പാവം ആനകൾക്കും പറയാനുണ്ട് നമ്മളോട് കുറെ കാര്യങ്ങൾ, പരാതികൾ, വിഷമങ്ങൾ…

Total
297
Shares

നമ്മൾ കാട്ടിലൂടെയുള്ള വഴികളി സഞ്ചരിക്കുമ്പോൾ ആനകളെ കാണാറുണ്ട്. കണ്ടാൽ എന്താണ് സാധാരണയായി ആളുകൾ ചെയ്യുക? ഉടൻ വണ്ടി നിർത്തി ഫോട്ടോയെടുക്കലും കൂക്കിവിളിയുമൊക്കെയായിരിക്കും. ഇതൊന്നും ചെയ്യാതെ മാന്യമായി പോകുന്നവരും ഉണ്ട്. എങ്കിലും കാട്ടുവഴികളിലൂടെ സഞ്ചരിക്കുന്നതിനിടയിൽ വന്യമൃഗങ്ങളെ പ്രകോപിപ്പിക്കുന്നവർ ധാരാളമാണ്. കാഴ്ചക്കാർക്ക് ഇതൊക്കെയൊരു രസമാണെങ്കിലും ആനകളുടെ ഭാഗത്തു നിന്നുകൊണ്ട് ആരെങ്കിലും ചിന്തിച്ചിട്ടുണ്ടോ? അവരുടെ വാസ സ്ഥലത്തു കടന്നുചെന്നു അവരെ പ്രകോപിപ്പിക്കുന്നതിലെ ഔചിത്യം ആരെങ്കിലും ഓർക്കാറുണ്ടോ?

മേൽപ്പറഞ്ഞവയ്ക്കെല്ലാം ഒരു കുട്ടിയാന നമുക്ക് ഉത്തരം നൽകിയാൽ എങ്ങനെയുണ്ടാകും? അത്തരത്തിൽ ഒരു കുറിപ്പ് എഴുതി ശ്രദ്ധേയയായിരിക്കുകയാണ് യാത്രാപ്രേമിയും പരിസ്ഥിതിസ്നേഹിയുമായ ലിജ സുനിൽ. ലിജയുടെ ആ കുറിപ്പ് നമുക്കൊന്നു വായിച്ചു നോക്കാം, മനസ്സിൽ ഗ്രഹിക്കാം…

“വയനാടൻ കാടുകളിൽ ജീവിക്കുന്ന ഒരു ആനകൂട്ടത്തിലെ കുട്ടിയാനയാണ് ഞാൻ. ഞാനും ഒരു സഞ്ചാരിയാണ്. നമ്മൾ തമ്മിൽ ഇടയ്ക് കണ്ടുമുട്ടാറുണ്ട്. നിങ്ങൾ സഞ്ചരിക്കുന്ന റോഡിനിരുപുറവുമാണ് ഞങ്ങളുടെ യാത്രാപദങ്ങൾ. നിങ്ങൾ പറയുന്ന പോലെ ആനത്താരകൾ. നമുക്കു രണ്ടു കൂട്ടർക്കും സഞ്ചരിച്ചേ മതിയാകൂ…

കാലാകാലങ്ങളായി പോയ വഴിയിലൂടെ ഞങ്ങൾ സഞ്ചരിച്ചുകൊണ്ടേയിരിക്കുന്നു. ഒരു വഴി ബ്ലോക്ക് ആയാൽ മറ്റൊരു വഴിയിലൂടെ ഉദ്ദേശിച്ച സ്ഥലത്തെത്താൻ ഞങ്ങൾക്കറിയില്ല. പോയ വഴിയിലൂടെ പിന്നെയും പോകേണ്ടിവരിക മാസങ്ങൾ കഴിഞ്ഞാവും. അപ്പോഴേക്കും വീടുകളും തോട്ടങ്ങളും ഒകെ യായി വഴി ഏതെന്നറിയാത്ത രീതിയിൽ ഞങ്ങളുടെ കാട് നഷ്ടപെട്ടിരിക്കും. ഞങ്ങൾക് പാരാതി പറയാൻ ആരുമില്ല. ചെറുതായി ഒന്നു പ്രെതികരിച്ചാൽ സംഘം ചേർന്ന് നിങ്ങൾ ഞങ്ങളെ തുരത്തുകയും ചെയ്യും.

എത്ര ക്ഷമയോടെ യോടെയാണ് ഞങ്ങൾ നിങ്ങൾക്ക് കടന്നു പോകാൻ വേണ്ടി റോഡോരം ചേർന്നു നിൽക്കുന്നത്. എന്നിട്ടും വലിയ ഹോണ് മുഴക്കി പേടിപ്പിക്കും. കുടിക്കാനിത്തിരി വെള്ളം തേടി അലയുമ്പോഴാവും ഫോട്ടോയെടുക്കാൻ നിങ്ങൾ മുന്നിൽ വരിക. അപ്പൊ ദേഷ്യം വരാതിരിക്കുമോ. ന്നാലും ചെറിയ വാണിംഗ് ഒകെ തന്നിട്ടല്ലേ ഞങ്ങൾ ആക്രമിക്കാൻ മുതിരാറുള്ളൂ. ഒരു നിശ്ചിത ദൂരത്തു നിന്നാൽ അക്രമിക്കാറും ഇല്ല.

