ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

Total
1K
Shares

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്.

1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ് ടിപ്പു സുൽത്താൻ സമ്മർ പാലസ് സ്ഥിതി ചെയ്യുന്നത്. പൂർണ്ണമായും തേക്ക് കൊണ്ട് നിർമ്മിച്ചിരിക്കുന്ന ഈ കൊട്ടാരത്തിലായിരുന്നത്രെ ടിപ്പു സുൽത്താൻ തന്റെ വേനൽക്കാലം ചെലവഴിച്ചിരുന്നത്. നിലവിൽ ഇത് പുരാവസ്തു വകുപ്പിന്റെ കീഴിലാണ്. ആളുകൾക്ക് സ്വസ്ഥമായി അല്പസമയം ചെലവഴിക്കുവാൻ പറ്റിയ ഒരു സ്ഥലമാണ് ഇത്. 25 രൂപയാണ് ഇവിടെ പ്രവേശിക്കുന്നതിനായുള്ള ഫീസ്. സന്ദർശകർക്ക് ഫോട്ടോസ് എടുക്കുവാനും മറ്റുമുള്ള മനോഹരമായ ഒരു അന്തരീക്ഷമാണ് ഈ കൊട്ടാരപരിസരത്ത്.

2. ഗവണ്മെന്റ് മ്യൂസിയം, ബെംഗളൂരു : ബെംഗളൂരു സിറ്റിയിൽത്തന്നെ കബ്ബൺ പാർക്കിനു സമീപത്തായാണ്
ഗവണ്മെന്റ് മ്യൂസിയം സ്ഥിതി ചെയ്യുന്നത്. കർണാടകയെക്കുറിച്ചും ബെംഗളൂരുവിനെക്കുറിച്ചുമുള്ള എല്ലാ ചരിത്ര പ്രധാനമായ വിവരങ്ങളും നമുക്ക് ഈ മ്യൂസിയത്തിൽ കാണാം. പഠിക്കുന്ന കുട്ടികളുമായി വരുന്നവർക്ക് സന്ദർശിക്കുവാൻ പറ്റിയ ഒരു സ്ഥലം കൂടിയാണിത്. മുതിർന്നവർക്ക് 20 രൂപയും കുട്ടികൾക്ക് 10 രൂപയുമാണ് ഇവിടെ ടിക്കറ്റ് നിരക്ക്.

3. വിശ്വേശ്വരായ ഇൻഡസ്ട്രിയൽ & ടെക്‌നോളജി മ്യൂസിയം : ബെംഗളൂരുവിൽ ഏറ്റവും കൂടുതലാളുകൾ വരുന്ന സ്ഥലങ്ങളിൽ ഒന്നാണ് വിശ്വേശ്വരായ ഇൻഡസ്ട്രിയൽ & ടെക്‌നോളജി മ്യൂസിയം. മുൻപ് പറഞ്ഞ ഗവണ്മെന്റ് മ്യൂസിയത്തിനു തൊട്ടടുത്തായാണ് ഇതും സ്ഥിതി ചെയ്യുന്നത്. 50 രൂപയാണ് ഇവിടത്തെ പ്രവേശന ഫീസ്. ഇവിടെ സന്ദർശിക്കുന്നവർ 3 – 4 മണിക്കൂർ ചെലവഴിക്കുവാൻ തയ്യാറായി വരിക. ഇതിനുള്ളിൽ ധാരാളം വ്യത്യസ്തങ്ങളായ സംഭവങ്ങളാണ് തയ്യാറാക്കിയിരിക്കുന്നത്. കുടുംബവും കുട്ടികളായുമൊക്കെ എത്തുന്നവർക്ക് സന്ദർശിക്കുവാൻ പറ്റിയ ഒരു ബെസ്റ്റ് ഓപ്‌ഷനാണിത്.

