യാത്രക്കാരെ പാമ്പിനെ കാണിച്ചു പേടിപ്പിച്ച് ഡൽഹിയിലെ പാമ്പാട്ടികളുടെ തട്ടിപ്പ്

Total
5
Shares

എഴുത്ത് – ജിതിൻ ജോഷി.

മണാലിയിലേക്കും ലേഹ് – ലഡാക് ഭാഗങ്ങളിലേക്കുമുള്ള ബസ് യാത്രികരുടെ എണ്ണം വർധിച്ചുവരുന്ന ഈ സാഹചര്യത്തിൽ എനിക്കുണ്ടായ ഈ അനുഭവം പങ്കുവയ്ക്കണം എന്ന് തോന്നി.

ജമ്മു – കാശ്മീരിൽ ജോലി ചെയ്യുന്ന സമയം. അന്നൊക്കെ മനസ് മടുത്തു എന്ന് തോന്നിയാൽ നേരെ ഒരു പോക്കാണ് മണാലിയിലേക്ക്. അവിടെ ഏതെങ്കിലും കാട്ടിലോ മലയിലോ രണ്ടു ദിവസം പുറംലോകവുമായി ബന്ധമില്ലാതെ ചിലവഴിച്ചു കഴിയുമ്പോളേക്കും മനസ്സൊക്കെ ഒന്ന് ശാന്തമായിട്ടുണ്ടാവും.

അന്ന് എന്തായാലും മണാലിയിൽ നിന്നും ഡൽഹി വരെ പോയി ബന്ധുക്കളെയും കൂട്ടുകാരെയുമെല്ലാം കണ്ടേക്കാം എന്ന് കരുതിയാണ് ഡൽഹിയിലേക്കുള്ള ഹരിയാന ട്രാൻസ്‌പോർട് ബസിൽ കയറിപ്പറ്റിയത്. യാത്രാക്ഷീണം കാരണം നന്നായി ഉറങ്ങി. ബസ് കാശ്മീരി ഗേറ്റിൽ എത്തി നിന്നപ്പോളാണ് കണ്ണ് തുറന്നത്.

സമയം ഏതാണ്ട് പുലർച്ചെ 3 മണി ആവുന്നു. സ്ഥലം നന്നായി അറിയാവുന്നതുകൊണ്ടും സ്റ്റാൻഡിലേക്ക് കയറുന്ന വഴിയിൽ അത്യാവശ്യം തിരക്കായതിനാലും ഞാൻ റോഡിന്റെ മറുവശത്ത് ഇറങ്ങി. സാധാരണ ടാക്സി ആവശ്യമുള്ളവർ ഇറങ്ങുന്നത് ഇവിടെയാണ്‌. കാരണം ഇവിടെ നിന്നാണ് എളുപ്പത്തിൽ ടാക്സി ലഭിക്കുക. ഇറങ്ങിയ സ്ഥലത്തുനിന്ന് കുറച്ചു ദൂരം പിന്നിലേക്ക് നടന്നാൽ ഓവർബ്രിഡ്ജ് ഉപയോഗിച്ച് നമുക്ക് റോഡ് മുറിച്ചു സ്റ്റാൻഡിലേക്ക് കയറാം. രാത്രി കാലങ്ങളിൽ അധികം ആരും ഉപയോഗിക്കാത്ത ഓവർബ്രിഡ്ജ് ആണത്..

ഞാൻ കുറച്ചു മാറിയുള്ള കടയിൽ നിന്ന് ചായയും സ്‌നാക്‌സും കഴിച്ചതിനുശേഷം ഒരു കുപ്പി വെള്ളവും വാങ്ങി ഓവർബ്രിഡ്ജ് ലക്ഷ്യമാക്കി നടന്നു. ഇടയ്ക്കുള്ള ചെറിയ ദൂരം ഒഴിച്ചാൽ ബാക്കി എല്ലായിടത്തും തെരുവ് വിളക്കുകൾ ഉണ്ട്. ബ്രിഡ്ജിലേക്ക് കയറുമ്പോൾത്തന്നെ കണ്ടു പടികളിൽ കിടന്നുറങ്ങുന്ന യാചകരെ. യാത്രക്കാർ കുറവായതുകൊണ്ടുതന്നെ അവരെല്ലാം സുഖനിദ്രയിലാണ്..

യാചകരോടൊപ്പം ഒരുപാട് കാഷായ വസ്ത്രധാരികളെയും ഞാൻ ആ പടവുകളിൽ കണ്ടു. പക്ഷെ ഡൽഹിയിൽ അത് ഒരു സാധാരണ കാഴ്ചയാണ്. ഹരിദ്വാർ, ഋഷികേശ് തീർഥാടനം ചെയ്യുന്നവർ ഇങ്ങനെ കൂട്ടമായി വിശ്രമിക്കാറുണ്ട്. അങ്ങനെ അവർക്കിടയിലൂടെ മെല്ലെ നടന്നുനീങ്ങുമ്പോൾ കൂട്ടത്തിൽ ഒരാൾ പെട്ടെന്ന് എഴുന്നേറ്റു. ഞാൻ ഒന്ന് പേടിച്ചെങ്കിലും വെളിച്ചമുള്ളതിനാലും സന്യാസി ആയതിനാലും കാര്യമാക്കിയില്ല..

