കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

Total
274
Shares
© Saji Mohan.

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ ഡ്രൈവിംഗ് ആസ്വദിക്കുന്നവർക്ക് വേണ്ടി കുറച്ച് മനോഹരമായ റൂട്ടുകൾ ഇവിടെ പറഞ്ഞു തരാം. മിക്കവർക്കും അറിയാവുന്ന റൂട്ടുകൾ ആണെങ്കിലും ഒന്നു പറഞ്ഞേക്കാം.

1. എറണാകുളം – മൂന്നാർ : റോഡ് ട്രിപ്പ് ആസ്വദിക്കുന്നവർക്ക് പറ്റിയ ബെസ്റ്റ് റൂട്ടാണ് എറണാകുളം – മൂന്നാർ റൂട്ട്. ഇടുക്കി – എറണാകുളം ജില്ലകളുടെ അതിർത്തിയായ നേര്യമംഗലം മുതൽ നിങ്ങൾക്ക് യാത്രയുടെ ആ രസം ലഭിച്ചു തുടങ്ങും. ഒപ്പം നിങ്ങളുടെ ഡ്രൈവിംഗ് പാടവം പുറത്തെടുക്കുകയും ചെയ്യാം. വെളുപ്പിന് സമയത്ത് ഇതുവഴി പോകുന്നതായിരിക്കും കുറച്ചു കൂടി ഉത്തമം. തിരക്കൊഴിഞ്ഞ പാതയും മഞ്ഞും കോടയും തണുപ്പും എല്ലാം കൂടിച്ചേർന്ന ആ ഒരു സമയം – ഹോ.. പോയിട്ടുള്ളവർക്ക് അറിയാം അതിൻ്റെ രസം.

ടൂവീലറിൽ യാത്ര പോകുന്നവർക്കായിരിക്കും ഈ റൂട്ട് കൂടുതൽ ഇഷ്ടപ്പെടുക. കാരണം ഇടയ്ക്ക് കാഴ്ചകൾ കാണുവാനും മറ്റും നിർത്തുവാൻ എളുപ്പം ടൂവീലർ തന്നെയാണ്. പിന്നെയൊരു കാര്യം ശ്രദ്ധിക്കേണ്ടത് എന്തെന്നാൽ സ്പീഡ് കുറച്ചു വേണം ഇത് വഴി പോകുവാൻ. കാരണം വല്ലപ്പോഴും വരുന്ന നിങ്ങൾക്ക് ഇവിടത്തെ റോഡിന്റെ അപ്പോഴത്തെ സ്വഭാവവും മാറ്റങ്ങളും ഒന്നും അറിയില്ലല്ലോ. അതുകൊണ്ട് വേഗത കുറച്ച് ആസ്വദിച്ചു പോകുക.

2. ചാലക്കുടി – വാൽപ്പാറ : മിക്ക സഞ്ചാരികളും പോയിട്ടുള്ള ഒരു റൂട്ട് ആയിരിക്കും ഇത്. കൂടുതൽ ആളുകളും അതിരപ്പിള്ളി വരെയെങ്കിലും പോയിട്ടുണ്ടാകും. നേര്യമംഗലം – മൂന്നാർ റൂട്ടിനെ അപേക്ഷിച്ച് ഈ റൂട്ട് അൽപ്പം റിസ്ക്ക് ഉള്ളതാണെന്ന് പറയാം. കാരണം ആന, പുലി മുതലായ വന്യമൃഗങ്ങൾ വിഹരിക്കുന്ന കൊടുംകാടാണ് വാഴച്ചാലിനും മലക്കപ്പാറയ്ക്കും ഇടയിലുള്ളത്. ചില സമയത്ത് പേരിനും പോലും മനുഷ്യരെ കാണുവാൻ സാധിക്കാത്ത ഈ റൂട്ടിലൂടെയുള്ള യാത്രയ്ക്ക് മുന്നോടിയായി വാഴച്ചാലിലെ ഫോറസ്റ്റ് ചെക്ക്‌പോസ്റ്റിൽ ചെക്ക് ഇൻ ചെയ്യേണ്ടതായുണ്ട്. നിങ്ങളുടെ കൈവശം മദ്യമോ സിഗരറ്റോ ലൈറ്ററോ കണ്ടാൽ അത് അവർ പിടിച്ചെടുക്കും.

