ഇന്ത്യ – ചൈന ബോർഡറിനടുത്തെ ഇന്ത്യയുടെ അവസാന ഗ്രാമത്തിലേക്ക്…

Total
67
Shares

വിവരണം – Dr. ഒ.കെ.അസീസ്.

ഇന്ത്യ – ചൈന ബോർഡറിനടുത്ത് ഇന്ത്യയുടെ അവസാന ഗ്രാമം. ഹിമാലയത്തിൽ ഞാൻ കണ്ടതില്‍ ഏറ്റവും സുന്ദര ഗ്രാമം.!! അതാണ് 3450 മീറ്റര്‍ ഉയരത്തിലെ ചിത്കുല്‍.. നേരം അസ്സലായി വെളുത്തത് കണ്ട് അന്തം വിട്ട് വാച്ചിലേക്ക് നോക്കിയതാണ്, സമയം 5 മണി! ഇവിടെ അങ്ങനെയാണ്. നേരത്തെ വെളുക്കും നേരം വൈകി ഇരുട്ടും. ബസ് പോകുന്നില്ല, റോഡ് ബ്ലോക്കായിരിക്കുന്നു.

ചണ്ഡീഗഡിൽ നിന്ന് ഇന്നലെ വൈകീട്ട് 6 മണിക്ക് ബസിൽ കയറിയതാണ്. ഹിമാചലിലെ കിന്നോർവാലിയുടെ തലസ്ഥാനവും ഹിമാലയൻ പറുദീസകളിലേക്കുള്ള കവാടവും കൂടിയായ റെക്കോംഗ് പിയോയിലേക്കുള്ള ഹിമാചലിന്റെ സ്വന്തം HRTC ബസിലാണ് ഉള്ളത്. ടാപ്രി എന്ന സ്ഥലത്തിന് മുന്നേയുള്ള ഏതോ സ്ഥലത്താണ് ഇപ്പോൾ.

അങ്ങനെ പുലർച്ചെ5 മണിയോടെ തന്നെ മലയിറങ്ങി വരുന്ന വെള്ളമൊലി റോഡിൽ കാണിച്ചുകൂട്ടുന്ന വികൃതികൾ കാരണം ഇന്നത്തെ വഴി മുടക്കം തുടങ്ങിയിരിക്കുന്നു. ഈ ഹിമാലയൻ യാത്രയിലെ എന്റെ ആദ്യ വഴി തടസ്സം. രാവിലെ 8 മണിക്ക് ശേഷമാണ് ബസ് പിയോയിൽ എത്തേണ്ടത്. ശേഷം 9.30 ന് ചിത്കുൽ പോകുന്ന ബസ് പിടിക്കാനുള്ളതാണ്.. ഹാ.. കിട്ടിയ സമയം കൊണ്ട് പുറത്തൊന്ന് ചുറ്റണം. ഹിമാചലിന്‍റെ കിന്നോര്‍ വാലിയുടെ സുന്ദരഭൂമിയിലേക്ക് കാലെടുത്തു വെച്ചപ്പോള്‍ ഉള്ളൊന്നു കിടുങ്ങിയോ. ഏയ്, ഒന്നുമില്ല തണുപ്പിന്‍റെയാ.. ഇതുവരെ അനുഭവിക്കാത്ത ഒരു അനുഭൂതി ആസ്വദിക്കുകയായിരുന്നു ഞാൻ. പിന്നെയുള്ളത് സഹയാത്രികരോടും ബസ് ജീവനക്കാരോടും കത്തിയടിയാണ്.

കേരളത്തിൽ നിന്നാണെന്ന് പറയുമ്പോള്‍ ‘അഛാ.. കേരല്‍ സേ?’ എന്ന് കണ്ണു തുറന്നൊരു നോട്ടമുണ്ട്. അങ്ങേ അറ്റത്ത് നിന്ന് ഇങ്ങേ അറ്റത്ത് വരാൻ ഇവനെന്താ വട്ടുണ്ടോ എന്ന മട്ടില്‍. അതു കാണാൻ ബഹു രസമായിരുന്നു. ആ രസം ഈ ഹിമാലയൻ യാത്രയിലുടനീളം ഞാനനുഭവിച്ചു. ഇടക്ക് തണുപ്പിന്‍റെ ശക്തിയും ജാക്കറ്റിന്‍റെ കഴിവും തമ്മിൽ നന്നായി ഉടക്കും. വിറയലിന്‍റെ വൈബ്രേഷന്‍ സംസാരത്തെ ബാധിക്കാന്‍ തുടങ്ങുമ്പോള്‍ വേഗം ബസില്‍ പോയി ഇരിക്കും. ഒരു മണിക്കൂർ കഴിഞ്ഞു. ഈ പോക്ക് പോയാൽ ഇനി ഇന്നത്തെ ചിത്കുൽ ബസ് കിട്ടില്ല. കല്ലുകടിയാണ്, പ്ലാനൊക്കെ തെറ്റും. അല്ലെങ്കിലും ഇവിടെ പ്ലാനിനൊക്കെ എക്ക് പ്രസക്തി, പ്രകൃതിയാണ് എല്ലാം തീരുമാനിക്കുന്നത്.

