ദുബായിൽ നിന്നും ഒമാനിലെ സലാലയിലേക്ക് എങ്ങനെ പോകാം?

Total
0
Shares

ഒമാനിലെ സലാലയെക്കുറിച്ച് കേൾക്കാത്ത സഞ്ചാരികൾ ആരുംതന്നെ കാണില്ല. ഒമാനിലെ രണ്ടാമത്തെ ഏറ്റവും വലിയ പട്ടണവും പരമ്പരാഗത ശക്തിദുർഗ്ഗവും സുൽത്താൻ ഖാബൂസ് ബിൻ സ‌ഈദിന്റെ ജന്മസ്ഥലവുമാണ്‌ സലാല. ഒമാന്റെ തലസ്ഥാന നഗരിയായ മസ്കറ്റിൽ താമസിക്കുന്നതിനേക്കാൾ സുൽതാൻ കൂടുതലായും സലാലയിലാണ്‌ താമസിക്കാറ്. എന്നാൽ സുൽതാൻ ഖാബൂസ് ഈ പ്രവണതയിൽ മാറ്റം വരുത്തി.

1970 ൽ അദ്ദേഹം ഭരണത്തിലേറിയതുമുതൽ മസ്കറ്റിലാണ്‌ ഖാബൂസ് താമസിക്കുന്നത്. എങ്കിലും പ്രാദേശിക നേതാക്കളേയും പ്രമുഖ വംശങ്ങളേയും സന്ദർശിക്കുന്നതിനായി അദ്ദേഹം ഇടക്കിടെ ഇവിടെ സന്ദർശിക്കാറുണ്ട്. മിക്കയാളുകളും ചോദിക്കുന്ന സംശയങ്ങളിൽ ഒന്നാണ് സലാലയിലേക്ക് എങ്ങനെ പോകാം? എന്തൊക്കെ കരുതണം? വിസ ലഭിക്കുവാനുള്ള കടമ്പകൾ എന്തൊക്കെ എന്നിങ്ങനെ. നിങ്ങളുടെ ഈ സംശയങ്ങൾക്ക് തൻ്റെ ഫേസ്ബുക്ക് പോസ്റ്റിലൂടെ മറുപടി നൽകുകയാണ് Aslam Kayyath എന്ന പ്രവാസി മലയാളി. വിശദവിവരങ്ങൾ താഴെ കൊടുക്കുന്നു.

ഒമാൻ സലാല വിശേഷം സുഹൃത്തുക്കളുമായി പങ്കുവെച്ചപ്പോൾ പലരും ചോദിച്ച ഒന്നാണ് അവിടെ പോവാനുള്ള കടമ്പകൾ എന്തൊക്കെയാണെന്ന്. യു.എ.ഇ യിൽ നിന്നും റോയൽ ഒമാൻ പോലീസ് നിർദ്ദേശിക്കുന്ന പ്രൊഫഷൻ ഉള്ളവർക്ക് (ലിസ്റ്റ് ഇതിന്റെ കൂടെ പോസ്റ്റിയിട്ടുണ്ട്) സ്പോൺസേർസ് ഇല്ലാതെ ഒമാനിലേക്ക് 28 ദിവസത്തേക്കുള്ള ഓൺ അറൈവൽ വിസ കിട്ടും…

