ആംബുലൻസിനോട് മത്സരം വേണ്ടേ വേണ്ട; ഒരു ജീവനാണ്… വഴിമുടക്കരുത്….

Total
7
Shares
Image © Syril T Kurian.

വിവരണം – ജിതിൻ ജോഷി.

കഴിഞ്ഞ ദിവസം ഉണ്ടായ ഒരു അനുഭവമാണ്. പാലക്കാട് നിന്നും കോയമ്പത്തൂരിലേക്ക് അത്യാസന്നനിലയിലുള്ള ഒരു രോഗിയുമായി ഞങ്ങൾ ആംബുലൻസിൽ പൊയ്ക്കൊണ്ടിരുന്നു. രോഗിയുടെ അവസ്ഥ ഇത്തിരി ആശങ്കാജനകമായതിനാൽ മാറ്റുവാഹനങ്ങൾ ഒഴിഞ്ഞുതരുന്ന വഴിയിലൂടെ ശ്രദ്ധയോടെ ഡ്രൈവർ ആംബുലൻസ് ഓടിക്കുന്നു. കേരളം കഴിഞ്ഞതും പെട്ടെന്ന് ആംബുലൻസിനു മുന്നിൽ രണ്ടു ബൈക്കുകൾ പ്രത്യക്ഷപെട്ടു. സൈറൺ ഇട്ടു പാഞ്ഞുപോകുന്ന ആംബുലൻസിനു വഴിയൊരുക്കാനുള്ള ശ്രമത്തിലാണവർ..

അവർ പറയാതെ തന്നെ സൈറൺ കേട്ടു എല്ലാ വാഹനങ്ങളും വഴിമാറി തന്നുകൊണ്ടിരിക്കുന്നതിനിടയിലാണ് ഇവരുടെ ഈ മരണക്കളി. യാതൊരു സുരക്ഷ സംവിധാനങ്ങളും ഇല്ലാത്ത സാധാരണ ബൈക്കുകളിൽ ഹെൽമെറ്റ്‌ പോലും വയ്ക്കാതെയുള്ള അഭ്യാസം കണ്ടപ്പോൾ സത്യത്തിൽ പേടിച്ചുപോയി. മിക്കപ്പോഴും അപകടത്തിൽ നിന്നും തലനാരിഴയ്ക്കാണ് അവർ തെന്നിമാറുന്നത്. ഞങ്ങളെ സഹായിക്കാനാണ് അവർ ശ്രമിച്ചതെങ്കിലും അറിഞ്ഞോ അറിയാതെയോ അവർ ഞങ്ങളുടെ വഴി മുടക്കുകയാണ് ചെയ്തത്. കാരണം കയറിപ്പോകാൻ സ്ഥലം ഉണ്ടായിരുന്ന മിക്ക സ്ഥലങ്ങളിലും ഈ ബൈക്കുകൾ മുന്നിൽ ഉണ്ടായിരുന്നതിനാൽ ഞങ്ങൾക്ക് വേഗത്തിൽ പോകുവാൻ സാധിച്ചില്ല. മാത്രമല്ല, ഇത്തരത്തിൽ അപകടകരമായി ബൈക്ക് ഓടിക്കുന്നത് ചിലപ്പോൾ വലിയൊരു അപകടത്തിലേക്കാവാം നിങ്ങളെ കൊണ്ടുചെന്നെത്തിക്കുക..

ഓർക്കുക.. മറ്റു വാഹനങ്ങൾ നിങ്ങളുടെ ബൈക്ക് ആംബുലൻസായി കാണില്ല, പരിഗണിക്കില്ല.. റോഡിൽ നിങ്ങളുടെ വാഹനം ഒരു സാധാരണ ബൈക്ക് മാത്രം. മുന്നിലെ ഡ്രൈവർ അറിയാതെ ഒന്ന് വെട്ടിച്ചാൽ അവിടെ അവസാനിക്കും എല്ലാം. അതുകൊണ്ട് ദയവായി ഒരു ജീവനും നിരത്തിൽ നഷ്ടമാകാൻ നമ്മൾ ഇടവരുത്തരുത്.. ഓടിക്കൊണ്ടിരിക്കുന്ന ആംബുലൻസിന് വഴിയൊരുക്കാനായി മുൻപിൽ കുതിച്ചുപായരുത്. അത് അപകടമാണ്. നിങ്ങൾക്ക് മാത്രമല്ല, ആംബുലൻസിൽ കിടക്കുന്ന രോഗിക്കും..