പുലർച്ചെ തന്നെ നേരിട്ട അപ്രതീക്ഷിത റോഡ് ബ്ലോക്കും ചിത്കുൽ എന്ന സ്വപ്നം തന്നെ വൃഥാവിലായി എന്ന് തോന്നി തുടങ്ങിയ ഒന്നര മണിക്കൂർ നേരത്തെ കട്ട പോസ്റ്റും പക്ഷെ എനിക്ക് കൊണ്ട് തന്നത് ഇരട്ടിമധുരമായിരുന്നു. അതങ്ങനെ തന്നെയാണല്ലോ ഹിമാലയത്തിലെ കാര്യങ്ങൾ. മണ്ണിടിച്ചിലും വെള്ളപ്പാച്ചിലും ഒക്കെയായി വഴിതടസ്സം ഒരു ഭാഗത്ത് വരുമ്പോൾ തൊട്ടപ്പുറത്ത് കാണാൻ കൊതിക്കുന്ന സുന്ദര കാഴ്ചകൾ നമുക്കായി കരുതി വെച്ചിട്ടുണ്ടാവും. അത് ചിലപ്പോൾ ‘പിയോ’ യിൽ പോയി ബസ് മാറ്റിപ്പിടിച്ച് ഉച്ചക്ക് ചിത്കുലിൽ എത്തേണ്ട നമ്മെ നേരിട്ടുള്ള ബസ് കാണിച്ച് 9 മണിക്ക് തന്നെ ചിത്കുലിൽ എത്തിക്കുന്ന രൂപത്തിലും ആവാം.!

JCB വന്ന് റോഡ് ശരിയാക്കുന്നതിനിടക്കാണ് പിന്നിൽ ഒരു ബസ് വന്നു നിൽകുന്നത്. ഒരു കൗതുകത്തിന് ബോഡ് വായിച്ചതും ഞാൻ തന്നെ ഞെട്ടി ‘ചിത്കുൽ ‘!. സംഗതി അതു തന്നെ, മണ്ഡിയിൽ നിന്ന് വരുന്ന ചിത്കുൽ ബസ്. ചിത്കുലിലേക്ക് ആകെയുള്ള രണ്ടു ബസ്സുകളിൽ ആദ്യ ബസ്. ഇതിൽ കയറിയാൽ പിയോയിൽ പോവാതെ കർച്ചം വഴി വലത്തോട്ട് തിരിഞ്ഞ് നേരെ ചിത്കുൽ പോവാം. സന്തോഷിക്കാൻ ഇനി എന്തു വേണം. ലഗേജുമെടുത്ത് വേഗം ബസ് മാറിക്കയറി..

ലോകത്തിലെ ഏറ്റവും അപകടം പിടിച്ച റോഡുകളിൽ ഒന്നായ കർച്ചം -സാംഗ്ല- ചിത്കുൽ പാതയിലൂടെ ശ്വാസമടക്കിപ്പിടിച്ച്, നേരെ മുകളിൽ ഇപ്പൊ വീഴും എന്ന മട്ടില്‍ തൂങ്ങി നിൽക്കുന്ന റോഡ് തുരന്നതിന്‍റെ ബാക്കി പാറക്കെട്ടിന് അടിയിലൂടെ താഴെ നോക്കിയാൽ തല കറങ്ങുന്ന അഗാധ ഗർത്തവും സമാന്തരമായി ഒഴുകുന്ന ബസ്പാ നദിയും മറുവശത്ത് അതി മനോഹരമായ പൈൻ, ഓക് മരങ്ങളാൽ പച്ചപുതച്ച ഹിമാലയൻ മലനിരകളും കണ്ടുള്ള ആ HRTC ബസ് യാത്ര ഇന്നും സ്വപ്നത്തിലെന്ന പോലെ ഓര്‍ത്തുപോവുന്നു.

