പാലക്കാട്‌ വന്നാല്‍ നിങ്ങള്‍ ഉറപ്പായും സന്ദര്‍ശിക്കേണ്ട ഒരിടം…

Total
104
Shares

പാലക്കാട്‌ വന്നാല്‍ കാണാന്‍ എന്തോക്കെയാണുള്ളത്? മലമ്പുഴ, ഫാന്റസി പാര്‍ക്ക്, നെല്ലിയാമ്പതി.. കഴിഞ്ഞു. എന്നാല്‍ പുറമേ നിന്നുള്ളവര്‍ക്ക് അധികം അറിയാതെ പോയൊരു കിടിലന്‍ സ്ഥലമുണ്ട് ഇവിടെ. ഈ പേര് എല്ലാവര്ക്കും പരിചിതമായിരിക്കും. ‘ധോണി.’ ഇനി അധികം തലപുകയ്ക്കണ്ട. നമ്മുടെ ക്രിക്കറ്റിലെ ധോണിയും ഈ സ്ഥലവും തമ്മില്‍ ഒരു ബന്ധവുമില്ല കെട്ടോ.

പാലക്കാട്‌ നിന്നും ഏകദേശം 15 കി.മീ. ദൂരത്തായി ഒലവക്കോടിനു സമീപത്തുള്ള ഒരു മനോഹരമായ ഒരു മലയോരപ്രദേശമാണ് ധോണി. ഒരു വിനോദസഞ്ചാരകേന്ദ്രമായ ഇവിടുത്തെ പ്രധാന ആകർഷണങ്ങൾ ധോണി വെള്ളച്ചാട്ടവും ഫാംഹൗസുമാണ്. അധികം പ്രശസ്തമല്ലാത്ത എന്നാല്‍ കാണാന്‍ ഏറെ ഭംഗിയുള്ളൊരു വെള്ളച്ചാട്ടമാണിത്. മലമ്പുഴ കാണാൻ പോകുന്നവർക്ക് ഒന്നു സന്ദര്‍ശിക്കാന്‍ പറ്റിയ ഒരിടം കൂടിയാണ് ധോണി വെള്ളച്ചാട്ടം.

സംരക്ഷിത വനമേഖലക്കുള്ളിലാണ് ധോണി വെള്ളച്ചാട്ടം സ്ഥിതി ചെയ്യുന്നത്. അടിവാരത്ത് നിന്നും 3 കിലോമീറ്റർ മലകയറി വേണം വെള്ളച്ചാട്ടത്തിലെത്താൻ. സംരക്ഷിത വനമേഖലയായ ധോണി വനമേഖല ട്രക്കിങ്ങിനുപറ്റിയതുമാണ്‌. പാലക്കാട് നഗരത്തില്‍ നിന്ന് ഏറ്റവും അടുത്തുള്ള വെള്ളച്ചാട്ടമായ ധോണിയിലേക്ക് ഇപ്പോള്‍ എല്ലാം കേട്ടറിഞ്ഞു സഞ്ചാരികള്‍ വരുന്നുണ്ട്. നല്ല വഴുക്കുള്ള ഇവിടെ അപകടങ്ങളും പതിവാണ്. കുളിക്കാനും ഉല്ലസിക്കുവാനും വേണ്ടി ഇറങ്ങുന്നവര്‍ ജാഗ്രത പാലിച്ചില്ലെങ്കില്‍ അപകടം സുനിശ്ചിതമാണ്.

ധോണിയിലേക്ക് പ്രവേശിക്കുവാന്‍ ഫീസ്‌ നിര്‍ബന്ധമാണ്‌. ഒരാള്‍ക്ക് 100 രൂപയാണ് പ്രവേശന ഫീസ്‌. പൊതുവെ ഇത് കൂടുതലാണെന്ന് തോന്നുമെങ്കിലും ഉള്ളിലേക്ക് നടക്കുംതോറും ആ ധാരണ മാറി വരും. എൻട്രൻസ് ഗേറ്റിന്റെ അവിടെ വണ്ടി നിർത്തി കാടിന്റെ ഉള്ളിലേക്ക് ഒരു 4 കിലോമീറ്റർ നടന്നാലാണ് വെള്ളച്ചാട്ടത്തിലെത്തുക. വെള്ളച്ചാട്ടത്തിനടുത്തായി ഉപേക്ഷിക്കപ്പെട്ട ഒരു ബംഗ്ലാവുണ്ട്. ഈ പ്രദേശത്തുള്ള ഓറഞ്ച്, ഏലം കൃഷികളുടെ മേൽനോട്ടത്തിനായി 1850-കളിൽ ബ്രിട്ടീഷുകാർ നിർമിച്ചതാണീ ബംഗ്ലാവ്.