അതുപോലെ തന്നെ നിങ്ങളുടെ കയ്യിൽ പ്ലാസ്റ്റിക്ക് ബോട്ടിൽ ഉണ്ടെങ്കിൽ അവയുടെ എണ്ണം അവിടെ രേഖപ്പെടുത്തി സ്ലിപ്പ് വാങ്ങണം. ഈ സ്ലിപ്പ് കാടിന് അപ്പുറമുള്ള മലക്കപ്പാറ ചെക്ക് പോസ്റ്റിൽ കാണിച്ചാൽ മാത്രമേ നിങ്ങളെ അവർ കടത്തി വിടുകയുള്ളൂ. അതിൽപ്പറഞ്ഞിരിക്കുന്ന എണ്ണം ബോട്ടിലുകൾ അവിടെ കാണിക്കുകയും വേണം. കാടിനുള്ളിൽ പ്ലാസ്റ്റിക് നിക്ഷേപിക്കുവാതിരിക്കുവാനാണ് ഈ വ്യത്യസ്തമായ ചെക്കിംഗ്.

ഈ റൂട്ടിലൂടെ യാത്ര ചെയ്യുവാൻ ആഗ്രഹിക്കുന്നവർ രാവിലെ തന്നെ വാഴച്ചാൽ ചെക്ക് പോസ്റ്റ് കടക്കുവാൻ ശ്രമിക്കുക. എങ്കിൽ നിങ്ങൾക്ക് സ്വസ്ഥമായി കാഴ്ചകൾ കണ്ടുകൊണ്ട് പോകുവാൻ സാധിക്കും. ടൂവീലർ യാത്രികർക്ക് ഇപ്പോൾ ഇവിടേക്ക് വിലക്ക് ഉണ്ടെന്നാണ് അറിയുവാൻ സാധിച്ചത്. പോകുന്നതിനു മുൻപ് കൃത്യമായി അറിഞ്ഞതിനു ശേഷം ബൈക്ക് ട്രിപ്പ് പ്ലാൻ ചെയ്യുക. കാറിൽ ആണെങ്കിൽ പോകാം.

3. തിരുവനന്തപുരം – പൊന്മുടി : തിരുവനന്തപുരം ജില്ലയിലെ തിരക്കുകളിൽ നിന്നും ഒഴിഞ്ഞുമാറി പൊന്മുടി മലയിലേക്ക് ഒരു യാത്ര പോകാം. വിതുരയ്ക്ക് ശേഷമായിരിക്കും നിങ്ങൾ റോഡിലെ തിരക്കുകളിൽ നിന്നും പൂർണ്ണമായി മോചിതരാകുക. പിന്നീട് അങ്ങോട്ട് പതിയെപ്പതിയെ പൊന്മുടിയുടെ കാഴ്ചകൾ പതിയെ തുടങ്ങുകയായി. നല്ല കിടിലൻ ഹെയർപിൻ വളവുകൾ ചുറ്റിവളഞ്ഞു വേണം മലമുകളിലെത്തിച്ചേരുവാൻ. ഈ ചുരം റൂട്ടാണ് ടൂവീലർ റൈഡേഴ്‌സ് ആഗ്രഹിക്കുന്നത്. കേരളത്തിലെ മറ്റു പ്രധാനപ്പെട്ട ഹിൽസ്റ്റേഷനുകളെ അപേക്ഷിച്ച് പൊതുവെ തിരക്ക് കുറവായിരിക്കും പൊന്മുടി റൂട്ടിൽ. കൊല്ലം, തിരുവനന്തപുരം ജില്ലകളിൽ ഉള്ളവർക്ക് ഒരു വൺ ഡേ ട്രിപ്പ് പോകുവാൻ പറ്റിയ റൂട്ടും കൂടിയാണിത്. കൂടുതലൊന്നും പറയുന്നില്ല, നിങ്ങൾ നേരിട്ടു ചെന്നാസ്വദിക്കുക.

4. താമരശ്ശേരി – വയനാട് : പേരു കേട്ടപ്പോൾത്തന്നെ സംഭവം മനസ്സിലായിക്കാണും അല്ലെ? അതെ, നമ്മുടെ താമരശ്ശേരി ചുരം തന്നെ. പുലർച്ചെ സമയത്ത് പതിയെ ഈ ചുരം ഒന്നു കയറി നോക്കണം. വാഹനങ്ങൾ ഉണ്ടാകുമെങ്കിലും കാഴ്ചകളും അനുഭവങ്ങളും മനോഹരമായിരിക്കും. നല്ലൊരു അടിപൊളി ട്രിപ്പ് ആയിരിക്കും ഈ ചുരം കയറിയാൽ നിങ്ങൾക്ക് ലഭിക്കുക.

