കെഎസ്ആർടിസി ശബരിമല സ്പെഷ്യൽ സർവീസുകളുടെ സമയവിവരങ്ങൾ

Total
0
Shares

ശബരിമല സീസണിൽ കേരളത്തിന്റെ വിവിധയിടങ്ങളിൽ നിന്നും പമ്പയിലേക്ക് കെഎസ്ആർടിസി ധാരാളം സ്പെഷ്യൽ സർവ്വീസുകൾ നടത്താറുണ്ട്. അയ്യപ്പഭക്തർ ശബരിമല തീർത്ഥാടനത്തിനായി കെഎസ്ആർടിസിയുടെ ഈ സർവീസുകളെ ആശ്രയിക്കാറുമുണ്ട്. എറണാകുളം, കോട്ടയം, ചെങ്ങന്നൂർ, തിരുവനന്തപുരം, പത്തനംതിട്ട, കൊട്ടാരക്കര എന്നിവിടങ്ങളിൽ നിന്നും തീർത്ഥാടകരുടെ ആവശ്യത്തിനനുസരിച്ച് ബസ്സുകൾ ക്രമീകരിച്ചിട്ടുണ്ട്. മറ്റു പ്രധാനപ്പെട്ട സ്ഥലങ്ങളിൽ നിന്നുള്ള കെഎസ്ആർടിസി സ്പെഷ്യൽ സർവീസുകളുടെ സമയവിവരങ്ങൾ ഇനി പറയുന്നു.

ശാർക്കര ക്ഷേത്രം (ചിറയിൻകീഴ്) – പമ്പ : ആനയ്ക്ക് നെറ്റിപ്പട്ടം ചാർത്തിയ പോലുള്ള അഴകാണ് ശാർക്കര നിന്നും പമ്പയിലേക്കുള്ള കെഎസ്ആർടിസി ബസുകൾക്ക്. തീർഥാടക വൃന്ദം അത്രയേറെ മനസർപ്പിച്ചാണ് പമ്പയിലേക്കുള്ള ബസുകളിൽ അലങ്കാരം നടത്തുന്നത്. എല്ലാ ദിവസവും ശാർക്കര ക്ഷേത്രത്തിൽ നിന്നും രാത്രി എട്ടുമണിയോടെ പമ്പയിലേക്ക് ബസ് പുറപ്പെടുന്നതാണ്. ബസ്സിൽ യാത്ര ചെയ്യുവാനായി എത്തിച്ചേരുന്ന ഭക്തർക്ക് ലഘുഭക്ഷണങ്ങളും വിതരണം ചെയ്യാറുണ്ട്.

വർക്കല ക്ഷേത്രം – പമ്പ : തിരുവനന്തപുരം ജില്ലയിലെ വർക്കല ക്ഷേത്രത്തിൽ നിന്നും പമ്പയിലേക്ക് കെഎസ്ആർടിസി പ്രത്യേക സർവീസുകൾ ക്രമീകരിച്ചിട്ടുണ്ട്. വൈകുന്നേരം 7.45 നാണു ബസ് പുറപ്പെടുന്നത്.

പുനലൂർ – പമ്പ : ചെന്നൈ, മധുര ഭാഗത്തു നിന്നും പുനലൂർ റെയിൽവേ സ്റ്റേഷനിൽ വന്നിറങ്ങുന്ന അയ്യപ്പഭക്തരുടെ സൗകര്യാർത്ഥം പുനലൂരിൽ നിന്നും പമ്പയിലേക്ക് അധിക സർവീസുകൾ ഏർപ്പെടുത്തിയിരിക്കുന്നു. റയിൽവേ സ്റ്റേഷനിൽ എത്തിച്ചേരുന്ന അന്യസംസ്ഥാന തീർഥാടകർക്കും പുനലൂരിൽ നിന്നും ശബരിമല തീർഥാടനത്തിന് പോകുന്നവർക്കും ഈ സർവീസുകൾ ഉപയോഗപ്പെടുത്താവുന്നതാണ്. ഇതു കൂടാതെ തീർഥാടകരുടെ തിരക്ക് അനുസരിച്ച് ആവശ്യമായ ബസുകൾ ക്രമീകരിച്ച് അയക്കുവാനുള്ള നിർദ്ദേശവും ഉദ്യോഗസ്ഥർക്ക് നൽകിയിട്ടുണ്ട്.

