തളർച്ചയെ വെല്ലുവിളിച്ചുകൊണ്ട് വീൽ ചെയറിൽ നാടു ചുറ്റുന്ന നായ..

Total
14
Shares

മനുഷ്യനായാലും മൃഗങ്ങളായാലും ജീവിതത്തിൽ വീഴ്ചകൾ ഒരുപാട് ഉണ്ടായേക്കാം. ചിലപ്പോൾ ശരീരത്തിന്റെ ഒരു ഭാഗം തന്നെ തളർന്നു പോയേക്കാം. അതെല്ലാം വിധിയാണ്. എന്നാൽ വിധിയെ വെല്ലുവിളിച്ചുകൊണ്ട് തങ്ങളുടെ കുറവ് ഒരു കുറവേയല്ലെന്നു വിചാരിച്ചുകൊണ്ട് വീൽചെയറിൽ ഇരുന്നു വരെ നാടു ചുറ്റുന്ന ആളുകളെക്കുറിച്ച് നാം കുറേ കേട്ടിട്ടുള്ളതാണ്. എന്നാൽ ഇത്തരത്തിൽ നാടു ചുറ്റുന്നത് ഒരു വളർത്തുനായയാണെങ്കിലോ?

പറഞ്ഞു വരുന്നത് മെൽ എന്ന എട്ടുവയസുകാരൻ നായയുടെ കഥയാണ്. കഥ നടക്കുന്നത് അങ്ങ് അമേരിക്കയിലും. അമേരിക്കയിലെ പ്രശസ്തമായ ‘യോങ്കേഴ്‌സ് അനിമൽ ഷെൽട്ടർ’ സന്ദർശിക്കുന്നതിനിടെയാണ് ടോം ഡിൽവർത്ത് എന്ന മെല്ലിന്റെ ഇപ്പോഴത്തെ യജമാനൻ മെല്ലിനെ കണ്ടുമുട്ടുന്നത്. പിറ്റ്-ബുൾ വിഭാഗത്തിൽപ്പെട്ട നായയായ മെൽ, ടോമിനെ കണ്ടപ്പോൾ വളരെ പരിചിതമായ ഭാവത്തിലാണ് നിന്നിരുന്നത്. അങ്ങനെ ടോം മെല്ലിനെ ദത്തെടുക്കുകയായിരുന്നു. എന്നാൽ ദത്തെടുത്തതിനു ശേഷം മെല്ലിനു തൻ്റെ ശരീരം ബാലൻസ് ചെയ്യാനാവാതെ കാലുകൾ പകുതി തളർന്ന അവസ്ഥയിലേക്കെത്തി. ന്യൂറോളജിക്കൽ അസുഖങ്ങൾ മൂലം സംഭവിച്ചതായിരുന്നു ഈ ബാലൻസ് കുറവ്. വേദനയുണ്ടാക്കുന്ന അവസ്ഥയല്ലെങ്കിലും നടക്കുവാൻ പറ്റാത്ത വിധമായിരുന്നു മെല്ലിന്റെ അവസ്ഥ.

അവസാനം മെല്ലിനു വീട്ടുകാർ ഒരു സമ്മാനം നൽകി – വീൽചെയർ. നായ്ക്കൾക്കു വേണ്ടി പ്രത്യേകം നിർമ്മിച്ച വീൽ ചെയറിൽ ‘മെൽ’ കംഫർട്ട് ആയിരുന്നു. മറ്റുള്ള നായ്ക്കളെപ്പോലെ ഓടിവാനും നടക്കുവാനുമൊക്കെ വീൽചെയർ മൂലം മെല്ലിനു സാധിച്ചു. ഇതോടെ യജമാനനായ ടോം തൻ്റെ യാത്രകളിൽ മെല്ലിനെ കൂടെ കൂട്ടുവാൻ തുടങ്ങി. പ്രൊഫഷണൽ ഫോട്ടോഗ്രാഫറായ ടോമിന്റെ കൂടെ ഒരു വഴികാട്ടിയെന്നോണമാണ് വീൽചെയറിൽ മെല്ലിന്റെ പോക്ക്. മലമുകളിലും, ബീച്ചുകളിലും എന്നുവേണ്ട രാജ്യം മുഴുവനും മെൽ തൻ്റെ യജമാനനൊപ്പം സഞ്ചരിക്കുന്നു. വീട്ടിലെ എല്ലാവർക്കും മെൽ പ്രിയപ്പെട്ടവനാണ്. തങ്ങളുടെ കുടുംബത്തിലെ ഒരു അംഗത്തെപ്പോലെയാണ് അവർ മെല്ലിനെ കാണുന്നതും പരിചരിക്കുന്നതും.

യജമാനനായ ടോമിന്റെ ഇൻസ്റ്റാഗ്രാം പോസ്റ്റുകളിലൂടെയാണ് മെല്ലിന്റെ കഥ ലോകമെങ്ങും അറിഞ്ഞത്. മെല്ലിന്റെ ചിത്രങ്ങളും വീഡിയോകളും സോഷ്യൽ മീഡിയയിൽ വൈറലായി. വിവിധ മാധ്യമങ്ങൾ ഈ വാർത്ത പ്രസിദ്ധീകരിച്ചു. മെല്ലിനു ഇപ്പോൾ ലോകത്തെമ്പാടുമായി ധാരാളം ആരാധകരാണുള്ളത്. അനിമൽ ഷെൽട്ടറിൽ ജീവിച്ചു തീർക്കേണ്ട മെല്ലിനെ ഇത്തരത്തിൽ പോസിറ്റിവ് എനർജ്ജി കൊടുത്ത് പരിപാലിച്ച് ഇവിടംവരെ എത്തിച്ചതിൽ നാം യജമാനനായ ടോമിനെ അഭിനന്ദിച്ചേ മതിയാകൂ. മെല്ലിന്റെ കഥയിൽ നിന്നും ഒരു കാര്യം മനസ്സിലാക്കാം. മനുഷ്യനായാലും മൃഗങ്ങളായാലും തളർച്ചകളെ മറികടക്കുമ്പോഴാണ് ജീവിതം വിജയപൂർണ്ണമാകുന്നത്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post