വയനാട് ജില്ലയിൽ വണ്ടിയോടിച്ച് എവിടെപ്പോയാലും നിങ്ങൾക്ക് അത് കിടിലൻ റോഡ് ട്രിപ്പ് തന്നെയായിട്ടായിരിക്കും ഫീൽ ചെയ്യുക. ഇത്തരമൊരു അനുഭവം തരുന്ന മറ്റൊരു ജില്ല കേരളത്തിൽ വേറെ കാണില്ല. വെളുപ്പിന് വയനാടൻ ചുരം കയറി തണുപ്പും കോടയും കണ്ടുകൊണ്ട് ഒരു കട്ടൻ കാപ്പിയൊക്കെ ഊതിക്കുടിച്ച്.. വൗ… പറഞ്ഞു കൊതിപ്പിക്കുന്നില്ല. അനുഭവിക്കാത്തവർ നേരിട്ട് പോയി അനുഭവിച്ചോളൂ. അനുഭവിച്ചവർ ഓർമ്മകൾ പുതുക്കാൻ ഒരു ട്രിപ്പ് കൂടി പ്ലാൻ ചെയ്യുക.

5. മൂലമറ്റം – വാഗമൺ : ട്രിപ്പ് പോകുന്ന യുവതലമുറയും ലക്ഷണമൊത്ത സഞ്ചാരികളും ഒഴിച്ചുനിർത്തിയാൽ അധികം വിനോദസഞ്ചാരികളും പോയിട്ടില്ലാത്ത ഒരു റൂട്ടാണിത്. മിക്കവാറും ആളുകൾ പാലാ – ഈരാറ്റുപേട്ട വഴിയായിരിക്കും വാഗമണിലേക്ക് പോകുന്നത്. എന്നാൽ തൊടുപുഴയിൽ മിന്നും മൂലമറ്റം വഴിയുള്ള ആദ്യം പറഞ്ഞ വാഗമൺ റൂട്ട് അടിപൊളി തന്നെയാണ്. താരതമ്യേന വീതി കുറവാണെങ്കിലും ഇരുവശങ്ങളിലും കാണുന്ന കാഴ്ചകൾ നല്ല പൊളപ്പൻ ആയിരിക്കും. ടൂവീലറിൽ വരുന്നവർക്ക് ആയിരിക്കും കൂടുതൽ ആസ്വാദ്യകരമായി തോന്നുക. വെയിൽ കനക്കുന്നതിനു മുൻപായി ഈ റൂട്ട് കവർ ചെയ്യുവാൻ ശ്രമിക്കുക.

സമയപരിധിമൂലം ചെറിയൊരു ലിസ്റ്റ് മാത്രമേ ഇവിടെ പറഞ്ഞിട്ടുള്ളൂ. ഇതുപോലെ റോഡ് ട്രിപ്പുകൾക്ക് അനുയോജ്യമായ ധാരാളം മനോഹരമായ റൂട്ടുകൾ കേരളത്തിൽ അങ്ങിങ്ങോളമുണ്ട്. നിങ്ങൾക്ക് അറിയാവുന്നവ കമന്റായി രേഖപ്പെടുത്തുക. അടുത്ത ലേഖനങ്ങളിൽ അവ കൂടി ഉൾപ്പെടുത്താം. കവർ ചിത്രം – സജി മോഹൻ.

7 comments
  1. 5. മൂലമറ്റം – വാഗമൺ : Parithapakaramaaya road anu ippol. not sure well it will get corrected.

  2. അവസാനം പറഞ്ഞ മൂലമറ്റം-വാഗമൺ റൂട്ടിനേക്കാൾ മനോഹരം കാഞ്ഞാർ-വാഗമൺ ആണ്‌. ഈ വഴി യാത്ര ചെയ്യുന്ന ആൾക്കാരുടെ എണ്ണവും കുറവാണ്. ഈ വഴി യാത്ര ചെയ്യുമ്പോൾ അതിമനോഹരമായ കാഴ്ചകളും , വ്യൂ പോയിന്റ് കളും കാണാൻ സാധിക്കും

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിൽ ടൂറിസം ഉണരുന്നു; തുറന്ന ടൂറിസം സെന്ററുകൾ ഇവയാണ്

കോവിഡ് മഹാമാരിയെ തുടര്‍ന്ന് അടച്ചിട്ടിരുന്ന വനംവകുപ്പിന് കീഴിലുള്ള ഇക്കോ ടൂറിസം സെന്ററുകള്‍ കഴിഞ്ഞ ദിവസം മുതല്‍ സഞ്ചാരികള്‍ക്കായി തുറന്നു നല്‍കി. പരിഷ്‌കരിച്ച കോവിഡ് മാനദണ്ഡങ്ങള്‍ കര്‍ശനമായി പാലിച്ചുകൊണ്ടായിരിക്കും സെന്ററുകള്‍ പ്രവര്‍ത്തിക്കുക. ഇത്തരത്തിൽ തുറന്നിരിക്കുന്ന ടൂറിസം സെന്ററുകളുടെ വിവരങ്ങൾ ജില്ല തിരിച്ച് താഴെ…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post