“ഏക് മിനിറ്റ്.. രുകിയേ ഭായ്.. ഭഗവാൻ കേലിയെ കുച്ച് തോ ദേദോ..” നമ്മുടെ നാട്ടിലെ നേർച്ചയ്ക്ക് വരുന്ന ആളുകളെപ്പോലെ ആണെന്ന് കരുതി ഒരു 10 രൂപ ഞാൻ പഴ്സിൽ നിന്ന് എടുത്തു. പെട്ടെന്ന് അയാൾ അടുത്തേക്ക് ഒന്നുകൂടി നീങ്ങി. ഞാൻ അപ്പോളേക്കും പേഴ്സ് എടുത്തു പോക്കറ്റിൽ വച്ചിരുന്നു. ഇതുകണ്ടതും ആൾ എന്നോട് 10 രൂപ പോരാ വലിയ നോട്ട് വേണം എന്ന് പറഞ്ഞു. ഞാൻ ഇതുമതി വേറെയില്ല എന്ന് പറഞ്ഞു മുന്നോട്ട് നടന്നതും അയാൾ തന്റെ കയ്യിൽ തുണിയിട്ട് മറച്ചിരുന്ന പാമ്പിനെ പുറത്തേക്ക് എടുത്തു.

അക്ഷരാർത്ഥത്തിൽ ഞാൻ ഞെട്ടി. കാരണം കയ്യിൽ ഇരിക്കുന്നത് ഒന്നാംതരം മൂർഖൻ ആണ്. എന്നോട് അയാൾ വീണ്ടും പൈസ എടുക്കാൻ പറഞ്ഞു. ഞാൻ വിസമ്മതിച്ചപ്പോൾ ആ പാമ്പിനെ എന്റെ കയ്യിൽ മുട്ടിച്ചു. ഞാൻ ചുറ്റും നോക്കി. നല്ല വീതിയുള്ള 6 വരി പാതയുടെ ഏറെക്കുറെ മധ്യഭാഗത്താണ് ഞാൻ. ഒച്ച എടുത്താലും കേൾക്കുന്നത് ഈ യാചകരും കാഷായ വസ്ത്രക്കാരും മാത്രം.

പേഴ്സ് തുറക്കുക എന്നല്ലാതെ വേറെ വഴിയില്ലായിരുന്നു. 100 രൂപയുടെ നോട്ട് കൊടുത്തപ്പോൾ അത് പോരാ എന്ന് പറഞ്ഞു അയാൾ തന്നെ 500 ന്റെ നോട്ട് എടുത്തു. ഞാൻ ഇത്തിരി ബഹളം വച്ചപ്പോൾ നോട്ട് പാമ്പിനെ വച്ചു പൂജിച്ചിട്ട് തിരിച്ചു തരാം എന്ന് പറഞ്ഞു. ശേഷം ഇയാൾ ഈ നോട്ട് പാമ്പിന്റെ വായുടെ അടിഭാഗത്തേക്ക് ചേർത്ത് തിരുമ്മി. കുറച്ചു നേരം തിരുമ്മിയതിനു ശേഷം കൈ കാണിച്ചപ്പോൾ കയ്യിൽ നോട്ട് ഇല്ല..

ഞാൻ ബഹളം വച്ചു. ബഹളം കേട്ടതും താഴെ കിടന്നിരുന്ന എല്ലാ കാഷായക്കാരും എഴുന്നേറ്റ് എന്നെ വളഞ്ഞു. മിക്കവരുടെയും കയ്യിൽ പാമ്പുകൾ. ഞാൻ എന്റെ ക്യാഷ് തിരിച്ചു ചോദിച്ചപ്പോൾ അവർ പറയുന്നു പാമ്പിനോട് മേടിക്കാൻ പറ്റുമെങ്കിൽ മേടിച്ചോളാൻ. പിന്നെ അവരുടെ മട്ടും ഭാവവുമെല്ലാം മാറുന്നത് കണ്ടപ്പോൾ എത്രയും പെട്ടെന്ന് അവിടെ നിന്ന് രക്ഷപെടുന്നതാണ് നല്ലത് എന്ന് തോന്നി. ഇപ്പോൾ 500 മാത്രേ പോയിട്ടുള്ളൂ.. ഇനി നിന്നാൽ ചിലപ്പോൾ ജീവനും പോകും. പിന്നെ ഒന്നും നോക്കിയില്ല. ഒറ്റ ഓട്ടമായിരുന്നു..

സംഭവം എന്താണെന്ന് വച്ചാൽ അവർ പാമ്പാട്ടികളാണ്. കയ്യിൽ ഉള്ളത് വിഷമില്ലാത്ത (പല്ലും വിഷ ഗ്രന്ഥികളും നീക്കിയത്) മൂർഖൻ പാമ്പുകളും. ഒറ്റയ്ക്ക് ഈ സമയങ്ങളിൽ വരുന്ന യാത്രക്കാരാണ് ഇവരുടെ ലക്ഷ്യം. ഇത് ഡൽഹിയിൽ കാണുന്ന അനേകം തട്ടിപ്പുകളിൽ ഒന്ന് മാത്രം. സൂക്ഷിച്ചാൽ ദുഖിക്കേണ്ട.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post

1987 ലെ ഒരു ‘എസ്കേപ് റോഡ്’ സാഹസിക യാത്ര !!

വിവരണം – കെ.എം. കുര്യാക്കോസ്. 1987 ൽ ഒരു 1977 മോഡൽ അമ്പാസിഡർ കാറുമായി ടോപ് സ്റ്റേഷനിൽ നിന്നും എസ്കേപ് റോഡുവഴി കൊടൈക്കനാലിലേക്കു നടത്തിയ സാഹസിക യാത്ര. ഞങ്ങൾ കോതമംഗലം M.A. കോളജിലെ അഞ്ച് അദ്ധ്യാപകർ, കൊമേഴ്സിലെ ഐസക് കുര്യൻ (ഷാജി),…
View Post