വെറും 300 രൂപ കൊണ്ട് കോയമ്പത്തൂരില്‍ കറങ്ങാന്‍ പറ്റിയ സ്ഥലങ്ങളിലേക്ക്

Total
0
Shares

വിവരണം – ജസ്റ്റിന്‍ ഫിലിപ്പ്.

ജോലിക്കിടയിൽ വീണ് കിട്ടിയ ഒരു ലീവ് വെറുതെ കളയാതെ ഒന്ന് കോയമ്പത്തൂരിലൂടെ തെണ്ടാൻ ഇറങ്ങി. ഒറ്റ ദിവസം കൊണ്ട് കോയമ്പത്തൂരിൽ വളരെ ചുരുങ്ങിയ ചിലവിൽ ( Rs300) പോയി വരാൻ പറ്റിയ സ്ഥലം അന്വേഷിച്ചപ്പോൾ പെട്ടെന്ന് മനസ്സിൽ വന്നത് മൂന്ന് സ്ഥലങ്ങൾ ആണ്…. ഒന്ന്. ഇഷയോഗ (മുൻപ് ഒരിക്കൽ പോയത് ആണ് എന്നാലും പോയി വരാം). രണ്ട്.കോവൈ കുട്രാളം വാട്ടർ ഫാൾസ് (വെള്ളംകുറവാണ്. അതുകൊണ്ട് ഉപേക്ഷിച്ചു). മൂന്ന്. ധർമ്മലിംഗ മലൈ (ഇതുവരെ പോയിട്ടില്ല. അതുകൊണ്ട് അത് ഉറപ്പിച്ചു)

ഇഷ യോഗ : കോയമ്പത്തൂരിൽ നിന്നും 30 km മാറി വെള്ളിയൻഗിരി മലനിരകൾക്ക് താഴെ പൂണ്ടി എന്ന ഗ്രാമ പ്രദേശത്ത്സ്ഥിതി ചെയ്യുന്ന യോഗമഠം. ഇഷയോഗയുടെ തൊട്ടടുത്ത് തന്നെ ശിവന്റെ ഒരു വലിയ പ്രതിമയും ഉണ്ട്. അതിന്റെ ചുവട്ടിൽ പോയി രണ്ട് ഫോട്ടോ എടുത്ത് തിരിച്ചുവരാം എന്ന ഉദ്ദേശത്തോടെ ആണ് പോയത്… കൂടെ വരാൻ 3 കൂട്ട്കാരും ഉണ്ടായിരുന്നു…

രാവിലെ ആറരയ്ക്ക് തന്നെ അലാറം വച്ച് എണീറ്റ് പോകണം എന്ന പ്ലാൻ ആയിരുന്നു പക്ഷേ എണീറ്റപ്പോൾ സമയം എട്ട് ആകുന്നു…. പിന്നെ എല്ലാത്തിനെയും കുത്തിപൊക്കി റൂമിൽ നിന്ന് ഇറങ്ങിയപ്പോൾ സമയം ഒമ്പത് കഴിഞ്ഞു (ഇപ്പോഴത്തെ കാലവസ്ഥയ്ക്ക് രാവിലെ തന്നെ പോയിട്ട് വരണം അതാണ് ശരീരത്തിന് നല്ലത്. ചൂട് ചൂടെയ്…) ബൈക്ക് ഇല്ലാത്തത് കൊണ്ടും ലോ ബഡ്ജറ്റ് (RS300) ട്രിപ്പ് ആയതു കൊണ്ടും യാത്ര ബസ്സിൽ തന്നെ മതി എന്ന് തീരുമാനിച്ചു.അങ്ങനെ ബസ്സ് കേറാൻ നിൽക്കുമ്പോൾ അടുത്ത കുരിശു.കൂടെ ഉള്ളവൻ വഴിയിൽ കിടന്ന പട്ടിയുടെ മുതുകത്ത് ചവിട്ടി. (അറിയാതെ പറ്റി പോയതാണ്) പട്ടി ഒന്ന് കമ്മി വിടുകയും ചെയ്തു…