കാഴ്ച കുറവാണ്. എന്നാലും ഘ്രാണശക്തി കൂടുതൽ ആണു കേട്ടോ. വളരെ വേഗത്തിൽ ഓടാനും കുന്നുകൾ നിരങ്ങിയിറങ്ങാനും ഞങ്ങൾക്കു കഴിയും. സസ്യാഹാരം മാത്രം കഴിക്കുന്ന ഞങ്ങൾക്ക് ഇത്തിരി ഭക്ഷണമൊന്നും പോര. വെള്ളവും 200 ലിറ്ററിൽ കൂടുതൽ വേണം. ജനിച്ചു ആഴ്ചകൾ മാത്രമായ എനിക്കു തന്നെ വേണം 11 ലിറ്ററോളം പാൽ. അതുകൊണ്ട് തന്നെ ഞങ്ങളുടെ യാത്രകൾ മിക്കപ്പോഴും ഭക്ഷണത്തിനു വേണ്ടിയാണ്. അതു തേടി പലപ്പോഴും ഞങ്ങൾ എത്തിച്ചേരുന്നത് നിങ്ങളുടെ വാസസ്ഥലത്തായിരിക്കും (ഞങ്ങളുടെ ആയിരുന്നു പണ്ട്. അത് വേറെ കാര്യം.). പടക്കം പൊട്ടിച്ചും പാട്ട കൊട്ടിയും മുൾവേലി കെട്ടിയും കിടങ്ങു താഴ്‌ത്തിയും ദേഹത്തേയ്ക്ക് തീ എറിഞ്ഞും വരെ നിങ്ങൾ ഞങ്ങളെ അകറ്റാൻ നോക്കുന്നു.

നിങ്ങളുടെ നാട്ടിലെ (ഞങ്ങളോടൊപ്പം നടന്നവർ) ആനകൾക് 80 വയസ്സ് ഓളം ആയുസ്സ് ഉള്ളപ്പോൾ ഞങ്ങൾക് 60 വയസ്സ് വരെയൊക്കെയാണ് ജീവിക്കാൻ ആവുക. കൊമ്പുകൾ ഉണ്ടെങ്കിൽ ആയുസ്സിന്റെ നീളം പിന്നെയും കുറയും.

22 മാസമാണ് ഞാൻ അമ്മയുടെ വയറിനുള്ളിൽ ഉറങ്ങികിടന്നത്. ഈ കാട്ടിൽ പിറന്ന് വീണു, കുറച്ചു ദിവസങ്ങൾക്കുള്ളിൽ തന്നെ യാത്രയും തുടങ്ങി. എന്റെ വലിയ കുടുംബത്തോടൊപ്പം. മനുഷ്യരെ പോലെ തന്നെ കുടുംബമായി കൂട്ടത്തോടെ ജീവിക്കാനാണ് ഞങ്ങൾക്കും ഇഷ്ടം. പലപ്പോഴായി കുടുംബാഗങ്ങളെ ഞങ്ങൾക്ക് നഷ്ടപ്പെടുന്നു. അതിൽ പലതും നിങ്ങൾ കാരണം ആണെന്ന് പറയുന്നതിൽ വിഷമം ഉണ്ട്.

കഴിഞ്ഞ ദിവസം ചരക്കുവണ്ടി ഇടിച്ചു ഒരാളെ നഷ്ടപെട്ടു. കുറച്ചു ശ്രെദ്ധ ചെലുത്തി ഓടിച്ചിരുന്നു വെങ്കിൽ അവനെ ഞങ്ങൾക്കു നഷ്ടപെടില്ലായിരുന്നു. പൊതുവെ കാട്ടിൽ കൊമ്പനാനകൾ പിടിയാനകളെ അപേക്ഷിച്ചു കുറവാണ്. 60 ആനകളെ എടുത്താൽ അതിൽ ഒന്നാണ് കൊമ്പനായി ഉണ്ടാവുക. സഹജീവികളിൽ പലരെയും ഞങ്ങൾക് ഇതുപോലെ നഷ്ടമാവുന്നുണ്ട്. സഞ്ചാരികള്‍ എന്ന നിലക്ക് ഇത്തരം കാര്യങ്ങളില്‍ കുറെ കൂടെ ജാഗ്രത പാലിച്ചുകൂടെ??”

Photo – Respected Photographers.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post