എടുത്തു പറയേണ്ട ഒരു പ്രധാന കാര്യമെന്തെന്ന് വെച്ചാൽ ഈ സ്ഥലം 100 ശതമാനം പ്ളാസ്റ്റിക് വിമുക്തമാണ്. ആയതിനാല്‍ സഞ്ചാരികള്‍ പ്ലാസ്റ്റിക് മാലിന്യങ്ങള്‍ അവിടെ നിക്ഷേപിക്കാതിരിക്കുക. അതോടൊപ്പംതന്നെ വന്യമൃഗങ്ങളുള്ള കാടായതിനാല്‍ എല്ലാവരും വഴിമാറി സഞ്ചരിക്കാതെ ശ്രദ്ധിക്കുക. വനപാലകരുടെ കണ്ണുവെട്ടിച്ച് കാട്ടിനുള്ളില്‍ കടക്കുക എന്നത് ചിലരുടെ വിനോദമാണ്‌. ആ വിനോദം ദയവുചെയ്ത് പുറത്തെടുക്കാതിരിക്കുക.

ധോണി സന്ദര്‍ശിക്കുവാന്‍ പറ്റിയ ഏറ്റവും നല്ല സമയം മഴക്കാലം കഴിഞ്ഞയുടനെയുള്ള സെപ്റ്റംബര്‍ – ഒക്ടോബര്‍ മാസങ്ങളാണ്. കാരണം അപ്പോള്‍ മാത്രമേ നിങ്ങള്‍ക്ക് വെള്ളച്ചാട്ടത്തിന്‍റെ മനോഹരമായ ഭാവങ്ങള്‍ ദര്‍ശിക്കുവാന്‍ സാധിക്കുകയുള്ളൂ. ധോണി സന്ദര്‍ശിക്കുവാന്‍ വരുന്നവര്‍ വെള്ളവും ഭക്ഷണവും ഒക്കെ കൂടെ കരുതുവാന്‍ ശ്രമിക്കുക. ഗ്രാമാപ്രദേശമായതിനാല്‍ കടകളും ഹോട്ടലുകളുമൊക്കെ കുറവായിരിക്കും.

സ്വന്തമായി വാഹനമില്ലെന്നു കരുതി വിഷമിക്കേണ്ട. പാലക്കാട്‌ നിന്നും ധോണിയിലേക്ക് പ്രൈവറ്റ് ബസ്സുകള്‍ സര്‍വ്വീസ് നടത്തുന്നുണ്ട്. അപ്പോള്‍ വേനലൊക്കെ കഴിഞ്ഞശേഷം നിങ്ങളുടെ സമയം നോക്കി ഒരു പാലക്കാട്‌ യാത്ര പ്ലാന്‍ ചെയ്യുക.. ഒപ്പം ധോണി വെള്ളച്ചാട്ടവും കൂടി സന്ദര്‍ശിക്കാം.

ചിത്രങ്ങള്‍ക്ക് കടപ്പാട് – Dr. O.K Azeez, Wikimapia.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

പഴനിയിൽ പോകുമ്പോൾ പറ്റിക്കപ്പെടാതിരിക്കുവാൻ ശ്രദ്ധിക്കേണ്ട കാര്യങ്ങൾ

ആദ്യമായി പഴനിയിലേക്ക് വരുന്നവര്‍ അറിഞ്ഞിരിക്കേണ്ട ചില കാര്യങ്ങള്‍….  പഴനിയെക്കുറിച്ച് കേള്‍ക്കാത്തവര്‍ ആരുമുണ്ടാകില്ല. ഒരിക്കലെങ്കിലും ഇവിടെ വന്നു ദര്‍ശനം നടത്തണം എന്ന് തോന്നിയിട്ടുണ്ടോ? കൂട്ടിനു മുന്‍പരിചയം ഉള്ളവര്‍ ഇല്ലയെന്ന കാരണത്താല്‍ നിങ്ങളുടെ പഴനിയാത്ര മുടങ്ങരുത്. അങ്ങനെയുള്ളവര്‍ക്കു വേണ്ടിയാണീ പോസ്റ്റ്‌. അതുപോലെതന്നെ ഇവിടെ ആദ്യമായി…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post