കാര്യം ആയിട്ട് ഒന്നും പറ്റിയില്ലെങ്കിലും ഇഞ്ചക്ഷൻ എടുക്കാൻ പോയത് കൊണ്ട് വീണ്ടും ലേറ്റായി. കോയമ്പത്തൂർ ടൗൺ ബസ്റ്റന്റിൽ നിന്നും പൂണ്ടിക്ക് ബസ്സ് ഉണ്ട് ഒരാൾക്ക് രൂപ 40 ടിക്കറ്റ്.(ഇപ്പോൾ അവിടെ ക്ഷേത്രത്തിലെ പൂജ നടക്കുന്നതിനാൽ സീസൺ ബസ്സ് ഉണ്ട്. ക്ഷേത്രത്തിലെക്കും മലകയറുവാനും ആയിട്ട് ഇപ്പോൾ വൻ ജനത്തിരക്കാണ്.) വെളളിയൻഗിരി മല നിരകൾക്ക് താഴെയാണ് പൂണ്ടി എന്ന ഗ്രാമ പ്രദേശം സ്ഥിതി ചെയ്യുന്നത്. അവിടെയാണ് ശിവന്റെ ഭീമൻപ്രതിമ സ്ഥിതി ചെയ്യുന്നതും. വെളളിയൻ ഗിരി മല ട്രെക്കിങ്ങിന് പറ്റിയ സ്ഥലമാണ്. കഴിഞ്ഞ വർഷം മെയ് 1 ന് അവിടെ ആരുന്നു.

രാത്രിയിൽ 10 മണിക്ക് തുടങ്ങിയ ട്രെക്കിങ് അവസാനിച്ചത് രാവിലെ 7 മണിക്കാണ്. പോയതിൽ വച്ച് ഏറ്റവും ബുദ്ധിമുട്ട് അനുഭവിച്ചത് ഇവിടെക്കുള്ള ട്രെക്കിങ് ആണ്.( സ്ത്രീകൾക്ക് age limit ഉണ്ട്.ശബരിമലയോട് സാമ്യം തോന്നിക്കുന്ന രീതിയിൽ). ടൗണിൽ ഒരു മണിക്കൂർ നോക്കി നിന്ന ശേഷം വന്ന ബസിൽ കയറി യാത്ര ആരംഭിച്ചു. (കാല് കുത്താൻ ഇടം കിട്ടിയത് ഭാഗ്യം) കൈയ്യിൽ ഉണ്ടാരുന്ന ബാഗ് തൊട്ടടുത്ത സീറ്റിൽ ഇരുന്ന പെൺകുട്ടിയുടെ കൈയ്യിൽ കൊടുത്തു കൈ ഫ്രീയാക്കി. പരിചയപ്പെട്ടു വന്നപ്പോൾ പുള്ളിക്കാരി ആലപ്പുഴയാണ് സ്ഥലം. ചെന്നൈയിൽ മെഡിസിന് പഠിക്കുന്നു രണ്ട് ദിവസത്തെ ലീവിന് കറങ്ങാൻ ഇറങ്ങിയത് ആണ് ആള്.പിന്നീട് ഉള്ള യാത്ര ഞങ്ങൾ ഒരുമിച്ചാക്കി. അത് അല്ലെലും അങ്ങനെ അല്ലെ പാടെള്ളൂ.

കോയമ്പത്തൂർ ടൗണിൽ നിന്ന് അകലും തോറും റോഡ് സൈഡിലെ പച്ചപ്പ് കൂടി വന്നു. പൂണ്ടിയിൽ ഒരുപാട് തെങ്ങിൽ തോപ്പുകളും കവുങ്ങുകളും നിറഞ്ഞ് നിൽക്കുന്നുണ്ട്… ഇതെല്ലാം ഉണ്ടെങ്കിലും നല്ല ഉഷാറ് ചൂടാണ്. വിചാരിച്ച പോലെ തന്നെ നട്ടുച്ചക്ക് അവിടെ പോയി ബസ്സ് ഇറങ്ങി. വെയില് കാരണം കണ്ണ് തുറക്കാൻ പറ്റാത്ത അവസ്ഥ ആയതുകൊണ്ട് നല്ല ഒരു ഫോട്o പിടിക്കാനും പറ്റിയില്ല.

കഴിഞ്ഞ തവണ വന്നപ്പോൾ ഇഷ യോഗയുടെ അകത്ത് പോകാൻ പറ്റിയിരുന്നില്ല അതിനാൽ അതിന്റെ ഉള്ളിൽ കയറി കണ്ട് ഇറങ്ങാൻ തീരുമാനിച്ചു. അകത്ത് മൊബൈൽ, ക്യാമറ ഒന്നും കടത്തിവിടില്ല എല്ലാം പുറത്ത് കൗണ്ടറിൽ കൊടുത്തിട്ട് വേണം അകത്ത് കടക്കാൻ. ഒരു പ്രാർത്ഥനാലയത്തിന് ഉള്ളിൽ കയറിയ ഫീൽ ആണ് അകത്ത്. നിശബ്ദത ആണ് എങ്ങും.യോഗമടത്തിന് ഉള്ളിൽ ഒരു പറ്റം വിദേശികളും ഉണ്ട്. അവിടെ തന്നെ സ്റ്റേ ചെയ്ത് യോഗ കാര്യയങ്ങളിൽ ശ്രദ്ധിക്കുന്നവരും ഉണ്ട്. അതിനെക്കുറിച്ചു കൂടുതൽ അറിയാൻ താൽപര്യം ഇല്ലാത്തത് കൊണ്ട് പെട്ടെന്ന് തന്നെ അടുത്ത സ്ഥലത്തേക്ക് പോകാൻ തീരുമാനിച്ചു. ബസ്സ് കയറ്റി തിരിച്ച് കോയമ്പത്തൂർ ടൗണിൽ വന്നിട്ട് വേണം അടുത്ത സ്ഥലം പിടിക്കാൻ. യാത്രക്ക് ഇടയിൽ വന്ന സഹയാത്രിക ഞങ്ങളോട് ടാറ്റ പറഞ്ഞ് തിരിച്ചു പോയി.