4. കബ്ബൺ പാർക്ക് : വിശ്വേശ്വരായ ഇൻഡസ്ട്രിയൽ & ടെക്‌നോളജി മ്യൂസിയത്തിന്റെ തൊട്ടു പിന്നിലായാണ് കബ്ബൺ പാർക്ക് സ്ഥിതി ചെയ്യുന്നത്. ലാൽ ബാഗ് പോലെ തന്നെ ധാരാളം മരങ്ങളും പക്ഷികളുമൊക്കെയുള്ള വളരെ മനോഹരമായ ഒരു സ്ഥലമാണിത്. ചാമരാജ് നഗർ പാർക്ക് എന്നാണു ഈ പാർക്കിന്റെ ശരിക്കുള്ള പേര്. വൈകുന്നേര സമയങ്ങൾ ചെലവഴിക്കുവാൻ പറ്റിയ ഒരു സ്ഥലമാണിത്. കബ്ബൺ പാർക്കിലേക്കുള്ള പ്രവേശനം സൗജന്യമാണ്.

5. വിധാൻ സൗധ : നമ്മുടെ തിരുവനന്തപുരത്തെ നിയമസഭാ മന്ദിരം പോലെത്തന്നെ കർണാടകയുടെ നിയമസഭയാണ് വിധാൻ സൗധ. ബെംഗളൂരുവിൽ എത്തുന്നവർ ഇതിനു മുന്നിൽ നിന്നും ചിത്രങ്ങൾ എടുക്കുന്നത് പതിവ് കാഴ്ചയാണ്. നിയമസഭാ മന്ദിരം ആയതിനാൽ പുറമെ നിന്നുള്ളവർക്ക് അകത്തേക്ക് കയറുവാൻ സാധിക്കില്ല.

6. ലാൽ ബാഗ് : ബെംഗളൂരുവിലെ പ്രശസ്തമായ ഒരു ഗാർഡൻ ആണ് ലാൽബാഗ്. മൈസൂർ രാജാവായിരുന്ന 1760-ൽ ഹൈദർ അലി ആയിരുന്നു ഈ ഉദ്യാനത്തിന്റെ കെട്ടിടം പണി ആരംഭിച്ചത്, എങ്കിലും ഇത് പൂർത്തിയാക്കിയത് ടിപ്പു സുൽത്താൻ ആയിരുന്നു. 240 ഏക്കറുകളിലായി വ്യാപിച്ചു കിടക്കുന്ന ഈ ഉദ്യാനത്തിൽ ധാരാളം മരങ്ങളും പക്ഷികളുമൊക്കെയുണ്ട്. നിരവധി പുഷ്പോത്സവങ്ങൾ ഇവിടെ നടക്കാറുണ്ട്. പ്രത്യേകിച്ചും റിപ്പബ്ലിക്ക് ദിവസം (ജനുവരി 26) നടക്കുന്ന ഫ്ലവർഷോ പ്രശസ്തമാണ്.

7. ഫ്രീഡം പാർക്ക് : ബെംഗളൂരുവിലെ പഴയ സെൻട്രൽ ജയിലായിരുന്നു ഇത്. പലതരം പരിപാടികൾ ഇന്ന് ഇവിടെ നടക്കാറുണ്ട്. അതുപോലെതന്നെ പ്രതിഷേധ പ്രകടനങ്ങൾ നടത്തുന്നവർക്ക് ഇവിടെ വന്നു അത് ചെയ്യാം എന്നാണു സർക്കാർ പറഞ്ഞിരിക്കുന്നത്. അവധി ദിവസങ്ങളിൽ ഇവിടെ നല്ല തിരക്കായിരിക്കും.