ആലപ്പുഴ – പമ്പ : കിഴക്കിന്റെ വെനീസ് എന്നു കീർത്തികേട്ട ആലപ്പുഴയിൽ നിന്നും ശബരീശ സന്നിധാനത്തേക്ക് അധിക സർവീസുകളുമായി കെഎസ്ആർടിസി ഇത്തവണയും രംഗത്തുണ്ട്. എല്ലാ ദിവസവും ആലപ്പുഴ കെഎസ്ആർടിസി ബസ്സ് സ്റ്റാൻഡിൽ നിന്നും പമ്പയിലേക്ക് രാത്രി 09.00 മണിക്ക് പ്രത്യേക സർവീസ് നടത്തുന്നുണ്ട്. ഓൺലൈൻ ആയി ടിക്കറ്റുകൾ മുൻകൂട്ടി ഉറപ്പ് വരുത്താവുന്നതാണ്.

തൃശ്ശൂർ – പമ്പ : ശക്തൻ തമ്പുരാന്റെ നാട്ടിൽ നിന്നും കലിയുഗവരദന്റെ ദർശനം കുറഞ്ഞ ചിലവിൽ സാദ്ധ്യമാക്കാനായി കെ.എസ്.ആർ.ടി.സി കൂടെയുണ്ട്. തൃശൂർ സ്റ്റാൻഡിൽ നിന്നും തിരിക്കുന്ന ബസ് കോട്ടയം, പത്തനംതിട്ട വഴിയാണ് സർവീസ് നടത്തുക. എല്ലാ ദിവസവും രാത്രി 08.46 മണിക്ക് തൃശൂർ നിന്നും യാത്ര തിരിക്കുന്ന സർവീസ് രാവിലെ 04.30 മണിയോട് കൂടി പമ്പയിലെത്തിച്ചേരും വിധമാണ് ക്രമീകരിച്ചിരിക്കുന്നത്. ടിക്കറ്റുകൾ ഓൺലൈൻ വഴിയും ബുക്ക് ചെയ്യാവുന്നതാണ്.

ഗുരുവായൂർ – പമ്പ : ഒരൊറ്റ യാത്രയിൽ ‘അമ്പാടിക്കണ്ണനെയും കാനനവാസനെയും’ ദർശിക്കാം. രണ്ട് മഹാക്ഷേത്രങ്ങളിലേയും ദർശനപുണ്യം കുറഞ്ഞ ചിലവിൽ നേടാൻ കെഎസ്ആർടിസി അവസരമൊരുക്കുന്നു. ഗുരുവായൂർ നിന്നും രാത്രി 07.00 മണിക്ക് തിരിക്കുന്ന സൂപ്പർ ഫാസ്റ്റ് സർവീസ് രാവിലെ 04.45 മണിക്ക് പമ്പയിലെത്തിച്ചേരുന്നു. ടിക്കറ്റ് ചാർജ് 316/- രൂപയാണ്.

ഓച്ചിറ – പമ്പ : പന്ത്രണ്ട് വിളക്കിന്റെ നാട്ടിൽ (ഓച്ചിറ) നിന്നും പമ്പയിലേക്ക് എല്ലാ ദിവസവും സർവീസുകളുമായി കെഎസ്ആർടിസി. ഓച്ചിറയിൽ നിന്നും എല്ലാ ദിവസവും രാത്രി 08.30 ന് തിരിക്കുന്ന വിധത്തിലാണ് സർവീസ് ക്രമീകരിച്ചിരിക്കുന്നത്. കൂടുതൽ തീർത്ഥാടകർ എത്തുകയാണെങ്കിൽ അധിക സർവീസ് ക്രമീകരിക്കാനുള്ള സൗകര്യവും കായംകുളം യൂണിറ്റുമായി ബന്ധപ്പെട്ട് ഏർപ്പെടുത്തിയിട്ടുണ്ട്.

പെരിന്തൽമണ്ണ – പമ്പ : വെള്ളി, ശനി, ഞായർ എന്നീ ദിവസങ്ങളിൽ പെരിന്തൽമണ്ണയിൽ നിന്നും ശബരീ സവിധത്തിലേക്ക് സ്പെഷ്യൽ ഫാസ്റ്റ് പാസഞ്ചർ സർവീസ് ഉണ്ടായിരിക്കുന്നതാണ്. 18.30 ന് പെരിന്തൽമണ്ണ ഡിപ്പോയിൽ നിന്നും പുറപ്പെട്ട് തിരുമാന്ധാംകുന്ന് ക്ഷേത്രത്തിലെത്തി അവിടെ നിന്നും 18.50 ന് പുറപ്പെട്ട് കോട്ടയം, എരുമേലി വഴി പമ്പയിൽ എത്തിച്ചേരുന്ന വിധത്തിലാണ് സർവീസ് ക്രമീകരിച്ചിരിക്കുന്നത്. തിരികെ പമ്പയിൽ നിന്നും ഉച്ചക്ക് 12.45 മണിക്ക് പുറപ്പെട്ട് രാത്രി 22.50 മണിക്ക് തിരികെ പെരിന്തൽമണ്ണയിൽ എത്തിച്ചേരുന്നു.