നിങ്ങൾ ചെയ്യേണ്ടത് നിങ്ങളുടെ വാഹനം പരമാവധി ഒതുക്കി ആംബുലൻസിനു പോകാൻ വഴി കൊടുക്കുക എന്നത് മാത്രമാണ്. ബാക്കി കാര്യങ്ങൾ ആംബുലൻസ് ഡ്രൈവർ നോക്കിക്കൊള്ളും.. അതുപോലെതന്നെ മറ്റൊരു കാഴ്ചയാണ് ഓടിക്കൊണ്ടിരിക്കുന്ന ആംബുലൻസിന്റെ തൊട്ടുപിറകെ അതിവേഗത്തിൽ പിന്തുടരുന്നത്.. (കൂടുതലും ബൈക്കിൽ.. ). ആംബുലൻസ് കടന്നുപോകാനായി മറ്റുള്ളവർ വഴി മാറിത്തരുമ്പോൾ ആ വഴിയിലൂടെ അമിതവേഗത്തിൽ ആംബുലൻസിനെ പിന്തുടരുക എന്ന അത്യന്തം അപകടകരമായ പ്രവണത. ഇത്തരക്കാർ സത്യത്തിൽ അപകടം ക്ഷണിച്ചു വരുത്തുകയാണ്. രോഗിയുമായി പോകുന്ന ഒരു ആംബുലൻസ് ഏത് നിമിഷത്തിലും ബ്രേക്ക്‌ ഇട്ടേക്കാം. തൊട്ടുപിറകെയാണ് നിങ്ങൾ വരുന്നതെങ്കിൽ എന്തെങ്കിലും ചിന്തിക്കുന്നതിനു മുന്നേ തീർച്ചയായും നിങ്ങളുടെ വാഹനം ആംബുലൻസിൽ ഇടിച്ചിരിക്കും. അതുകൊണ്ട് ദയവായി ഇത്തരം കാര്യങ്ങൾ നിങ്ങൾ ചെയ്യാറുണ്ടെങ്കിൽ ശ്രദ്ധിക്കുക. തെറ്റാണ്..

ആംബുലൻസ്_കാണുമ്പോൾ_ശ്രദ്ധിക്കേണ്ടത് – ദൂരെ നിന്നും ആംബുലൻസ് സൈറൺ കേട്ടാലേ ഇത്തിരി ജാഗരൂഗരായിരിക്കുക. അടുത്തുവരുമ്പോൾ നോക്കാം എന്ന മനോഭാവം കാണിക്കരുത്. ആംബുലൻസ് നിങ്ങളുടെ വാഹനത്തെ പിന്നിൽ നിന്നും സമീപിച്ചാൽ വണ്ടി ഒതുക്കുന്നതിനു മുൻപ് മറക്കാതെ റിയർ വ്യൂ മിററിൽ (പിൻവശം കാണാനുള്ള കണ്ണാടി ) നോക്കി ഏത് സൈഡിലൂടെയാണ് ആംബുലൻസ് വരുന്നത് എന്ന് ശ്രദ്ധിക്കുക. ഏത് സൈഡിലൂടെയാണോ ആംബുലൻസ് വരുന്നത് അതിന്റെ എതിർവശത്തേക്ക് വാഹനം ഒതുക്കി ആംബുലൻസ് പോകാൻ വഴിയൊരുക്കുക. യാതൊരു കാരണവശാലും വേഗത കൂട്ടാൻ ശ്രമിക്കുകയോ, അങ്ങോട്ടും ഇങ്ങോട്ടും വെട്ടിക്കുകയോ ചെയ്യരുത്.

സൈറൺ ഇട്ടു വരുന്ന ആംബുലൻസിനു ഒരു പൈലറ്റ് വാഹനം ആവശ്യമില്ല. ഇത്തരത്തിൽ ആംബുലൻസിനു മുന്നിൽ അതിവേഗം വാഹനമോടിക്കുന്നത് അപകടം ക്ഷണിച്ചുവരുത്തും. നിങ്ങൾ ട്രാഫിക് സിഗ്നലിൽ കിടക്കുമ്പോൾ പിന്നിൽ ആംബുലൻസ് ബ്ലോക്കിൽ പെട്ടാൽ ഇരുവശത്തേക്കും നോക്കി സുരക്ഷിതമാണെങ്കിൽ നിങ്ങൾക്ക് മുന്നോട്ട് പോയി ആംബുലൻസിനു വഴിയൊരുക്കാം. നിങ്ങൾ ട്രാഫിക്കിൽ കിടക്കുമ്പോൾ മറ്റു റോഡിൽ നിന്നും ആംബുലൻസ് വരുന്നുണ്ടെങ്കിൽ ഒന്ന് ശ്രദ്ധിക്കുക.. ആംബുലൻസിനു വഴി ഒരുക്കാൻ മറ്റു വാഹനങ്ങൾ ഒരുപക്ഷെ സിഗ്നൽ ലംഘിച്ചേക്കാം.

യാതൊരു കാരണവശാലും ഓടുന്ന ആംബുലൻസിനു തൊട്ടുപിന്നാലെ വണ്ടിയുമായി പായരുത്. ആംബുലൻസ് പെട്ടെന്ന് ബ്രേക്ക്‌ ഇട്ടാൽ നിങ്ങളുടെ കുടുംബം അനാഥമാവാനുള്ള സാധ്യത ഏറെയാണ്. രാത്രിയിൽ നിങ്ങൾക്കെതിരെ ഒരു ആംബുലൻസ് വന്നാൽ തീർച്ചയായും ഹെഡ്ലൈറ്റ് ഡിം ചെയ്തു കൊടുക്കുക.ആംബുലൻസ് ഡ്രൈവർക്ക് യാതൊരു ബുദ്ധിമുട്ടും ഉണ്ടാവരുത്. ദയവായി ഇക്കാര്യങ്ങൾ മനസ്സിൽ സൂക്ഷിക്കുക, പ്രാവൃത്തികമാക്കുക. ഈ കുഞ്ഞുകുഞ്ഞു കാര്യങ്ങളിലൂടെ ഒരാളുടെ ജീവൻ രക്ഷിക്കുക എന്ന വലിയ കാര്യത്തിലാണ് നാം പങ്കുകാരാകുന്നത്..നാം_കാരണം_ഒരു_ജീവൻ_പോലും_പൊലിയാതിരിക്കട്ടെ..

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post