8. ISKCON ടെമ്പിൾ : ബെംഗളൂരുവിലെ ക്ഷേത്രങ്ങളിൽ പ്രധാനപ്പെട്ടതാണ് ISKCON ടെമ്പിൾ. വീക്കെൻഡുകൾ ഒഴിവാക്കി ഇവിടെ സന്ദർശിക്കുന്നതായിരിക്കും നല്ലത്. കാരണം അവധി ദിവസങ്ങളിൽ ഇവിടെ നല്ല തിരക്കായിരിക്കും. അമ്പലത്തിൽ തൊഴുത് ഇറങ്ങി വരുമ്പോൾ ഒരു ഷോപ്പിംഗ് മാളിൽ നിന്നും വരുന്ന പ്രതീതിയായിരിക്കും. കൂടുതലൊന്നും പറയുന്നില്ല, അത് നിങ്ങൾ നേരിട്ട് ചെന്നു മനസ്സിലാക്കുക.

9. മൈസൂർ സാൻഡൽ സ്റ്റോർ : ISKCON ടെമ്പിളിന്റെ അടുത്തായി മൈസൂർ സാന്ഡല് ഉൽപ്പന്നങ്ങൾ നിർമ്മിക്കുന്ന ഒരു ഫാക്ടറിയുണ്ട്. അതിനടുത്തായി ഉൽപ്പന്നങ്ങൾ വിൽക്കുന്ന ഒരു ഷോപ്പും. വേണമെങ്കിൽ ഇവിടം കൂടി നിങ്ങൾക്ക് ഒന്ന് സന്ദർശിക്കുകയോ ആവശ്യമായവ വാങ്ങുകയോ ചെയ്യാം.

10. ജവഹർലാൽ നെഹ്‌റു പ്ളാനറ്റോറിയം : ബെംഗളൂരുവിൽ നമ്മൾ കണ്ടിരിക്കേണ്ട മറ്റൊരു സ്ഥലമാണ് ജവഹർലാൽ നെഹ്‌റു പ്ളാനറ്റോറിയം. വിധാൻ സൗധയുടെ അടുത്തയാണ് പ്ലാനറ്റോറിയം സ്ഥിതി ചെയ്യുന്നത്. കുട്ടികളുമായി വരുന്നവർക്ക് സന്ദർശിക്കുവാൻ പറ്റിയ ഒരു സ്ഥലം കൂടിയാണിത്. അവർക്കായി ഒരു സയൻസ് പാർക്കും ഇവിടെയുണ്ട്.

11. കൊമേഴ്ഷ്യൽ സ്ട്രീറ്റ് : ബെംഗളൂരുവിൽ ശിവാജി നഗറിന്റെയും എംജി റോഡിന്റെയും ഒക്കെ അടുത്തയാണ് കൊമേഴ്ഷ്യൽ സ്ട്രീറ്റ് സ്ഥിതി ചെയ്യുന്നത്. വളരെ കുറഞ്ഞ വിലയ്ക്ക് (വില പേശണം) സാധനങ്ങൾ ലഭിക്കുന്ന ബെംഗളൂരുവിലെ ഒരു ഇക്കോണമി ഹബ്ബ് ആണ് ഇത്.
കൊമേഴ്ഷ്യൽ സ്ട്രീറ്റിൽ ഇന്ത്യയുടെ വിവിധ ഭാഗങ്ങളിൽ നിന്നുള്ള കച്ചവടക്കാരെ കാണാവുന്നതാണ്. അവിടെ ലഭിക്കുന്ന എല്ലാ സാധനങ്ങളും ആദ്യം അവർ വില കൂടിയായിരിക്കും പറയുക. അവസാനം വില പേശി പേശി പകുതി തുകയ്ക്ക് വരെ ലഭിക്കും. കൊമേഴ്ഷ്യൽ സ്ട്രീറ്റിൽ വരുന്നവർക്ക് സാധനങ്ങൾ വാങ്ങുന്നതിനോടൊപ്പം കിടിലൻ ഫുഡ് കൂടി പരീക്ഷിക്കുവാനുള്ള സൗകര്യങ്ങളുണ്ട്. 