ചിത്കുലി ലേക്കുള്ള ഈ യാത്ര ഉൾക്കിടിലത്തിന്റേതും നയന മനോഹാരിതയുടേതും ആയിരുന്നു. കണ്ണെത്താ ദൂരം പച്ചപ്പട്ടണിഞ്ഞ ഹിമാലയൻ മലനിരകൾ.. ഒരു വണ്ടിക്ക് കഷ്ടി പോവാൻ വീതിയുള്ള ഈ റോഡിലൂടെ ബസ് പോകുമ്പോൾ വളവിൽ വെച്ച് ടയർ റോട്ടിലും ബോഡി അഗാധ ഗർത്തത്തിലേക്ക് നീണ്ടും ഡ്രൈവർ മായാജാലം കാണിക്കുമ്പോൾ പടച്ചവനാണേ സത്യം വയർ കാളുക മാത്രമല്ല, വീട്ടിലുള്ള സ്വന്തക്കാരെ മുഴുവൻ ഒറ്റയടിക്ക് മനസിൽ തെളിയും.
9 മണിയോടെ ചിത്കുൽ ഗ്രാമത്തിൽ എത്തിയപ്പോൾ ശരിക്കും സ്വപ്ന ലോകത്ത് എത്തിയപോലെയാണ് തോന്നിയത്. അത്രക്ക് മനോഹരമാണവിടം. തണുപ്പും കാറ്റും ചുറ്റിപ്പുണരും. മനോഹരമായി ഒഴുകുന്ന ബസ്പ നദിയും കുറുകെ ഒരു പഴകിയ ഇരുമ്പ് പാലവും മോഹിപ്പിക്കുന്ന താഴ് വാരവും അപ്പുറത്ത് കണ്ണെത്താ ദൂരം പൈന്‍ കാടും മറുവശത്ത് മാനംമുട്ടുന്ന മലനിരകളും ഒക്കെ കൂടിയാണ് ചിത്കുൽ എന്ന ഗ്രാമത്തെ രൂപപ്പെടുത്തുന്നത്.

ഇവിടുന്ന് 6 km പോയാൽ ഇന്ത്യ – ചൈന ബോർഡർ ചെക്ക് പോസ്റ്റ് എത്താം. നടന്നു പോയാലോ.. അടുത്ത ദിവസം പുലർച്ചെ തണുപ്പും കാറ്റും ഏറ്റ് മൺപാതയിലൂടെയങ്ങനെ നടന്നു. തണുത്ത് തണുത്ത് ഞാനങ്ങ് മരവിച്ച പോലെയായി, കൂട്ടിന് കനം കുറഞ്ഞതെങ്കിലും തീക്ഷ്ണമായ കാറ്റും. കണ്ണെത്താ ദൂരത്തേക്ക് മനസ്സിനെ പായിച്ച് ചിന്തകളുടെ ഭാരം പേറി ഒരു വല്ലാത്ത നടപ്പു തന്നെയായിരുന്നു അത്. തിരിച്ച് വരുമ്പോൾ മൺപാത വിട്ട് ബസ്പ നദിയോട് കിന്നാരം പറഞ്ഞ് തൊട്ടരികിലൂടെ ആ ശീൽക്കാരത്തെ നെഞ്ചിലേറ്റി അതി മനോഹര താഴ്വാര കാഴ്‌ചകൾ കണ്ടങ്ങനെ നടക്കുമ്പോൾ ഒരു വേള സ്വപ്നമാണോ ഈ അനുഭവിക്കുന്നതെന്ന് തോന്നി പോയി. അത്രക്ക് മനം നിറച്ച അനുഭവമായിരുന്നു ആ സ്വര്‍ഗ്ഗീയ താഴ് വരയിലെ പ്രഭാതം എനിക്ക് സമ്മാനിച്ചത്.

വിന്റർ സീസണിൽ മുച്ചൂടും മഞ്ഞ് മൂടുന്നതിനാൽ ഗ്രാമവാസികൾ ഇവിടം വിട്ട് പോവാറാണ് പതിവ്. മനസില്ലാ മനസോടെയാണ് ഒരു ദിവസത്തെ വാസത്തിന് ശേഷം അന്ന് ചിത്കുൽ വിട്ട് പോന്നത്, ഇനിയും വരണമെന്ന നിയ്യത്തോടെ …

ചിത്കുല്‍ എത്താന്‍: ഷിംല – റെകോംഗ് പിയോ റൂട്ടില്‍ പിയോക്ക് 25 km മുന്നേ കര്‍ച്ചം എന്ന സ്ഥലത്ത് നിന്ന് 45 km വലത്തോട്ട് പോവണം ചിത്കുല്‍ ലേക്ക്. റെക്കോംഗ് പിയോ യില്‍ നിന്ന് ദിവസവും രാവിലെ 9.30 ന് ബസുണ്ട്. അല്ലെങ്കില്‍ മണ്ഡിയില്‍ നിന്ന് ചിത്കുല്‍ ബസ് പിടിക്കാം. മണ്ഡിയിലെ സമയം അറിയില്ല.
മണ്ഡി – ചിത്കുല്‍ ബസ് പിടിക്കാൻ രാവിലെ 6 ന് മുന്നേ ഷിംല – പിയോ റൂട്ടിൽ പിയോക്ക് 35km മുന്നേയുള്ള ടാപ്രി എന്ന സ്ഥലത്തോ, പിയോക്ക് 25 km മുന്നേയുള്ള കര്‍ച്ചം ജംഗ്ഷനിലോ(6.30) എത്തണം.

1 comment
  1. വളരെ മനോഹരമായ ആനന്ദം നൽകുന്ന ഒരു പ്രദേശം

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post