“ഡയൽ 101” – രോമാഞ്ചമുണർത്തും ഫയർഫോഴ്‌സ് ഗാനം

Total
1
Shares

കൊറോണ വൈറസ് ഡിസീസ് അഥവാ കോവിഡ്-19 എന്ന മഹാമാരി ലോകത്തെയാകെ ഭീതിയിലാഴ്ത്തി, നിശബ്ദമാക്കിയിട്ട് നാളുകളായി. നമ്മുടെ കൊച്ചു കേരളത്തിലും കൊറോണ വല വിരിച്ചെങ്കിലും വൈറസിനെ പടരാൻ അനുവദിക്കാതെ പിടിച്ചുകെട്ടിയത് നമ്മളെല്ലാം ഒന്നിച്ചു നിന്നുകൊണ്ടാണ്. പോലീസ്, ആരോഗ്യവകുപ്പ്, മെഡിക്കൽ ജീവനക്കാർ തുടങ്ങിയ എല്ലാ വിഭാഗങ്ങളും തോളോടുതോൾ ചേർന്നു പരിശ്രമിക്കുന്ന കാര്യങ്ങളും വാർത്തകളുമെല്ലാം സോഷ്യൽ മീഡിയകളിലൂടെ ധാരാളം ഷെയർ ചെയ്യപ്പെടാറുണ്ട്. ഇവരിൽ എടുത്തു പറയേണ്ട ഒരു വിഭാഗമാണ് കേരള ഫയർ ആൻഡ് റെസ്ക്യൂ ഫോഴ്സ്.

‘കോവിഡ്‌ തീ’യണയ്‌ക്കാൻ കർമനിരതരാണ്‌ കേരളത്തിലെ അഗ്‌നിരക്ഷാസേന‌. രോഗികൾക്ക്‌ ജീവൻരക്ഷാമരുന്ന്‌ എത്തിച്ചും, സാനിറ്റൈസറും പച്ചക്കറിവിത്തും നൽകിയും ലോക്ക്‌ഡൗൺ കാലത്ത്‌ ജനതയ്‌ക്കൊപ്പം താങ്ങായി നിലകൊള്ളുകയാണ് ഇവരും. പതിവ്‌ ജോലികൾക്കിടെയാണ്‌ കോവിഡ്‌ പ്രതിരോധവും. ലോക്ക്‌ഡൗൺ ഇളവുകൾ നിലവിൽ വന്നതോടെ ജോലി കൂടി‌. സർക്കാർ ഓഫീസും പൊതുഇടങ്ങളും ശുചീകരിക്കുന്ന തിരക്കാണിപ്പോൾ‌. സോഡിയം ഹൈപ്പോക്ലോറൈഡ്‌ ലായിനി തളിച്ചാണ്‌ അണുനശീകരണം.

ലോക്ഡൗൺ കാലത്ത് കേരള ഫയർ ആൻഡ് റെസ്ക്യൂ ഫോഴ്സ് 101 എന്ന ഒരു വിളിപ്പുറത്തുണ്ട്. തെരുവുകളിൽ അണുനശീകരണം നടത്താൻ, രോഗശയ്യയിലുള്ളവർക്കു മരുന്നെത്തിക്കാൻ, ഉൾപ്രദേശങ്ങളിൽ ഭക്ഷണമെത്തിക്കാൻ അങ്ങനങ്ങനെ… കേരളത്തിലെ ഫയർ ഫോഴ്‌സ് പ്രശംസനീയമായ സേവനമാണ് നടത്തുന്നതെന്ന് മുഖ്യമന്ത്രി പിണറായി വിജയൻ വാർത്ത സമ്മേളനത്തിൽ അഭിപ്രായപ്പെട്ടു.

ഈ കൊറോണക്കാലത്തെ ഫയർഫോഴ്‌സിന്റെ പ്രവർത്തനങ്ങളും, അവർ അനുഭവിക്കുന്ന കഷ്ടപ്പാടുകളുമെല്ലാം നമുക്കു മുന്നിലെത്തിക്കുകയാണ് ‘ഡയൽ 101’ എന്ന ഫയർഫോഴ്‌സ് സോംഗിലൂടെ. കേരള ഫയർ ഫോഴ്‌സിന്റെയും ഒരുകൂട്ടം കലാകാരന്മാരുടെയും ഒന്നിച്ചുള്ള പ്രയത്നത്തിന്റെ ഫലമായാണ്, കാണുന്ന ഏതൊരാളിലും രോമാഞ്ചവും അഭിമാനവും ഉണർത്തുന്ന ഈ ഗാനം തയ്യാറാക്കപ്പെട്ടിരിക്കുന്നത്.