12. HAL ഹെറിറ്റേജ് സെന്റർ & എയ്‌റോസ്പേസ് മ്യൂസിയം : ബെംഗളൂരുവിലെ പഴയ എയർപോർട്ടിന് സമീപത്തായാണ് ഇത് സ്ഥിതി ചെയ്യുന്നത്. പണ്ട് ഉപയോഗിച്ചിരുന്ന വിമാനങ്ങൾ, അവയുടെ ഭാഗങ്ങൾ എന്നിവയും നമ്മുടെ എയർഫോഴ്‌സിനെ സംബന്ധിച്ചുള്ള മറ്റു വിവരങ്ങളും നമുക്ക് ഇവിടെ കാണുവാൻ സാധിക്കും. മുതിർന്നവർക്ക് 50 രൂപയും കുട്ടികൾക്ക് 30 രൂപയുമാണ് ഇവിടെ പ്രവേശിക്കുന്നതിനുള്ള ചാർജ്ജ്. ക്യാമറ ഉപയോഗിക്കുവാനായി പ്രത്യേകം ചാർജ്ജ് കൊടുക്കണം.

13. അയ്യർ ഇഡ്ഡലി : ബെംഗളൂരുവിലെ ഏറ്റവും പ്രശസ്തമായ ഒരു ഇഡ്‌ലിക്കടയാണ് ബസവ നഗറിലുള്ള അയ്യർ ഇഡ്‌ലിക്കട. രാവിലെ 6.30 മുതൽ 11 മണി (രാവിലെ) വരെയാണ് ഈ കട പ്രവർത്തിക്കുന്നത്. സാധാരണ ഇഡ്ഡലിയുടെ കൂടെ കിട്ടുന്ന സാമ്പാർ ഇവിടെയില്ല, ചട്ട്നി മാത്രമേയുള്ളൂ. പത്തു രൂപയാണ് ഇവിടെ ഒരു ഇഡ്ഡലിയ്ക്ക് ചാർജ്ജ് ഈടാക്കുന്നത്. ബെംഗളൂരുവിൽ വരുന്നവർ തീർച്ചയായും രുചിച്ചിരിക്കേണ്ട ഒന്നാണ് അയ്യർ ഇഡ്ഡലി.

14. മാവല്ലി ടിഫിൻ റൂംസ് : ബെംഗളൂരുവിലെ ലാൽ ബാഗിനു സമീപത്തുള്ള പ്രശസ്തമായ ഒരു വെജിറ്റേറിയൻ ഹോട്ടലാണിത്. കാണുമ്പോൾ വലിയ ലുക്ക് ഒന്നുമില്ലെങ്കിലും ഇവിടത്തെ ഭക്ഷണം അടിപൊളിയാണ്. അതുകൊണ്ടു തന്നെയാണ് ഇവിടെ എല്ലായ്‌പ്പോഴും ആളുകളുടെ തിരക്കേറുന്നതും.

15. ഗരം മത്ക : ബെംഗളൂരുവിൽ തന്തൂരിച്ചായ ലഭിക്കുന്ന പ്രശസ്തമായ ഒരിടമാണ് ‘ഗരം മത്ക’ എന്ന ന്യൂജെൻ ചായക്കട. ഇവിടെ ചായ മാത്രമല്ല കാപ്പിയും തന്തൂരി മോഡലിൽ ലഭിക്കും. ചെറിയ മൺപാത്രത്തിലാണ് ചായയും കാപ്പിയും ഒക്കെ കസ്റ്റമേഴ്‌സിന് സെർവ് ചെയ്യുന്നത്. തന്തൂരി ചായ, കാപ്പി എന്നൊക്കെ കേട്ടിട്ടു വലിയ ചാർജ്ജ് ഒക്കെയാണെന്നു വിചാരിക്കല്ലേ. ഒരു തന്തൂരി ചായയ്ക്ക് 30 രൂപയും തന്തൂരി കാപ്പിയ്ക്ക് 40 രൂപയുമാണ് റേറ്റ്. ബെംഗളൂരു സന്ദർശിക്കുന്നവർ ഉറപ്പായും ‘ഗരം മത്ക’ യിലെ തന്തൂരി ചായ കൂടി രുചിച്ചറിയുക. ഗരം മത്കയുടെ ലൊക്കേഷൻ – https://goo.gl/WREXke.