വിസ ഓൺലൈൻ ( https://evisa.rop.gov.om ) ആയും , ചെക്ക് പോസ്റ്റിലെ എമിഗ്രേഷനിലും ലഭിക്കുന്നതാണ്. a) ഓൺലൈനായി ചെയ്യാൻ ഇവിടെ കൊടുത്ത ലിങ്കിൽ പോയി ലോഗ് ഇൻ ചെയ്തു വിസക്ക് അപ്ലൈ ചെയ്യാം. b) യു.എ.ഇ. ചെക്ക് പോസ്റ്റ് ബോർഡറിൽ നിന്നും 35 ദിർഹം കൊടുത്തു എക്സിറ്റ അടിച്ചു ഒമാൻ ചെക്ക് പോസ്റ്റിൽ നിന്നും നേരെത്തെ പറഞ്ഞ പ്രൊഫഷനുകൾ ഉള്ളവർക്ക് 50 ദിർഹം നൽകിയാൽ വിസ അടിച്ചു തരുന്നതാണ്. ആളുകളുടെ തിരക്കു അനുസരിച്ചു അവിടെ കാലതാമസം വ്യത്യസ്തപ്പെടും. ലിസ്റ്റിൽ ഉൾപ്പെട്ട പ്രൊഫഷനിൽ താങ്കൾ ഉൾപെട്ടിട്ടുണ്ടെന്നു ഉറപ്പു വെരുത്തുന്നത് ബോർഡറിൽ നിന്നും പ്രശ്നങ്ങൾ ഇല്ലാതെ വിസ അടിച്ചു കിട്ടാൻ ഉപകാരപെടും.

യു.എ.ഇ യിൽ നിന്നും ഒമാനിൽ പോവാൻ മുഖ്യമായും 3 ഓപ്ഷൻ ഉണ്ട്. താഴെ വിശദീകരികാം.

1. ഫ്ലൈറ്റ് : യു.എ.ഇ യിലെ വിവിധ എയർപോർട്ടിൽ നിന്നും മസ്‌കറ്റ, സലാലയിലേക്ക് വിവിധ കമ്പനികൾ ഡെയിലി സർവീസ് നടത്തുന്നുണ്ട്. ഒമാൻ എയർപോർട്ടുകളിൽ ഓൺ അറൈവൽ വിസ കിട്ടുമെങ്കിലും ഓൺലൈനിൽ വിസ എടുത്തു പോവുന്നതാവും മറ്റു തടസങ്ങൾ ഒഴിവാക്കാൻ നല്ലത്. സലാലയിൽ പോവാൻ ഉദ്ദേശിക്കുന്നവർ സലാലയിലേക്കുള്ള സർവീസ് ഉപയോഗിക്കുന്നതാരിക്കും ഉചിതം. കാരണം മസ്കറ്റിൽ നിന്നും 1000 കിലോമീറ്റർ ദൂരം സലാലയിലേക്ക് ഉണ്ട്.

2. ബസ് : ദുബൈയിൽ നിന്നും ഡെയിലി ജി.ടി.സി യുടെ ബസ് സലാലയിലേക്ക് സർവീസ് നടത്തുന്നുണ്ട് 100 ദിർഹംസാണ് ഒരു സൈഡിലേക്കുള്ള ചാർജ്. രണ്ടു സൈഡിലേക്ക് ഒന്നിച്ചെടുക്കണെങ്കിൽ 180 ദിർഹംസ് കൊടുത്താൽ മതിയാകും. 12 മണിക്കൂർ ആണ് സാധാരണ യാത്ര സമയം. വിസ കാര്യങ്ങൾ ചെയ്യാൻ രണ്ടു ബോർഡറിലും ബസ് നിർത്തി തരുന്നതാണ്. കോൺടാക്ട് : +971506420210.

3.കാർ : പേപ്പർസ് ക്ലീയറായിട്ടുള്ള കാർ എടുത്തു ‘അൽ ഐൻ മസ്യദ്’ ബോർഡറിലൂടെ ഒമാനിലേക്ക് പോവാം. കാർ രെജിസ്ട്രേഷൻ ഓടിക്കുന്ന ആളുടെ പേരിൽ നോ ഒബ്ജക്ഷൻ സർട്ടിഫിക്കറ്റ് ഉണ്ടായിരിക്കേണ്ടതാണ്. ഒമാൻ ബോർഡറിൽ നിന്നും പല പാക്കേജുകളായി വെഹിക്കിൾ ഇൻഷുറൻസ് ലഭ്യമാണ്. അത് യു.എ.ഇ ഒൺലി വെഹിക്കിൾ ഇൻഷുറൻസ് ഉള്ളവർ നിർബന്ധമായും എടുക്കണം. ഏറ്റവും കുറനതു ഒരു ആഴ്ചത്തേക്കു 90 ദിർഹംസാണ്.