സന്തോഷ് വർമ്മ രചിച്ച്, ശരത് ചന്ദ്രൻ സംഗീതം നൽകി, അനു ചന്ദ്രശേഖർ സംവിധാനം നിർവ്വഹിച്ചിരിക്കുന്ന ഈ ഗാനത്തിന്റെ പിന്നണിയിൽ പ്രവർത്തിച്ചിരിക്കുന്നവർ ഇവരാണ് : ഛായാഗ്രഹണം – അനിൽ വിജയ്, എഡിറ്റിങ് – സുനേഷ് സെബാസ്റ്റ്യൻ, ചീഫ് അസോസിയേറ്റ് ഡയറക്ടർ – അനൂപ് അഫ്‌സൽ, ഓടക്കുഴൽ – രാജേഷ് ചേർത്തല, ഗ്രാഫിക്സ് – ബിനോയ് സോമൻ, അസിസ്റ്റന്റ് ഡയറക്ടർ – പ്രശാന്ത് മുരളി, അസിസ്റ്റന്റ് ക്യാമറാമാൻ – റനീഷ് പാലോടൻ, സിയോൺ തോമസ്, സൗണ്ട് എഞ്ചിനീയർ – രതീഷ് വിജയൻ, ബിപിൻ അശോക് എന്നിവരാണ്.

ഫയർഫോഴ്‌സ് ജീവനക്കാരായ റോജോമോനും കൂട്ടരുമാണ് ഗാംഭീര്യം ഒട്ടും ചോരാതെ ഈ ഗാനം ആലപിച്ചിരിക്കുന്നത്. ഫയർഫോഴ്‌സ് ജീവനക്കാരൻ കൂടിയായ സുജിത്ത് പ്രധാന കഥാപാത്രമായി വന്നിരിക്കുന്ന ഈ ഗാനരംഗത്ത് ഫയർഫോഴ്‌സിലെ മറ്റ് ജീവനക്കാരും കൂടി അണിചേരുന്നുണ്ട്.

ഭീതിയും ഭയവും മാത്രമല്ല മനുഷ്യൻ പടുത്തുയർത്തുന്ന പ്രതിരോധത്തിന്റെ പാഠങ്ങളും വർത്തമാനകാലത്തിന്റെ നേർക്കാഴ്ചകളാണ്. അതിജീവനത്തിന്റെ, ആത്മവിശ്വാസത്തിന്റെ നാളുകൾ അരങ്ങിൽ ഉള്ളവരെല്ലാം അഗ്നിരക്ഷാ സേനാംഗങ്ങൾ ആണെന്നുള്ളത് അതിലും വലിയ ആത്മധൈര്യമാണ് നൽകുന്നത്. കെട്ടകാലത്ത് സ്വജീവനും കുടുംബവും മറന്ന് നമുക്ക് സുരക്ഷയൊരുക്കുന്ന അഗ്നിരക്ഷാസേനാംഗങ്ങളുടെ നാട്ടിലാണ് നാം ജീവിക്കുന്നത്. പിന്നെ നാം എന്തിന് ഭയപ്പെടണം, നമ്മൾ അതിജീവിക്കും… ഈ ദിവസങ്ങളേയും. ഏതു സഹായത്തിനും സേനയെ വിളിക്കാൻ ഹെൽപ്‌ലൈൻ നമ്പർ – 101.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post

1987 ലെ ഒരു ‘എസ്കേപ് റോഡ്’ സാഹസിക യാത്ര !!

വിവരണം – കെ.എം. കുര്യാക്കോസ്. 1987 ൽ ഒരു 1977 മോഡൽ അമ്പാസിഡർ കാറുമായി ടോപ് സ്റ്റേഷനിൽ നിന്നും എസ്കേപ് റോഡുവഴി കൊടൈക്കനാലിലേക്കു നടത്തിയ സാഹസിക യാത്ര. ഞങ്ങൾ കോതമംഗലം M.A. കോളജിലെ അഞ്ച് അദ്ധ്യാപകർ, കൊമേഴ്സിലെ ഐസക് കുര്യൻ (ഷാജി),…
View Post