ഇതിൽ കൊടുത്തിരിക്കുന്നത് കൂടാതെ ബന്നാർഘട്ട നാഷണൽ പാർക്ക് ഉൾപ്പെടെ ധാരാളം സ്ഥലങ്ങൾ ഇനിയും ബാംഗ്ലൂരിൽ ഉണ്ട്. എന്നിരുന്നാലും ഒന്നോ രണ്ടോ ദിവസം കൊണ്ട് എളുപ്പത്തിൽ കണ്ടുതീർക്കാവുന്നതാണ് ഇതിൽ കാണുന്ന എല്ലാ സ്ഥലങ്ങളും. ഇതിൽ ഏതാണ് നിങ്ങൾക്ക് ഏറ്റവും ഇഷ്ടപ്പെട്ട സ്ഥലം?

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post

കാസർഗോഡ് ജില്ലയിൽ വന്നാൽ സന്ദർശിച്ചിരിക്കേണ്ട ചില സ്ഥലങ്ങൾ…

കേരളത്തിനുള്ളിൽ ആണെങ്കിലും വടക്കേയറ്റത്തു കിടക്കുന്നതിനാൽ മിക്കയാളുകളും കാസർഗോഡ് ജില്ലയിൽ പോയിട്ടുണ്ടാകാൻ വഴിയില്ല. പിന്നെ അത് വഴി പോകുന്നത് കൊല്ലൂർ – മൂകാംബികയിലേക്കുള്ള തീര്തഥയാത്രയ്ക്കിടെയാണ്. കാസർകോട്ടെ സംസാരഭാഷയായ മലയാളത്തിൽ കന്നഡ, കൊങ്കണി, തുളു എന്നീ ഭാഷകളുടെ സ്വാധീനം കാണാം. 1984 മെയ്‌ 24-നാണ്‌…
View Post

കെഎസ്ആർടിസിയുടെ മലക്കപ്പാറ ടൂർ പാക്കേജ് വമ്പൻ ഹിറ്റ് !!

കെ എസ് ആർ ടി സിയുടെ മലക്കപ്പാറ പാക്കേജ് സർവീസ് ഇന്ന് കേരളമാകെ ഹിറ്റ്! അവധി ദിനങ്ങളിൽ സഞ്ചാരികൾക്കായി ചാലക്കുടിയിൽ നിന്നും ഏർപ്പെടുത്തിയ പ്രത്യേക സർവ്വീസുകൾ സൂപ്പർ ഹിറ്റായതിനെ തുടർന്ന് യാത്രക്കാരുടെ ആവശ്യം പരിഗണിച്ച് മറ്റു ഡിപ്പോകളിലേയ്ക്കും വ്യാപിപ്പിക്കുകയായിരുന്നു. ആദ്യഘട്ടം എന്ന…
View Post

ഊട്ടിയിൽ പോകുന്നവർ കണ്ടിരിക്കേണ്ട ചില സ്ഥലങ്ങളെ പരിചയപ്പെടാം..

മലയാളികൾക്ക് പണ്ടുമുതലേ ടൂർ എന്നു വെച്ചാൽ ഊട്ടിയോ കൊടൈക്കനാലോ ഒക്കെയാണ്. എങ്കിലും കൊടൈക്കനാലിനെക്കാളും ഒരുപടി മുന്നിലാണ് ഊട്ടിയെ നമ്മൾ പ്രതിഷ്ഠിച്ചിരിക്കുന്നത്. കോളേജ് ടൂർ, ഫാമിലി ടൂർ, ഹണിമൂൺ എന്നുവേണ്ട മിക്കവരുടെയും ടൂർ ലൊക്കേഷൻ ഊട്ടിയായിരിക്കും. ഊട്ടിയിൽ ചിത്രീകരിച്ച മലയാള സിനിമകൾ ഒരു…
View Post