ധര്‍മ്മലിംഗ മല (‘ശിവ ശിവ’ ക്ഷേത്രം) : തിരിച്ച് ടൗണിൽ വന്ന ശേഷം രണ്ട് ചായ കുടിച്ച്( ഉച്ചക്ക് ഭക്ഷണം കഴിച്ചില്ല കൂടെ വന്നകൊച്ചിന്റെ സ്നാക്ക്സ് വച്ച് അഡ്ജസ്റ്റ് ചെയ്തു. അതു കൊണ്ട് വൈകുന്നേരം രണ്ട് ചായ വീതം ആക്കി) ധർമ്മമലിംഗ മലയ്ക്ക് പോകാൻ ഉള്ള ബസ്സിൽ കയറി യാത്ര തുടങ്ങി… കോയമ്പത്തൂർ ഉക്കടം ബസ്സ്റ്റാന്റിൽ നിന്ന് പത്ത് രൂപ ടിക്കറ്റ് .ഇരുപത് മിനുട്ട് യാത്ര. അവിടെ എത്തിയപ്പോൾ സമയം 5:10 ആയി ആറു മണിക്ക് ശേഷം മലമുകളിലേക്ക് പ്രവേശനം ഇല്ല.

ധർമ്മലിംഗ മല കോയമ്പത്തൂർ പാലക്കാട് റൂട്ടിൽ പോകുമ്പോൾ കാണം മലയുടെ മുകളിൽ ‘ശിവ ശിവ’ എന്ന് തമിഴിൽ എഴുതിയിട്ട് ഉണ്ടാകും.ഏകദേശം 850 ഓളം പടികൾ കയറി വേണം മലമുകളിൽ എത്താൻ.ഒരു അര മണിക്കൂറിന് ഉള്ളിൽ മല മുകളിൽ എത്തി. മുകളിൽ ഒരു ചെറിയ അമ്പലം ഉണ്ട്. (തമിഴ് നാട്ടിൽ ഇങ്ങനെ ഉള്ള മിക്ക മലമുകളിലും അമ്പലങ്ങൾ ഉണ്ട്). വൈകുന്നേരം ആയതുകൊണ്ട് മലമുകളിൽ നല്ല കാറ്റുണ്ട്. കൈ വിരിച്ച് നിന്നാൽ പുറകിലേക്ക് വലിച്ച് കൊണ്ട് പോകും വിധം. മലയുടെ ഒരു ഭാഗത്ത് നിന്ന് നോക്കിയാൽ കോയമ്പത്തൂർ പാലക്കാട് ഹൈവേയും റെയിൽപാളവും എല്ലാം കാണാം.ഒരു നല്ല വ്യൂ കിട്ടി. വന്നത് വെറുതെ ആയില്ല എന്ന തോന്നൽ ഉണ്ടായി.

സമയം ആറ് കഴിഞ്ഞപ്പോൾ മുകളിൽ നിന്ന് പൂജാരി താഴെക്ക് എല്ലാവരെയും ഇറക്കാൻ തുടങ്ങി. ഞങ്ങൾക്കും തിരിച്ചിറങ്ങാം എന്ന തോന്നൽ വന്നു. പെട്ടെന്ന് ഉണ്ടായ മഴക്കാറ് തന്നെ കാരണം എന്തായാലും തിരിച്ച് താഴെ എത്തുന്നതിന് മുൻപ് തന്നെ മഴപെയ്ത് തുടങ്ങി. അന്നത്തെ ദിവസം മുഴുവൻ വെയിൽ കൊണ്ട് നടന്നത് കൊണ്ടാവാം ആ ചെറു മഴയിൽ അലിയാൻ ഞങ്ങൾക്ക് ഒട്ടും മടി ഉണ്ടായിരുന്നില്ല….

1 comment
Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post