ഒമാൻ റോഡിൽ യു.എ.ഇ പോലെ പെട്രോൾ പമ്പ് സുലഭമല്ലാത്തതു കൊണ്ട് കിട്ടുന്ന പമ്പിൽ നിന്നും ഫുൾ ടാങ്ക് അടിക്കുന്നത് യാത്ര തടസം ഉണ്ടാകുന്നത് ഒഴുവാക്കാം. ആവശ്യത്തിനുള്ള കുടിവെള്ളവും കഴിക്കാനുള്ള ലഘു ആഹാരങ്ങളും പഴവര്ഗങ്ങളും കരുതുന്നത് നല്ലതാണ്. നേരത്തെ നമ്മൾ പോവേണ്ട സ്ഥലങ്ങളും മറ്റും പ്ലാൻ ചെയ്തു പോവന്നെങ്കിൽ സമയം നഷ്ടമില്ലാതെ യാത്ര സുഖകരമാകാവുന്നതാണ്.

അറേബ്യൻ മണലാരണ്യത്തോട് വളരെയടുത്താണ്‌ സലാലയുടെ കിടപ്പെങ്കിലും വർഷത്തിൽ മിക്കപ്പോഴും സമശീതോഷ്ണ കാലാവസ്ഥയാണ്‌ ഇവിടെ. തെക്കുപടിഞാറൻ മൺസൂൺ കാലവസ്ഥയാണ്‌ സലാലയിൽ അനുഭവപ്പെടാറ്. ഈ കാലയളവ് (ജൂൺ ഒടുവ് തൊട്ട് സെപ്റ്റംബർ ആദ്യം വരെ) ഖരീഫ് സീസൺ എന്ന് അറിയപ്പെടുന്നു. മൺസൂൺ ആസ്വദിക്കുന്നതിനും മേഖലയിലെ മറ്റു ഭാഗങ്ങളിൽ അനുഭവപ്പെടുന്ന കൊടും ഉഷ്ണത്തിൽ നിന്ന് രക്ഷപ്പെടുന്നതിനുമായി പേർഷ്യൻ ഗൾഫ് രാജ്യങ്ങളിൽ നിന്നുള്ള ജനങ്ങൾ ധാരാളമായി ഈ കാലത്ത് ഇവിടെയെത്താറുണ്ട്. സലാല പട്ടണത്തിലെ ജനത്തിരക്ക് ഈ കലത്ത് ഇരട്ടിയാവാറുണ്ട്. ഖരീഫ് മേള പോലുള്ള വൈവിധ്യമാർന്ന പരിപാടികൾ ഈ കാലത്ത് സലാലയിൽ സംഘടിപ്പിക്കാറുണ്ട്.

ഏഷ്യൻ രാജ്യങ്ങളിൽ നിന്നുള്ള ധാരാളം പ്രവാസി സമൂഹങ്ങളുണ്ട് സലാലയിൽ. പ്രധാനമായും ഇന്ത്യ,ശ്രീലങ്ക,പാകിസ്താൻ,ബംഗ്ലാദേശ് എന്നിവിടങ്ങളിൽ നിന്നാണ്‌ അവ. മലയാളി പ്രവാസികളും ധാരാളാമായുണ്ട്. കേരളത്തോട് സമാനതയുള്ള കലാവസ്ഥയായതിനാൽ കേരളത്തിൽ വളരുന്ന മിക്ക ഫല വൃക്ഷങ്ങളും ഇവിടെയും വളരുന്നു. കേരളത്തിൽ നിന്നുള്ള റേഡിയോ പ്രക്ഷേപണങ്ങളും ഇവിടെ പലപ്പോഴും ലഭ്യമാവാറുണ്ട്. ലേഖകന്റെ യുട്യൂബ് ചാനൽ – https://bit.ly/2UujQ7s.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post