മണ്ണാർക്കാട് – പമ്പ : പാലക്കാട് ജില്ലയിലെ മണ്ണാർക്കാട് നിന്നും നെയ്യഭിഷേകപ്രിയനെ ദർശിക്കാനാഗ്രഹിക്കുന്നവർക്ക് വെള്ളിയാഴ്ചകളിൽ പമ്പയിലേക്ക് നേരിട്ടുള്ള സർവീസുകളുമായി കെ.എസ്.ആർ.ടി.സി.എല്ലാ വെള്ളിയാഴ്ചകളിലും വൈകിട്ട് 06.00 മണിക്ക് മണ്ണാർക്കാട് നിന്നും തിരിക്കുന്ന സർവീസ് പിറ്റേന്ന് രാവിലെ 05.35 മണിക്ക് പമ്പയിലെത്തിച്ചേരുന്നു. പാലക്കാട്, തൃശൂർ, കോട്ടയം വഴി പമ്പയിലേക്ക് സർവീസ് നടത്തുന്ന ഫാസ്റ്റ് പാസഞ്ചർ ബസ്സിൽ ഒരാൾക്കുള്ള ടിക്കറ്റ് നിരക്ക് 399/- രൂപയാണ്. ടിക്കറ്റുകൾ ഓൺലൈനിലും ലഭ്യമാണ്.

നിലക്കൽ – പമ്പ റൂട്ടിൽ കെഎസ്ആർടിസി ചെയിൻ 24 മണിക്കൂറും ലഭ്യമാണ്. നോൺ എ.സി – 40, എ.സി – 75 എന്നിങ്ങനെയാണ് ഫെയർ. കഴിഞ്ഞ തവണത്തെ പോലെ ഇരു വശത്തേക്കും ടിക്കെറ്റ് ഒരുമിച്ചു എടുക്കേണ്ട ആവശ്യമില്ല.

ഇതിനെല്ലാം പുറമെ ശബരിമല തീർത്ഥാടകർക്കായി കെ.എസ്.ആർ.ടി.സിയുടെ ചാർട്ടേർഡ് സർവീസ് ലഭ്യമാണ്. 40 പേരിൽ കുറയാതെയുള്ള സംഘം ഒന്നിച്ച് സീറ്റുകൾ ബുക്ക് ചെയ്യുന്ന പക്ഷം അവരുടെ യാത്ര സുഗമമാക്കുന്നതിനായി കെ.എസ്.ആർ.ടി.സി യൂണിറ്റിൽ നിന്നും 10 കിലോമീറ്റർ ദൂരം വരെ ഭക്തർക്കായി സഞ്ചരിക്കുന്നതാണ്. അധികമായി സഞ്ചരിക്കേണ്ട ദൂരത്തിനായി ഒരു യാത്രക്കാരനിൽ നിന്നും വെറും 20 രൂപ മാത്രമാണ് ഈടാക്കുന്നത്. ശബരിമല ദർശനം കഴിഞ്ഞ് പമ്പയിൽ മടങ്ങി എത്തുമ്പോൾ ബുദ്ധിമുട്ട് കൂടാതെ തിരികെ നാട്ടിലേക്ക് പോകാനുള്ള സൗകര്യവും കെ.എസ്.ആർ.ടി.സി ഭക്തജനങ്ങൾക്കായി ഒരുക്കുന്നതാണ്.

കൂടുതൽ വിവരങ്ങൾക്കായി അടുത്തുള്ള കെഎസ്ആർടിസി യുണിറ്റുമായോ 24 മണിക്കൂറും പ്രവർത്തിക്കുന്ന കൺട്രോൾ റൂമുമായോ ബന്ധപ്പെടാവുന്നതാണ്. കെഎസ്ആർടിസി, കൺട്രോൾറൂം (24×7) മൊബൈൽ – 9447071021, ലാൻഡ്‌ലൈൻ – 0471-2463799. സ്വാമി ശരണം..

NB : മേൽപ്പറഞ്ഞ വിവരങ്ങൾ കെഎസ്ആർടിസിയുടെ ഒഫീഷ്യൽ ഫേസ്‌ബുക്ക് പേജിൽ നിന്നും ലഭിച്ചതാണ്. സമയവിവരങ്ങളിൽ എന്തെങ്കിലും മാറ്റങ്ങൾ ഉണ്ടോയെന്നു അതാതു ഡിപ്പോകളിൽ വിളിച്ച് അന്വേഷിച്ചതിനു ശേഷം മാത്രം യാത്ര പ്ലാൻ ചെയ്യുക.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post