ഞങ്ങൾ അവരെ മൈൻഡ് ചെയ്യാതെ കാഴ്ചകൾ ആസ്വദിച്ചു നടന്നു. കുറച്ചുസമയം അതിനു മുകളിലെ കാഴ്ചയും കാറ്റും ആസ്വദിച്ചിട്ട് ഞങ്ങൾ പോകുവാനായി തിരികെയിറങ്ങി.

പാറയുടെ അങ്ങേയറ്റത്തു ചെന്നാൽ വണ്ടി മുകളിലേക്ക് കയറ്റാൻ പറ്റുമെന്ന് സമീപത്തെ ഹോട്ടലിലെ ചേച്ചിമാർ പറഞ്ഞു. അങ്ങനെ ഞങ്ങൾ അവർ പറഞ്ഞതനുസരിച്ച് വീതി കുറഞ്ഞ വഴിയിലൂടെ പാറയുടെ മറുപുറം ലക്ഷ്യമാക്കി കാറിൽ യാത്രയായി. പക്ഷേ നിർഭാഗ്യമോ, ഭാഗ്യമോ എന്നറിയില്ല, ഞങ്ങൾക്ക് വഴി തെറ്റി. പകരം കുത്തനെയുള്ള കയറ്റവും ഇറക്കവുമുള്ള ഒരു ചെറിയ ഓഫ്‌റോഡിലേക്ക് ആയിരുന്നു ഞങ്ങൾ പോയത്.

വഴി തെറ്റി എന്നു മനസ്സിലായപ്പോൾ ഞങ്ങൾ നൈസായി യാത്ര മതിയാക്കി വണ്ടി തിരിച്ചു. തിരികെ പ്രധാന വഴിയിലെത്തിയ ഞങ്ങൾ അവിടെയടുത്തു കണ്ട ഒരു ചേട്ടനോട് തൃശൂരിലേക്കുള്ള ഷോർട്ട് കട്ട് ചോദിച്ചു മനസ്സിലാക്കി ഉൾപ്രദേശങ്ങളിലൂടെ തന്നെ വീട്ടിലേക്ക് യാത്രയായി.

തൃശ്ശൂർ – വടക്കാഞ്ചേരി റൂട്ടിൽ തിരൂരിൽനിന്നോ അത്താണിയിൽനിന്നോ വലത്തോട്ടു തിരിഞ്ഞുപോയാൽ ചെപ്പാറയിലെത്താം. തൃശ്ശൂരിൽനിന്ന് 16 കിലോമീറ്റർ ദൂരമേയുള്ളൂ. വൈകുന്നേരങ്ങളിലാണ് ഇവിടം സന്ദർശിക്കാൻ ഏറ്റവും അനുയോജ്യമായത്. ഫാമിലി ആയിട്ടും കപ്പിൾസ് മാത്രമായിട്ടുമൊക്കെ സന്ദർശിക്കാൻ പറ്റിയ ഒരു സ്ഥലം കൂടിയാണിത്. ഇരുട്ടിയ സമയങ്ങളിൽ ഇവിടേക്ക് ഒറ്റപ്പെട്ടു വരാതിരിക്കുവാൻ ശ്രദ്ധിക്കുക.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post