രാത്രിയിൽ വഴികാട്ടിയായ എറണാകുളത്തെ ഒരു ഓട്ടോ ചേച്ചി

Total
15
Shares

എഴുത്ത് – അരുൺ പുനലൂർ.

2018 ലെ ഒരു രാത്രി കൊച്ചി ടൌൺ ഹാളിൽ നിന്നിറങ്ങി സുഹൃത്തിന്റെ താമസ സ്ഥലത്തേക്ക് പോകാൻ ഓട്ടോ കാത്ത് കുറേ നേരം നിന്നു. പല വണ്ടികൾ വരുകയും പോവുകയും ചെയ്യുന്നു. എല്ലാത്തിലും ആളുണ്ട്. ഒടുവിലൊരു വണ്ടി വന്നു. അടുത്തെത്തിയപ്പോൾ അതൊരു ചേച്ചിയാണ് ഓടിക്കുന്നത്. ഒരൽപ്പം അത്ഭുതപ്പെട്ടു. ഈ സമയത്തും ഓട്ടോ ഓടിക്കാൻ ഒരു സ്ത്രീ തയ്യാറാകുന്നു!

എനിക്ക് പോകേണ്ട സ്ഥലം പറഞ്ഞപ്പോൾ ചേച്ചിയ്ക്ക് കൃത്യമായി അറിയില്ല. എനിക്കും വഴി അത്ര തിട്ടമില്ല. എങ്കിലും ചോദിച്ചു പോകാമെന്നു അവർ പറഞ്ഞപ്പോൾ ഞാൻ കേറി. കുറച്ചു അകത്തേക്കുള്ള വഴിയിൽ ചോദിക്കാനൊന്നും ആരെയും കാണുന്നില്ല. കടകളൊക്കെ എപ്പോഴേ അടച്ചു പോയിരിക്കുന്നു. വഴിയിൽ കണ്ട ഒന്നുരണ്ടു പേരോട് ചോദിച്ചപ്പോൾ ഈ സ്ഥലം അവർക്കും നല്ല പിടിയില്ല. എന്നാലും എനിക്കിറങ്ങേണ്ട സ്ഥലത്ത് കൊണ്ടെത്തിച്ചു.

ആ യാത്രയിൽ ഞാനാലോചിച്ചത് അവരെക്കുറിച്ചായിരുന്നു. രാത്രിയിൽ ഒരു വലിയ നഗരത്തിന്റെ ഇരുണ്ട മൂലകളിലേക്ക് വഴിയറിയാത്തിടങ്ങളിലേക്കു വണ്ടിയോടിക്കാൻ അവർ നിർബ്ബന്ധിതയാകുന്നത് എന്തുകൊണ്ടാകും. കുടുംബം നോക്കാനുള്ള തത്രപ്പാടിൽ ആകില്ലേ രാത്രിയോളം നീളുന്ന ഈ ഓട്ടം. എന്റെയുള്ളിൽ തികട്ടി വന്ന ഇങ്ങനെ ചില ചോദ്യങ്ങൾക്കു ഉത്തരം ചോദിച്ചറിയണമെന്നുണ്ടായിരുന്നു. പക്ഷെ വഴി കണ്ടുപിടിക്കാനുള്ള ടെന്ഷനിനിടയിൽ എന്റെയീ അസമയത്തുള്ള ചോദ്യങ്ങൾ അവരെ അലോസരപ്പെടുത്തിയേക്കുമോ എന്നു ഭയന്ന് ഞാനാ ചോദ്യങ്ങളെ ഉള്ളിൽ തന്നേ തളച്ചിട്ടു.

പകലും രാത്രിയുമെന്നോ പേടിക്കാതെയോ ഒരു സ്ത്രീ ഈ സമയത്ത് നേരിട്ടേക്കാവുന്ന അതിക്രമങ്ങളെ ഭയന്ന് വീട്ടിലിരിക്കാതെയോ ഒക്കെ ഇങ്ങനെ രാവന്തിയോളം കഷ്ടപ്പെട്ട് കുടുംബം പോറ്റാനിറങ്ങി തിരിക്കേണ്ടി വരുന്ന സാഹചര്യങ്ങളിൽ ജീവിക്കുന്ന ഒട്ടനേകം സഹോദരങ്ങളുടെ പ്രതിനിധിയാണവർ. ബഹുഭൂരിഭാഗവും സുരക്ഷിതത്ത്വത്തിന്റെ ചുമരുകൾക്കുള്ളിൽ ഉറക്കം പൂകുമ്പോൾ ഇരുട്ടിന്റെ ഭയപ്പെടുത്തുന്ന വഴികളിലേക്ക് ധൈര്യപൂർവ്വം ജീവിതം തേടി ഇറങ്ങിപ്പോകേണ്ടിവരുന്നവരിൽ ഒരാൾ.

വണ്ടി നിർത്തിയിറങ്ങി കാശു കൊടുത്തു നന്ദി പറഞ്ഞപ്പോൾ വെളിയിൽ നിന്നു പാളി വീഴുന്ന ഇറ്റു വെളിച്ചത്തിൽ അവരുടെ മുഖത്ത് വിരിഞ്ഞ ചെറു പുഞ്ചിരി ആശ്വാസം നൽകി. വണ്ടി തിരിച്ചു ചേച്ചി പോയി. കുറേ വണ്ടികൾക്ക് കൈ കാണിച്ചിട്ടും നിർത്താതെ പോയ ഈ മഴ പെയ്യുന്ന രാത്രിയിൽ എനിക്ക് മുന്നിലേക്ക് വണ്ടിയുമായെത്തി അറിയാത്ത
വഴികളികൂടെ ഇവിടെ വരെയെത്തിച്ചു മടങ്ങിപ്പോയ അവർ ആരെന്നോ എവിടുന്നു വരുന്നെന്നോ അറിയില്ല.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

വാഹനങ്ങൾക്ക് വിലക്കുള്ള ഏഷ്യയിലെ ഏക ഹിൽസ്റ്റേഷൻ

എഴുത്ത് – അബു വി.കെ. കാലാവന്തിൻ കോട്ടയും പ്രബൽഗഡ് കോട്ടയും രണ്ടുദിവസമെടുത്ത് നന്നായി ചുറ്റിയടിച്ച ശേഷം പ്രബിൽ മച്ചി ബെഴ്‌സ് ക്യാമ്പിൽ നിന്നും ഒരു ഓട്ടോ വിളിച്ചു ചൗകിലേക്ക് യാത്ര തിരിക്കുകയാണ്. കാശുണ്ടായിട്ട് യാത്ര ചെയ്യാൻ തുനിഞ്ഞിറങ്ങിയതല്ല. യാത്ര ഒരു വികാരമായത്…
View Post